ZEKHARIA 6
6
Khurkulu bidi Kungunhetsu
1Ino kungunhetsu kutau lakhi ithulu. Hipau tuqhuloye khurkulu bidi alazayi naghuto kini dolono ipecheghi keu ino ithulu. 2Khurkulu atughiuye khurshi huchuyi keuno sunheche, akiniuye khurshi tsubuyikeuno sunheche, 3akuthuuye khurshi akimiyeno sunheche eno abidiuye khurshi hughayi keuno sunheche. 4Tileno ino kungumi vilo iniju, “Akijeu, khurkulu hipaqo kiqiye kiu kya?”
5Pano khochile, “Hipaqoye amlhu bidike; panonguye ayeghiqha kumtsu shou AMPEU zulono ighi anike.”
6Khurshi tsubuyi keuno sunheche keu yeghikiluye ahuu Babilon lo wucheke, khurshi akimiye yeghikiluno kulolau wu cheke, khurshi hughayikeu yeghikiluye apeu ayeghi ake kudau wu cheke. 7Hughayikeu khurshi khalau ipeghive keulo panonguye wunike khelhokutu ake tiye ayeghiqha xujuwuniyeke. Kungumi no ishi pi, “Wulo eno ayeghiqha xujulo!” Ikelo panonguno tishike. 8Tileno kungumi huno ighamuku ivilo pi, “Khurshi ahuu Babilon kudau wukeu hino AMPEU xukighide vekumtshave tsuae.”
Akuka Kutsuqho Joshua pipe
9AMPEU no atsape hipau tsu. 10Pano pi, “Hapiye pighivekemi Heldayi, Tobija eno Jedaiya noqono tsukeu gho lupuzu Zefania nu Josiya kilo itehino mtazu wulo. Timi hipaqoye Babilon lo pighiwuve keu lono ideghiveake. 11Panonguno tsukeu tsandiyi ngo shunayi pesu akuka kutsuqho lakhi mlalo eno Jehozadak nu Joshua, Achinetou kutsu qhopipelo. 12Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani. 13Tipau shiqhe pukunikeu timi huye pake eno agigihu kukami lakhi tsukuzupu pano ithulu nani eno pano pawu timi shou ayehpe nani. Achinemi lakhi pa kuka lakhu phivilo puthugho nani eno panonguno alakishi eno kuloni kughuvuyi keu lono kumtsa mla nani.’ 14Akutsukuqhoye AMPEU Achine kilo Heldayi, Tobija, Jedaiya eno Josiya jelono kumsumamla keu lakhishi ache nani.”
15Timi putosuu xuachekemi ighi nani eno AMPEU chineki shikithe puku nike kuphu nani. Kughou tipau shikithe pukuveni keno Aqokitikhi MPEU no nongu lau ipuwu kepi nonguno ithi nani. Nonguno AMPEU nongu Lhou no azah tsukeu qhoyi papelu aye hipau kumtsu shi nani.
Currently Selected:
ZEKHARIA 6: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
ZEKHARIA 6
6
Khurkulu bidi Kungunhetsu
1Ino kungunhetsu kutau lakhi ithulu. Hipau tuqhuloye khurkulu bidi alazayi naghuto kini dolono ipecheghi keu ino ithulu. 2Khurkulu atughiuye khurshi huchuyi keuno sunheche, akiniuye khurshi tsubuyikeuno sunheche, 3akuthuuye khurshi akimiyeno sunheche eno abidiuye khurshi hughayi keuno sunheche. 4Tileno ino kungumi vilo iniju, “Akijeu, khurkulu hipaqo kiqiye kiu kya?”
5Pano khochile, “Hipaqoye amlhu bidike; panonguye ayeghiqha kumtsu shou AMPEU zulono ighi anike.”
6Khurshi tsubuyi keuno sunheche keu yeghikiluye ahuu Babilon lo wucheke, khurshi akimiye yeghikiluno kulolau wu cheke, khurshi hughayikeu yeghikiluye apeu ayeghi ake kudau wu cheke. 7Hughayikeu khurshi khalau ipeghive keulo panonguye wunike khelhokutu ake tiye ayeghiqha xujuwuniyeke. Kungumi no ishi pi, “Wulo eno ayeghiqha xujulo!” Ikelo panonguno tishike. 8Tileno kungumi huno ighamuku ivilo pi, “Khurshi ahuu Babilon kudau wukeu hino AMPEU xukighide vekumtshave tsuae.”
Akuka Kutsuqho Joshua pipe
9AMPEU no atsape hipau tsu. 10Pano pi, “Hapiye pighivekemi Heldayi, Tobija eno Jedaiya noqono tsukeu gho lupuzu Zefania nu Josiya kilo itehino mtazu wulo. Timi hipaqoye Babilon lo pighiwuve keu lono ideghiveake. 11Panonguno tsukeu tsandiyi ngo shunayi pesu akuka kutsuqho lakhi mlalo eno Jehozadak nu Joshua, Achinetou kutsu qhopipelo. 12Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani. 13Tipau shiqhe pukunikeu timi huye pake eno agigihu kukami lakhi tsukuzupu pano ithulu nani eno pano pawu timi shou ayehpe nani. Achinemi lakhi pa kuka lakhu phivilo puthugho nani eno panonguno alakishi eno kuloni kughuvuyi keu lono kumtsa mla nani.’ 14Akutsukuqhoye AMPEU Achine kilo Heldayi, Tobija, Jedaiya eno Josiya jelono kumsumamla keu lakhishi ache nani.”
15Timi putosuu xuachekemi ighi nani eno AMPEU chineki shikithe puku nike kuphu nani. Kughou tipau shikithe pukuveni keno Aqokitikhi MPEU no nongu lau ipuwu kepi nonguno ithi nani. Nonguno AMPEU nongu Lhou no azah tsukeu qhoyi papelu aye hipau kumtsu shi nani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.