ZEKHARIA 2
2
Mighikepu Kighi Kungunhetsu
1Kungunhetsu kutau lakhilo, timi lakhino mighikepu kighi pa ulo pe akeu ino ithulu. 2“Noye khilau wucheni kya?” ipi ino iniju.
“Jerusalem mighijuniyeke, tiye akushulau khitohi eno akije lau khipahi keno juniyeke,” ipi pano khochile.
3Tileno iputsa akeu kungumi huno azuu pukawuvekeu ino ithulu eno kungumi kutau lakhi ighi puzu pa sasu kusholu. 4Kungumi atughiuno lakhiu vilo ishi pi, “Posu wuno lhothemi lakhi mighikepu kighi pe akeu vilo ishi pilo: Jerusalem lo timi ngo pichepighi shishe kumzapu shini chenike tipau phughiye aliwo putuve nike loye luzulave nani. 5AMPEU ampino piqhive keuno aphughi tipau sushope ngo nike pa ampino ami liwo kuptu lakhi shini cheni eno pa kimthe jukuvu lono tilehi pano ngonikeu shiani.”
Halepuwuvekeqo Kuchile
6-7AMPEU no pawu timiqo vilo pi, “Ino aqha kumtsulo nongu hapiye pighive, ikemu itehiye nongu piyighivekeqo, Babilon lono pokawuvelo eno Jerusalem lo ideghivelo. 8Khukhumu nongu hekeuye ino kiukela akughupushi achekeu he anike.”
Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke: 9“AMPEU ampino nongu sasu aghushi nani eno ghuthu lakhilo nongu qemi shichekemi timiqono nongu xulepuwuve nani.”
Kughono hipau shikupuni keno timi kumtsuno Aqokitikhi MPEU no ipuwu kepi ithi nani.
10AMPEU no pi, “Alokivishi ale phelo, Jerusalem lo akemiqo! Niye nongu gholo xunike chenie!”
11Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani. 12Itaghi Juda ye AMPEU yeghi kimthe-alo pa mheghipu akimchiu shiluve nani eno Jerusalem ye pano kumtsu nguno shishe kimiye chekeu phughi shiluve nani.
13Timi kumtsu AMPEU zulo inaqhoivelo, kughengu paye pa kimthe kungo-a lono chenike.
Currently Selected:
ZEKHARIA 2: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
ZEKHARIA 2
2
Mighikepu Kighi Kungunhetsu
1Kungunhetsu kutau lakhilo, timi lakhino mighikepu kighi pa ulo pe akeu ino ithulu. 2“Noye khilau wucheni kya?” ipi ino iniju.
“Jerusalem mighijuniyeke, tiye akushulau khitohi eno akije lau khipahi keno juniyeke,” ipi pano khochile.
3Tileno iputsa akeu kungumi huno azuu pukawuvekeu ino ithulu eno kungumi kutau lakhi ighi puzu pa sasu kusholu. 4Kungumi atughiuno lakhiu vilo ishi pi, “Posu wuno lhothemi lakhi mighikepu kighi pe akeu vilo ishi pilo: Jerusalem lo timi ngo pichepighi shishe kumzapu shini chenike tipau phughiye aliwo putuve nike loye luzulave nani. 5AMPEU ampino piqhive keuno aphughi tipau sushope ngo nike pa ampino ami liwo kuptu lakhi shini cheni eno pa kimthe jukuvu lono tilehi pano ngonikeu shiani.”
Halepuwuvekeqo Kuchile
6-7AMPEU no pawu timiqo vilo pi, “Ino aqha kumtsulo nongu hapiye pighive, ikemu itehiye nongu piyighivekeqo, Babilon lono pokawuvelo eno Jerusalem lo ideghivelo. 8Khukhumu nongu hekeuye ino kiukela akughupushi achekeu he anike.”
Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke: 9“AMPEU ampino nongu sasu aghushi nani eno ghuthu lakhilo nongu qemi shichekemi timiqono nongu xulepuwuve nani.”
Kughono hipau shikupuni keno timi kumtsuno Aqokitikhi MPEU no ipuwu kepi ithi nani.
10AMPEU no pi, “Alokivishi ale phelo, Jerusalem lo akemiqo! Niye nongu gholo xunike chenie!”
11Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani. 12Itaghi Juda ye AMPEU yeghi kimthe-alo pa mheghipu akimchiu shiluve nani eno Jerusalem ye pano kumtsu nguno shishe kimiye chekeu phughi shiluve nani.
13Timi kumtsu AMPEU zulo inaqhoivelo, kughengu paye pa kimthe kungo-a lono chenike.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.