ROMMI 6
6
Axineno Akithi, Khristo no Akuxu
1Tishiaye ninguye kiu pikepu ani kya? Alhou wu kupukini alau shipeni kehu ninguye axine shikithe akepukesha? 2Tiye khilemu kumoe! Ningu axine launo thivekemiqoye kishi puzu itaghi tipaulo xuani kya? 3Ningu khunoqomi Jisu Khristo gholo baptiz shisuluve akeno tipaqoye pa kithilo baptiz shisuluvaepi mtha kesha? 4Ningu ye baptiz lukeu lono akithilo pa gholo qhovae, tishikehu Apu kimthe jukuvu kuka huno akithi lono Khristo xuputhuve, tishikeuno ningu pelo akuxu kithelo xuchepeniyeke. #Kolo 2.12
5Kughengu pa kithi kimihi shipuzu ninguno pa gholo kuqhalu aye, pano xuchilethughiveke toi ningu ghi mtsuqheino pa sasu lakhi shi nani. 6Ninguno ithi akeuno, nilhoaye aqauye Khristo kros gholono pithivae, tishino axine shichekeu lhoaye hu kutsaqhive eno hinguno hilauye ningu pelo axine quaxemi shipemoni yeke. 7Kughengu khunono thiveakeno panoye axine kuka launo phepuwuvae. 8Nino pulu akeuno ninguno Khristo gholono thive aye, pa gholo ningu ghi xu ani. 9Kughengu nino ithi akeuno Khristo akithi lono xuputhuvea kehu khilemu thikithe moae, akithi ye pa shou akuka kuhavae. 10Pano thikeu kithiye axine kudau ghuthu khavi ghengu thiveke ikemu pano xu akeu kuxuye Alhou kudau xuanie. 11Ike tihutoi nonguye axine kudauye akithi shivea ikemu Jisu Khristo gholono Alhou kudauye xuanie pi kumsuluve kepue.
12Tighenguno axine pelo nongu thiveni kuau phimpi qhasupe nongu lhoaye gho apulou gholu apekevilo. 13Momu nongu phia-u axine kudau ikhipe tsughi kusakugha laghi lono peitha pekevilo. Ikemu akithi lono akuxulo saghivekemi kehu Alhou lau nongu kuxu ikhiphepe tsulo, eno nongu phia-u amikucho vehupu shi peitha penike ikhiphepe tsulo. 14Nonguye Ayezah qholo kumono Alhou wu kupukini qholo xuani kehu axineye nongu qhasuve pekevilo.
Amikucho Qemi
15Tishi aye ninguye kiu pini kya? Ayezah qholo kumono Alhou wu kupukini qholo anike ghenguno axine shiani kesha? Tishimo thono! 16Nonguno Ampeu khuu qeno gholu ani keno pa qemiake; ikemu nonguno axine qeu shiaye akithilo sailove nani eno aghokulu qeu shiaye tino nongu sasu achipiulo ilove nani kepi nonguno ithi ani. 17Alhou shikimthi akeuno nonguye ghuthu lakhiye axine quaxemi kemu itehiye nongu lau apasushi akukutsu tsukeulo nongu mlo kuchopu tsuno agholue. 18Nonguye axine launo kuqhopheveno achipikalu keu quaxemi shiluvae. 19Timi lhoaye lono nonguno tomo-chhimokeu akeu ghenguno niye inapugha tsa peitha-ghi piani. Ghuthu lakhilo nongu phi-mpi ikhipe tsupuzu mithekumo jeli eno kusakugha qeu shichepeke toi itehiye akimthe vehupu shipenike nongu phi-mpi achipikalu kepushi ikhipe tsulo.
20Kughou nonguno axine quaxemi shiche keno, nonguye Alhou lau achipikalu kepushi akeu lono nongu gho shi xuwuve. 21Momu thime khipaqo ghenguno itehiye nonguye kujo ani keno tipaqo launo kiu kivipu sughitsu kya? Thime tipaqoye ashekhalo akithike. 22Itehi nonguye axine launo kuqhopheveno Alhou quaxemi shiluva, eno nonguye shikimtheve keu ithuluno tipau ashekhaloye lhokta kuxu ithulu nani. 23Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.
Currently Selected:
ROMMI 6: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
ROMMI 6
6
Axineno Akithi, Khristo no Akuxu
1Tishiaye ninguye kiu pikepu ani kya? Alhou wu kupukini alau shipeni kehu ninguye axine shikithe akepukesha? 2Tiye khilemu kumoe! Ningu axine launo thivekemiqoye kishi puzu itaghi tipaulo xuani kya? 3Ningu khunoqomi Jisu Khristo gholo baptiz shisuluve akeno tipaqoye pa kithilo baptiz shisuluvaepi mtha kesha? 4Ningu ye baptiz lukeu lono akithilo pa gholo qhovae, tishikehu Apu kimthe jukuvu kuka huno akithi lono Khristo xuputhuve, tishikeuno ningu pelo akuxu kithelo xuchepeniyeke. #Kolo 2.12
5Kughengu pa kithi kimihi shipuzu ninguno pa gholo kuqhalu aye, pano xuchilethughiveke toi ningu ghi mtsuqheino pa sasu lakhi shi nani. 6Ninguno ithi akeuno, nilhoaye aqauye Khristo kros gholono pithivae, tishino axine shichekeu lhoaye hu kutsaqhive eno hinguno hilauye ningu pelo axine quaxemi shipemoni yeke. 7Kughengu khunono thiveakeno panoye axine kuka launo phepuwuvae. 8Nino pulu akeuno ninguno Khristo gholono thive aye, pa gholo ningu ghi xu ani. 9Kughengu nino ithi akeuno Khristo akithi lono xuputhuvea kehu khilemu thikithe moae, akithi ye pa shou akuka kuhavae. 10Pano thikeu kithiye axine kudau ghuthu khavi ghengu thiveke ikemu pano xu akeu kuxuye Alhou kudau xuanie. 11Ike tihutoi nonguye axine kudauye akithi shivea ikemu Jisu Khristo gholono Alhou kudauye xuanie pi kumsuluve kepue.
12Tighenguno axine pelo nongu thiveni kuau phimpi qhasupe nongu lhoaye gho apulou gholu apekevilo. 13Momu nongu phia-u axine kudau ikhipe tsughi kusakugha laghi lono peitha pekevilo. Ikemu akithi lono akuxulo saghivekemi kehu Alhou lau nongu kuxu ikhiphepe tsulo, eno nongu phia-u amikucho vehupu shi peitha penike ikhiphepe tsulo. 14Nonguye Ayezah qholo kumono Alhou wu kupukini qholo xuani kehu axineye nongu qhasuve pekevilo.
Amikucho Qemi
15Tishi aye ninguye kiu pini kya? Ayezah qholo kumono Alhou wu kupukini qholo anike ghenguno axine shiani kesha? Tishimo thono! 16Nonguno Ampeu khuu qeno gholu ani keno pa qemiake; ikemu nonguno axine qeu shiaye akithilo sailove nani eno aghokulu qeu shiaye tino nongu sasu achipiulo ilove nani kepi nonguno ithi ani. 17Alhou shikimthi akeuno nonguye ghuthu lakhiye axine quaxemi kemu itehiye nongu lau apasushi akukutsu tsukeulo nongu mlo kuchopu tsuno agholue. 18Nonguye axine launo kuqhopheveno achipikalu keu quaxemi shiluvae. 19Timi lhoaye lono nonguno tomo-chhimokeu akeu ghenguno niye inapugha tsa peitha-ghi piani. Ghuthu lakhilo nongu phi-mpi ikhipe tsupuzu mithekumo jeli eno kusakugha qeu shichepeke toi itehiye akimthe vehupu shipenike nongu phi-mpi achipikalu kepushi ikhipe tsulo.
20Kughou nonguno axine quaxemi shiche keno, nonguye Alhou lau achipikalu kepushi akeu lono nongu gho shi xuwuve. 21Momu thime khipaqo ghenguno itehiye nonguye kujo ani keno tipaqo launo kiu kivipu sughitsu kya? Thime tipaqoye ashekhalo akithike. 22Itehi nonguye axine launo kuqhopheveno Alhou quaxemi shiluva, eno nonguye shikimtheve keu ithuluno tipau ashekhaloye lhokta kuxu ithulu nani. 23Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.