MATHI 19
19
Akimi-Anipu Kughuxa Vehu
(Mk 10.1-2)
1Jisu no hipaqo pikhave puzu paye Galil qhiveno Judia ghakhu qhalo Jordan hukuku-u ighi. 2Timi kumzapuno pa papeche eno tilauno pano panoqo shipivitsu.
3Farisimino pa lau ighino pa ghukeju ghi ishi iniju, “Ningu yezahlo timi lakhiye kiu kiu ghengu lono shi aghipimu pa nipu phevelukepu anima?” 4Jisu no ishi khochile, “Nonguye hi phimla aphi kesha? ‘Lhokutsuuno abothu lono kiptimi eno totimi shi-ghi panoqo lhotsu, #Bothu 1.27; 5.2 5eno ishi pi: Highenguno kiptimi lakhiye pa pu-aza qhiveno pa nipu sasu kutunaluveni eno pamaye ashi lakhi shiveni.’ #Bothu 2.24 6Ikehu pamaye mikini kumovae, ikemu ashi lakhie.Tighenguno Alhou no kiu kime kuqhavetsu-a keno timi khuu pelomu hexavetsu pekevil0.” 7Farisimino ishi pa iniju, “Tishiaye Muse ye kushiye timi lakhiye pa nipu phevenikeu kaku yepe pithiveno li puwuvelopi ahza tsupe puani kya?” #Zaki 24.1-4; Mt 5.31 8Jisu no panoqo vilo ishipi, “Nongu mlo kumka ghenguno Muse no nongu pelo nongu nipu phevelu nikeu shitsu kethono abothu lono tishi cheghike kumoe. 9Tishiaye ino nongu vilo piani, timi khuno pa nipuno shupu salhavekeu ghenguno kumo puzu kutau ghenguno lono pa nipu pheveni eno kutami sasu kughunawuve aye pa ye salha ani.” #Mt 5.32; 1 Kori 7.10-11
10Pa khopemino pa vilo ishipi, “Akimi ngo anipu pama dolo hikithipu shikepushi aye, kulakupu shimokeu pavie.” 11Ikemu Jisu no panoqo vilo ishipi, “Alhou no hipau tsupuakemiqo lau likhi kumoaye timi kumtsuye hipau kukutsu pemlae. 12Kughengu akiqi ajeli kutomo ghenguno timino shoko shipesu acheni: khamiye shoko shi-ghi punu cheni, khamiye timino shoko kughulhove tsukemi acheni, eno khamiye Kungugha yehkipe ghenguno alikhi akughapesu kulakupu shimono shoko kughulho vekemi acheni. Timi khuno hi shilu nani keno pa pelo akukutsu hipau pelu pelo.”
Jisu no itimi Kumghatsu
(Mk 10.13-16; Lk 18.15-17)
13Tileno Jisu pelo pa-u bepeno inikhutsupe nike ghenguno timi khamino itimiqo pa lau saghi, ikelo akhopemino timi tipaqo sakiyi. 14Ikemu Jisu no ishipi, “Itimiqo lakha kevilo, panoqo pelo ilau ighi pelo, kughengu Kungugha yehkipeye hipaqo kithipu salake.” 15Pano panoqo shou pa-u be-ghi kumghatsu puzu chesu wuve.
Apumi Kinimi
(Mk 10.17-31; Lk 18.18-30)
16Timi lakhi Jisu lau ighieno ishipi, “Kutsuchekeu, lhokta kuxu ithulu nike ghenguno niye akivipu kiu shimasakya?” 17Jisu no pa khochile pi, “Noye kushiye ivilo akivipu vehu iniju ani kya? Milakhi likhino akivike. Lhokta kuxulo ilonishi aye noye ahza kutsu pelulo.” 18Pano “Ahza kutsu khipaqo piani kya?” ipi Jisu vilo iniju, Jisu no hipaqo pi, “Noye timi ghiqhi kevilo; noye salha-shupu kevilo; noye puka kevilo; noye akimki tsape shikevilo; #Ipe 20.13-16; Zaki 5.17-20 19opu oza gihulo; eno okusami olikhi otoi kimiyelo.” #Ipe 20.12; Zaki 5.16; Achine 19.18 20Apumi huno ishi pa khochile. “Niye hipaqo kumtsu peluvae, niye kiu shikupumphi kya?” 21Jisu no pa vilo, “Nono shikupulu nishi aye wulo eno nono aghikeu kumtsu jeve puzu pisa pesu kumlhomiqo tsuvelo, eno kungughalo okini aniake; tishieno ighi puzu ipapelo.” 22Apumi huno hipau chilukelo pa mlo-kusa shi wove, kughengu pa ye ighono kinimike.
23Tileno Jisu no pa khopemi vilo pi: “Kuchouno ino nongu vilo pini, kinimi lakhino Kungugha yehkipelo ilolu nikeu kushokutsue. 24Tinguno alau ino nongu vilo pini, kinimi lakhino Alhou yehkipelo ilolunikeuye kemel no ayipuki lono ipu-ipevekeuno mlaleike.” 25Akhopemiqono hipatsa chilukelo panonguye apuchopungove eno ishipi, “Tishiaye khu-u xakulupu kya?” 26Jisu no panoqo jupuzu ishipi, “Timi ghenguno hiye kushokutsupuke, ikemu Alhou ghenguye kiu kiumu shikulupu ani”
27Tile Pitor no chhechile ghi ishipi, “Julo, ninguye thwokha kumtsu qhiveno opape cheni. Tishiaye, ninguye kiu ithulu nani kya?” 28Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani. #Mt 25.31; Lk 22.30 29Khunono ighenguno aki-alu qhive, chepu chelimi qhive, apu aza qhive momu atianuli qhive ishini keno aqhe nguno alau ithulu nani, eno lhokta kuxu mheghi tsu nani. 30Ikemu itehi atughu shiakemi kutomono ashekhami shive nani, eno itehino ashekhau shiakemi kutomono atughumi shive nani.” #Mt 20.16; Lk 13.30
Currently Selected:
MATHI 19: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
MATHI 19
19
Akimi-Anipu Kughuxa Vehu
(Mk 10.1-2)
1Jisu no hipaqo pikhave puzu paye Galil qhiveno Judia ghakhu qhalo Jordan hukuku-u ighi. 2Timi kumzapuno pa papeche eno tilauno pano panoqo shipivitsu.
3Farisimino pa lau ighino pa ghukeju ghi ishi iniju, “Ningu yezahlo timi lakhiye kiu kiu ghengu lono shi aghipimu pa nipu phevelukepu anima?” 4Jisu no ishi khochile, “Nonguye hi phimla aphi kesha? ‘Lhokutsuuno abothu lono kiptimi eno totimi shi-ghi panoqo lhotsu, #Bothu 1.27; 5.2 5eno ishi pi: Highenguno kiptimi lakhiye pa pu-aza qhiveno pa nipu sasu kutunaluveni eno pamaye ashi lakhi shiveni.’ #Bothu 2.24 6Ikehu pamaye mikini kumovae, ikemu ashi lakhie.Tighenguno Alhou no kiu kime kuqhavetsu-a keno timi khuu pelomu hexavetsu pekevil0.” 7Farisimino ishi pa iniju, “Tishiaye Muse ye kushiye timi lakhiye pa nipu phevenikeu kaku yepe pithiveno li puwuvelopi ahza tsupe puani kya?” #Zaki 24.1-4; Mt 5.31 8Jisu no panoqo vilo ishipi, “Nongu mlo kumka ghenguno Muse no nongu pelo nongu nipu phevelu nikeu shitsu kethono abothu lono tishi cheghike kumoe. 9Tishiaye ino nongu vilo piani, timi khuno pa nipuno shupu salhavekeu ghenguno kumo puzu kutau ghenguno lono pa nipu pheveni eno kutami sasu kughunawuve aye pa ye salha ani.” #Mt 5.32; 1 Kori 7.10-11
10Pa khopemino pa vilo ishipi, “Akimi ngo anipu pama dolo hikithipu shikepushi aye, kulakupu shimokeu pavie.” 11Ikemu Jisu no panoqo vilo ishipi, “Alhou no hipau tsupuakemiqo lau likhi kumoaye timi kumtsuye hipau kukutsu pemlae. 12Kughengu akiqi ajeli kutomo ghenguno timino shoko shipesu acheni: khamiye shoko shi-ghi punu cheni, khamiye timino shoko kughulhove tsukemi acheni, eno khamiye Kungugha yehkipe ghenguno alikhi akughapesu kulakupu shimono shoko kughulho vekemi acheni. Timi khuno hi shilu nani keno pa pelo akukutsu hipau pelu pelo.”
Jisu no itimi Kumghatsu
(Mk 10.13-16; Lk 18.15-17)
13Tileno Jisu pelo pa-u bepeno inikhutsupe nike ghenguno timi khamino itimiqo pa lau saghi, ikelo akhopemino timi tipaqo sakiyi. 14Ikemu Jisu no ishipi, “Itimiqo lakha kevilo, panoqo pelo ilau ighi pelo, kughengu Kungugha yehkipeye hipaqo kithipu salake.” 15Pano panoqo shou pa-u be-ghi kumghatsu puzu chesu wuve.
Apumi Kinimi
(Mk 10.17-31; Lk 18.18-30)
16Timi lakhi Jisu lau ighieno ishipi, “Kutsuchekeu, lhokta kuxu ithulu nike ghenguno niye akivipu kiu shimasakya?” 17Jisu no pa khochile pi, “Noye kushiye ivilo akivipu vehu iniju ani kya? Milakhi likhino akivike. Lhokta kuxulo ilonishi aye noye ahza kutsu pelulo.” 18Pano “Ahza kutsu khipaqo piani kya?” ipi Jisu vilo iniju, Jisu no hipaqo pi, “Noye timi ghiqhi kevilo; noye salha-shupu kevilo; noye puka kevilo; noye akimki tsape shikevilo; #Ipe 20.13-16; Zaki 5.17-20 19opu oza gihulo; eno okusami olikhi otoi kimiyelo.” #Ipe 20.12; Zaki 5.16; Achine 19.18 20Apumi huno ishi pa khochile. “Niye hipaqo kumtsu peluvae, niye kiu shikupumphi kya?” 21Jisu no pa vilo, “Nono shikupulu nishi aye wulo eno nono aghikeu kumtsu jeve puzu pisa pesu kumlhomiqo tsuvelo, eno kungughalo okini aniake; tishieno ighi puzu ipapelo.” 22Apumi huno hipau chilukelo pa mlo-kusa shi wove, kughengu pa ye ighono kinimike.
23Tileno Jisu no pa khopemi vilo pi: “Kuchouno ino nongu vilo pini, kinimi lakhino Kungugha yehkipelo ilolu nikeu kushokutsue. 24Tinguno alau ino nongu vilo pini, kinimi lakhino Alhou yehkipelo ilolunikeuye kemel no ayipuki lono ipu-ipevekeuno mlaleike.” 25Akhopemiqono hipatsa chilukelo panonguye apuchopungove eno ishipi, “Tishiaye khu-u xakulupu kya?” 26Jisu no panoqo jupuzu ishipi, “Timi ghenguno hiye kushokutsupuke, ikemu Alhou ghenguye kiu kiumu shikulupu ani”
27Tile Pitor no chhechile ghi ishipi, “Julo, ninguye thwokha kumtsu qhiveno opape cheni. Tishiaye, ninguye kiu ithulu nani kya?” 28Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani. #Mt 25.31; Lk 22.30 29Khunono ighenguno aki-alu qhive, chepu chelimi qhive, apu aza qhive momu atianuli qhive ishini keno aqhe nguno alau ithulu nani, eno lhokta kuxu mheghi tsu nani. 30Ikemu itehi atughu shiakemi kutomono ashekhami shive nani, eno itehino ashekhau shiakemi kutomono atughumi shive nani.” #Mt 20.16; Lk 13.30
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.