BOTHUBO 46
46
Jakob Bolomi Ijip lo Iqi
1Ike Israil no pano pighi chekeu kumtsu hekutsu eno chesu Bersheba lo ighi, pano lhoxu ghiqhieno papu Isak Lhou mllae. 2Putholo kungunhetsu lono Alhou no Israil putsa no pi, “Jakob, Jakob.” Pano khochile pi “Iye, ni hi anie.” 3Alhou no pi, “Niye Alhoue, opu Lhou ke. Ijip kudau iqinikeu musa kevilo, kughengu ino opelo ashiayeh kije lakhi shilu penani. 4Ino osasu Ijip lo iqi nani, ino otikughuko itaghi saqhoghi nani eno okithilo Josef no onhethi kiyikha tsunanie.”
5Ike Jakob no Bersheba lono wuniye kuto. Farao no panongu papu xapu peniye tsupuqho keu kukululo Israil nuliqono panongu papu ngo ati anuli akughunuqo, anipuqo ishi ikupe. 6Panonguno Kanan yeghi lo akelo pighichekeu lhoxuqo hasasu eno tinhemghaqo pususu Ijip lo wuve. 7Jakob no pa tikughuko kumtsu, panuliqo, panu nuliqo, pa ngaqo eno panu nongaqo ishi kumtsu pa gholono Ijip lo saghie.
8Hipaqono Israil kughukoqo, Ijip lo iqikemiqo jeke. Jakob ngo pa nuliqo: Jakob nu anoghiu Ruben, 9eno Ruben nuli no Hanok, Pallu, Hetsron, Karmi ishi, 10Simon nuliqono Yemuel, Yamin, Ohad, Yakin, Zohar eno Kanan limi nu Shaul ngo ishi. 11Levi nuliqono Gershon, Kohat, Merari ishi. 12Juda nuliqono Er, Onan, Shela, Perez ngo Zerat ishi, ikemu Er ngo Onan pamaye Kanan lono thive. Perez nuliqono Hetsron ngo Hamul pama. 13Isakhar nuliqono Tola, Puwa, Yob, Shimron ishi. 14Zebulun nuliqono Sered, Elon, Yaxulel ishi. 15Anuli hipaqoye Mesopotamia lo ake lono Lea no punuqhipe Jakob tsukeqoke, tinguno alauno panga Dina ghi. Hi panuliqo eno pa ngaqo kumtsu kelo pano shighikuthu ke.
16Gad nuliqono Zifon, Hagi, Shuni, Etsbon, Eri, Arodi, Areli, ishi. 17Asher nuliqono Yimna, Yishwa, Yishvi, Beria, eno panongu chepu Sera ngo ishi. Beria nuliqono Heber Malkie, ishi. 18Hi pano chighi tsugho ye Zilpa no punupe Jakob tsukeqo. Li ye Laban no panga Lea qeliu shi tsukeu ke. 19Jakob nipu Rachel nuliqono Josef ngo Benjamin pama. 20Josef no Ijip lo akelono Manase ngo Efraim pama, On lo achineu Potifera nonga Asenat no punutsue.
21Benjamin nuliqono Bela, Beker, Ashbel, Gera, Neaman, Ehi, Rosh, Mupim, Hupim ngo Ared ishi. 22Hipano chighi bidiye Rachel vechewo no punupe Jakob tsukeqo ke.
23Dan nuno Hushim ke. 24Naftali nuliqono Yahutsel, Guni, Yetsur, Shilem ishie. 25Hi pano tsuni ye Bilha no punupe Jakob tsukeqoe. Li ye Laban no panga Rachel qeliu shitsu keuke.
26Jakob phi lono atikughukomi panuliqo nipu kihisumo kelo pano lhotsugho tsugho no Ijip lo iqi. 27Josef no Ijip lo ake lono anu kini shie. Ti kumtsu kuqhakelo Jakob kibolo pano lhotsuni no Ijip lo ighi.
Jakob Bolomiqo Ijip lo Acheuve
28Jakob no Juda pelo pa zuwuno Josef sasu kusho peniye Goshen lo puwue. Panonguno Goshen ghakhulo ighi. 29Josef no pa xapu keu kukulu saghipe puzu papu Israil sasu kushonike Goshen lo wue. Pano pa sasu kusholu kemtsa pa u pesu pa kuo lono khaluve eno pa vapeghi ado kushuwa qa ae. 30Israil no Josef vilo pi, “Noye xu aghi puzu oju ithuluveake Itehiye niye thivemu kumu kumoe.”
31Josef no pamunoqo eno papu no bolomiqo vilo pi, “Ino wu puzu Farao vilo ishi pinie, ‘imunoqo eno ipuno bolomi Kanan lo achekeqo ilau ighi anie. 32Timi hipaqoye bheri ngo amshi kipighimi eno panonguye panonguw atsuaqu loji saghi anie eno panonguno pighiche keu kumtsu saghi anie.’ 33Kughou Farao no nongu ku puzu ‘Nonguye kiu kumla shichekemi kya?’ ipi iniju aye, 34nonguye ishi khochile lo, ‘Akijeu ningu oqemiqoye nipuasuqo toi itilono bheri ngo amshi heju chekemiqoe.’ Tishianguno nonguye Goshen ghakhulo kughunalu kepushi nani.” Pano hi pikeuye kutau kumono Ijipmi ye bheri ngo amshi hejuchekemi ju apumuqhu keu acheke.
Currently Selected:
BOTHUBO 46: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 46
46
Jakob Bolomi Ijip lo Iqi
1Ike Israil no pano pighi chekeu kumtsu hekutsu eno chesu Bersheba lo ighi, pano lhoxu ghiqhieno papu Isak Lhou mllae. 2Putholo kungunhetsu lono Alhou no Israil putsa no pi, “Jakob, Jakob.” Pano khochile pi “Iye, ni hi anie.” 3Alhou no pi, “Niye Alhoue, opu Lhou ke. Ijip kudau iqinikeu musa kevilo, kughengu ino opelo ashiayeh kije lakhi shilu penani. 4Ino osasu Ijip lo iqi nani, ino otikughuko itaghi saqhoghi nani eno okithilo Josef no onhethi kiyikha tsunanie.”
5Ike Jakob no Bersheba lono wuniye kuto. Farao no panongu papu xapu peniye tsupuqho keu kukululo Israil nuliqono panongu papu ngo ati anuli akughunuqo, anipuqo ishi ikupe. 6Panonguno Kanan yeghi lo akelo pighichekeu lhoxuqo hasasu eno tinhemghaqo pususu Ijip lo wuve. 7Jakob no pa tikughuko kumtsu, panuliqo, panu nuliqo, pa ngaqo eno panu nongaqo ishi kumtsu pa gholono Ijip lo saghie.
8Hipaqono Israil kughukoqo, Ijip lo iqikemiqo jeke. Jakob ngo pa nuliqo: Jakob nu anoghiu Ruben, 9eno Ruben nuli no Hanok, Pallu, Hetsron, Karmi ishi, 10Simon nuliqono Yemuel, Yamin, Ohad, Yakin, Zohar eno Kanan limi nu Shaul ngo ishi. 11Levi nuliqono Gershon, Kohat, Merari ishi. 12Juda nuliqono Er, Onan, Shela, Perez ngo Zerat ishi, ikemu Er ngo Onan pamaye Kanan lono thive. Perez nuliqono Hetsron ngo Hamul pama. 13Isakhar nuliqono Tola, Puwa, Yob, Shimron ishi. 14Zebulun nuliqono Sered, Elon, Yaxulel ishi. 15Anuli hipaqoye Mesopotamia lo ake lono Lea no punuqhipe Jakob tsukeqoke, tinguno alauno panga Dina ghi. Hi panuliqo eno pa ngaqo kumtsu kelo pano shighikuthu ke.
16Gad nuliqono Zifon, Hagi, Shuni, Etsbon, Eri, Arodi, Areli, ishi. 17Asher nuliqono Yimna, Yishwa, Yishvi, Beria, eno panongu chepu Sera ngo ishi. Beria nuliqono Heber Malkie, ishi. 18Hi pano chighi tsugho ye Zilpa no punupe Jakob tsukeqo. Li ye Laban no panga Lea qeliu shi tsukeu ke. 19Jakob nipu Rachel nuliqono Josef ngo Benjamin pama. 20Josef no Ijip lo akelono Manase ngo Efraim pama, On lo achineu Potifera nonga Asenat no punutsue.
21Benjamin nuliqono Bela, Beker, Ashbel, Gera, Neaman, Ehi, Rosh, Mupim, Hupim ngo Ared ishi. 22Hipano chighi bidiye Rachel vechewo no punupe Jakob tsukeqo ke.
23Dan nuno Hushim ke. 24Naftali nuliqono Yahutsel, Guni, Yetsur, Shilem ishie. 25Hi pano tsuni ye Bilha no punupe Jakob tsukeqoe. Li ye Laban no panga Rachel qeliu shitsu keuke.
26Jakob phi lono atikughukomi panuliqo nipu kihisumo kelo pano lhotsugho tsugho no Ijip lo iqi. 27Josef no Ijip lo ake lono anu kini shie. Ti kumtsu kuqhakelo Jakob kibolo pano lhotsuni no Ijip lo ighi.
Jakob Bolomiqo Ijip lo Acheuve
28Jakob no Juda pelo pa zuwuno Josef sasu kusho peniye Goshen lo puwue. Panonguno Goshen ghakhulo ighi. 29Josef no pa xapu keu kukulu saghipe puzu papu Israil sasu kushonike Goshen lo wue. Pano pa sasu kusholu kemtsa pa u pesu pa kuo lono khaluve eno pa vapeghi ado kushuwa qa ae. 30Israil no Josef vilo pi, “Noye xu aghi puzu oju ithuluveake Itehiye niye thivemu kumu kumoe.”
31Josef no pamunoqo eno papu no bolomiqo vilo pi, “Ino wu puzu Farao vilo ishi pinie, ‘imunoqo eno ipuno bolomi Kanan lo achekeqo ilau ighi anie. 32Timi hipaqoye bheri ngo amshi kipighimi eno panonguye panonguw atsuaqu loji saghi anie eno panonguno pighiche keu kumtsu saghi anie.’ 33Kughou Farao no nongu ku puzu ‘Nonguye kiu kumla shichekemi kya?’ ipi iniju aye, 34nonguye ishi khochile lo, ‘Akijeu ningu oqemiqoye nipuasuqo toi itilono bheri ngo amshi heju chekemiqoe.’ Tishianguno nonguye Goshen ghakhulo kughunalu kepushi nani.” Pano hi pikeuye kutau kumono Ijipmi ye bheri ngo amshi hejuchekemi ju apumuqhu keu acheke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.