BOTHUBO 38
38
Juda nqo Tamar Pama
1Tipa ghulokilo Juda ye pa thikuzumi qhiveno Adullam ghami Hira ipi keu gholo auve. 2Tile akelo Juda no Kananmi lakhi Shua ipikeu no nga ithulue. Pano li luve eno li sasu zuve. 3Lino mishiluve eno anu lakhi punutsu, pano paje Er kutsu. 4Lino itaghi mishilu no anu lakhi punue eno paje Onan kutsu. 5Itaghi lino mishiluve eno anu lakhi punu, paje Shela kutsu. Lino Shela punu kelo Juda ye Khezib lo ae.
6Juda no panu anoghiu Er ghenguno anipu lakhi lutsu, li jeye Tamar. 7Er wu ghushoghiliye AMPEU zulo alhoksae ikehu AMPEU no pa pithive. 8tile Juda no Onan vilo pi, “Omu nipu valuvelo, eno ochi sasu zulo tishianguno omu tikughukotsu kepushi.” 9Ati anuliqo hu pawu shimo nani kepi Onan no ithi ake hu pano pachi sasu zuke kumtsu pa phizu ayeghilo kighijive che, tishianguno pamu jelono atikughuko tsumoniaye ke. 10Pano kiu shikeno tiye AMPEU zulo alhoksae, ike AMPEU no paghi pithive. 11Tile Juda no pamukishiu Tamar vilo pi, “Inu Shela no kichimi shimoke kuto opuno kilo wono chime aghilo.” Juda no hi pikeuye kutau ghenguno kumono pamu pama toi Shela ghi pithivetsu nosakeu musave. Ikehu Tamar ye idewo papu no kilo acheuve.
12Ado hami wove kethiu Juda nipu Shua nonga hu thive. Juda no mloqa keu do tavekethiu pashou Adullam noghami Hira pama paw bheriqo mhi ghonike Timnat lo iqho. 13Timi khamino Tamar vilo panguye Timnat lo pawu bheri mhi ghowuni chenipi pive aghi. 14Ike lino chimemi phimini uakeu xave eno shonha kepu pesu li nhapuve eno Enaim phulo iloni keu kubala lo iqa ngoa. Enaim ye Timnat lo wucheke lalo aphu lakhi ke. Lino hitoi shikeuye kutau kumono Shela ye kichimi shiveamu li pelo pa sasu kulau pemo keu ghenguno ke. 15Kughou Juda no li ithulukeno pano kumsukeuno liye kusalhalimi kughashive kughengu lino pagi shonhapuve kehu. 16Pano ala phelo li lau tsughu ighi no pi, “Hila ighilo, ino osasu zunie.” Kughengu liye pa mukishiu kepi paye mtha. Tile lino mopi, “Noye kiu itsuni keno isasu zuniepi ani kya?”. 17Pano khochile pi, “Iwu bheri loji lono ati lakhi otsupuwunie.” Lino pi, “Nono ti itsupuwu moke kutolo onhemgha hami igholo puaghini ma?” 18Pano iniju, “Kiu nhemgha ogholo puaghilo pikya?” Lino khochile pi, “Ou kukhai, okichhelo yeho, o-ulo akusu akeu ngo ishi.” Pano tipaqo li tsuve, eno li sasu zuve eno tithiu liye mishiuve. 19Tishieno lino ithu puzu wuve. Lino aphi shonhapukeu hu ikhiveno li wu chimemi phimini uluve.
20Juda no Adullam no ghami pashou gholono aneti lakhi tsupuwu puzu totimi lau huno pa nhemgha puakeu sughi peniye puwu, ikemu paye li phumlave. 21Pano tipa alo kuami vilo ishi iniju, “Inami alaghiphilo kutuqhalimi achekeu hu khile ani kya?” Ikemu timiqono pa khochile pi, “Tiholo kutuqhalimi ngochemoe.” 22Pano Juda lau idewo no “Niye li phumlae eno tipa alo kuami ghi tiholoye kutuqhalimi achemoe pike.” 23Juda no pi, “Li pelo inhemgha puakeu luve pelo eno palo kutovelo, itou timino ithiveno junu thaigha anosake ghenguno aneti tsupuwu kemu nono li phumlave ke.”
24Aqhi kuthua thiu Juda no chilu keuno pamukishiu Tamar ye kutuqhalimi toi timi sasu zupuzu anga mishi aniepi chilu. Juda no pi, “Li alaghi lalo sapeghi puzu pitiqhi pithivelo.” 25Li sasu alaghilalo ipeche kelo lino asutsa hipau pangu lau ishi pi puwue. “Anhemgha hipaqo khuu wu kela tipau nga niye mishipu anie. Hipaqoye khuu wu kela tsaqui jukutolo, hi au kukhayi, akichhe yeho eno akusu ishi.” 26Juda no tipaqo kimchiluveno pi, “Lino inguno achipiue. Ino achipi kumovae, kughengu ino inu Shela pelo li sasu kulauvepe kepushi ake.” Tithiu paye khilemu li sasu zumove.
27Lino punu kepu do toveno apunu kusu su akelo li polo anga kini aghie. 28Lino punumlano suakelo anga lakhino pa-u chhopipe. Apunulo hikujuuno ayeho akuhu pesu tile tshupukuve tsuno pi, “Hino punu tughue.” 29Ikemu pano pa-u sunhe suluve eno pa thikuzuu paghi punuve. Tile apunulo hikujuu huno pi, “Kishino opaghino atughushi vexu iqhighivekea!” Ikehu pano pa je Perez ku-tsu. 30Pa shelo pa thikuzuuye ayeho kuhuno pa-u khapususu punue. Pa jeno Zeraxu ku-tsu.
Currently Selected:
BOTHUBO 38: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 38
38
Juda nqo Tamar Pama
1Tipa ghulokilo Juda ye pa thikuzumi qhiveno Adullam ghami Hira ipi keu gholo auve. 2Tile akelo Juda no Kananmi lakhi Shua ipikeu no nga ithulue. Pano li luve eno li sasu zuve. 3Lino mishiluve eno anu lakhi punutsu, pano paje Er kutsu. 4Lino itaghi mishilu no anu lakhi punue eno paje Onan kutsu. 5Itaghi lino mishiluve eno anu lakhi punu, paje Shela kutsu. Lino Shela punu kelo Juda ye Khezib lo ae.
6Juda no panu anoghiu Er ghenguno anipu lakhi lutsu, li jeye Tamar. 7Er wu ghushoghiliye AMPEU zulo alhoksae ikehu AMPEU no pa pithive. 8tile Juda no Onan vilo pi, “Omu nipu valuvelo, eno ochi sasu zulo tishianguno omu tikughukotsu kepushi.” 9Ati anuliqo hu pawu shimo nani kepi Onan no ithi ake hu pano pachi sasu zuke kumtsu pa phizu ayeghilo kighijive che, tishianguno pamu jelono atikughuko tsumoniaye ke. 10Pano kiu shikeno tiye AMPEU zulo alhoksae, ike AMPEU no paghi pithive. 11Tile Juda no pamukishiu Tamar vilo pi, “Inu Shela no kichimi shimoke kuto opuno kilo wono chime aghilo.” Juda no hi pikeuye kutau ghenguno kumono pamu pama toi Shela ghi pithivetsu nosakeu musave. Ikehu Tamar ye idewo papu no kilo acheuve.
12Ado hami wove kethiu Juda nipu Shua nonga hu thive. Juda no mloqa keu do tavekethiu pashou Adullam noghami Hira pama paw bheriqo mhi ghonike Timnat lo iqho. 13Timi khamino Tamar vilo panguye Timnat lo pawu bheri mhi ghowuni chenipi pive aghi. 14Ike lino chimemi phimini uakeu xave eno shonha kepu pesu li nhapuve eno Enaim phulo iloni keu kubala lo iqa ngoa. Enaim ye Timnat lo wucheke lalo aphu lakhi ke. Lino hitoi shikeuye kutau kumono Shela ye kichimi shiveamu li pelo pa sasu kulau pemo keu ghenguno ke. 15Kughou Juda no li ithulukeno pano kumsukeuno liye kusalhalimi kughashive kughengu lino pagi shonhapuve kehu. 16Pano ala phelo li lau tsughu ighi no pi, “Hila ighilo, ino osasu zunie.” Kughengu liye pa mukishiu kepi paye mtha. Tile lino mopi, “Noye kiu itsuni keno isasu zuniepi ani kya?”. 17Pano khochile pi, “Iwu bheri loji lono ati lakhi otsupuwunie.” Lino pi, “Nono ti itsupuwu moke kutolo onhemgha hami igholo puaghini ma?” 18Pano iniju, “Kiu nhemgha ogholo puaghilo pikya?” Lino khochile pi, “Ou kukhai, okichhelo yeho, o-ulo akusu akeu ngo ishi.” Pano tipaqo li tsuve, eno li sasu zuve eno tithiu liye mishiuve. 19Tishieno lino ithu puzu wuve. Lino aphi shonhapukeu hu ikhiveno li wu chimemi phimini uluve.
20Juda no Adullam no ghami pashou gholono aneti lakhi tsupuwu puzu totimi lau huno pa nhemgha puakeu sughi peniye puwu, ikemu paye li phumlave. 21Pano tipa alo kuami vilo ishi iniju, “Inami alaghiphilo kutuqhalimi achekeu hu khile ani kya?” Ikemu timiqono pa khochile pi, “Tiholo kutuqhalimi ngochemoe.” 22Pano Juda lau idewo no “Niye li phumlae eno tipa alo kuami ghi tiholoye kutuqhalimi achemoe pike.” 23Juda no pi, “Li pelo inhemgha puakeu luve pelo eno palo kutovelo, itou timino ithiveno junu thaigha anosake ghenguno aneti tsupuwu kemu nono li phumlave ke.”
24Aqhi kuthua thiu Juda no chilu keuno pamukishiu Tamar ye kutuqhalimi toi timi sasu zupuzu anga mishi aniepi chilu. Juda no pi, “Li alaghi lalo sapeghi puzu pitiqhi pithivelo.” 25Li sasu alaghilalo ipeche kelo lino asutsa hipau pangu lau ishi pi puwue. “Anhemgha hipaqo khuu wu kela tipau nga niye mishipu anie. Hipaqoye khuu wu kela tsaqui jukutolo, hi au kukhayi, akichhe yeho eno akusu ishi.” 26Juda no tipaqo kimchiluveno pi, “Lino inguno achipiue. Ino achipi kumovae, kughengu ino inu Shela pelo li sasu kulauvepe kepushi ake.” Tithiu paye khilemu li sasu zumove.
27Lino punu kepu do toveno apunu kusu su akelo li polo anga kini aghie. 28Lino punumlano suakelo anga lakhino pa-u chhopipe. Apunulo hikujuuno ayeho akuhu pesu tile tshupukuve tsuno pi, “Hino punu tughue.” 29Ikemu pano pa-u sunhe suluve eno pa thikuzuu paghi punuve. Tile apunulo hikujuu huno pi, “Kishino opaghino atughushi vexu iqhighivekea!” Ikehu pano pa je Perez ku-tsu. 30Pa shelo pa thikuzuuye ayeho kuhuno pa-u khapususu punue. Pa jeno Zeraxu ku-tsu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.