GALATIAMI 6
6
Lakhino lakhi Makho Pukilelo
1Athikuzumiqo, timi lakhino hebide cheghi aye nongu aghungu kuxulo akemiqono amlo kumtsha shino pa shikumzu tsukepue. Nongu ghi alikhi ampi jukutolo tishianguno oghukeqhive pemonike. 2Lakhino lakhi makho putsukilelo, tishikeu lono Khristo yezah shikuputsulo. 3Kughengu timi khuno paye kuchou loye kiumu kumoamu kiuala kepi kumsuaghi aye paye pa likhi pa pishiqhi anike. 4Ikemu pututano alikhi akumla pejukepue, tishi aye pano qhezakepu akiqi aghie pinamu tiye pa likhi pa shelo likhino shilu nani eno kutamino kiu shikeno tipau sasu kimghi akepu shimo nani. 5Kughengu pututa shelo amakho pukepu ani.
6Timi khuno lau Khristomi tsape shikave akeno paye pa kutsuchekeu sasu pano thime kivi akeu kumtsu pesu kusaje kepue.
7Olikhi opishiqhi kevilo; khunomu Alhou phimovemlae; timino kiu xusu keno tipau xolu nani. 8Timi khunono timi lhoayelo xusuni keno paye tipau launo akithipu xolu nanike; ikemu khunono Aghungu lo xusuni keno paye tipau launo alhokupuju kuxu xolu nani. 9Ikehu akivi kumla shinikeulo ninguye aghuthi suvemoni nolo, kughengu ninguno anhu thimono mla aye paghuloki lono xolu nani. 10Tishiaye, akivi shini nolo, eno akhotoshi akupulu lono abolomi shiluvekeqo lau akivi shiani nolo!
Ghuttu Kishekha
11Ilikhi i-uno akiye lothi kije shighi nongu lau yeakeu julo! 12Timi lhoaye kuxulo aje pipinishi eno timi piyenishi kemino tsumomo nongu pelo aphighu yiko ghavepeniye pukaputsa ani, tishi anguno Khristo kros ghenguno panongu shikighime pemoniyeke. 13Kughengu khunoqono aphighu yiko ghaveakeno panongu ghi Ayezah peluchemoe, ikemu panonguno nongu pelo aphighu yiko ghavepeniye shikakeu michipuye nongu philo akeu pesu panongu qhekuzapu shiniye kuto ani. 14Ikemu ilikhi imishiloye niye niMpeu Jisu Khristo kros nguno kutauye kiulomu qhezamo nani, kughengu pawu kros pesu ayeghiqha hu ilauno yeda pithivae eno ayeghiqha launo iyeda pithivae. 15Kughengu aphighu yiko ghana ghamo namu kiumu akhoto kumoe, ikemu lhoxu kithe lakhi shiluvekeuno akhotouke. 16Khunoqono hipa yeh pesu xucheni keno tipaqo shou eno Israilmi shou Alhou lokiqi eno alokughuno achepeni!
17Hinguno hilauye timi khumu akupuna kiumu itsukevilo, kughengu iphimpilo azaku puakeuye Jisu qemi michike.
18Ni Mpeu Jisu Khristo wu kupukini nongu athikuzumi kumtsu ngugha gholo apeniu Amen.
Currently Selected:
GALATIAMI 6: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
GALATIAMI 6
6
Lakhino lakhi Makho Pukilelo
1Athikuzumiqo, timi lakhino hebide cheghi aye nongu aghungu kuxulo akemiqono amlo kumtsha shino pa shikumzu tsukepue. Nongu ghi alikhi ampi jukutolo tishianguno oghukeqhive pemonike. 2Lakhino lakhi makho putsukilelo, tishikeu lono Khristo yezah shikuputsulo. 3Kughengu timi khuno paye kuchou loye kiumu kumoamu kiuala kepi kumsuaghi aye paye pa likhi pa pishiqhi anike. 4Ikemu pututano alikhi akumla pejukepue, tishi aye pano qhezakepu akiqi aghie pinamu tiye pa likhi pa shelo likhino shilu nani eno kutamino kiu shikeno tipau sasu kimghi akepu shimo nani. 5Kughengu pututa shelo amakho pukepu ani.
6Timi khuno lau Khristomi tsape shikave akeno paye pa kutsuchekeu sasu pano thime kivi akeu kumtsu pesu kusaje kepue.
7Olikhi opishiqhi kevilo; khunomu Alhou phimovemlae; timino kiu xusu keno tipau xolu nani. 8Timi khunono timi lhoayelo xusuni keno paye tipau launo akithipu xolu nanike; ikemu khunono Aghungu lo xusuni keno paye tipau launo alhokupuju kuxu xolu nani. 9Ikehu akivi kumla shinikeulo ninguye aghuthi suvemoni nolo, kughengu ninguno anhu thimono mla aye paghuloki lono xolu nani. 10Tishiaye, akivi shini nolo, eno akhotoshi akupulu lono abolomi shiluvekeqo lau akivi shiani nolo!
Ghuttu Kishekha
11Ilikhi i-uno akiye lothi kije shighi nongu lau yeakeu julo! 12Timi lhoaye kuxulo aje pipinishi eno timi piyenishi kemino tsumomo nongu pelo aphighu yiko ghavepeniye pukaputsa ani, tishi anguno Khristo kros ghenguno panongu shikighime pemoniyeke. 13Kughengu khunoqono aphighu yiko ghaveakeno panongu ghi Ayezah peluchemoe, ikemu panonguno nongu pelo aphighu yiko ghavepeniye shikakeu michipuye nongu philo akeu pesu panongu qhekuzapu shiniye kuto ani. 14Ikemu ilikhi imishiloye niye niMpeu Jisu Khristo kros nguno kutauye kiulomu qhezamo nani, kughengu pawu kros pesu ayeghiqha hu ilauno yeda pithivae eno ayeghiqha launo iyeda pithivae. 15Kughengu aphighu yiko ghana ghamo namu kiumu akhoto kumoe, ikemu lhoxu kithe lakhi shiluvekeuno akhotouke. 16Khunoqono hipa yeh pesu xucheni keno tipaqo shou eno Israilmi shou Alhou lokiqi eno alokughuno achepeni!
17Hinguno hilauye timi khumu akupuna kiumu itsukevilo, kughengu iphimpilo azaku puakeuye Jisu qemi michike.
18Ni Mpeu Jisu Khristo wu kupukini nongu athikuzumi kumtsu ngugha gholo apeniu Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.