IPEKULU 7
7
1AMPEU no pi, “Ino opelo akukau lau Alhou kimihi shitsuni cheni eno omu Aron no owu tungkupu kumlhoshi pa vilo pinanike. 2Ino ahza otsukeu kumtsu Aron vilo pilo eno pano akukau vilo pipuzu Israilmi pelo pa yeghi qhive penike. 3Ikemu ino akukau pelo kuthovi auve pe nani eno akumsapu jeli khije jehi shinamu paye otsa initsumo nanike. 4Tithiuno ino Ijip shou aghime kitikhi sughi nani eno iwu timi lagha qo tipa yeghi lono saipeve nani. 5Ino panoqo shou iube kethiuno eno pano ghakhu lono Israilmi saipeve kethiuno Ijipmiye tileno niye Alhou kepi ithi nani.” 6Muse ngo Aron pamaye AMPEU no ahza tsukeu shie. 7Pamano akukau putsawuke ghulokilo Muse ye ampe lhotache shiae eno Aron ye ampe lhotache kuthu shiake.
Aron Kusu
8AMPEU no Muse ngo Aron vilo pi, 9“Akukau no nokujo vilo kuchouno pi ani kemokeno amchipu shipiye lopi khu aye. Aron vilo pa kusu ikhipesu akukau zulo veqhilo pilo eno tiye apighi lakhi shive nanike.” 10Ike Muse ngo Aron pama ye akukau lau wuno AMPEU no ahza tsukeu toi shike. Aron no pa kusu pesu akukau ngo kijemiqo zulo veqhi kelo tiye apighi ilhouve. 11Tileno akukauno pawu kighithimi ngo kuduumi kusaghi eno panonguno kuduu shipuzu tipaphi shiluve. 12Panonguno akusuqo pesu veqhi kelauye apighi ilhoukhave. Ikemu Aron kusuno tipaqou munove. 13Tishiepimu akukauye pamlo hekike pesu auve, eno AMPEU no pikeu tho lono akukauno Muse ngo Aron tsa initsumoe.
Kutsakungo keu Ijip shou Ighi
Ahji
14Tithiu AMPEU no Muse vilo pi, “Akukauye kuthovi ani eno timiqo puwu moke. 15Tighenguno inaqhe pano Nayil lo iqike ghuloki lono pa sasu kusholo. Ou lo apighi ilhovekeu kusu pesu wulo eno aghoki mukulo pa khealo. 16Tishino akukau vilo ishi pilo ‘Ibrimi Lhou AMPEU no ovilo pawu timiqo puwuve lopi pipeniye ipuwue, tishi anguno panonguno asayeqha lono pa mllalu penike. Ikemu itehi kutolo nono ini tsumoe.’ 17Jualo, akiqheu AMPEU no pi anike paye khuu keno pano kiu shiniye anikeno tileno nono phulu nani. Julo ino akusu hipau pesu azulo ghapuku nani eno azuye ahji ilhouve nanike. 18Akhaqoye thive nani eno aghokiye muna shushuive nani ikehu Ijipmiye tipau zu yemulave nani.”
19AMPEU no Muse vilo pi, “Aron vilo pa kusu pesu Ijip lo aghoki, azula eno azu kucho akeu kumtsu shou chhope ngolo pilo. Azuye ahji shikhave nani eno aghakhuqha kumtsu azu tughuko ngo atu tughuko loghi ahji shive nani.”
20AMPEU no ahza tsukeu kiqi lono Muse ngo Aron pama no shie. Akukau ngo kijemiqo gizulono Aron no pa kusu peqhe puzu Nayil ghokilo ghasu, ike tile azu akeu kumtsu ahji ilhove. 21Aghokilo akhaqoye thikhave eno tiye shishe muna kehu Ijipmiye tipauzu yemulave. Ijip qha kumtsulo azuye ahji ilhouve. 22Ikelo akukau kuduu miqoghi pano kuduu pesu tipaphi shiluve eno akukauye puzuu tho lono kuthovi auve. AMPEU no pive ketoi akukauye Muse ngo Aron tsa initsumoe. 23Akukauye tipaughi jukutomono pa kuka kilo idewove. 24Ijipmi qoye aghokizu yemlave kehu aghoki mukulo azukikhe chhusu. 25AMPEU no aghokilo ghadakeu atsala tsuni tove.
Currently Selected:
IPEKULU 7: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
IPEKULU 7
7
1AMPEU no pi, “Ino opelo akukau lau Alhou kimihi shitsuni cheni eno omu Aron no owu tungkupu kumlhoshi pa vilo pinanike. 2Ino ahza otsukeu kumtsu Aron vilo pilo eno pano akukau vilo pipuzu Israilmi pelo pa yeghi qhive penike. 3Ikemu ino akukau pelo kuthovi auve pe nani eno akumsapu jeli khije jehi shinamu paye otsa initsumo nanike. 4Tithiuno ino Ijip shou aghime kitikhi sughi nani eno iwu timi lagha qo tipa yeghi lono saipeve nani. 5Ino panoqo shou iube kethiuno eno pano ghakhu lono Israilmi saipeve kethiuno Ijipmiye tileno niye Alhou kepi ithi nani.” 6Muse ngo Aron pamaye AMPEU no ahza tsukeu shie. 7Pamano akukau putsawuke ghulokilo Muse ye ampe lhotache shiae eno Aron ye ampe lhotache kuthu shiake.
Aron Kusu
8AMPEU no Muse ngo Aron vilo pi, 9“Akukau no nokujo vilo kuchouno pi ani kemokeno amchipu shipiye lopi khu aye. Aron vilo pa kusu ikhipesu akukau zulo veqhilo pilo eno tiye apighi lakhi shive nanike.” 10Ike Muse ngo Aron pama ye akukau lau wuno AMPEU no ahza tsukeu toi shike. Aron no pa kusu pesu akukau ngo kijemiqo zulo veqhi kelo tiye apighi ilhouve. 11Tileno akukauno pawu kighithimi ngo kuduumi kusaghi eno panonguno kuduu shipuzu tipaphi shiluve. 12Panonguno akusuqo pesu veqhi kelauye apighi ilhoukhave. Ikemu Aron kusuno tipaqou munove. 13Tishiepimu akukauye pamlo hekike pesu auve, eno AMPEU no pikeu tho lono akukauno Muse ngo Aron tsa initsumoe.
Kutsakungo keu Ijip shou Ighi
Ahji
14Tithiu AMPEU no Muse vilo pi, “Akukauye kuthovi ani eno timiqo puwu moke. 15Tighenguno inaqhe pano Nayil lo iqike ghuloki lono pa sasu kusholo. Ou lo apighi ilhovekeu kusu pesu wulo eno aghoki mukulo pa khealo. 16Tishino akukau vilo ishi pilo ‘Ibrimi Lhou AMPEU no ovilo pawu timiqo puwuve lopi pipeniye ipuwue, tishi anguno panonguno asayeqha lono pa mllalu penike. Ikemu itehi kutolo nono ini tsumoe.’ 17Jualo, akiqheu AMPEU no pi anike paye khuu keno pano kiu shiniye anikeno tileno nono phulu nani. Julo ino akusu hipau pesu azulo ghapuku nani eno azuye ahji ilhouve nanike. 18Akhaqoye thive nani eno aghokiye muna shushuive nani ikehu Ijipmiye tipau zu yemulave nani.”
19AMPEU no Muse vilo pi, “Aron vilo pa kusu pesu Ijip lo aghoki, azula eno azu kucho akeu kumtsu shou chhope ngolo pilo. Azuye ahji shikhave nani eno aghakhuqha kumtsu azu tughuko ngo atu tughuko loghi ahji shive nani.”
20AMPEU no ahza tsukeu kiqi lono Muse ngo Aron pama no shie. Akukau ngo kijemiqo gizulono Aron no pa kusu peqhe puzu Nayil ghokilo ghasu, ike tile azu akeu kumtsu ahji ilhove. 21Aghokilo akhaqoye thikhave eno tiye shishe muna kehu Ijipmiye tipauzu yemulave. Ijip qha kumtsulo azuye ahji ilhouve. 22Ikelo akukau kuduu miqoghi pano kuduu pesu tipaphi shiluve eno akukauye puzuu tho lono kuthovi auve. AMPEU no pive ketoi akukauye Muse ngo Aron tsa initsumoe. 23Akukauye tipaughi jukutomono pa kuka kilo idewove. 24Ijipmi qoye aghokizu yemlave kehu aghoki mukulo azukikhe chhusu. 25AMPEU no aghokilo ghadakeu atsala tsuni tove.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.