EFESIAMI 3
3
Paul no Judakumomi lau Mla
1Akiqi hipau akeu ghenguno, ni Paul ye nongu Judakumomi ghenguno Khristo Jisu kughushi achekemi lakhi ke. 2Nongu kivipu shipenike Alhou no pawu kupukini itsukeu nonguye chiluve aghiniake, 3ike ino yevekeu toi tuqhou kukughu achekeu hu ilau pephepiye ke. 4Ino kiu yeveakeno tipau nonguno phiju aye, Khristo wu tuqhou kukughu ino jupililu akeu nonguno ithikutolu nani. 5Wovekeu tiqhelimiqo lauye tuqhou kukughu hipau pimono acheke, ikemu itehiye Aghungu vechewo Alhou no pawu apostolmi akimthemi eno pawu tungkupmi lau tipau pephepiyevae. 6Tuqhou kukughuye hike: atsakiviu vechewo Judakumomino Judami gholo amheghi kiyighimi, kumtsa aphimpilo kihikusumi eno Khristo Jisu gholono Alhou no piqhi puakeulo kusajekemi ke. #Kolo 1.26-27
7Alhou no pa kuka ivechewo mla akeuno pawu kupukini gho lono ipelo atsakiviu lokijimi lakhi shilupeke. 8Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke, 9Alhou wu tuqhou kukughu kishi shiwoni cheni keno timi kumtsu pelo ithulupe niyeke. Thwokha lhotsukeu Lhou no wovekeu tiqhelimi kumtsu launo pawu tuqhou huye kusupe puacheke, 10tishianguno akukuho vechewo itehiye kungulo yekipemi ngo kungulo kukaqo pelono Alhou suqhe kighithi jeli kumtsu ithipeniyeke. 11Hiye pano lhokta lono mijipe puachekeu ningu Mpeu Jisu Khristo lono mutsuqheyi shilupeke. 12Pa gholo kimepe akeu lono eno pa lau ningu kupulu akeu lono ninguno amlo kuloghi xapusu Alhou zulo vejoi ilolukepushi anie. 13Tishiaye, ino nongu ghenguno aghime shiakeulo nonguye amlo kusa shikevilopi nongu qhuiniju ani, hiye nongu vehupu ghenguno ke.
Khristo Kimiyekini
14Akiqi hitoikeu akeu ghenguno niye Apu zulo qhoqhunhe cheni. 15Kungughalo na ayeghilo namu pa launo pututa muqono aje kuchou ithulu chekeu ke. 16Ike nongu lolo akeu ampi mutotoi penike, pa kimthe jukuvu kinikulushi akeu pesu pa Ghungu no akuka nongu tsupenike ino Alhou vilo khu ani, 17akupulu vechewo Khristo pelo nongu mlolo pa kungoa shilupeni. Nonguye kimiyekinino nongu boqha shilu eno kimiyekini kuhu qusulu penike, 18tishianguno nonguno Alhou wu timiqo gholono Khristo kimiyekini akije akushu lau, akiqhe lau eno akutho lau kiukeno ithikutolu kepu kuka apenike. 19Khristo kimiyekinino akighithi jeli kumtsu veche iku akeu nonguno ithipenike, tishianguno Alhou kupukulu kumtsu pesu nongu pelo chhitoilu penike.
20Itehiye khuno pa kuka khipau nilolo peitha anikeno tipau vechewo ninguno khukeu momu kumsulukeu nguno shishe alaushi mlatsu chekeu lau, 21akukuholo eno Khristo Jisu gholono, tiqheli lakhi lono lakhiu kutolo alhokupuju ghenguno, Alhou lau akimthe jekipi shipelo! Amen.
Currently Selected:
EFESIAMI 3: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
EFESIAMI 3
3
Paul no Judakumomi lau Mla
1Akiqi hipau akeu ghenguno, ni Paul ye nongu Judakumomi ghenguno Khristo Jisu kughushi achekemi lakhi ke. 2Nongu kivipu shipenike Alhou no pawu kupukini itsukeu nonguye chiluve aghiniake, 3ike ino yevekeu toi tuqhou kukughu achekeu hu ilau pephepiye ke. 4Ino kiu yeveakeno tipau nonguno phiju aye, Khristo wu tuqhou kukughu ino jupililu akeu nonguno ithikutolu nani. 5Wovekeu tiqhelimiqo lauye tuqhou kukughu hipau pimono acheke, ikemu itehiye Aghungu vechewo Alhou no pawu apostolmi akimthemi eno pawu tungkupmi lau tipau pephepiyevae. 6Tuqhou kukughuye hike: atsakiviu vechewo Judakumomino Judami gholo amheghi kiyighimi, kumtsa aphimpilo kihikusumi eno Khristo Jisu gholono Alhou no piqhi puakeulo kusajekemi ke. #Kolo 1.26-27
7Alhou no pa kuka ivechewo mla akeuno pawu kupukini gho lono ipelo atsakiviu lokijimi lakhi shilupeke. 8Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke, 9Alhou wu tuqhou kukughu kishi shiwoni cheni keno timi kumtsu pelo ithulupe niyeke. Thwokha lhotsukeu Lhou no wovekeu tiqhelimi kumtsu launo pawu tuqhou huye kusupe puacheke, 10tishianguno akukuho vechewo itehiye kungulo yekipemi ngo kungulo kukaqo pelono Alhou suqhe kighithi jeli kumtsu ithipeniyeke. 11Hiye pano lhokta lono mijipe puachekeu ningu Mpeu Jisu Khristo lono mutsuqheyi shilupeke. 12Pa gholo kimepe akeu lono eno pa lau ningu kupulu akeu lono ninguno amlo kuloghi xapusu Alhou zulo vejoi ilolukepushi anie. 13Tishiaye, ino nongu ghenguno aghime shiakeulo nonguye amlo kusa shikevilopi nongu qhuiniju ani, hiye nongu vehupu ghenguno ke.
Khristo Kimiyekini
14Akiqi hitoikeu akeu ghenguno niye Apu zulo qhoqhunhe cheni. 15Kungughalo na ayeghilo namu pa launo pututa muqono aje kuchou ithulu chekeu ke. 16Ike nongu lolo akeu ampi mutotoi penike, pa kimthe jukuvu kinikulushi akeu pesu pa Ghungu no akuka nongu tsupenike ino Alhou vilo khu ani, 17akupulu vechewo Khristo pelo nongu mlolo pa kungoa shilupeni. Nonguye kimiyekinino nongu boqha shilu eno kimiyekini kuhu qusulu penike, 18tishianguno nonguno Alhou wu timiqo gholono Khristo kimiyekini akije akushu lau, akiqhe lau eno akutho lau kiukeno ithikutolu kepu kuka apenike. 19Khristo kimiyekinino akighithi jeli kumtsu veche iku akeu nonguno ithipenike, tishianguno Alhou kupukulu kumtsu pesu nongu pelo chhitoilu penike.
20Itehiye khuno pa kuka khipau nilolo peitha anikeno tipau vechewo ninguno khukeu momu kumsulukeu nguno shishe alaushi mlatsu chekeu lau, 21akukuholo eno Khristo Jisu gholono, tiqheli lakhi lono lakhiu kutolo alhokupuju ghenguno, Alhou lau akimthe jekipi shipelo! Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.