2 KORINTHIAMI 13
13
Ashekhau Ghuttu eno Petha
1Hi ghuthu akuthu-u niye nongu putsa ighini cheni. “Kiukiu ngukukile keu aghinamu thopimi kini momu kuthuno mutsumishei ashepe shikeu lono xatha kepuke.” #Zaki 17.6; 19.15 2Khunoqomi puzuu axine shivekeno eno kutamiqo kumtsu lau ino kutughuve ani; puzuu ghi ino ghuthu akiniu nongu putsa ighi kelono pivae, ikemu itehi niye putosupe akelono itaghi pini; ino ighi aye niye panoqo ghime niputsake. 3Hipau lono Khristo no ivechewo piani kepi nonguno mutsuqheyi shivenishi akeuke. Kughou pano nongu peithaju akeno paye tomo chhimokeu kumoe, ikemu paye nongu gholo pa kuka piyeke. 4Kughengu tomo chhimo keu shighi kros shouno pa pithive pinamu Alhou kuka lono paye xuani. Kughengu pa gholo ninguye tomo chhimoke, ikemu nino nongu peithakeu loye Alhou kuka lono ninguno pa gholo xu nani.
5Nonguye nongu kupulu mutupe anikemo keno juke pushi nongu likhi nongu chhe julo eno kughathajulo. Nonguye thwokha pheve aghinike kumo aye Jisu Khristo ye nongu lolo aniepi kumsumla kesha? 6Ino puluakeuno nonguno ithi anike ninguye tomovekemiqo kumoe. 7Nonguye akumou shipemo nike ghenguno nino Alhou vilo inikhu ani, ninguye pejukeulo toluvea kepi piyenike ghenguno kumoe, ninguye tomovekemi hutoi shi aghie pinamu kiuno achipi keno tipau nongu pelo shipeniyeke. 8Kughengu ninguye kuchou shou kiumu shimlae ikemu tipau ghengu likhi shiluke. 9Kughono ninguno tomo chhimomu nonguno mutotoi aghi aye tino ningu lokivike. Ikehu ninguno inikhu akeuye nongu pelo kupukulu shilupeniyeke. 10Ino nongu launo putou akelono hipau yelu akeuye ino ighini kelo Ampeu no akuka yeh itsukeu peitha puzu mghachhoi nongu peithamoniyeke. Akuka yeh tsukeu huye kutsaleve peniyeke kumo puzu shiqhepuku peniyeke.
11Ashekhalo ghi athikuzumiqo, ileno alo! Kupukulu shinikeu kohakishilo; ino pikeu inilo; lakhino lakhi sasu kumtsa pulo kuqhalo, eno alokiqi shi xulo. Kimiyekini eno alokiqi Lhou no nongu gholo anani. 12Akimtheshi mumakeu pesu nongu lakhino lakhi ikhilukilelo. 13Hilau Alhou wu timi kumtsuno petha nongu tsupuwu ani.
14Ampeu Jisu Khristo wu kupukini, Alhou kimiyekini eno Aghungu Kimthe kuposhukulu nongu kumtsu gholo apeniu. Amen.
Currently Selected:
2 KORINTHIAMI 13: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
2 KORINTHIAMI 13
13
Ashekhau Ghuttu eno Petha
1Hi ghuthu akuthu-u niye nongu putsa ighini cheni. “Kiukiu ngukukile keu aghinamu thopimi kini momu kuthuno mutsumishei ashepe shikeu lono xatha kepuke.” #Zaki 17.6; 19.15 2Khunoqomi puzuu axine shivekeno eno kutamiqo kumtsu lau ino kutughuve ani; puzuu ghi ino ghuthu akiniu nongu putsa ighi kelono pivae, ikemu itehi niye putosupe akelono itaghi pini; ino ighi aye niye panoqo ghime niputsake. 3Hipau lono Khristo no ivechewo piani kepi nonguno mutsuqheyi shivenishi akeuke. Kughou pano nongu peithaju akeno paye tomo chhimokeu kumoe, ikemu paye nongu gholo pa kuka piyeke. 4Kughengu tomo chhimo keu shighi kros shouno pa pithive pinamu Alhou kuka lono paye xuani. Kughengu pa gholo ninguye tomo chhimoke, ikemu nino nongu peithakeu loye Alhou kuka lono ninguno pa gholo xu nani.
5Nonguye nongu kupulu mutupe anikemo keno juke pushi nongu likhi nongu chhe julo eno kughathajulo. Nonguye thwokha pheve aghinike kumo aye Jisu Khristo ye nongu lolo aniepi kumsumla kesha? 6Ino puluakeuno nonguno ithi anike ninguye tomovekemiqo kumoe. 7Nonguye akumou shipemo nike ghenguno nino Alhou vilo inikhu ani, ninguye pejukeulo toluvea kepi piyenike ghenguno kumoe, ninguye tomovekemi hutoi shi aghie pinamu kiuno achipi keno tipau nongu pelo shipeniyeke. 8Kughengu ninguye kuchou shou kiumu shimlae ikemu tipau ghengu likhi shiluke. 9Kughono ninguno tomo chhimomu nonguno mutotoi aghi aye tino ningu lokivike. Ikehu ninguno inikhu akeuye nongu pelo kupukulu shilupeniyeke. 10Ino nongu launo putou akelono hipau yelu akeuye ino ighini kelo Ampeu no akuka yeh itsukeu peitha puzu mghachhoi nongu peithamoniyeke. Akuka yeh tsukeu huye kutsaleve peniyeke kumo puzu shiqhepuku peniyeke.
11Ashekhalo ghi athikuzumiqo, ileno alo! Kupukulu shinikeu kohakishilo; ino pikeu inilo; lakhino lakhi sasu kumtsa pulo kuqhalo, eno alokiqi shi xulo. Kimiyekini eno alokiqi Lhou no nongu gholo anani. 12Akimtheshi mumakeu pesu nongu lakhino lakhi ikhilukilelo. 13Hilau Alhou wu timi kumtsuno petha nongu tsupuwu ani.
14Ampeu Jisu Khristo wu kupukini, Alhou kimiyekini eno Aghungu Kimthe kuposhukulu nongu kumtsu gholo apeniu. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.