2 KORINTHIAMI 10
10
Paul kumla Ghili
1Khristo kumtsha akughuvu pesu ni Paul ampino nongu qhuyiniju ani. Kughou nongu sasu kinheqhe kusholuni keno niye ivunheyi cheni ikemu kughono nongu launo putosuveni keno niye mghachhoyi cheni ipichekeu hu ni Paul ke. 2Kughou ino ighini keno ipelo nongu lau mghachhoyi pekevilo; kughengu khunono ninguye ayeghilo kuxu ghola lono mlaitha ani kepi ni pulupusa cheni keno niye tipanoqo lau mghachhoyi keu piyelu nani. 3Kughengu ninguye ayeghilo xu anamu ayeghilo ghushi nanu xapusu aghu shichemoe. 4Kughengu ningu ghushi nanuye ayeghilomi ghushi nanu kumoe ikemu Alhou launo ighikeu kuka ghunanu pesu aliwo kuptu leluniyeke. Akimiki lono kula-kide kudayikeu hu ninguno kutsa cheni; 5Alhou kighithi lakhakeu ghuthu ninguno tula cheni; akukumsu thwokha ninguno tshusawo Khristo gholupe cheni. 6Nonguno thwokhalo aghokulu shikethiuno kiu kiu lomu agholumokeu shikighime nike ninguye kutope ani.
7Nongu zulo kiu ani keno julo. Nongu gholo khualano paye Khristo timi kepi mutsuqheyi shilu aghi aye pa likhi pano highi kumsukutojulo: pano Khristo timi kehutoi ningu ghike. 8Kughengu Ampeu no akuka khikhi ningu tsukeno tiye nongu shipsa peniyeke kumono nongu xaqhepuku peniyeke eno ino tipau kuka akeulo alaushi qheza namu niye kujokepu kuhae. 9Niye yesu yepesu nongu shikumsa niye kekumoe. 10Timi khamino ishi piaghiluvi, “Paul yesuqoye mishishei eno mukamughaike ikemu pa ampino ningu gholo akelo paye qeinayi eno pa tsaqoye kiumu kihikepu kuhae!” 11Timi tishi pichekeqo pelo hi ithi pelo: ninguno putou akelo yesu lono kiu yepuwu keno ningu ampino ighikelo tipau shi chenike.
12Kuchouno ninguye alikhi ampi sheqhe chekemi khami sasu jokumtsaju momu kimghiju akepu kuhake. Ikemu kughono panongu likhi panongu mighijukile eno panongu likhi panongu xathakilejuni keno panonguye mubomzumi qoke. 13Ikemu ninguye kihithapuakeu nguno alauye qhezani chemoe; tiye Alhou no kihitha pesu ningu kophepuatsu keu kumlapu kuto dolo likhi ananike, eno tiye nongu Korinthiami gholo mlakeu ghi kihikuqha anike. 14Ningu paghino Khristo tsakiviu pesu ala kushuwa lono nongu lau ighikehu nongu ghenguno ninguno akijivilo akeulo ninguye kihithatsukeu bocho nguno alau wuve amoe. 15Ike Alhou no ningu ghenguno kothapuatsu keu kumla bocho nguno kutamino mlakeulo ninguno qheza amoke. Ikemu ninguno lakuju shiakeuno nongu kupulu kighishelu keulo nongu gholo ningu pelo Alhou no kihitha tsukeu kuto lono alaushi akumla kije shilupekepuke. 16Tishikeulo kutamino mlachekeu alo mlapuani kepi qheza kepu kuhano nongu hechesu ayeghi kutau ghi atsakiviu pikulhawu penike. 17Kuchoyesulo piketoi, “Khuno qhezani keno Ampeu no kiu mlakeno tipaulo qheza pelo.” #Jere 9.246 18Kughengu timi lakhino pa likhi pa sheqhekeuye adouke ikemu Ampeu no sheqhekeu timi huye amekuapu ke.
Currently Selected:
2 KORINTHIAMI 10: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
2 KORINTHIAMI 10
10
Paul kumla Ghili
1Khristo kumtsha akughuvu pesu ni Paul ampino nongu qhuyiniju ani. Kughou nongu sasu kinheqhe kusholuni keno niye ivunheyi cheni ikemu kughono nongu launo putosuveni keno niye mghachhoyi cheni ipichekeu hu ni Paul ke. 2Kughou ino ighini keno ipelo nongu lau mghachhoyi pekevilo; kughengu khunono ninguye ayeghilo kuxu ghola lono mlaitha ani kepi ni pulupusa cheni keno niye tipanoqo lau mghachhoyi keu piyelu nani. 3Kughengu ninguye ayeghilo xu anamu ayeghilo ghushi nanu xapusu aghu shichemoe. 4Kughengu ningu ghushi nanuye ayeghilomi ghushi nanu kumoe ikemu Alhou launo ighikeu kuka ghunanu pesu aliwo kuptu leluniyeke. Akimiki lono kula-kide kudayikeu hu ninguno kutsa cheni; 5Alhou kighithi lakhakeu ghuthu ninguno tula cheni; akukumsu thwokha ninguno tshusawo Khristo gholupe cheni. 6Nonguno thwokhalo aghokulu shikethiuno kiu kiu lomu agholumokeu shikighime nike ninguye kutope ani.
7Nongu zulo kiu ani keno julo. Nongu gholo khualano paye Khristo timi kepi mutsuqheyi shilu aghi aye pa likhi pano highi kumsukutojulo: pano Khristo timi kehutoi ningu ghike. 8Kughengu Ampeu no akuka khikhi ningu tsukeno tiye nongu shipsa peniyeke kumono nongu xaqhepuku peniyeke eno ino tipau kuka akeulo alaushi qheza namu niye kujokepu kuhae. 9Niye yesu yepesu nongu shikumsa niye kekumoe. 10Timi khamino ishi piaghiluvi, “Paul yesuqoye mishishei eno mukamughaike ikemu pa ampino ningu gholo akelo paye qeinayi eno pa tsaqoye kiumu kihikepu kuhae!” 11Timi tishi pichekeqo pelo hi ithi pelo: ninguno putou akelo yesu lono kiu yepuwu keno ningu ampino ighikelo tipau shi chenike.
12Kuchouno ninguye alikhi ampi sheqhe chekemi khami sasu jokumtsaju momu kimghiju akepu kuhake. Ikemu kughono panongu likhi panongu mighijukile eno panongu likhi panongu xathakilejuni keno panonguye mubomzumi qoke. 13Ikemu ninguye kihithapuakeu nguno alauye qhezani chemoe; tiye Alhou no kihitha pesu ningu kophepuatsu keu kumlapu kuto dolo likhi ananike, eno tiye nongu Korinthiami gholo mlakeu ghi kihikuqha anike. 14Ningu paghino Khristo tsakiviu pesu ala kushuwa lono nongu lau ighikehu nongu ghenguno ninguno akijivilo akeulo ninguye kihithatsukeu bocho nguno alau wuve amoe. 15Ike Alhou no ningu ghenguno kothapuatsu keu kumla bocho nguno kutamino mlakeulo ninguno qheza amoke. Ikemu ninguno lakuju shiakeuno nongu kupulu kighishelu keulo nongu gholo ningu pelo Alhou no kihitha tsukeu kuto lono alaushi akumla kije shilupekepuke. 16Tishikeulo kutamino mlachekeu alo mlapuani kepi qheza kepu kuhano nongu hechesu ayeghi kutau ghi atsakiviu pikulhawu penike. 17Kuchoyesulo piketoi, “Khuno qhezani keno Ampeu no kiu mlakeno tipaulo qheza pelo.” #Jere 9.246 18Kughengu timi lakhino pa likhi pa sheqhekeuye adouke ikemu Ampeu no sheqhekeu timi huye amekuapu ke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.