ZEPHANIA 2
2
Lunglaih khang Huaymei
1Guang kaduai tho, guang kaduai tho, he zak thay makmei zaat, 2Phei ta kumc nangniw ta kagamv ganc makmei hu khou, Ringhpouc tuang chuangc bammei lungpuam nangniw ruc khou guang mak khou, kamei rui kalungpuam lyanloumei tingmik guang makmei hu khou guang kaduai tho. 3Ringhpouc khou karih guang o, mi kandic khou lungc bammei lungh niamhmei thiule, kalatdanv guay piu bammei nuncle. Nchumhmei tei taanc o, kumna nangniw Ringhpouc hu khou niamh key o. Kum e thei Ringhpouc rui lungpuam lyan patpui nungc nangniw duak pwng e.
Isaraelmei Daeng khou Lungc Bammei Zaatc guay Amaan Nimei
4Gaza kaidai khou meic gaanv khat na sini ganclou lak khe. Askelon hei lungctaekna ganclou puni the. Asdodmei nunc ta tingchung khou rui alay ganc ngamlou puni the, khatni Ekronmei nunc ta kaniw tuang kaidai khou rui alay ganc puni the.#Isa 14.29-31; Jer 47.1-7; Eze 25.15-17; Jol 3.4-8; Amo 1.6-8; Zek 9.5-7 5Duipui tin khou lungc bammei Philistinmei nangniw kamut kamai puni the. Ringhpouc rui nangniw ruc khou kalat baengc pat kan the. Kamei rui nangniw ta swmutlou puni the, kumna nangniw gaanv khat na ta sini nsaekclou lak khe. 6Duipui tin khou naimei nangniw ramv guay tei nsa ramv swna lauziu gaenghmei nunc kai khatni lauziu kuanc rana padik puni the. 7Judamei theic nsaekcmei nunc rui nangniw kandic khou tei lungc puni the. Kaniw rui hei tei kaniw tuang lauziu nunc byn tiswlou puni the, kumna kaniw Askelon tuang kai guay khou zip puni the. Ringhpouc kaniw Racguangc rui kaniw ta nduanghlouna kaniw ta tilungcgay chingkhiuhlou dat puni the.
8Ngamparymei Ringhpouc rui sa e, “Moabmei khatni Ammonmei rui amei nunc ta tizakna khatni sinnuina samei khatni kaniw kandic tei kaniw rui asut puni twna sa bammei tei ai chu the.#Isa 15.1—16.14; 25.10-12; Jer 48.1-47; Eze 25.8-11; Amo 1.13-15; Jer 49.1-6; Eze 21.28-32; 25.1-7; Amo 1.13-15 9Ai hei Isaraelmei tuang ringc bammei Ravguangc swmei suai makmei kumcna Moab lev Ammon ta Sodom lev Gomora ta kumc suai makna swmaan puni the. Mi nei hei ntey khunc bamv khatni tingsaeng sw kasicna gancloumei, sauhraengh rui thau padikmei bamv sw puni the. Amei nunc theic nsaekcloumei nunc rui kaniw tuang puat khatni kandih tei laa puni the.”#Tha 19.24
10Moabmei khatni Ammonmei ta kaniw tuang daic tuh tuna swmei khatni Ngamparymei Ringhpouc tuang mei nunc ta tizakmei khang rui dandi tii nimei kiu mi hei the. 11Ringhpouc rui kaniw ta tipinglou puni. Kamei rui kandihmei tuang rav nunc ta ramhkhat na sini hamhmei tiswlou puni, kumna khou kiu zaatc kathuicna rui kakandic dic khou kata kalum puni.
12 Ringhpouc rui Sudanmei nunc ta ni swluai puni.#Isa 18.1-7
13 Ringhpouc rui kabaancpwam ntyng patna Asiria ta swmaan puni. Kamei rui Nineve kaidai ta meic lungctaekna gancloumei, dui maekmei sypungramv tiswlou puni.#Isa 10.5-34; 14.24-27; Nah 1.1—3.19 14Mi hei lauziu pang, khatni khouringh zaat kaguayna zip kariupui bamv sw puni. Sw kasic karoucna lungctaekna gancloumei bamv khou kailat py khou puanhmang nunc tow bam puni. Agaekc nunc rui kaimun py khou towna rah bam puni. Kai guay khou swloumei sidarthing guay tei kathangv ganc puni. 15Karana kangamv khang heidi kagaengh swna bammei khatni mi khou hei giuga dat khang maek khe twna kakhanh bammei kaidai khou patlou nimei kiu mi hei the. Mi khou bammei nunc tei rui kaniw kaidai hei kandih nam ruc khou daic liangmei di the twna kakhanh e. Mi hei adihkamv simei lungctaekloumei bamv sw puni cho, nwmbangc khouringc nthaekcpui bamv sw puni! Mi khou tei tat ruanloumei kathuihna rui sinnui puni, khatni ‘Apuai’ twna sa puni.
Currently Selected:
ZEPHANIA 2: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
ZEPHANIA 2
2
Lunglaih khang Huaymei
1Guang kaduai tho, guang kaduai tho, he zak thay makmei zaat, 2Phei ta kumc nangniw ta kagamv ganc makmei hu khou, Ringhpouc tuang chuangc bammei lungpuam nangniw ruc khou guang mak khou, kamei rui kalungpuam lyanloumei tingmik guang makmei hu khou guang kaduai tho. 3Ringhpouc khou karih guang o, mi kandic khou lungc bammei lungh niamhmei thiule, kalatdanv guay piu bammei nuncle. Nchumhmei tei taanc o, kumna nangniw Ringhpouc hu khou niamh key o. Kum e thei Ringhpouc rui lungpuam lyan patpui nungc nangniw duak pwng e.
Isaraelmei Daeng khou Lungc Bammei Zaatc guay Amaan Nimei
4Gaza kaidai khou meic gaanv khat na sini ganclou lak khe. Askelon hei lungctaekna ganclou puni the. Asdodmei nunc ta tingchung khou rui alay ganc ngamlou puni the, khatni Ekronmei nunc ta kaniw tuang kaidai khou rui alay ganc puni the.#Isa 14.29-31; Jer 47.1-7; Eze 25.15-17; Jol 3.4-8; Amo 1.6-8; Zek 9.5-7 5Duipui tin khou lungc bammei Philistinmei nangniw kamut kamai puni the. Ringhpouc rui nangniw ruc khou kalat baengc pat kan the. Kamei rui nangniw ta swmutlou puni the, kumna nangniw gaanv khat na ta sini nsaekclou lak khe. 6Duipui tin khou naimei nangniw ramv guay tei nsa ramv swna lauziu gaenghmei nunc kai khatni lauziu kuanc rana padik puni the. 7Judamei theic nsaekcmei nunc rui nangniw kandic khou tei lungc puni the. Kaniw rui hei tei kaniw tuang lauziu nunc byn tiswlou puni the, kumna kaniw Askelon tuang kai guay khou zip puni the. Ringhpouc kaniw Racguangc rui kaniw ta nduanghlouna kaniw ta tilungcgay chingkhiuhlou dat puni the.
8Ngamparymei Ringhpouc rui sa e, “Moabmei khatni Ammonmei rui amei nunc ta tizakna khatni sinnuina samei khatni kaniw kandic tei kaniw rui asut puni twna sa bammei tei ai chu the.#Isa 15.1—16.14; 25.10-12; Jer 48.1-47; Eze 25.8-11; Amo 1.13-15; Jer 49.1-6; Eze 21.28-32; 25.1-7; Amo 1.13-15 9Ai hei Isaraelmei tuang ringc bammei Ravguangc swmei suai makmei kumcna Moab lev Ammon ta Sodom lev Gomora ta kumc suai makna swmaan puni the. Mi nei hei ntey khunc bamv khatni tingsaeng sw kasicna gancloumei, sauhraengh rui thau padikmei bamv sw puni the. Amei nunc theic nsaekcloumei nunc rui kaniw tuang puat khatni kandih tei laa puni the.”#Tha 19.24
10Moabmei khatni Ammonmei ta kaniw tuang daic tuh tuna swmei khatni Ngamparymei Ringhpouc tuang mei nunc ta tizakmei khang rui dandi tii nimei kiu mi hei the. 11Ringhpouc rui kaniw ta tipinglou puni. Kamei rui kandihmei tuang rav nunc ta ramhkhat na sini hamhmei tiswlou puni, kumna khou kiu zaatc kathuicna rui kakandic dic khou kata kalum puni.
12 Ringhpouc rui Sudanmei nunc ta ni swluai puni.#Isa 18.1-7
13 Ringhpouc rui kabaancpwam ntyng patna Asiria ta swmaan puni. Kamei rui Nineve kaidai ta meic lungctaekna gancloumei, dui maekmei sypungramv tiswlou puni.#Isa 10.5-34; 14.24-27; Nah 1.1—3.19 14Mi hei lauziu pang, khatni khouringh zaat kaguayna zip kariupui bamv sw puni. Sw kasic karoucna lungctaekna gancloumei bamv khou kailat py khou puanhmang nunc tow bam puni. Agaekc nunc rui kaimun py khou towna rah bam puni. Kai guay khou swloumei sidarthing guay tei kathangv ganc puni. 15Karana kangamv khang heidi kagaengh swna bammei khatni mi khou hei giuga dat khang maek khe twna kakhanh bammei kaidai khou patlou nimei kiu mi hei the. Mi khou bammei nunc tei rui kaniw kaidai hei kandih nam ruc khou daic liangmei di the twna kakhanh e. Mi hei adihkamv simei lungctaekloumei bamv sw puni cho, nwmbangc khouringc nthaekcpui bamv sw puni! Mi khou tei tat ruanloumei kathuihna rui sinnui puni, khatni ‘Apuai’ twna sa puni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.