ZEKARIA 9
9
Kainingmei Zaatc guay khou Ravguangc Latzan
1Mi hei Ringhpouc tuang lat re:#Isa 23.1-18; Eze 26.1—28.26; Jol 3.4-8; Amo 1.9,10; Met 11.21,22; Luk 10.13,14 Kamei rui Hadrak kandic khatni Damaskas kaidai khang dandi kauc pat kan the. Isaraelmei kaikhwang nunc na hamhna Siria tuang guangh kaidai ni Ringhpouc tuang e.#Isa 17.1-3; Jer 49.23-27; Amo 1.3-5 #Isa 23.1-18; Eze 26.1—28.26; Jol 3.4-8; Amo 1.9,10; Met 11.21,22; Luk 10.13,14 2Hadrak ramvrei khou naimei Hamat hei ni katuang e, kumna Tur lev Sidon kaidai nei hei ni kaney khou naimei ningtyng guay ni katuang e. 3Tur hei karaengh raenglou the khatni kachaekc kaphut peic padiklouna hei tei mphuam tanacmei puat ta kumc thouhsw mak khe. 4Tiki kakhou naimei kaguayna tei Ringhpouc rui laa ganc puni the. Ringhpouc rui katuang lanv guay tei duipui khou phaiclou puni the, kumna kaidai tei mai rui raw mutsutlou puni the.
5Askelon kaidai rui hei tei how lana ping puni the. Gaza kaidai rui hei tei howna ryanra puni the. Ekron kaidai ni kamei rui lwm gay bammei guay tei amaan ngam kan puni the. Gaza kaidai kaguangc amaan kan puni the, khatni Askelon kaidai hei meic lungctaekna ganclou puni the.#Isa 17.1-3; Jer 49.23-27; Amo 1.3-5 6Zaatc kariumei nunc rui Asdod kaidai khou lungc puni the. Ringhpouc rui sa the, “Mi daic tuh tumei Philistinmei nunc ti hei tiliwkeylou puni the. 7Zei kazauhmei zanc khatni baihmei tu lak nimei taektw tu dat pw lak khe. Theic nsaekcloumei nunc tei amei nunc sw puni the khatni kaniw Juda khwangmei puinac akhat kumc puni the. Jebusimei nunc kumc muayna Ekronmei ni atuang mei sw puni the. 8Ai rui akandih ta gaek puni the kumna rihmei nunc mi khou tei gut mak khang gaek puni the. Sintuna lunghmei nunc rui amei nunc ta sintuna bam khang ai rui nuhlou dat lak khe. Amei nunc adih ryanra kan the cho twmei ai how the.”
Thei thangc Guang Nimei Guangc
9Neihla o, neihla o, Zaionmei nunc!
Neihlana kauc o, Jerusalemmei nunc!
Zauc lo, nangniw guangc tei guang pw the!
Kamei rihngamna guang pw the,
tiki niamhna kuanniam khou tuangcna guang the—
kuanniamlauna, khou tuangcna guang the.#Met 21.5; Jhn 12.15
10 Ringhpouc rui sa the,
“Ai rui rih tuang gari guay Isaraelmei khou rui laa ganc puni khatni Jerusalem khou rui takuanh guay laa ganc puni;
rih bamv khou sinmei pailu guay sw kasic ngam puni.
Nang guangh rui zaatc nunc ta ti nchu-nzaenghlou puni;
kamei duipui khou rui duipui,
Euphratis Duiriang khou rui
kandih luaimei nganv sin puni.”#Kal 72.8
Ravguangc Mei nunc ta Laalou Datmei
11 Ringhpouc rui sa the,
“Khaengmei zei rui nimcloumei ai
nangniw lev swlou kanmei latdyng zaeng rui,
ai rui nangniw ta mpatlou puni the—
bangclou bammei dui maekmei khunc khou rui mpat patlou puni the.#Tat 24.8
12Guang dat tho,
lwmgayna nkhwan bammei kang bammeithiu;
nangniw tuang giuga makmei bamv khou guang dat tho.
Ai rui nangniw khou samei hei e,
nangniw ryanra kanmei dam kanei tei ai rui nangniw khou suaihiamlou dat puni.
13Ai rui Juda ta rih tuang sauhpai kumc khatni Isaraelmei ta pailu kumc piu puni.
Ai rui Grikmei nunc ta adow khang
Zaionmei nunc ta baengsaeng swna piu puni.”
14 Ringhpouc kamei nunc ruc khou tatpat puni the;
kamei rui katuang pailu guay tingpalik kumc kaap pat puni.
Ngamparymei Ringhpouc rui bianggun tei amuan puni;
kamei dihba biak thangc rui pwanzingh khou guang puni.
15Ngamparymei Ringhpouc rui
kamei nunc ta gaeklou puni,
kumna kaniw rui kaniw ta
zauczihmei nunc ta swmutlou puni.
Kaniw tei rih bamv khou zouh mbamei nunc kumc
kauc puni kumna kaniw ta zauczihmei nunc zei tikey puni;
ravkhaengmei zei kaikhuang khou rui ravchabamv khou bun keymei kumc kaniw zei luangc puni the.
16Mi tingmik kiu guang pwkhou,
lauziu gaenghmei nunc rui kalauziu nunc ta kanloumei kumcna Ringhpouc rui
kamei nunc ta kanlou puni.
Guangh pyrun khou naimei kaphut kumc kaniw katuang kandic khou gaanc bam puni.
17Mi kandic kiu adihkamv gay puni cho khatni how gay puni cho!
Mi dic tuang nap zouh rui chabwan nunc kaniw pum tanc puni.
Currently Selected:
ZEKARIA 9: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
ZEKARIA 9
9
Kainingmei Zaatc guay khou Ravguangc Latzan
1Mi hei Ringhpouc tuang lat re:#Isa 23.1-18; Eze 26.1—28.26; Jol 3.4-8; Amo 1.9,10; Met 11.21,22; Luk 10.13,14 Kamei rui Hadrak kandic khatni Damaskas kaidai khang dandi kauc pat kan the. Isaraelmei kaikhwang nunc na hamhna Siria tuang guangh kaidai ni Ringhpouc tuang e.#Isa 17.1-3; Jer 49.23-27; Amo 1.3-5 #Isa 23.1-18; Eze 26.1—28.26; Jol 3.4-8; Amo 1.9,10; Met 11.21,22; Luk 10.13,14 2Hadrak ramvrei khou naimei Hamat hei ni katuang e, kumna Tur lev Sidon kaidai nei hei ni kaney khou naimei ningtyng guay ni katuang e. 3Tur hei karaengh raenglou the khatni kachaekc kaphut peic padiklouna hei tei mphuam tanacmei puat ta kumc thouhsw mak khe. 4Tiki kakhou naimei kaguayna tei Ringhpouc rui laa ganc puni the. Ringhpouc rui katuang lanv guay tei duipui khou phaiclou puni the, kumna kaidai tei mai rui raw mutsutlou puni the.
5Askelon kaidai rui hei tei how lana ping puni the. Gaza kaidai rui hei tei howna ryanra puni the. Ekron kaidai ni kamei rui lwm gay bammei guay tei amaan ngam kan puni the. Gaza kaidai kaguangc amaan kan puni the, khatni Askelon kaidai hei meic lungctaekna ganclou puni the.#Isa 17.1-3; Jer 49.23-27; Amo 1.3-5 6Zaatc kariumei nunc rui Asdod kaidai khou lungc puni the. Ringhpouc rui sa the, “Mi daic tuh tumei Philistinmei nunc ti hei tiliwkeylou puni the. 7Zei kazauhmei zanc khatni baihmei tu lak nimei taektw tu dat pw lak khe. Theic nsaekcloumei nunc tei amei nunc sw puni the khatni kaniw Juda khwangmei puinac akhat kumc puni the. Jebusimei nunc kumc muayna Ekronmei ni atuang mei sw puni the. 8Ai rui akandih ta gaek puni the kumna rihmei nunc mi khou tei gut mak khang gaek puni the. Sintuna lunghmei nunc rui amei nunc ta sintuna bam khang ai rui nuhlou dat lak khe. Amei nunc adih ryanra kan the cho twmei ai how the.”
Thei thangc Guang Nimei Guangc
9Neihla o, neihla o, Zaionmei nunc!
Neihlana kauc o, Jerusalemmei nunc!
Zauc lo, nangniw guangc tei guang pw the!
Kamei rihngamna guang pw the,
tiki niamhna kuanniam khou tuangcna guang the—
kuanniamlauna, khou tuangcna guang the.#Met 21.5; Jhn 12.15
10 Ringhpouc rui sa the,
“Ai rui rih tuang gari guay Isaraelmei khou rui laa ganc puni khatni Jerusalem khou rui takuanh guay laa ganc puni;
rih bamv khou sinmei pailu guay sw kasic ngam puni.
Nang guangh rui zaatc nunc ta ti nchu-nzaenghlou puni;
kamei duipui khou rui duipui,
Euphratis Duiriang khou rui
kandih luaimei nganv sin puni.”#Kal 72.8
Ravguangc Mei nunc ta Laalou Datmei
11 Ringhpouc rui sa the,
“Khaengmei zei rui nimcloumei ai
nangniw lev swlou kanmei latdyng zaeng rui,
ai rui nangniw ta mpatlou puni the—
bangclou bammei dui maekmei khunc khou rui mpat patlou puni the.#Tat 24.8
12Guang dat tho,
lwmgayna nkhwan bammei kang bammeithiu;
nangniw tuang giuga makmei bamv khou guang dat tho.
Ai rui nangniw khou samei hei e,
nangniw ryanra kanmei dam kanei tei ai rui nangniw khou suaihiamlou dat puni.
13Ai rui Juda ta rih tuang sauhpai kumc khatni Isaraelmei ta pailu kumc piu puni.
Ai rui Grikmei nunc ta adow khang
Zaionmei nunc ta baengsaeng swna piu puni.”
14 Ringhpouc kamei nunc ruc khou tatpat puni the;
kamei rui katuang pailu guay tingpalik kumc kaap pat puni.
Ngamparymei Ringhpouc rui bianggun tei amuan puni;
kamei dihba biak thangc rui pwanzingh khou guang puni.
15Ngamparymei Ringhpouc rui
kamei nunc ta gaeklou puni,
kumna kaniw rui kaniw ta
zauczihmei nunc ta swmutlou puni.
Kaniw tei rih bamv khou zouh mbamei nunc kumc
kauc puni kumna kaniw ta zauczihmei nunc zei tikey puni;
ravkhaengmei zei kaikhuang khou rui ravchabamv khou bun keymei kumc kaniw zei luangc puni the.
16Mi tingmik kiu guang pwkhou,
lauziu gaenghmei nunc rui kalauziu nunc ta kanloumei kumcna Ringhpouc rui
kamei nunc ta kanlou puni.
Guangh pyrun khou naimei kaphut kumc kaniw katuang kandic khou gaanc bam puni.
17Mi kandic kiu adihkamv gay puni cho khatni how gay puni cho!
Mi dic tuang nap zouh rui chabwan nunc kaniw pum tanc puni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.