METTHIU 1
RONGMEI-BSI

METTHIU 1

1
Jisu Khrista Kairiang Chakh
1Abraham nac mpouh khatni David nac mpouh Jisu Khrista lungc keymei kairiang chakh:
2Abraham rui Isak puanc e; Isak rui Jakob puanc e; Jakob rui Juda puanc e; 3Juda rui Tamar khou rui Perez lev Zera puanc e; Perez rui Hezron puanc e; Hezron rui Aram puanc e; 4Aram rui Aminadab puanc e; Aminadab rui Nashon puanc e; Nashon rui Salmon puanc e; 5Salmon rui Rahab khou rui Boaz puanc e; Boaz rui Rut khou rui Obed puanc e; Obed rui Jessi puanc e.
6Jessi rui guangh David puanc e; David rui Uria now swloumeipui khou rui Solomon puanc e; 7Solomon rui Rehoboam puanc e; Rehoboam rui Abija puanc e; Abija rui Asa puanc e; 8Asa rui Jehoshaphat puanc e; Jehoshaphat rui Jehoram puanc e; Jehoram rui Uzzia puanc e; 9Uzzia rui Jotham puanc e; Jotham rui Ahaz puanc e; Ahaz rui Hezekia puanc e; 10Hezekia rui Manase puanc e; Manase rui Amaan puanc e; Amaan rui Josia puanc e; 11Josia rui Jehoiakhin khatni kachana nunc Babilon thangc nym tatpui ganv khou puanc e.#2 Ki 24.14-15; 2 Ki 36.10; Jer 27.20
12Babilon thangc rui guang datpui tangv Jekhonia rui Shealtiel puanc e; Shealtiel rui Zerubbabel puanc e; 13Zerubbabel rui Abiud puanc e; Abiud rui Eliakim puanc e; Eliakim rui Azor puanc e; 14Azor rui Sadok puanc e; Sadok rui Akhim puanc e; Akhim rui Eliud puanc e; 15Eliud rui Eleazar puanc e; Eleazar rui Matthan puanc e; Matthan rui Jakob puanc e; 16Jakob rui Khrista twna kawmei Jisu ta puanhmei Meri gaanv Josep puanc e.
17Kumna Abraham khou rui David nganvmei meickin ruhna padeih e, David khou rui Babilon thangc tatmei nganv meickin ruhna padeih e, khatni Babilon thangc tatmei khou rui Khrista nganvmei khou meickin ruhna padeih e.
Jisu Khrista Puanhmei
(Luk 2.1-7)
18Jisu Khrista puanhmei kiu mi hei kumcna pat khwan e. Kapui Meri tei Josep khaamv swna, kaney guang lungc kariu makna bam khou, Meri tei Bumaengh Nthanmei ngamv khou rui kapumc nrit the twmei thay pat the.#Luk 1.27 19Kagaanv Josep tei ravchaptatmeipu lapui zaeng rui, Meri ta kandihmei mav khou tichangamclou nii mak lana kalat kalu maekna taanlou ni the twna kalung dinglou bam khwan e. 20Kamei mi kumcna kakhanh bam khou, zauclo, Poubauhmei tuang baanchara akhat kamang khou guangna sa khwan e, “David nac mpouh Josep, nang Meri ta laa khang ping riu, kalam thu kamei kapumc nrit bammei tei Bumaengh Nthanmei ngamv khou rui de. 21Kamei nah mpouh puanc puni, kumna nang rui kazanc Jisu twna phuak nina e; kalam thu kamei rui kamei nunc ta kaniw paap guay khou rui kanlou puni.”#Luk 1.31
22-23“Zauclo, liuchang tei kapumc nrit lana nah mpouh akhat puanc puni, kumna kazanc Immanuel kaw puni,” (mi kabac kiu thu “Ravguangc aniu ta bam nduanghlou bam e” twna e) twna Poubauhmei rui muhzwng khou rui salou kanmei tei tiguang tangh khang mi guay hei patmei tuang khwan e.#Isa 7.14
24Josep tei zipthauna, Poubauhmei tuang baanchara rui samei tei piuna Meri ta kakai khou laaguang the. 25Tiki mi nac mpouh tei puanh mak saanv kamei kanow khou tatlou mak khwan e. Kumna kamei rui kazanc Jisu twna phuaklou the.#Luk 2.21

Rongmei Naga Bible (Revised) - NTHANMEI BAIBAL (Revised)

Copyright © 2013 by The Bible Society of India
Used by permission. All rights reserved worldwide.

Learn More About NTHANMEI BAIBAL (Revised) - BSI