LEVITHOUC 16
16
Kuakloumei Tingmik
1Aron nac mpouh gaanv nei ta kaney rui Ringhpouc khang nthan makmei mai rui katmei zaeng rui swluai kanmei tangv tei Ringhpouc rui Mousi khou sa the. 2Ringhpouc rui sa the, “Aron kamei tei khamthinghphey thei khou naimei Nthan Liangmei bamv khou tei gut nimei ganv khou na gut nina de twna nang chana Aron khou sa o. Kalam thu mi khou tei Latdyng Khuk gwm ruc khou tei muangh khou ai guang bammei bamv e. Kamei hei tei liam e thei theic puni.#Ibr 6.19 3Kamei rui Nthan Liangmei bamv khoutei gut nimei hei paapc khang khaeng khang guaituamchic launa khatni rawna khaeng khang lauziuchic phungcna gut nina e.”#Ibr 9.7
4 Ringhpouc rui heikumna dinclou the. Aron tei Nthan Liangmei bamv khou gut ni khou kamei duilow nina e kumna amuh tuang pwan: linen tuang thiula saenghmei, kalungcmei thiula, siangiat khatni pykha hei guay hei piu nina e.
5Paapc khang khaeng khang ziuchic kanei khatni rawna khaeng khang lauziuchic akhat hei Isaraelmei guay rui Aron khou tiilou nina e. 6Aron tei kapaap khatni kakai kaikhunc mei paap kuaklou khang guaituamchic akhat khaeng nina e. 7Mi tangv tei ziuh kanei tei Ringhpouc tuang kalummei pheykai kaimun khou tei kamei rui laaguang puni. 8Kumna Aron rui Ziuchic kanei tei akhat rui Ringhpouc khang khatni akhat rui Azazel khang twna san zauc puni the. 9Ringhpouc khang kasan khou patmei ziuc ta tei paapc khang khaeng puni. 10Azazel khang san khou patmei meickhiak ziuchic ta tei nringh Ringhpouc khang katlouna meic nunc paap tei phungc ganc kan khang tazikramv thangc Azazel khou mpatlou puni.
11Aron rui kapaap khatni kakai kaikhunc mei paap khang khaengpui ganv khou tei 12Ravchapaeng tuang maithyn haenghmei maikuak khou lou padiklouna agaw gaymei baankiu kanei ruai lana hei tei Nthan Liangmei bamv khou phungc guang nina e. 13Ringhpouc hu khoutei kamei rui agaw tei maikhou phaiclou puni, kumna kamei rui Ringhpouc ta howna theih mak khang agaw mai khou tei rui Latdyng Khuk gwm tei khouliam puni the. 14Kamei rui guaih zei tei asaekc laana kabaanczung rui zei tei mi khuk gwm ruc khou tei kazinhlou puni kumna asaekc tei Latdyng Khuk hu khou tei kazinhlou liang chanei puni.
15Mi tangv tei meic nunc paap khang khaeng nimei ziuchic tei kamei rui swluai lana mi zei tei Nthan Liangmei bamv khou tei phungc gut puni. Kumna zei tei Latdyng Khuk gwm ruc khou khatni Latdyng Khuk hu khou tei guaih zei rui sw rey kanmei tei kumcna kazinhlou puni.#Ibr 9.12 16Isaraelmei nunc tuang nthan makmei khatni kaniw tuang paap rui sw tanacloumei khou tei rui heikumna Nthan Liangmei bamv ta tei sw nthan pat puni. Kamei rui mi hei kalummei pheykai khou tei ni sw puni, kalam thu hei tei nthan makmei zypui kailuangc laa khou tei nai bam tuang e. 17Aron rui sw nthanmei tuang thouc tei sw khang Nthan Liangmei bamv khou tei gut kan khoutei rui thauna pat dat mak saanv kalummei pheykai khou tei meic gaanv khat na sini bam nuh mak ge. Kamei rui kakhang, kakai kaikhunc mei khang, khatni meic guayna khang thouh tei swlou tang pwkhou, 18kamei rawna khaengmei tuang ravchapaeng khou tei pat datna hei tei sw nthan dat puni. Kamei rui lauziu zei khatni guaih zei tei laana ravchapaeng chei khou tei luplou puni. 19Kabaanc zung rui zei laa lana ravchapaeng khou tei kazinhlou luan chanei puni. Heikumna kamei rui mi ta tei Isaraelmei tuang paap khou rui sw nthanlou puni.
Meickhiak Ziuc
20Nthan Liangmei bamv, Ringhpouc tuang pheykai khatni ravchapaeng tei sw nthanmei tuang thouc tei luai pwkhou, Azazel khang kadahloumei ringhmei ziuchic tei Ringhpouc khang katlou puni. 21Kamei rui kabaanc kanei tei mi ziuchic py khou tei mbaenglouna Isaraelmei tuang simei guay, paapc guay, khatni twanlyammei guay tei kalauhlou puni, kumna mi guay tei ziuchic py khoutei keylou puni. Kumna kadahloumei meic akhat rui mi ziuchic ta tei tazikramv thangc mpatlou puni. 22Heikumna mi ziuchic tei rui meic nunc tuang paap guay tei tazikramv thangc phungc ganclou kan puni.
23Mi tangv tei Aron tei kalummei pheykai lungc khou tei gut dat lana, Nthan Liangmei bamv khou gut ni khou piumei katuang amuh pwan guay tei luakpatna khoutei ganclou duc dat puni.#Eze 44.19 24Kamei tei nthanmei bamv khou duilowna katuang pheybaan piu dat puni. Mi tangv tei, kamei pat datna kapaap khatni meic nunc paap kuaklou khang rawna khaeng dat puni. 25Paapc khang khaengmei khouringc thav tei kamei rui ravchapaeng khou ntei puni. 26Meic khiak ziuchic ta tei tazikramv thangc Azazel khou gaengcloumeipu tei katuang pheybaan souna khatni duilow datna zypui kailuangc khou tei gut dat nina e. 27Paapc khang khaenglouna, paapc kuaklou khang rui Nthan Liangmei bamv khou kazei phungc gutmei guaichic khatni ziuchic zanc tei zypui kailuangc paengc thangc phungc patna mai ntei nina e. Kagic, kazanc, khatni karei kaguay tei ntei nina e.#Ibr 13.11 28Hei tei nteimeipu tei kaphey kabaanc souna, duilow tang khou rui zypui kailuangc khou gut dat nina e.
Kuakloumei Tingmik Ngaekmei
29Mi hei nangniw rui guang nimei ganv guay khou ni ngaekna bam nimei tuang e. Chaneimei bw tuang zaeng ruh pui nungc hei Isaraelmei khatni kaniw pang khou lungc bammei zaatc baih baihmei ni twna munthiangcna taanvtaanh makna bam nina e.#Lev 23.26-32; Sin 29.7-11 30Kalam thu mi nungc tei nangniw ta kuakloumei, sw thanloumei khatni Ringhpouc hu khou paapc sw nthanmei taanv taanc puni. 31Mi tingmik tei nthan dianghmei tingmik ge, mi nungc tei munthiangcna taanvtaanh makna bam nina e. Mi hei thei thangc nganvna ngaekna bam nina e. 32Kapu phaan nsin khang thauh teyna suangloumei tingkuh rui sw nthanmei tuang thouc tei sw nina e. Kamei rui amuh tuang pwan piuna 33Nthan Liangmei bamv, Ringhpouc tuang kalummei pheykai, ravchapaeng, amuh nunc, khatni meic nunc ta tei sw nthanmei tuang thouc tei sw puni. 34Mi hei thei thangc nganvna tat bam nimei tuang e. Isaraelmei ta kaniw paap khou rui sw nthanlou khang mi hei tingkwm khou taanc guay nina e.
Ringhpouc rui Mousi khou latdanv tiimei kumcna hei tei taanc the.
Currently Selected:
LEVITHOUC 16: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
LEVITHOUC 16
16
Kuakloumei Tingmik
1Aron nac mpouh gaanv nei ta kaney rui Ringhpouc khang nthan makmei mai rui katmei zaeng rui swluai kanmei tangv tei Ringhpouc rui Mousi khou sa the. 2Ringhpouc rui sa the, “Aron kamei tei khamthinghphey thei khou naimei Nthan Liangmei bamv khou tei gut nimei ganv khou na gut nina de twna nang chana Aron khou sa o. Kalam thu mi khou tei Latdyng Khuk gwm ruc khou tei muangh khou ai guang bammei bamv e. Kamei hei tei liam e thei theic puni.#Ibr 6.19 3Kamei rui Nthan Liangmei bamv khoutei gut nimei hei paapc khang khaeng khang guaituamchic launa khatni rawna khaeng khang lauziuchic phungcna gut nina e.”#Ibr 9.7
4 Ringhpouc rui heikumna dinclou the. Aron tei Nthan Liangmei bamv khou gut ni khou kamei duilow nina e kumna amuh tuang pwan: linen tuang thiula saenghmei, kalungcmei thiula, siangiat khatni pykha hei guay hei piu nina e.
5Paapc khang khaeng khang ziuchic kanei khatni rawna khaeng khang lauziuchic akhat hei Isaraelmei guay rui Aron khou tiilou nina e. 6Aron tei kapaap khatni kakai kaikhunc mei paap kuaklou khang guaituamchic akhat khaeng nina e. 7Mi tangv tei ziuh kanei tei Ringhpouc tuang kalummei pheykai kaimun khou tei kamei rui laaguang puni. 8Kumna Aron rui Ziuchic kanei tei akhat rui Ringhpouc khang khatni akhat rui Azazel khang twna san zauc puni the. 9Ringhpouc khang kasan khou patmei ziuc ta tei paapc khang khaeng puni. 10Azazel khang san khou patmei meickhiak ziuchic ta tei nringh Ringhpouc khang katlouna meic nunc paap tei phungc ganc kan khang tazikramv thangc Azazel khou mpatlou puni.
11Aron rui kapaap khatni kakai kaikhunc mei paap khang khaengpui ganv khou tei 12Ravchapaeng tuang maithyn haenghmei maikuak khou lou padiklouna agaw gaymei baankiu kanei ruai lana hei tei Nthan Liangmei bamv khou phungc guang nina e. 13Ringhpouc hu khoutei kamei rui agaw tei maikhou phaiclou puni, kumna kamei rui Ringhpouc ta howna theih mak khang agaw mai khou tei rui Latdyng Khuk gwm tei khouliam puni the. 14Kamei rui guaih zei tei asaekc laana kabaanczung rui zei tei mi khuk gwm ruc khou tei kazinhlou puni kumna asaekc tei Latdyng Khuk hu khou tei kazinhlou liang chanei puni.
15Mi tangv tei meic nunc paap khang khaeng nimei ziuchic tei kamei rui swluai lana mi zei tei Nthan Liangmei bamv khou tei phungc gut puni. Kumna zei tei Latdyng Khuk gwm ruc khou khatni Latdyng Khuk hu khou tei guaih zei rui sw rey kanmei tei kumcna kazinhlou puni.#Ibr 9.12 16Isaraelmei nunc tuang nthan makmei khatni kaniw tuang paap rui sw tanacloumei khou tei rui heikumna Nthan Liangmei bamv ta tei sw nthan pat puni. Kamei rui mi hei kalummei pheykai khou tei ni sw puni, kalam thu hei tei nthan makmei zypui kailuangc laa khou tei nai bam tuang e. 17Aron rui sw nthanmei tuang thouc tei sw khang Nthan Liangmei bamv khou tei gut kan khoutei rui thauna pat dat mak saanv kalummei pheykai khou tei meic gaanv khat na sini bam nuh mak ge. Kamei rui kakhang, kakai kaikhunc mei khang, khatni meic guayna khang thouh tei swlou tang pwkhou, 18kamei rawna khaengmei tuang ravchapaeng khou tei pat datna hei tei sw nthan dat puni. Kamei rui lauziu zei khatni guaih zei tei laana ravchapaeng chei khou tei luplou puni. 19Kabaanc zung rui zei laa lana ravchapaeng khou tei kazinhlou luan chanei puni. Heikumna kamei rui mi ta tei Isaraelmei tuang paap khou rui sw nthanlou puni.
Meickhiak Ziuc
20Nthan Liangmei bamv, Ringhpouc tuang pheykai khatni ravchapaeng tei sw nthanmei tuang thouc tei luai pwkhou, Azazel khang kadahloumei ringhmei ziuchic tei Ringhpouc khang katlou puni. 21Kamei rui kabaanc kanei tei mi ziuchic py khou tei mbaenglouna Isaraelmei tuang simei guay, paapc guay, khatni twanlyammei guay tei kalauhlou puni, kumna mi guay tei ziuchic py khoutei keylou puni. Kumna kadahloumei meic akhat rui mi ziuchic ta tei tazikramv thangc mpatlou puni. 22Heikumna mi ziuchic tei rui meic nunc tuang paap guay tei tazikramv thangc phungc ganclou kan puni.
23Mi tangv tei Aron tei kalummei pheykai lungc khou tei gut dat lana, Nthan Liangmei bamv khou gut ni khou piumei katuang amuh pwan guay tei luakpatna khoutei ganclou duc dat puni.#Eze 44.19 24Kamei tei nthanmei bamv khou duilowna katuang pheybaan piu dat puni. Mi tangv tei, kamei pat datna kapaap khatni meic nunc paap kuaklou khang rawna khaeng dat puni. 25Paapc khang khaengmei khouringc thav tei kamei rui ravchapaeng khou ntei puni. 26Meic khiak ziuchic ta tei tazikramv thangc Azazel khou gaengcloumeipu tei katuang pheybaan souna khatni duilow datna zypui kailuangc khou tei gut dat nina e. 27Paapc khang khaenglouna, paapc kuaklou khang rui Nthan Liangmei bamv khou kazei phungc gutmei guaichic khatni ziuchic zanc tei zypui kailuangc paengc thangc phungc patna mai ntei nina e. Kagic, kazanc, khatni karei kaguay tei ntei nina e.#Ibr 13.11 28Hei tei nteimeipu tei kaphey kabaanc souna, duilow tang khou rui zypui kailuangc khou gut dat nina e.
Kuakloumei Tingmik Ngaekmei
29Mi hei nangniw rui guang nimei ganv guay khou ni ngaekna bam nimei tuang e. Chaneimei bw tuang zaeng ruh pui nungc hei Isaraelmei khatni kaniw pang khou lungc bammei zaatc baih baihmei ni twna munthiangcna taanvtaanh makna bam nina e.#Lev 23.26-32; Sin 29.7-11 30Kalam thu mi nungc tei nangniw ta kuakloumei, sw thanloumei khatni Ringhpouc hu khou paapc sw nthanmei taanv taanc puni. 31Mi tingmik tei nthan dianghmei tingmik ge, mi nungc tei munthiangcna taanvtaanh makna bam nina e. Mi hei thei thangc nganvna ngaekna bam nina e. 32Kapu phaan nsin khang thauh teyna suangloumei tingkuh rui sw nthanmei tuang thouc tei sw nina e. Kamei rui amuh tuang pwan piuna 33Nthan Liangmei bamv, Ringhpouc tuang kalummei pheykai, ravchapaeng, amuh nunc, khatni meic nunc ta tei sw nthanmei tuang thouc tei sw puni. 34Mi hei thei thangc nganvna tat bam nimei tuang e. Isaraelmei ta kaniw paap khou rui sw nthanlou khang mi hei tingkwm khou taanc guay nina e.
Ringhpouc rui Mousi khou latdanv tiimei kumcna hei tei taanc the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.