LEVITHOUC 11
11
Tu Nuhmei Khouringc nunc
(Ria 14.3-21)
1 Ringhpouc rui Mousi khatni Aron khou sa the, 2Kandih khou naimei khouringh pang khou mi hei tu nuh e, 3mi kiu thu kangianh bakmei khatni chalath khaihmei khouringc nunc hei e. 4Khouringh asaekc hei chalath khaic bam sini kangianh bak mak asaekc rui kangianh bak sini chalath khaih mak tw e, hei kumhmei tei nangniw tu nuh mak ge kumna guaikuan hei chalath khaic sini kangianh bak mak ge kumna nthan makmei e. 5Mbepui hei chalath khaic sini kangianh bak mak ge, kumna nthan makmei e. 6Achaw mphuanmei hei chalath khaic sini kangianh bak mak ge, kumna nthan makmei e. 7Guak zanc ni tu nuh mak ge. Hei tei nthan makmei e, kalam thu kangianh bak sini chalath khaih mak ge. 8Mi khouringc nunc zanc hei tu nuh mak ge, theicloumei pumc ta sini kahi nuh mak ge; mi nunc hei nthan makmei khouringc nunc e.
9Kasw khatni kalip naimei khav guay tu nuh e, 10tiki dui khou bammei kasw khatni kalip maekmei kui ta tu nuh mak ge. 11Mi kumhmei kui guay hei nangniw khang nthan makmei e. Nangniw mi kumhmei kui nunc tei tu lak nina e, theicloumei pumc ta sini kahi nuh mak ge. 12Kasw khatni kalip maekmei dui khou bammei kui akhat na sini nangniw tu nuh mak ge.
13Kabangc khou naimei nruay nunc hei mphuammei khatni karaengmei nruay nunc e twmei thayna nangniw tu nuh mak ge, mi kiu thu mouckauh, Langdia, Langdia miwmei, 14mouc haenghmei, mouc miwmei zaat guay, 15agaekc zaat guay, 16puanmangh, puanmangh pareina, duipui nruay, mouclaengna zaat guay, 17puanmangh nthyammei zaat guay, duipui mou, puanmangh daihmei, 18puanmangh mphuanmei, sypungramv puanmangh, khav mou, 19aluakc, aluakc zaat guay, taruaih rampiu khatni laamtuaih hei guay hei the.
20Kasw naimei nkav-nkit zaat guay nthan makmei e, 21kum e tiki kachakmei zaat tei thu hamh e. 22Pyzinpui, nkit, khatni nap-nkav hei nunc hei thu tu nuh e. 23Kum e tiki ramh kui nthyammei kasw naina guangcna tatmei zaat guay thu nthan makmei e.
24Kabangc khoumei khouringc nunc tuang theihmei pumc ta kahiloupui mei tei tingzyn nganvna nthan mak puni: 25thow pwni theihmei pumc ta sinthaulou e thei kaphey kabaan tei sou nina e, kamei tei tingzyn nganv nthan mak puni. 26Kangianh bak ge tiki bakchuy makmei khouringc khatni chalath khaih makmei khouringc tei nthan makmei e, thow pwni mi kumhmei theihmei khouringc kahiloumei tei nthan makmei sw puni. 27Katan padeih rui tatmei khouringc pang khou kaniw tin rui tatmei khouringc nunc tei nthan makmei e thow pwni mi kumhmei khouringc theihmei pumc ta kahilou e thei tingzyn nganvna nthan makmei sw puni. 28Thowkumhmei gaanv khat rui theihmei pumc ta kahilou e thei kamei tei kaphey kabaan sou nina e, kamei tei tingzyn nganv nthan makmei e. Hei tei nangniw khang nthan makmei e.
29Kandih khou tuihmei khatni kabou dwanmei khouringc pang khou mi guay hei nthan makmei e, apuakc, khatni chaky hei nthan makmei e. 30Duanghkhwanpui thyammei, guali, duanghkhwanpui, sypungramv tuang duanghkhwanpui khatni zuangapui hei kumhmei hei nangniw khang nthan makmei e. 31Mi kumhmei kui nunc theihmei pumc ta kahiloupui mei tei tingzyn nganv nthan mak puni. 32Mi nthan makmei kui nunc tuang theihmei pumc taek keyloumei puat guay tei nthan mak khe. Mi hei thing tuang, phey tuang, guaih gic tuang, khatni khamsei tuang puatc kaguayna kazauh the. Mi kumhmei puat tei dui khou ntinlou nina e kumna hei tei tingzyn nganvna nthan makna bam puni. 33Mi kumhmei tuang theihmei kui tei nianglai khou keylou e thei, mi lungc khou naimei puat guayna tei nthan mak khe, kumna mi lai tei swbak ganc nina e. 34Tu nuhmei puat khou tei sini mi kumhmei lai tuang dui tei bunlou e thei hei tei nthan mak khe, khatni mi kumhmei lai khou loumei zangv nuhmei dui guay tei ni nthan mak khe. 35Mi kumhmei kui theihmei keyloumei puat guay tei nthan mak khe; maimangh khatni lai tei swbak nina di the, 36hei kum e tiki nthan makmei kui tuang theihmei pumc rui kahiloumei guay tei nthan mak bam sini duithuak lev duikhunc thu nthan bam de. 37Mi kui tei lingc nimei phwn khou keylou bam sini, mi phwn tei thu nthan de. 38Tiki lingh khang ntinlou bammei phwn khou keylou e thei thu mi phwn tei nthan mak khe.
39Tu nuhmei khouringc tuang theihmei pumc ta tei ni kahiloupui mei tei tingzyn nganvna nthan mak puni. 40Hei tei tupui mei tei kaphey kabaan sou dat nina e; kum sini kamei tei tingzyn nganvna nthan mak ge. Mi kumhmei theihmei pumc ta phungcloupui mei tei kaphey kabaan sou dat nina e, kum bam sini kamei tingzyn nganvna nthan mak ge.
41Kandih khou guangcna tatmei ramh kui nthyammei nangniw tu lak nina e. 42Tuicna tatmei, katan padeih rui tatmei khatni katan mpeyna rui tatmei ramh kui guay tei tu nuh mak ge. 43Mi kumhmei kui nunc hei tu lana nangniw rana nangniw ta sw mphuam riu. 44Ai hei nangniw tuang Racguangc e, kumhpui zaeng rui nangniw nthanna lungc nina e, kalam thu ai hei nthanmei e.#Lev 19.2; 1 Pi 1.16 45Ai hei nangniw tuang Racguangc sw diu khang nangniw ta Izip khou rui phungc guangloumei Ringhpouc tei ai hei e. Kumhpui zaeng rui nangniw nthan nina e, kalam thu ai hei nthanmei e.
46Mi hei nruay-thauruay, khouringh khounah, dui khou bammei, kandih khou guangcna tatmei katana pang khou tu nuhmei tu nuh makmei tabui tei cho twmei dincloumei tuang the. 47Kariak theilayna nthanmei nthan makmei, tu nuhmei tu nuh makmei khouringc tabui cho twmei thaykhak thaylangcna lungc nina e.
Currently Selected:
LEVITHOUC 11: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
LEVITHOUC 11
11
Tu Nuhmei Khouringc nunc
(Ria 14.3-21)
1 Ringhpouc rui Mousi khatni Aron khou sa the, 2Kandih khou naimei khouringh pang khou mi hei tu nuh e, 3mi kiu thu kangianh bakmei khatni chalath khaihmei khouringc nunc hei e. 4Khouringh asaekc hei chalath khaic bam sini kangianh bak mak asaekc rui kangianh bak sini chalath khaih mak tw e, hei kumhmei tei nangniw tu nuh mak ge kumna guaikuan hei chalath khaic sini kangianh bak mak ge kumna nthan makmei e. 5Mbepui hei chalath khaic sini kangianh bak mak ge, kumna nthan makmei e. 6Achaw mphuanmei hei chalath khaic sini kangianh bak mak ge, kumna nthan makmei e. 7Guak zanc ni tu nuh mak ge. Hei tei nthan makmei e, kalam thu kangianh bak sini chalath khaih mak ge. 8Mi khouringc nunc zanc hei tu nuh mak ge, theicloumei pumc ta sini kahi nuh mak ge; mi nunc hei nthan makmei khouringc nunc e.
9Kasw khatni kalip naimei khav guay tu nuh e, 10tiki dui khou bammei kasw khatni kalip maekmei kui ta tu nuh mak ge. 11Mi kumhmei kui guay hei nangniw khang nthan makmei e. Nangniw mi kumhmei kui nunc tei tu lak nina e, theicloumei pumc ta sini kahi nuh mak ge. 12Kasw khatni kalip maekmei dui khou bammei kui akhat na sini nangniw tu nuh mak ge.
13Kabangc khou naimei nruay nunc hei mphuammei khatni karaengmei nruay nunc e twmei thayna nangniw tu nuh mak ge, mi kiu thu mouckauh, Langdia, Langdia miwmei, 14mouc haenghmei, mouc miwmei zaat guay, 15agaekc zaat guay, 16puanmangh, puanmangh pareina, duipui nruay, mouclaengna zaat guay, 17puanmangh nthyammei zaat guay, duipui mou, puanmangh daihmei, 18puanmangh mphuanmei, sypungramv puanmangh, khav mou, 19aluakc, aluakc zaat guay, taruaih rampiu khatni laamtuaih hei guay hei the.
20Kasw naimei nkav-nkit zaat guay nthan makmei e, 21kum e tiki kachakmei zaat tei thu hamh e. 22Pyzinpui, nkit, khatni nap-nkav hei nunc hei thu tu nuh e. 23Kum e tiki ramh kui nthyammei kasw naina guangcna tatmei zaat guay thu nthan makmei e.
24Kabangc khoumei khouringc nunc tuang theihmei pumc ta kahiloupui mei tei tingzyn nganvna nthan mak puni: 25thow pwni theihmei pumc ta sinthaulou e thei kaphey kabaan tei sou nina e, kamei tei tingzyn nganv nthan mak puni. 26Kangianh bak ge tiki bakchuy makmei khouringc khatni chalath khaih makmei khouringc tei nthan makmei e, thow pwni mi kumhmei theihmei khouringc kahiloumei tei nthan makmei sw puni. 27Katan padeih rui tatmei khouringc pang khou kaniw tin rui tatmei khouringc nunc tei nthan makmei e thow pwni mi kumhmei khouringc theihmei pumc ta kahilou e thei tingzyn nganvna nthan makmei sw puni. 28Thowkumhmei gaanv khat rui theihmei pumc ta kahilou e thei kamei tei kaphey kabaan sou nina e, kamei tei tingzyn nganv nthan makmei e. Hei tei nangniw khang nthan makmei e.
29Kandih khou tuihmei khatni kabou dwanmei khouringc pang khou mi guay hei nthan makmei e, apuakc, khatni chaky hei nthan makmei e. 30Duanghkhwanpui thyammei, guali, duanghkhwanpui, sypungramv tuang duanghkhwanpui khatni zuangapui hei kumhmei hei nangniw khang nthan makmei e. 31Mi kumhmei kui nunc theihmei pumc ta kahiloupui mei tei tingzyn nganv nthan mak puni. 32Mi nthan makmei kui nunc tuang theihmei pumc taek keyloumei puat guay tei nthan mak khe. Mi hei thing tuang, phey tuang, guaih gic tuang, khatni khamsei tuang puatc kaguayna kazauh the. Mi kumhmei puat tei dui khou ntinlou nina e kumna hei tei tingzyn nganvna nthan makna bam puni. 33Mi kumhmei tuang theihmei kui tei nianglai khou keylou e thei, mi lungc khou naimei puat guayna tei nthan mak khe, kumna mi lai tei swbak ganc nina e. 34Tu nuhmei puat khou tei sini mi kumhmei lai tuang dui tei bunlou e thei hei tei nthan mak khe, khatni mi kumhmei lai khou loumei zangv nuhmei dui guay tei ni nthan mak khe. 35Mi kumhmei kui theihmei keyloumei puat guay tei nthan mak khe; maimangh khatni lai tei swbak nina di the, 36hei kum e tiki nthan makmei kui tuang theihmei pumc rui kahiloumei guay tei nthan mak bam sini duithuak lev duikhunc thu nthan bam de. 37Mi kui tei lingc nimei phwn khou keylou bam sini, mi phwn tei thu nthan de. 38Tiki lingh khang ntinlou bammei phwn khou keylou e thei thu mi phwn tei nthan mak khe.
39Tu nuhmei khouringc tuang theihmei pumc ta tei ni kahiloupui mei tei tingzyn nganvna nthan mak puni. 40Hei tei tupui mei tei kaphey kabaan sou dat nina e; kum sini kamei tei tingzyn nganvna nthan mak ge. Mi kumhmei theihmei pumc ta phungcloupui mei tei kaphey kabaan sou dat nina e, kum bam sini kamei tingzyn nganvna nthan mak ge.
41Kandih khou guangcna tatmei ramh kui nthyammei nangniw tu lak nina e. 42Tuicna tatmei, katan padeih rui tatmei khatni katan mpeyna rui tatmei ramh kui guay tei tu nuh mak ge. 43Mi kumhmei kui nunc hei tu lana nangniw rana nangniw ta sw mphuam riu. 44Ai hei nangniw tuang Racguangc e, kumhpui zaeng rui nangniw nthanna lungc nina e, kalam thu ai hei nthanmei e.#Lev 19.2; 1 Pi 1.16 45Ai hei nangniw tuang Racguangc sw diu khang nangniw ta Izip khou rui phungc guangloumei Ringhpouc tei ai hei e. Kumhpui zaeng rui nangniw nthan nina e, kalam thu ai hei nthanmei e.
46Mi hei nruay-thauruay, khouringh khounah, dui khou bammei, kandih khou guangcna tatmei katana pang khou tu nuhmei tu nuh makmei tabui tei cho twmei dincloumei tuang the. 47Kariak theilayna nthanmei nthan makmei, tu nuhmei tu nuh makmei khouringc tabui cho twmei thaykhak thaylangcna lungc nina e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.