HABAKUK 1
1
1Mi hei muhzwng Habakuk khou Ringhpouc rui ndauhloumei lat re.
Nchumh Makmei Taanhmei ta Habakuk rui Luhmei
2He Ringhpouc, ai rui nkhavlou khang, “Sw kasic karoucna bam the” twna kaucna bam tisini kanlou zat makna asaanh hei kumc bam nina cho? 3Tabui swna nang rui ata hei kumhmei ramrianra ti hei tihowlou bam tu cho? Hei kumhmei nkhuaimei taanv khou hei akumhna akhaengvna zauc bam tu cho? Swkamut kamaimei khatni sw kasic karoucmei adaeng khou padikna nai bam e, kumna abay adapmei khatni agay agimei kabamv kathuicna khou padik the. 4Dihriak hei nsuan the khatni kabah maek khe, khatni nchumhmei hei akhat na sini sw mak khe. Meicgay makmei nunc rui ravchaptatmei nunc ta ding bin the, kumna nchumhmei ta tikadat kadaeng ngam the.
Ringhpouc rui Dawloumei
5Khoutei Ringhpouc rui kamei nunc khou sa the, “Nang daeng khou lungc nkuay bammei zaat nunc ti hei zauc zauc o, kum e thei nang hahlala puni. Nang rui chu pwkhou lwm ngam lakmei taanv akhat ai rui taanc puni the.#Lat 13.41 6Ai rui Babilonmei, kadingtaan simei khuimuina bam key thay makmei zaat ta tei kangamv tidaiclou puni the. Kandih baih baihmei ta laagut khang kaniw kandic ruanlik pat pw the.#2 Ki 24.2 7Kaniw hei meicpingmei zaat di the; khatni dihriak kiu kaniw hei rap di the kumna ramh katana kaniw hym khang sw the.
8“Kaniw tuang takuanh nunc tei kamang alaih suangc katumc e, ndaapcmei angiw nunc suangc kareic si e. Kaniw tuang takuanh ricmei nunc duh duhmei kandic thangc rui tuangc guang the; kaniw tuang takuanc nunc rui kandih khou kachuamh the. Kaniw tei mouc rui khouringh nym khang key kumc key the.
9“Kaniw tuang ricmei nunc tei suc-rih swna kandih laagut the, kumna kaniw ta meic kathuicna ping the. Kaniw rui rih khou nymloumei hei syniang zu geic the. 10Kaniw rui guangh nunc ta malana sw the kumna meicsaengc meicdaihmei nunc ta sinnui the. Rigaekkai akhat na rui sini kaniw ta thingc dat ngam mak khe, kaniw rui taniang thwan thauna rihgaekkai guay ta laagut the. 11Kaniw mpwan kumc liak guangna tat kan the, kaniw tuang ngamv tei kaniw tuang rav swmei nunc e.”
Habakuk rui Ringhpouc khou Latphungcloumei
12He Ringhpouc, thaurey khou rui thauna nang hei Ravguangc e. Nang hei aRacguangc e, nthanmei khatni tingsaengpouc e. He Ringhpouc aRacguangc khatni ata gaekloumeipu, aniw ta riap khang nang rui Babilonmei ta kapahlou the kumna kaniw ta titanclou the. 13Kum e tiki mi meicguat meicdaengmei meicsimei nunc ti hei akumhna zauc bam ngamna cho? Nthanmei nang mik rui simei ta zauc ngam mak ge, khatni meic nunc rui nkhuaimei taanv taanc bammei ta zauc bam ngam mak ge. Kumki kaniw suangc ravchaptat chuymei nunc ta swluai bammei ta tabui swna reih reina bam tu cho?
14Akumhna kaniw tuang dihsinpouc hamh e thei kaniw ta zaylou nimei maekmei khav nunc khatni nkav nkit nunc ta kumcna nang rui meic nunc ta sw bam nuhna cho? 15Babilonmei nunc rui meic nunc ta khav ta kumc khavkhuay rui gou the, kaniw rui kaniw ta chiakc khou gumbinna kaniw ta nymtowna neihlana kauc the! 16Kumna kaniw rui kaniw tuang chiakc ta kalum the, kumna mi khang tei khaeng the, kalam thu mi chiak paan tei rui kaniw kazu kagay thay the, khatni tugay zangvgay tutow zangvtow the.
17Kaniw tei kaniw tuang buy-baeng sinna zauzian maekna zaatc nunc ta heikumna swluai rap bam nina cho?
Currently Selected:
HABAKUK 1: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
HABAKUK 1
1
1Mi hei muhzwng Habakuk khou Ringhpouc rui ndauhloumei lat re.
Nchumh Makmei Taanhmei ta Habakuk rui Luhmei
2He Ringhpouc, ai rui nkhavlou khang, “Sw kasic karoucna bam the” twna kaucna bam tisini kanlou zat makna asaanh hei kumc bam nina cho? 3Tabui swna nang rui ata hei kumhmei ramrianra ti hei tihowlou bam tu cho? Hei kumhmei nkhuaimei taanv khou hei akumhna akhaengvna zauc bam tu cho? Swkamut kamaimei khatni sw kasic karoucmei adaeng khou padikna nai bam e, kumna abay adapmei khatni agay agimei kabamv kathuicna khou padik the. 4Dihriak hei nsuan the khatni kabah maek khe, khatni nchumhmei hei akhat na sini sw mak khe. Meicgay makmei nunc rui ravchaptatmei nunc ta ding bin the, kumna nchumhmei ta tikadat kadaeng ngam the.
Ringhpouc rui Dawloumei
5Khoutei Ringhpouc rui kamei nunc khou sa the, “Nang daeng khou lungc nkuay bammei zaat nunc ti hei zauc zauc o, kum e thei nang hahlala puni. Nang rui chu pwkhou lwm ngam lakmei taanv akhat ai rui taanc puni the.#Lat 13.41 6Ai rui Babilonmei, kadingtaan simei khuimuina bam key thay makmei zaat ta tei kangamv tidaiclou puni the. Kandih baih baihmei ta laagut khang kaniw kandic ruanlik pat pw the.#2 Ki 24.2 7Kaniw hei meicpingmei zaat di the; khatni dihriak kiu kaniw hei rap di the kumna ramh katana kaniw hym khang sw the.
8“Kaniw tuang takuanh nunc tei kamang alaih suangc katumc e, ndaapcmei angiw nunc suangc kareic si e. Kaniw tuang takuanh ricmei nunc duh duhmei kandic thangc rui tuangc guang the; kaniw tuang takuanc nunc rui kandih khou kachuamh the. Kaniw tei mouc rui khouringh nym khang key kumc key the.
9“Kaniw tuang ricmei nunc tei suc-rih swna kandih laagut the, kumna kaniw ta meic kathuicna ping the. Kaniw rui rih khou nymloumei hei syniang zu geic the. 10Kaniw rui guangh nunc ta malana sw the kumna meicsaengc meicdaihmei nunc ta sinnui the. Rigaekkai akhat na rui sini kaniw ta thingc dat ngam mak khe, kaniw rui taniang thwan thauna rihgaekkai guay ta laagut the. 11Kaniw mpwan kumc liak guangna tat kan the, kaniw tuang ngamv tei kaniw tuang rav swmei nunc e.”
Habakuk rui Ringhpouc khou Latphungcloumei
12He Ringhpouc, thaurey khou rui thauna nang hei Ravguangc e. Nang hei aRacguangc e, nthanmei khatni tingsaengpouc e. He Ringhpouc aRacguangc khatni ata gaekloumeipu, aniw ta riap khang nang rui Babilonmei ta kapahlou the kumna kaniw ta titanclou the. 13Kum e tiki mi meicguat meicdaengmei meicsimei nunc ti hei akumhna zauc bam ngamna cho? Nthanmei nang mik rui simei ta zauc ngam mak ge, khatni meic nunc rui nkhuaimei taanv taanc bammei ta zauc bam ngam mak ge. Kumki kaniw suangc ravchaptat chuymei nunc ta swluai bammei ta tabui swna reih reina bam tu cho?
14Akumhna kaniw tuang dihsinpouc hamh e thei kaniw ta zaylou nimei maekmei khav nunc khatni nkav nkit nunc ta kumcna nang rui meic nunc ta sw bam nuhna cho? 15Babilonmei nunc rui meic nunc ta khav ta kumc khavkhuay rui gou the, kaniw rui kaniw ta chiakc khou gumbinna kaniw ta nymtowna neihlana kauc the! 16Kumna kaniw rui kaniw tuang chiakc ta kalum the, kumna mi khang tei khaeng the, kalam thu mi chiak paan tei rui kaniw kazu kagay thay the, khatni tugay zangvgay tutow zangvtow the.
17Kaniw tei kaniw tuang buy-baeng sinna zauzian maekna zaatc nunc ta heikumna swluai rap bam nina cho?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.