GALATIMEI 1
1
Chaengriw Lat
1Meic nunc rui ni hamh, meic nunc khou rui ni hamh, tiki Jisu Khrista khatni kata tiringcthaulou datmeipu Ravguangc kahak rui Latdiutatmei swna ndiuloumei Paul, 2khatni ai lev bam nchamcmei chana guay khou rui Galati phwamling guay khang hymei: 3-4Mi mbaanv tuang simei khou rui aniu ta kanlou khang, aniu Pu Ravguangc rui ningmei piulouna aniu paap khang karana kata tiipatloumeipu Poubauhmei Jisu Khrista khatni aniu Pu Ravguangc rui zauzian khatni chuzaenghmei nangniw khou tiilou diu. 5tingsaeng aniu Pu Ravguangc hymdaic diu. Amen.
Kanei Makmei Gaychamv
6Khrista zauzian#Khrista zauzian; twmei khou hei baanhhy baibal asaekc khou kazauzian twna hylou e. paan rui nangniw ta kawloumeipu ta nangniw guayna asaanh makmei dak na khou rui mpatlouna baihmei gaychamv laalou dat bammei khang tei ai ngak ge. 7Kaling thu, gaychamv baihmei maek ge; tiki Khrista tuang gaychamv tei sw mbianghna nangniw ta sw kaguakc khang sw bammei nunc naipui zaeng rui sa tuang e. 8Aniw rui pw ni, kauh baanchara tingkauh thangc rui keyna pw ni, aniw rui nangniw khou dinclou kanmei gaychamv tei hamhna baihmei dinc e thei, karuc khou syang keylou kan diu! 9Aniw rui sa kanmei tei ai ntaw sa kaluaih dat re: nangniw laalou kanmei gaychamv tei hamhna baihmei nangniw khou dinhpui mei khou tei syang keylou kan diu!
10Ai rui sa bammei hei maansei rui lwanlou pw khang sa bam tu cho? Kiuc hamh e! Ai rui kahawmei thu Ravguangc rui lwanloumei ta de! Meic nunc rui lwanlou pw khang sw bam tu cho? Ai mi khang tei sw bam tuang e thei, ai Khrista bangc sw bam ngam khang hamh e.
Paul Akumhna Latdiutatmei Sw Tu Cho
11Chanathiu, ai rui nangniw khou dinclou kanmei gaychamv tei maansei khou rui hamh e twmei nangniw khou tithaylou nii e. 12Mi hei ai meic gaanv khat na khou rui sini laa mak ge, meic gaanv khat na rui sini akhou nchamlou mak ge. Hei tei Jisu Khrista kamei kahak rui akhou dinclou tuang e.
13Ai Jihudimei ravchap khou bammei douc, ai rui sw kanmei tei nangniw chu kan the. Ai Ravguangc tuang phwamling ta raikasicna raina, mi ti hei swmaan khang ngammei kasang karamc khwan e.#Lat 8.3; 22.4-5; 26.9-11 14Ai Jihudimei ravchap khou akinmei guay pang khou rui tat suc diangc bam khwan e, khatni pupouh riak khou lungh gut diangc bam khwan e.#Lat 22.3
15Tiki Ravguangc rui ata apui nacbamv khou rui kazauzian paan rui kapahlouna kawlou the.#Lat 9.3-6; 22.6-10; 26.13-18 16Zentelmei khou Khrista tuang gaychamv dinh khang kamei rui kanac mpouh ta akhou ndauhlou pwkhou, ai meic gaanv khat na daeng khou sini tatna kaphianh mak ge; 17Jerusalem thangc asuangc latdiutatmei sw bam reymei nunc ta ni ariw tat mak ge. Ai Arabia ramv thangc tatna, Damaskas khou guang dat the. 18Mi tangv, tingkwm kathumh tangv, Pitar ta ariw khang Jerusalem thangc nganghna kadaeng khou zaeng ruhna panguh bamlou e.#Lat 9.26-30 19Poubauhmei kainac Jakob ta na hamhna latdiutatmei baihmei nunc ta ai ariw mak ge.#Hamh e thei ziap pang khou ai meic baihmei ta howmei kiu Jakob ta na de.
20Ntaw ai nangniw khang hy bammei hei Ravguangc mav khou hy bam tuang e; ai saraamh mak ge!
21Mi tangv tei ai Suria khatni Kilikia ramv thangc tat khwan e. 22Mi ganv khou tei Judia tuang phwamling guay tuang mei nunc ata zawthay mak khwan e. 23Kaniw rui ata thaymei kiu, “Aniu ta raikasic bammeipu tei, ntaw thu kamei rui swmaan ni twna sw bammei Khrista khou lwmmei lam tei kamei dinc bam dat the,” twna meic nunc rui sa bammei ta na khwan e. 24Kumna kaniw azaeng rui Ravguangc ta thuanc bam khwan e.
Currently Selected:
GALATIMEI 1: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
GALATIMEI 1
1
Chaengriw Lat
1Meic nunc rui ni hamh, meic nunc khou rui ni hamh, tiki Jisu Khrista khatni kata tiringcthaulou datmeipu Ravguangc kahak rui Latdiutatmei swna ndiuloumei Paul, 2khatni ai lev bam nchamcmei chana guay khou rui Galati phwamling guay khang hymei: 3-4Mi mbaanv tuang simei khou rui aniu ta kanlou khang, aniu Pu Ravguangc rui ningmei piulouna aniu paap khang karana kata tiipatloumeipu Poubauhmei Jisu Khrista khatni aniu Pu Ravguangc rui zauzian khatni chuzaenghmei nangniw khou tiilou diu. 5tingsaeng aniu Pu Ravguangc hymdaic diu. Amen.
Kanei Makmei Gaychamv
6Khrista zauzian#Khrista zauzian; twmei khou hei baanhhy baibal asaekc khou kazauzian twna hylou e. paan rui nangniw ta kawloumeipu ta nangniw guayna asaanh makmei dak na khou rui mpatlouna baihmei gaychamv laalou dat bammei khang tei ai ngak ge. 7Kaling thu, gaychamv baihmei maek ge; tiki Khrista tuang gaychamv tei sw mbianghna nangniw ta sw kaguakc khang sw bammei nunc naipui zaeng rui sa tuang e. 8Aniw rui pw ni, kauh baanchara tingkauh thangc rui keyna pw ni, aniw rui nangniw khou dinclou kanmei gaychamv tei hamhna baihmei dinc e thei, karuc khou syang keylou kan diu! 9Aniw rui sa kanmei tei ai ntaw sa kaluaih dat re: nangniw laalou kanmei gaychamv tei hamhna baihmei nangniw khou dinhpui mei khou tei syang keylou kan diu!
10Ai rui sa bammei hei maansei rui lwanlou pw khang sa bam tu cho? Kiuc hamh e! Ai rui kahawmei thu Ravguangc rui lwanloumei ta de! Meic nunc rui lwanlou pw khang sw bam tu cho? Ai mi khang tei sw bam tuang e thei, ai Khrista bangc sw bam ngam khang hamh e.
Paul Akumhna Latdiutatmei Sw Tu Cho
11Chanathiu, ai rui nangniw khou dinclou kanmei gaychamv tei maansei khou rui hamh e twmei nangniw khou tithaylou nii e. 12Mi hei ai meic gaanv khat na khou rui sini laa mak ge, meic gaanv khat na rui sini akhou nchamlou mak ge. Hei tei Jisu Khrista kamei kahak rui akhou dinclou tuang e.
13Ai Jihudimei ravchap khou bammei douc, ai rui sw kanmei tei nangniw chu kan the. Ai Ravguangc tuang phwamling ta raikasicna raina, mi ti hei swmaan khang ngammei kasang karamc khwan e.#Lat 8.3; 22.4-5; 26.9-11 14Ai Jihudimei ravchap khou akinmei guay pang khou rui tat suc diangc bam khwan e, khatni pupouh riak khou lungh gut diangc bam khwan e.#Lat 22.3
15Tiki Ravguangc rui ata apui nacbamv khou rui kazauzian paan rui kapahlouna kawlou the.#Lat 9.3-6; 22.6-10; 26.13-18 16Zentelmei khou Khrista tuang gaychamv dinh khang kamei rui kanac mpouh ta akhou ndauhlou pwkhou, ai meic gaanv khat na daeng khou sini tatna kaphianh mak ge; 17Jerusalem thangc asuangc latdiutatmei sw bam reymei nunc ta ni ariw tat mak ge. Ai Arabia ramv thangc tatna, Damaskas khou guang dat the. 18Mi tangv, tingkwm kathumh tangv, Pitar ta ariw khang Jerusalem thangc nganghna kadaeng khou zaeng ruhna panguh bamlou e.#Lat 9.26-30 19Poubauhmei kainac Jakob ta na hamhna latdiutatmei baihmei nunc ta ai ariw mak ge.#Hamh e thei ziap pang khou ai meic baihmei ta howmei kiu Jakob ta na de.
20Ntaw ai nangniw khang hy bammei hei Ravguangc mav khou hy bam tuang e; ai saraamh mak ge!
21Mi tangv tei ai Suria khatni Kilikia ramv thangc tat khwan e. 22Mi ganv khou tei Judia tuang phwamling guay tuang mei nunc ata zawthay mak khwan e. 23Kaniw rui ata thaymei kiu, “Aniu ta raikasic bammeipu tei, ntaw thu kamei rui swmaan ni twna sw bammei Khrista khou lwmmei lam tei kamei dinc bam dat the,” twna meic nunc rui sa bammei ta na khwan e. 24Kumna kaniw azaeng rui Ravguangc ta thuanc bam khwan e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.