TATPATMEI 6
6
1Khoutei Ravguangc rui Mousi khou sa the, “Ai rui Pharao khou taanclou pw nimei tei ntaw thu nang how puni the. Ai rui abaantan rui amei nunc ta titat puni the. Ngguay, kaniw ta kakandih khou rui ti-alay ganh khang ai rui swlou puni.”
Ravguangc rui Mousi ta Kawmei
2Ravguangc rui Mousi khou sa the, “Ai hei Ringhpouc e.#Tha 17.1; 28.3; 35.11; Tat 3.13-15 3Abraham, Isak, khatni Jakob khou ai hei Ngamparymei Racguangc swna lyanlou kan the; tiki nthanmei azanc Ringhpouc twmei zanc hei ai kaniw khou ndauhlou kan mak he. 4Kaniw gin swna lungc bammei Kanaan kandic tei kaniw khang tii ni twna ai rui kaniw lev latdyng ni swlou kan the. 5Izipmei nunc rui bangh tisw bammei Isaraelmei nunc rui puihuay bammei khwan ai chu the; kumna atuang latdyng tei ai ningtow e. 6Ai rui kaniw khou kumna sa e twna Isaraelmei nunc khou sa o, ‘Ai hei Ringhpouc e; nangniw Izip khou bangh sw bammei khou rui nangniw ta ai rui tiduaklou puni e. Kaniw ta ranv sihmei dandi tii khang atuang ngammei baancpwam zay thau puni; kumna ai rui nangniw ta kanlou puni. 7Ai rui nangniw ta amei tiswlou puni, khatni ai hei nangniw Racguangc sw puni. Izip khou bangh sw bammei khou rui ai rui nangniw ta riclou pwkhou, ai hei Ringhpouc nangniw Racguangc e twmei nangniw thay puni. 8Ai rui tii ni twna Abraham, Isak, khatni Jakob khou nthukna nrianhlou kanmei kandic khou tei, ai rui nangniw ta phungc guanglou puni; mi hei nangniw tuang swna nangniw khang tiilou puni, Ai hei Ringhpouc e.’ ” 9Mousi rui hei tei Isaraelmei nunc khou raclou the; tiki kaniw hei tei chulou mak e; kalam thu kaniw ta bangh swna rai kasicmei rui, kaniw lung sw-anau ngam the.
10Khoutei Ringhpouc rui Mousi khou sa the, 11“Isaraelmei nunc ta mi kandic hei ti-mpatlouna, titat nina e twna Pharao khou sa o.”
12Mousi rui Ringhpouc khou daw the, “Isaraelmei nunc sini alat chulounitu hamhmei ta, akumhna Pharao rui thu chulou bam nina cho? Ai hei thu heidikamv lat sa thay makpui mei de.”
13“Nangney rui Isaraelmei nunc ta Izip khou rui nduangh pat khang ai rui latdanv tii the twna Pharao lev Isaraelmei khou sa o,” twna Ringhpouc rui Mousi lev Aron khou latdanv tii the.
Mousi lev Aron Kai Kaikhunc
14Mi hei kaniw kaikhunc tuang kapy nunc e, Jakob nac nareimei Reuben tei kanac mpouh gaanv padeih puanc e. Mi nunc kiu thu: Hanok, Pallu, Hezron, khatni Karmi hei the. Mi hei Reuben tuang kaikhunc khatni kaikhwang zanc phunghmei the. 15Simeon nac mpouh gaanv charuk e. Mi nunc kiu thu: Jemuel, Jamin, Ohat, Jakin, Zohar, khatni Kanaanmeipui rui puanhmei Shaul hei nunc hei e. Mi hei Simeon tuang kaikhunc khatni kaikhwang zanc phunghmei the. 16Levi nac mpouh gaanv thumh e. Mi nunc kiu thu: Gershon, Kohat, Merari hei e. Kaniw hei Levi tuang kaikhunc khatni kaikhwang zanc phunghmei the. Levi tingkwm 137 lungclou khwan e.#Sin 3.17-20; 26.57,58; 1 Ki 6.16-19 17Gershon kanac mpouh gaanv nei nai e. Mi nei kiu thu Libni khatni Shimei e. Mi hei Gershon tuang kaikhunc khatni kaikhwang zanc phunghmei the. 18Kohat nac mpouh gaanv padeih e. Mi nunc kiu thu: Amram, Izhar, Hebron khatni Uzziel hei e. Kohat tingkwm 133 lungclou e. 19Merari nac mpouh gaanv nei e. Mi kiu thu Mahli lev Mushi e. Mi hei Levi puinacmei khatni kakikta nunc e.
20Amram rui kapu tanpui Jokebed ta kawna Aron lev Mousi ta puanclou e. Amram tingkwm 137 lungclou e. 21Izhar nac mpouh gaanv thumh e. Mi kiu thu Kora, Nepheg, khatni Zikri hei e. 22Uzziel ni kanac mpouh gaanv thumh e. Mi nunc kiu thu: Mishael, Elzaphan, khatni Sithri hei e.
23Aron now hei Amminadab rui puanhmei Nahson tanpui Elisheba e. Mi pui tei rui Nadab, Abihu, Eleazar, khatni Ithamar ta puanclou e. 24Kora nac mpouh gaanv thumh e. Mi nunc kiu thu: Assir, Elkana khatni Abiasap hei e. Kaniw hei Kora puinacmei kaikhwangmei nunc e. 25Aron nac mpouh Eleazar rui Putiel nac aluhpui ta kaw e; kumna mi pui tei rui Phinehas ta puanclou e. Kaniw hei Levi kai puinac nunc tuang pupouc nunc e.
26Mousi lev Aron hei Ringhpouc rui “Isaraelmei ta Izip khou rui nduangh pat ro” twna saloumeipu nei tei e. 27Kaney hei Isaraelmei ta mpatlou o twna Pharao khou samei nei tei e.
Mousi khatni Aron khou Ringhpouc rui Latdanv Tiimei
28 Ringhpouc rui Mousi khou Izip kandic khou heikumna 29sa the, “Ai hei Ringhpouc e. Ai rui nang khou samei kaguayna hei Izipmei guangc khou sa o.”
30“Ai hei heidikamv lat sa thay mak ge twmei nang thay e; tabui kumhna guangh rui alat nkinglou bam punina cho?” twna Mousi rui daw the.
Currently Selected:
TATPATMEI 6: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 6
6
1Khoutei Ravguangc rui Mousi khou sa the, “Ai rui Pharao khou taanclou pw nimei tei ntaw thu nang how puni the. Ai rui abaantan rui amei nunc ta titat puni the. Ngguay, kaniw ta kakandih khou rui ti-alay ganh khang ai rui swlou puni.”
Ravguangc rui Mousi ta Kawmei
2Ravguangc rui Mousi khou sa the, “Ai hei Ringhpouc e.#Tha 17.1; 28.3; 35.11; Tat 3.13-15 3Abraham, Isak, khatni Jakob khou ai hei Ngamparymei Racguangc swna lyanlou kan the; tiki nthanmei azanc Ringhpouc twmei zanc hei ai kaniw khou ndauhlou kan mak he. 4Kaniw gin swna lungc bammei Kanaan kandic tei kaniw khang tii ni twna ai rui kaniw lev latdyng ni swlou kan the. 5Izipmei nunc rui bangh tisw bammei Isaraelmei nunc rui puihuay bammei khwan ai chu the; kumna atuang latdyng tei ai ningtow e. 6Ai rui kaniw khou kumna sa e twna Isaraelmei nunc khou sa o, ‘Ai hei Ringhpouc e; nangniw Izip khou bangh sw bammei khou rui nangniw ta ai rui tiduaklou puni e. Kaniw ta ranv sihmei dandi tii khang atuang ngammei baancpwam zay thau puni; kumna ai rui nangniw ta kanlou puni. 7Ai rui nangniw ta amei tiswlou puni, khatni ai hei nangniw Racguangc sw puni. Izip khou bangh sw bammei khou rui ai rui nangniw ta riclou pwkhou, ai hei Ringhpouc nangniw Racguangc e twmei nangniw thay puni. 8Ai rui tii ni twna Abraham, Isak, khatni Jakob khou nthukna nrianhlou kanmei kandic khou tei, ai rui nangniw ta phungc guanglou puni; mi hei nangniw tuang swna nangniw khang tiilou puni, Ai hei Ringhpouc e.’ ” 9Mousi rui hei tei Isaraelmei nunc khou raclou the; tiki kaniw hei tei chulou mak e; kalam thu kaniw ta bangh swna rai kasicmei rui, kaniw lung sw-anau ngam the.
10Khoutei Ringhpouc rui Mousi khou sa the, 11“Isaraelmei nunc ta mi kandic hei ti-mpatlouna, titat nina e twna Pharao khou sa o.”
12Mousi rui Ringhpouc khou daw the, “Isaraelmei nunc sini alat chulounitu hamhmei ta, akumhna Pharao rui thu chulou bam nina cho? Ai hei thu heidikamv lat sa thay makpui mei de.”
13“Nangney rui Isaraelmei nunc ta Izip khou rui nduangh pat khang ai rui latdanv tii the twna Pharao lev Isaraelmei khou sa o,” twna Ringhpouc rui Mousi lev Aron khou latdanv tii the.
Mousi lev Aron Kai Kaikhunc
14Mi hei kaniw kaikhunc tuang kapy nunc e, Jakob nac nareimei Reuben tei kanac mpouh gaanv padeih puanc e. Mi nunc kiu thu: Hanok, Pallu, Hezron, khatni Karmi hei the. Mi hei Reuben tuang kaikhunc khatni kaikhwang zanc phunghmei the. 15Simeon nac mpouh gaanv charuk e. Mi nunc kiu thu: Jemuel, Jamin, Ohat, Jakin, Zohar, khatni Kanaanmeipui rui puanhmei Shaul hei nunc hei e. Mi hei Simeon tuang kaikhunc khatni kaikhwang zanc phunghmei the. 16Levi nac mpouh gaanv thumh e. Mi nunc kiu thu: Gershon, Kohat, Merari hei e. Kaniw hei Levi tuang kaikhunc khatni kaikhwang zanc phunghmei the. Levi tingkwm 137 lungclou khwan e.#Sin 3.17-20; 26.57,58; 1 Ki 6.16-19 17Gershon kanac mpouh gaanv nei nai e. Mi nei kiu thu Libni khatni Shimei e. Mi hei Gershon tuang kaikhunc khatni kaikhwang zanc phunghmei the. 18Kohat nac mpouh gaanv padeih e. Mi nunc kiu thu: Amram, Izhar, Hebron khatni Uzziel hei e. Kohat tingkwm 133 lungclou e. 19Merari nac mpouh gaanv nei e. Mi kiu thu Mahli lev Mushi e. Mi hei Levi puinacmei khatni kakikta nunc e.
20Amram rui kapu tanpui Jokebed ta kawna Aron lev Mousi ta puanclou e. Amram tingkwm 137 lungclou e. 21Izhar nac mpouh gaanv thumh e. Mi kiu thu Kora, Nepheg, khatni Zikri hei e. 22Uzziel ni kanac mpouh gaanv thumh e. Mi nunc kiu thu: Mishael, Elzaphan, khatni Sithri hei e.
23Aron now hei Amminadab rui puanhmei Nahson tanpui Elisheba e. Mi pui tei rui Nadab, Abihu, Eleazar, khatni Ithamar ta puanclou e. 24Kora nac mpouh gaanv thumh e. Mi nunc kiu thu: Assir, Elkana khatni Abiasap hei e. Kaniw hei Kora puinacmei kaikhwangmei nunc e. 25Aron nac mpouh Eleazar rui Putiel nac aluhpui ta kaw e; kumna mi pui tei rui Phinehas ta puanclou e. Kaniw hei Levi kai puinac nunc tuang pupouc nunc e.
26Mousi lev Aron hei Ringhpouc rui “Isaraelmei ta Izip khou rui nduangh pat ro” twna saloumeipu nei tei e. 27Kaney hei Isaraelmei ta mpatlou o twna Pharao khou samei nei tei e.
Mousi khatni Aron khou Ringhpouc rui Latdanv Tiimei
28 Ringhpouc rui Mousi khou Izip kandic khou heikumna 29sa the, “Ai hei Ringhpouc e. Ai rui nang khou samei kaguayna hei Izipmei guangc khou sa o.”
30“Ai hei heidikamv lat sa thay mak ge twmei nang thay e; tabui kumhna guangh rui alat nkinglou bam punina cho?” twna Mousi rui daw the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.