TATPATMEI 35
35
Sabbathneic tuang Riak
1Mousi rui Isaraelmei kapwmna ta kabai guangna sa the, “Nangniw ta taanc o twna latdanv tiimei kiu mi hei the: 2nangniw taanvtaanh khang zaeng charuk nai e, kum e tiki zaeng chaneimei tingmik tei thu nthanmei, Ringhpouc akhou katgutloumei nthukmei zaengthaek tingmik ge. Mi nungc tei taanvtaanhpui mei ta tei thu swluai nina e.#Tat 20.8-11; 23.12; 31.15; 34.21; Lev 23.3; Ria 5.12-14 3Sabbathneic hei nangniw kai khou mai na sini sw thau nuh mak ge.”
Nthanmei Pheykai Sw khang Kat Guangmei
(Tat 25.1-9)
4Mousi rui Isaraelmei guayna khou sa the, “Ringhpouc rui tiimei latdanv kiu mi hei the: Ringhpouc khang puatkat tii o. 5Nangniw pang khou thowkumhmei lungning daihmei Ringhpouc khang tii niimei rui kachaekc, daandi khatni tanzinc 6nrymmei, haengcnrymmei, haenghmei, gaymei linen, ziuhhiw tuang phey 7nsanghloumei lauziu tuang gic, guaih gic gaymei, akasia thing 8thauhmai daanhmei thauc, tey nimei thauc kasiamh khang maruai khatni 9tingkuh tuang Ephod khatni ngaengvthuapc paek khou lou nimei Karnelia tauc khatni baihmei kunghmei tauc hei guay hei the.
Ringhpouc tuang Pheykai Na Guay
(Tat 39.32-43)
10“Nangniw pang khou baanhthaymei guay guangna Ringhpouc rui taanc o twna latdanv tiimei tei taanc tho. Mi kiu thu: 11pheykai khatni mi tuang gwm, mi tuang kapaengcmei gwm, ntanh guay, katiangc, kaluang, kalangv, kabamv, 12Latdyng Khuk, mi tuang phuang, kagwm khatni mi ta tei daengc binloumei khamthinghphey; 13tupaeng, mi tuang phuang khatni mi tuang na guay; Ravguangc khang katloumei ntyan; 14thauhmai hyang khatni mi tuang na guay; thauhmai khatni mi tuang thauc guay; 15agaw nteimei tuang ravchapaeng khatni mi tuang phuang; teymei thauh khatni namhgaymei agaw; pheykai kaimun khou lou nimei kaimun phey; 16rawna khaeng nimei tuang ravchapaeng, mi khou tei lou nimei tanzinc tuang raengv, mi tuang phuang, khatni mi tuang na guay; duikhiu kaikhuang khatni mi tuang bamv; 17kairaengv phey, katiangc khatni kabamv; kairaengvmun tuang kaimun phey; 18pheykai khatni karaengv tuang muihtiangc, kariang; 19amuh Aron khatni kanac mpouh nunc rui Nthanmei bamv khou taanv sw nimei ganv khou piu nimei tuang chingkhiuhmei amuh pwan hei guay hei the.”
Meic nunc rui Kaniw tuang Puatkat Phungc Guangmei
20Isaraelmei guay tei kabamv kabamv tat dat kan the. 21Kumna Ringhpouc tuang kalummei pheykai kasiamh khang lungh thaumei maansei kathuic rui puatkat phungc guang the. Kalummei taanv khou piu nimei tuang na guay khatni amuh tuang pwan kasiamh khang kage naimei guay tei tii guang the. 22Tii niimei kathuic rui ntumei ni nggaanvmei ni katuang katuang tadip, baanrwn, ntuh-ntah khatni kachaekc tuang karuhpwan zaat guay phungc guang the kumna hei tei Ringhpouc khang katlou the. 23Gaymei linen; nrymmei, haengcnrymmei, khatni haenghmei langc; ziuhhiw phey; nsangh haengcloumei lauziuchic tuang gic; khatni gaymei guaihgic hei guay hei naimei guay rui phungc guang the. 24Daandi khatni tanzinc tii khang naimei guay rui Ringhpouc khang kaniw tuang puatkat swna phungc guang the. Kage naimei khou piu nimei tuang akasia thing ni laaguang the. 25Pheylangh taanc thaymeipui guay rui ni kaniw baanc rui taanc patmei gaymei linen langc khatni nrymmei, haengcnrymmei khatni haenghmei langc phungc guang the. 26Lungh thaumei ntumei nunc rui ziuhhiw langc ni kasiamhlou the. 27Kapy nunc tei rui Karnelia tauc khatni baihmei kunghmei tauc Ephod khatni ngaengvthuapc khou lou khang phungc guang the, 28maruai, thauhmai thauc, tey nimei thauc khatni namh gaymei agaw kasiamh khang hei guay hei kapy nunc rui phungc guang the. 29Ringhpouc rui Mousi khou taanc o twna dincloumei puat kaguayna tei taanh khang kage naimei puat guay tei Isaraelmei ntumei nggaanvmei guay rui Ringhpouc khou phungc guang the.
Ringhpouc tuang Kalummei Pheykai Kasiamh Nimei nunc
(Tat 31.1-11)
30Mousi rui Isaraelmei khou sa the, “Ringhpouc rui Juda kaikhwangmei Hur tou, Uri rui puanhmei Bezalel ta kadah kan the. 31Ravguangc rui kakhou kabumaengc tipadiklouna baanh thaymei taanv guay tei taanc ngam khang kakhou tiilou kan the. 32Kachaekc, daandi khatni tanzinc rui taanc nimei thiak guay tei taanc ngam khang, 33kunghmei tauc guay tei kasiamh ngam khang, thing khou hiak nimei khatni baihmei baanhthaymei taanv guay tei taanc ngam khang kakhou tiilou kan the. 34Ringhpouc rui kakhou khatni Dan kaikhwangmei Ahisamak rui puanhmei Oholiab khou kaney tuang baanhthaymei tei meic baihmei khou ni dinclou ngam khang tiilou kan the. 35Thing tauh taanv khatni phey langh taanv kazaat kaguayna taanc ngam khang kaney khou tiilou kan the. Kaney ramh zaat guayna taanc ngam the khatni ramh lwn kasiamhmei khou thyam thaymei tiilou the.
Currently Selected:
TATPATMEI 35: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 35
35
Sabbathneic tuang Riak
1Mousi rui Isaraelmei kapwmna ta kabai guangna sa the, “Nangniw ta taanc o twna latdanv tiimei kiu mi hei the: 2nangniw taanvtaanh khang zaeng charuk nai e, kum e tiki zaeng chaneimei tingmik tei thu nthanmei, Ringhpouc akhou katgutloumei nthukmei zaengthaek tingmik ge. Mi nungc tei taanvtaanhpui mei ta tei thu swluai nina e.#Tat 20.8-11; 23.12; 31.15; 34.21; Lev 23.3; Ria 5.12-14 3Sabbathneic hei nangniw kai khou mai na sini sw thau nuh mak ge.”
Nthanmei Pheykai Sw khang Kat Guangmei
(Tat 25.1-9)
4Mousi rui Isaraelmei guayna khou sa the, “Ringhpouc rui tiimei latdanv kiu mi hei the: Ringhpouc khang puatkat tii o. 5Nangniw pang khou thowkumhmei lungning daihmei Ringhpouc khang tii niimei rui kachaekc, daandi khatni tanzinc 6nrymmei, haengcnrymmei, haenghmei, gaymei linen, ziuhhiw tuang phey 7nsanghloumei lauziu tuang gic, guaih gic gaymei, akasia thing 8thauhmai daanhmei thauc, tey nimei thauc kasiamh khang maruai khatni 9tingkuh tuang Ephod khatni ngaengvthuapc paek khou lou nimei Karnelia tauc khatni baihmei kunghmei tauc hei guay hei the.
Ringhpouc tuang Pheykai Na Guay
(Tat 39.32-43)
10“Nangniw pang khou baanhthaymei guay guangna Ringhpouc rui taanc o twna latdanv tiimei tei taanc tho. Mi kiu thu: 11pheykai khatni mi tuang gwm, mi tuang kapaengcmei gwm, ntanh guay, katiangc, kaluang, kalangv, kabamv, 12Latdyng Khuk, mi tuang phuang, kagwm khatni mi ta tei daengc binloumei khamthinghphey; 13tupaeng, mi tuang phuang khatni mi tuang na guay; Ravguangc khang katloumei ntyan; 14thauhmai hyang khatni mi tuang na guay; thauhmai khatni mi tuang thauc guay; 15agaw nteimei tuang ravchapaeng khatni mi tuang phuang; teymei thauh khatni namhgaymei agaw; pheykai kaimun khou lou nimei kaimun phey; 16rawna khaeng nimei tuang ravchapaeng, mi khou tei lou nimei tanzinc tuang raengv, mi tuang phuang, khatni mi tuang na guay; duikhiu kaikhuang khatni mi tuang bamv; 17kairaengv phey, katiangc khatni kabamv; kairaengvmun tuang kaimun phey; 18pheykai khatni karaengv tuang muihtiangc, kariang; 19amuh Aron khatni kanac mpouh nunc rui Nthanmei bamv khou taanv sw nimei ganv khou piu nimei tuang chingkhiuhmei amuh pwan hei guay hei the.”
Meic nunc rui Kaniw tuang Puatkat Phungc Guangmei
20Isaraelmei guay tei kabamv kabamv tat dat kan the. 21Kumna Ringhpouc tuang kalummei pheykai kasiamh khang lungh thaumei maansei kathuic rui puatkat phungc guang the. Kalummei taanv khou piu nimei tuang na guay khatni amuh tuang pwan kasiamh khang kage naimei guay tei tii guang the. 22Tii niimei kathuic rui ntumei ni nggaanvmei ni katuang katuang tadip, baanrwn, ntuh-ntah khatni kachaekc tuang karuhpwan zaat guay phungc guang the kumna hei tei Ringhpouc khang katlou the. 23Gaymei linen; nrymmei, haengcnrymmei, khatni haenghmei langc; ziuhhiw phey; nsangh haengcloumei lauziuchic tuang gic; khatni gaymei guaihgic hei guay hei naimei guay rui phungc guang the. 24Daandi khatni tanzinc tii khang naimei guay rui Ringhpouc khang kaniw tuang puatkat swna phungc guang the. Kage naimei khou piu nimei tuang akasia thing ni laaguang the. 25Pheylangh taanc thaymeipui guay rui ni kaniw baanc rui taanc patmei gaymei linen langc khatni nrymmei, haengcnrymmei khatni haenghmei langc phungc guang the. 26Lungh thaumei ntumei nunc rui ziuhhiw langc ni kasiamhlou the. 27Kapy nunc tei rui Karnelia tauc khatni baihmei kunghmei tauc Ephod khatni ngaengvthuapc khou lou khang phungc guang the, 28maruai, thauhmai thauc, tey nimei thauc khatni namh gaymei agaw kasiamh khang hei guay hei kapy nunc rui phungc guang the. 29Ringhpouc rui Mousi khou taanc o twna dincloumei puat kaguayna tei taanh khang kage naimei puat guay tei Isaraelmei ntumei nggaanvmei guay rui Ringhpouc khou phungc guang the.
Ringhpouc tuang Kalummei Pheykai Kasiamh Nimei nunc
(Tat 31.1-11)
30Mousi rui Isaraelmei khou sa the, “Ringhpouc rui Juda kaikhwangmei Hur tou, Uri rui puanhmei Bezalel ta kadah kan the. 31Ravguangc rui kakhou kabumaengc tipadiklouna baanh thaymei taanv guay tei taanc ngam khang kakhou tiilou kan the. 32Kachaekc, daandi khatni tanzinc rui taanc nimei thiak guay tei taanc ngam khang, 33kunghmei tauc guay tei kasiamh ngam khang, thing khou hiak nimei khatni baihmei baanhthaymei taanv guay tei taanc ngam khang kakhou tiilou kan the. 34Ringhpouc rui kakhou khatni Dan kaikhwangmei Ahisamak rui puanhmei Oholiab khou kaney tuang baanhthaymei tei meic baihmei khou ni dinclou ngam khang tiilou kan the. 35Thing tauh taanv khatni phey langh taanv kazaat kaguayna taanc ngam khang kaney khou tiilou kan the. Kaney ramh zaat guayna taanc ngam the khatni ramh lwn kasiamhmei khou thyam thaymei tiilou the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.