TATPATMEI 14
14
Ntou Duipui Kaanmei
1Khoutei Ringhpouc rui Mousi khou sa the, 2“Isaraelmei nunc ta tei hanc patna Baal Zephon daeng khou, Migdo lev Ntou Duipui kak khou naimei Pi Hahirot hu khou zypui sw khang sa tho. 3Isaraelmei nac nunc tei ramvpuk khou maeng tat bam khwang the khatni tazikramv ana bam khwang the twna guangh tei ning puni the. 4Ai rui kalung titanclou puni, kumna kamei rui nangniw ta nthau puni, ai rui guangh ruc khou khatni katuang ricmei nunc ruc khou rih ngamlouna ahym tidaiclou puni. Khoutei ai hei Ringhpouc e twmei Izipmei nunc rui thay puni.” Isaraelmei nunc tei kaniw khou saloumei kumcna taanc the.
5Isaraelmei nunc tei pak tat kan the twna Izipmei guangc khou poulou pwkhou, guangh tei khatni katuang meicdaihmei nunc tei kalung kalaic lana sa the, “Aniu rui sw bammei hei tabui tuang tha? Aniu rui Isaraelmei nunc ta tipak tatna kaniw ta aniu bangc sw tow dat mak khe!” 6Guangh tei katuang rih takuanc gari khou dungclouna rihmei nunc chamdaanv the. 7Guangh tei katuang takuanh gari guay, gay liangmei takuanh gari 600 lev kazauhna katuang meicdaihmei nunc rui kapy swna tat thau the. 8Ringhpouc rui Pharao ta tei kalung titanclou the, kumna rih ngamna tat bammei Isaraelmei nunc ta suic the. 9Izipmei ricmei, takuanh pang, rih gari pang, khatni gari thoumei nunc tei kaniw ta suic tatna Ntou duipui daeng khou Pi Hahirot khatni Baal Zephon daeng khou zypui khou bam khou lay tangh the.
10Guangh tei katuang ricmei nunc ta nduanghna kaniw ta suic keymei tei how pwkhou kaniw tei ping the, kumna nkhavlou khang Ringhpouc khou kauc the. 11Kaniw rui Mousi khou sa the, “Izip khou tarou maekna cho? Theih khang nang rui aniw ta mi tazikramv khou hei nduangh pat tu cho? Aniw ta Izip khou rui nduangh patmei thai tabui tuang guang thav, zauc tho! 12Heikum puni twna tat thau mak khou tei aniw nang khou sa kan tu hamhna cho? Aniw ta ganclou do, aniw Izip khou bangh sw bam kan ni de twna aniw nang khou sa kan tu hamhna cho? Mi tazikramv khou theicloumei suangc mi thangc tei bangh sw bam kanmei rui gay e.”
13Mousi rui kumna daw the, “Ping riu! Nangniw ding ntipna ding o, nangniw ta aseic kanlou khang Ringhpouc rui taanclou punimei tei nangniw how puni the. Mi Izipmei nunc ti hei nangniw how dat ni tuang hamh the. 14Ringhpouc rui nangniw phaan adowlou puni de, nangniw ramh sw bam khang maek ge.”
15 Ringhpouc rui Mousi khou sa the, “Tabui swna nkhavlou khang nang kaucna bam tu cho? Hu thangc tat gut khang meic nunc ta tei sa o. 16Nang tuang builwang tei zay thauna duipui ruc khou tei sinna ntyng pat ro. Kum pwkhou dui tei luangc kakhak kan puni, kumna Isaraelmei guay tei duipui chung khou tei ramvkiang khou tat kumc tat pat puni the. 17Ai rui Izipmei nunc ta kaniw lung heidikamv titanclou puni twmei thu kaniw tei nangniw thei suic gut puni, kumna guangh ruc khou, katuang ricmei, katuang rih gari, khatni katuang gari thoumei guay ta ngamlouna ahym tidaic puni. 18Ai rui kaniw ta ngamlou pwkhou, Ai hei Ringhpouc e twmei kaniw thay puni.”
19Ravguangc tuang baanchara, Isaraelmei rihmei nunc hu khou tat bammeipu tei, kalung thauna kathei thangc tat pat kan the. Muangh tiangc tei ni kalung patna 20Izipmei lev Isaraelmei kak khou pat ding kan the. Muangh tei rui Izipmei nunc khang tizingclou the, tiki Isaraelmei nunc khang tigaanclou the, kumna rihmei nunc tei zingbangc saanvsaengh khat khat daeng khou guang tuanc ngam mak khe.
21Mousi rui duipui ruc khou tei kabaanc zay thau the, kumna tanhmei neihpat mpwan rui duipui ta tei thui kakhaklou the. Kumna zingbangc aliu gaanc the, kum tina duipui tei ramvkiang guanh the, duipui tei thui kakhaklou the, 22kum tina Isaraelmei nunc tei duipui chung khou tei chaeng naek kanei tei dui rui raengh swna ramvkiang khou tat pat the.#1 Ko 10.1,2; Ibr 11.29 23Izipmei nunc tei kaniw tuang takuanc nunc, rih gari guay, gari thoumei nunc kazauhna Isaraelmei ta duipui khou suic gut the. 24Tinggaanc nimei hu khou Ringhpouc rui mai lev muangh tiangc khou rui Izipmei rihmei nunc ruc khou zauc keyna kaniw ta tikaluanglou the. 25Kamei rui kaniw tuang gari guay hyang tikhamvlou the, kum tina kaniw tat kalung ngam mak khe. Izipmei nunc tei rui sa the, “Ringhpouc rui Isaraelmei nunc phaan aniu ta adow bam tina di the. Aniu khou rui hanc dat kan di kho!”
26 Ringhpouc rui Mousi khou sa the, “Nang baanc tei duipui ruc khou tei zay thaulou dat ti tho, kum ti thei dui tei Izipmei nunc, kaniw tuang gari guay khatni gari thoumei nunc ruc khou kachip guang dat puni the.”
27Kumna Mousi rui kabaanc tei duipui ruc khou zay thaulou the, kumna tinggaanc pat pwkhou duipui tei kalwnlungh bamv khou hanc guang dat kan the. Izipmei nunc tei dui khou tei rui pak duak khang karamc the, tiki Ringhpouc rui kaniw ta duipui khou giakbinlou the. 28Dui tei hanc guang datna Isaraelmei nunc ta suic tat bammei rih gari guay, gari thoumei nunc khatni Izipmei rihmei nunc ta tei dui rui luangclyam kan the; meic gaanv khat na ta sini nsaekclou mak khe. 29Tiki Isaraelmei nac nunc tei thu duipui chung khou, chaeng naek kanei dui rui raengh swna kandih khou phay rui tat kaan pat the.
30Mi nungc tei Ringhpouc rui Isaraelmei nunc ta Izipmei baanc khou rui kanlou the, kumna kaniw duipui tin khou theiclou bammei ta tei how the. 31Izipmei nunc ta ngamloumei Ringhpouc tuang ngamv daihmei tei Isaraelmei nunc rui how pwkhou, kaniw Ringhpouc ta ping the; kumna kaniw Ringhpouc ta khatni kabangc Mousi ta lwm the.
Currently Selected:
TATPATMEI 14: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 14
14
Ntou Duipui Kaanmei
1Khoutei Ringhpouc rui Mousi khou sa the, 2“Isaraelmei nunc ta tei hanc patna Baal Zephon daeng khou, Migdo lev Ntou Duipui kak khou naimei Pi Hahirot hu khou zypui sw khang sa tho. 3Isaraelmei nac nunc tei ramvpuk khou maeng tat bam khwang the khatni tazikramv ana bam khwang the twna guangh tei ning puni the. 4Ai rui kalung titanclou puni, kumna kamei rui nangniw ta nthau puni, ai rui guangh ruc khou khatni katuang ricmei nunc ruc khou rih ngamlouna ahym tidaiclou puni. Khoutei ai hei Ringhpouc e twmei Izipmei nunc rui thay puni.” Isaraelmei nunc tei kaniw khou saloumei kumcna taanc the.
5Isaraelmei nunc tei pak tat kan the twna Izipmei guangc khou poulou pwkhou, guangh tei khatni katuang meicdaihmei nunc tei kalung kalaic lana sa the, “Aniu rui sw bammei hei tabui tuang tha? Aniu rui Isaraelmei nunc ta tipak tatna kaniw ta aniu bangc sw tow dat mak khe!” 6Guangh tei katuang rih takuanc gari khou dungclouna rihmei nunc chamdaanv the. 7Guangh tei katuang takuanh gari guay, gay liangmei takuanh gari 600 lev kazauhna katuang meicdaihmei nunc rui kapy swna tat thau the. 8Ringhpouc rui Pharao ta tei kalung titanclou the, kumna rih ngamna tat bammei Isaraelmei nunc ta suic the. 9Izipmei ricmei, takuanh pang, rih gari pang, khatni gari thoumei nunc tei kaniw ta suic tatna Ntou duipui daeng khou Pi Hahirot khatni Baal Zephon daeng khou zypui khou bam khou lay tangh the.
10Guangh tei katuang ricmei nunc ta nduanghna kaniw ta suic keymei tei how pwkhou kaniw tei ping the, kumna nkhavlou khang Ringhpouc khou kauc the. 11Kaniw rui Mousi khou sa the, “Izip khou tarou maekna cho? Theih khang nang rui aniw ta mi tazikramv khou hei nduangh pat tu cho? Aniw ta Izip khou rui nduangh patmei thai tabui tuang guang thav, zauc tho! 12Heikum puni twna tat thau mak khou tei aniw nang khou sa kan tu hamhna cho? Aniw ta ganclou do, aniw Izip khou bangh sw bam kan ni de twna aniw nang khou sa kan tu hamhna cho? Mi tazikramv khou theicloumei suangc mi thangc tei bangh sw bam kanmei rui gay e.”
13Mousi rui kumna daw the, “Ping riu! Nangniw ding ntipna ding o, nangniw ta aseic kanlou khang Ringhpouc rui taanclou punimei tei nangniw how puni the. Mi Izipmei nunc ti hei nangniw how dat ni tuang hamh the. 14Ringhpouc rui nangniw phaan adowlou puni de, nangniw ramh sw bam khang maek ge.”
15 Ringhpouc rui Mousi khou sa the, “Tabui swna nkhavlou khang nang kaucna bam tu cho? Hu thangc tat gut khang meic nunc ta tei sa o. 16Nang tuang builwang tei zay thauna duipui ruc khou tei sinna ntyng pat ro. Kum pwkhou dui tei luangc kakhak kan puni, kumna Isaraelmei guay tei duipui chung khou tei ramvkiang khou tat kumc tat pat puni the. 17Ai rui Izipmei nunc ta kaniw lung heidikamv titanclou puni twmei thu kaniw tei nangniw thei suic gut puni, kumna guangh ruc khou, katuang ricmei, katuang rih gari, khatni katuang gari thoumei guay ta ngamlouna ahym tidaic puni. 18Ai rui kaniw ta ngamlou pwkhou, Ai hei Ringhpouc e twmei kaniw thay puni.”
19Ravguangc tuang baanchara, Isaraelmei rihmei nunc hu khou tat bammeipu tei, kalung thauna kathei thangc tat pat kan the. Muangh tiangc tei ni kalung patna 20Izipmei lev Isaraelmei kak khou pat ding kan the. Muangh tei rui Izipmei nunc khang tizingclou the, tiki Isaraelmei nunc khang tigaanclou the, kumna rihmei nunc tei zingbangc saanvsaengh khat khat daeng khou guang tuanc ngam mak khe.
21Mousi rui duipui ruc khou tei kabaanc zay thau the, kumna tanhmei neihpat mpwan rui duipui ta tei thui kakhaklou the. Kumna zingbangc aliu gaanc the, kum tina duipui tei ramvkiang guanh the, duipui tei thui kakhaklou the, 22kum tina Isaraelmei nunc tei duipui chung khou tei chaeng naek kanei tei dui rui raengh swna ramvkiang khou tat pat the.#1 Ko 10.1,2; Ibr 11.29 23Izipmei nunc tei kaniw tuang takuanc nunc, rih gari guay, gari thoumei nunc kazauhna Isaraelmei ta duipui khou suic gut the. 24Tinggaanc nimei hu khou Ringhpouc rui mai lev muangh tiangc khou rui Izipmei rihmei nunc ruc khou zauc keyna kaniw ta tikaluanglou the. 25Kamei rui kaniw tuang gari guay hyang tikhamvlou the, kum tina kaniw tat kalung ngam mak khe. Izipmei nunc tei rui sa the, “Ringhpouc rui Isaraelmei nunc phaan aniu ta adow bam tina di the. Aniu khou rui hanc dat kan di kho!”
26 Ringhpouc rui Mousi khou sa the, “Nang baanc tei duipui ruc khou tei zay thaulou dat ti tho, kum ti thei dui tei Izipmei nunc, kaniw tuang gari guay khatni gari thoumei nunc ruc khou kachip guang dat puni the.”
27Kumna Mousi rui kabaanc tei duipui ruc khou zay thaulou the, kumna tinggaanc pat pwkhou duipui tei kalwnlungh bamv khou hanc guang dat kan the. Izipmei nunc tei dui khou tei rui pak duak khang karamc the, tiki Ringhpouc rui kaniw ta duipui khou giakbinlou the. 28Dui tei hanc guang datna Isaraelmei nunc ta suic tat bammei rih gari guay, gari thoumei nunc khatni Izipmei rihmei nunc ta tei dui rui luangclyam kan the; meic gaanv khat na ta sini nsaekclou mak khe. 29Tiki Isaraelmei nac nunc tei thu duipui chung khou, chaeng naek kanei dui rui raengh swna kandih khou phay rui tat kaan pat the.
30Mi nungc tei Ringhpouc rui Isaraelmei nunc ta Izipmei baanc khou rui kanlou the, kumna kaniw duipui tin khou theiclou bammei ta tei how the. 31Izipmei nunc ta ngamloumei Ringhpouc tuang ngamv daihmei tei Isaraelmei nunc rui how pwkhou, kaniw Ringhpouc ta ping the; kumna kaniw Ringhpouc ta khatni kabangc Mousi ta lwm the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.