TATPATMEI 10
10
Alunkav
1Khoutei Ringhpouc rui Mousi khou sa the, “Nang tatna Pharao ta ariw o. Mi charynmei taanv guay hei ai rui kaniw khou taanc nuh khang, ai rui guangh khatni katuang meicdaihmei nunc lung titanclou kan the; 2kalam thu ai rui Izipmei nunc ruc khou adih tancna taanv swlou kan tu cho twmei, khatni ai rui kaniw pang khou charynmei taanv azuh taanclou kan tu cho twmei nangniw tou nac nunc khou nangniw rac bam khang, khatni ai hei Ringhpouc e twmei nangniw thay khang e.”
3Mousi lev Aron guangh daeng khou guangna sa the “Ringhpouc, Ibrimei Racguangc rui sa e, ‘Asaanh tingsaengcna, nang akhou gutlou makna bam ni hena cho? Ata kalum khang amei nunc ta titat tho. 4Nang heikumna titat makna bam e thei, nthuanh nang kandic khou ai rui alunkav tiguang puni. 5Hei tei heidikamv geic puni, twmei thu hei tei rui kandih thuap liam ngam puni. Nrihthai rui sw kasic nsaekcloumei guay, nsaekcloumei thingbang guay tei nganvna, hei tei rui tu ngam puni. 6Hei tei rui nangkai, guangh tuang meicdaihmei nunc kai, khatni nang mei nunc kai guay padik puni. Nang pu nangpouc nunc sini how zat kan makmei ramsi si puni.’ ” Khoutei Mousi tei Pharao khou rui kathei karih patna tat kan the.
7Guangh tuang meicdaihmei nunc tei rui guangh khou sa the, “Mipu hei rui aniu ta asaanh tiryanra bam nina cho? Isaraelmei nunc kiu, Ringhpouc kaniw Ravguangc ta kiuc kalum tat kan di tho. Izip kandic hei sw kasic ngam the twmei nang thay mak hena cho?”
8Mousi lev Aron ta guangh rui kadaeng khou kaw guang datna, kaney khou sa the, “Ringhpouc nangniw Ravguangc ta kiuc kalum khang, nangniw tat nuh the. Thow thow sih tat nina cho?”
9Mousi rui daw the, “Aniw meic guayna, alauc nunc ni karapouc peic ni tat nina de. Ringhpouc ta champouhmei khum ngay sw pw nimei zaeng rui aniw nac mpouh aluh guay, khatni guaih-bangh guay nduangh tat nina de.”
10Guangh tei rui sa the, “Ai Ravguangc zanc saancna samei tuang e, ntu pangna, khatni alauc nunc khat na ta sini nduangh tat nuh mak ge! Nangniw rih thau khang sw bammei tuang de twmei nthan the! 11Nangniw Ringhpouc ta kalum tat nii changh e thei, nggaanvmei nunc na tat nuh e.” Mi lat tei salouna, Mousi lev Aron ta guangh hu khou rui alay ganc e.
12 Ringhpouc rui Mousi khou sa the, “Alunkav tiguang khang Izip kandic ruc khou nang baanc zay thaulou o. Nkav pang guangna ramvpuk khou thau bammei kapwmna tu ngam puni; nrihthai rui nsaekcloumei guay tu ngam puni.” 13Mousi rui katuang builwang Izip kandic ruc khou zay thau the, kumna Ringhpouc rui neihpat thangc rui mi kandic khou tei zingbangc kalaanv mpwan ti-aliu zingc aliu thangclou the. Lauthwan pat pwkhou, hei tei rui nkav phungc guanglou the. 14Kapang kapang guangna, mi kandi kapwm tei nkav rui padik the. Hei tei how zat makmei, khatni how dat lakmei daic liangmei nkav pang khwan e.#Nda 9.2,3 15Hei tei rui kandih kapwm tei khuap miuh miu the. Nrihthai khou rui nsaekcloumei guay, hei tei rui tu ngam the; kabang khou nai bammei tingthai guay nganv tu ngam the. Izip kandic kapwm khou tei thingnuy ndiakcmei akhat na sini how mak khe.
16Guangh tei rui Mousi lev Aron ta katumcna kaw guangna sa the, “Ringhpouc nangniw Racguangc khatni nangney khou ai paapc taanc the. 17Apaap hei kuaklou dat ro; kumna mi meic theihmei sucnumei dandi hei akhou rui laa ganclou khang, Ringhpouc nangniw Racguangc khou huayneylou o.” 18Mousi guangh khou rui tat patna, Ringhpouc khou huayney the. 19Ringhpouc rui neihpat pwan tei, tanhmei neihkey pwan tiguanglou dat the; kumna mi pwan tei rui nkav guay tei phungcna Ntou duipui khou phungclou kan the. Izip khou nkav kui akhat na sini ganclou mak khe. 20Tiki Ringhpouc rui guangh lung titanclou tina, kamei Isaraelmei nunc ta titat mak e.
Zinghmei
21Mi tangv Ringhpouc rui Mousi khou sa the, “Nang baanc tingpuk biak thangc zay thau o; kum e thei Izip kandic kapwm hei katham tow ni kumhmei ramzing zingc puni.” 22Mousi kabaanc tingpuk biak thangc zay thau the; kumna zaeng neih thumh Izip kandic kapwm zingc gunh gunna zingc the.#Kal 105.28; Nda 16.10 23Izipmei nunc tei khat khat ta how dat mak khe; kumna mi ganv khou tei meic gaanv khat na sini kakai kai khou rui tat pat dat mak khe. Tiki Isaraelmei nunc bammei bamv khou tei thu gaanc khwan e.
24Guangh rui Mousi ta kaw guangna sa the, “Nangniw Ringhpouc ta kalum tat nuh the; ntu-pangna, khatni alauc nunc ta nganv nduangh tat nuh the. Tiki nangniw tuang guaih bangh guay thu ganclou duc nina e.”
25Mousi rui daw the, “Ringhpouc aniw Racguangc khou khaeng khang, khatni rawna kat khang, khouringh phungc tat khang nuhlou nina de. 26Aniw tuang kiruai guay aniw nduangh tat nina de; akhat na sini ganclou nuh mak ge. Ringhpouc aniw Racguangc khang khaeng nimei khouringc aniw kadah nina de. Aniw mi bamv khou tei guang tangh mak saanv, tabui khouringc khaeng nina cho twmei aniw thay mak ge.”
27 Ringhpouc rui guangh lung titanclou the; kumna kamei rui kaniw ta titat mak khe. 28Pharao rui Mousi khou sa the, “Ahu khou rui tat pat kan o! Nang adaeng khou guangh dat ri tho! Nang guang dat rappui nungc kiu, nang theic puni.”
29“Mousi rui daw the, nang samei tei kumcna nang ata how dat ni tu hamh the,”
Currently Selected:
TATPATMEI 10: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
TATPATMEI 10
10
Alunkav
1Khoutei Ringhpouc rui Mousi khou sa the, “Nang tatna Pharao ta ariw o. Mi charynmei taanv guay hei ai rui kaniw khou taanc nuh khang, ai rui guangh khatni katuang meicdaihmei nunc lung titanclou kan the; 2kalam thu ai rui Izipmei nunc ruc khou adih tancna taanv swlou kan tu cho twmei, khatni ai rui kaniw pang khou charynmei taanv azuh taanclou kan tu cho twmei nangniw tou nac nunc khou nangniw rac bam khang, khatni ai hei Ringhpouc e twmei nangniw thay khang e.”
3Mousi lev Aron guangh daeng khou guangna sa the “Ringhpouc, Ibrimei Racguangc rui sa e, ‘Asaanh tingsaengcna, nang akhou gutlou makna bam ni hena cho? Ata kalum khang amei nunc ta titat tho. 4Nang heikumna titat makna bam e thei, nthuanh nang kandic khou ai rui alunkav tiguang puni. 5Hei tei heidikamv geic puni, twmei thu hei tei rui kandih thuap liam ngam puni. Nrihthai rui sw kasic nsaekcloumei guay, nsaekcloumei thingbang guay tei nganvna, hei tei rui tu ngam puni. 6Hei tei rui nangkai, guangh tuang meicdaihmei nunc kai, khatni nang mei nunc kai guay padik puni. Nang pu nangpouc nunc sini how zat kan makmei ramsi si puni.’ ” Khoutei Mousi tei Pharao khou rui kathei karih patna tat kan the.
7Guangh tuang meicdaihmei nunc tei rui guangh khou sa the, “Mipu hei rui aniu ta asaanh tiryanra bam nina cho? Isaraelmei nunc kiu, Ringhpouc kaniw Ravguangc ta kiuc kalum tat kan di tho. Izip kandic hei sw kasic ngam the twmei nang thay mak hena cho?”
8Mousi lev Aron ta guangh rui kadaeng khou kaw guang datna, kaney khou sa the, “Ringhpouc nangniw Ravguangc ta kiuc kalum khang, nangniw tat nuh the. Thow thow sih tat nina cho?”
9Mousi rui daw the, “Aniw meic guayna, alauc nunc ni karapouc peic ni tat nina de. Ringhpouc ta champouhmei khum ngay sw pw nimei zaeng rui aniw nac mpouh aluh guay, khatni guaih-bangh guay nduangh tat nina de.”
10Guangh tei rui sa the, “Ai Ravguangc zanc saancna samei tuang e, ntu pangna, khatni alauc nunc khat na ta sini nduangh tat nuh mak ge! Nangniw rih thau khang sw bammei tuang de twmei nthan the! 11Nangniw Ringhpouc ta kalum tat nii changh e thei, nggaanvmei nunc na tat nuh e.” Mi lat tei salouna, Mousi lev Aron ta guangh hu khou rui alay ganc e.
12 Ringhpouc rui Mousi khou sa the, “Alunkav tiguang khang Izip kandic ruc khou nang baanc zay thaulou o. Nkav pang guangna ramvpuk khou thau bammei kapwmna tu ngam puni; nrihthai rui nsaekcloumei guay tu ngam puni.” 13Mousi rui katuang builwang Izip kandic ruc khou zay thau the, kumna Ringhpouc rui neihpat thangc rui mi kandic khou tei zingbangc kalaanv mpwan ti-aliu zingc aliu thangclou the. Lauthwan pat pwkhou, hei tei rui nkav phungc guanglou the. 14Kapang kapang guangna, mi kandi kapwm tei nkav rui padik the. Hei tei how zat makmei, khatni how dat lakmei daic liangmei nkav pang khwan e.#Nda 9.2,3 15Hei tei rui kandih kapwm tei khuap miuh miu the. Nrihthai khou rui nsaekcloumei guay, hei tei rui tu ngam the; kabang khou nai bammei tingthai guay nganv tu ngam the. Izip kandic kapwm khou tei thingnuy ndiakcmei akhat na sini how mak khe.
16Guangh tei rui Mousi lev Aron ta katumcna kaw guangna sa the, “Ringhpouc nangniw Racguangc khatni nangney khou ai paapc taanc the. 17Apaap hei kuaklou dat ro; kumna mi meic theihmei sucnumei dandi hei akhou rui laa ganclou khang, Ringhpouc nangniw Racguangc khou huayneylou o.” 18Mousi guangh khou rui tat patna, Ringhpouc khou huayney the. 19Ringhpouc rui neihpat pwan tei, tanhmei neihkey pwan tiguanglou dat the; kumna mi pwan tei rui nkav guay tei phungcna Ntou duipui khou phungclou kan the. Izip khou nkav kui akhat na sini ganclou mak khe. 20Tiki Ringhpouc rui guangh lung titanclou tina, kamei Isaraelmei nunc ta titat mak e.
Zinghmei
21Mi tangv Ringhpouc rui Mousi khou sa the, “Nang baanc tingpuk biak thangc zay thau o; kum e thei Izip kandic kapwm hei katham tow ni kumhmei ramzing zingc puni.” 22Mousi kabaanc tingpuk biak thangc zay thau the; kumna zaeng neih thumh Izip kandic kapwm zingc gunh gunna zingc the.#Kal 105.28; Nda 16.10 23Izipmei nunc tei khat khat ta how dat mak khe; kumna mi ganv khou tei meic gaanv khat na sini kakai kai khou rui tat pat dat mak khe. Tiki Isaraelmei nunc bammei bamv khou tei thu gaanc khwan e.
24Guangh rui Mousi ta kaw guangna sa the, “Nangniw Ringhpouc ta kalum tat nuh the; ntu-pangna, khatni alauc nunc ta nganv nduangh tat nuh the. Tiki nangniw tuang guaih bangh guay thu ganclou duc nina e.”
25Mousi rui daw the, “Ringhpouc aniw Racguangc khou khaeng khang, khatni rawna kat khang, khouringh phungc tat khang nuhlou nina de. 26Aniw tuang kiruai guay aniw nduangh tat nina de; akhat na sini ganclou nuh mak ge. Ringhpouc aniw Racguangc khang khaeng nimei khouringc aniw kadah nina de. Aniw mi bamv khou tei guang tangh mak saanv, tabui khouringc khaeng nina cho twmei aniw thay mak ge.”
27 Ringhpouc rui guangh lung titanclou the; kumna kamei rui kaniw ta titat mak khe. 28Pharao rui Mousi khou sa the, “Ahu khou rui tat pat kan o! Nang adaeng khou guangh dat ri tho! Nang guang dat rappui nungc kiu, nang theic puni.”
29“Mousi rui daw the, nang samei tei kumcna nang ata how dat ni tu hamh the,”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.