EPHISIAMEI 2
2
Theihmei khou rui Ringhmei khou
1Nangniw tuang twanlyammei khatni paapc guay zaeng rui, nangniw theic bam khwan e.#Kol 2.13 2Mi douc tei, nangniw mi mbaanv tuang simei chaeng khou tat bam khwan e; tingpuk khou simei bumaengc guayna ta sin bammeipu, Ravguangc lat liammei nunc ta ntaw sinsw bammei bumaengc lat piu bam khwan e. 3Aniu ni kaniw kumcna meic pumc rui kahawmei khou lungc bam khwan e; meic pumc rui khatni lungning rui kahawmei khou tat bam khwan e. Kaniw kumcna aniu ni kalwnlungh khou rui Ravguangc lungpuam keylou nimei nunc swna bammei tuang khwan e.
4Tiki Ravguangc zauzian thu heidikamv daic e khatni kamei rui aniu ta heidi kamv nzian e. 5Twmei thu, aniw twanlyampui zaeng rui theicna bam khou, kamei rui aniu ta Khrista lev tiringcthaulou dat nchamc the. Nangniw ta kanloumei hei zauzian paan rui e. 6Khrista Jisu khou aniu ta kamei lev tiringcthaulou dat nchamcna tingkauh kandic khou tidungc nchamclou the. 7Mi hei, kamei rui aniu ta nzianmei Khrista Jisu paan rui ndauhloumei sa dat khang thay makmei kazauzian tei guang nimei ganv guay khou ndauh bam khang swlou tuang e. 8Kalam thu zauzian rui nangniw ta lwmmei paan rui kanlou the. Nangniw taanv paan rui hamh e; Ravguangc tuang kaipat de. 9Hei zaeng rui mi khang hei meic gaanv khat na sini gaengh sw khang maek ge. 10Hei zaeng rui, aniu hei, aniu taanh khang chamdaanvloumei gaymei taanv tei taanh khang Ravguangc rui Khrista Jisu khou kasiamhloumei mei nunc e.
Khrista khou Akhatna Sw the
11“Gihruamhmei” (mi hei maansei rui kaniw pumc khou taanhmei taanv ta e) twna kawmei Jihudimei nunc rui “gihruamh makmei” twna kawmei Zentelmei swna puancloumei nangniw hei kahu nungc akumhmei mei nunc sw bam khwan cho twmei ningtow o. 12Mi douc tei nangniw Khrista ta thay makna bam khwan e, Ravguangc rui kapahpatloumei nunc pang khou kazauh makna tasang tasiucmei swna bam khwan e, khatni Ravguangc rui latryan swna nrianhloumei tei laa khang nangniw dam maekna mi mbaanv khou rigwnmei ni maek, Ravguangc ta ni thay mak twna bam khwan e. 13Tiki ntaw thu Khrista Jisu khou guanglou khou rui, ducna bam khwanmei nangniw ta Khrista zei paan rui Ravguangc daeng khou zay guanglou the.
14Tabui cho tiki, Khrista rui Jihudimei lev Zentelmei ta akhatna tiswlouna aniu khang chuzaenghmei phungc guanglou the. Jihudimei lev Zentelmei kak khou daengc langclou bammei zauczihmei raengc tei kamei theicloumei tei rui swra keyna aniu ta akhat na tiswlou the. 15Kamei rui Riakdanv tei mi khou tei naimei latdanv khatni riak guay tei kazauhna swmaan lana, mi zaat kanei ti hei kakhou meic thanh akhat tiswlouna chuzaenghmei phungc guanglou the.#Kol 2.14 16Zauczihmei sw bammei ta tei, kamei kros khou theicloupui paan rui swmaanlou the; kros paan rui Jihudimei lev Zentelmei ta pumh akhat khou tikariulouna Ravguangc khou zay kariulou the.#Kol 1.20 17Kumna Khrista guangna, Ravguangc khou rui ducna bammei Zentelmei khou ni, anana bammei Jihudimei khou ni chuzaenghmei gaychamv hei dinclou the. 18Hei zaeng rui, Khrista paan rui Jihudimei ni, Zentelmei ni Bumaengh akhat khou Pu khou guang nuh the.
19Kum thena, Zentelmei nangniw ni guanghdic baihmei mei nunc hamh the, tasang tasiucmei hamh the; Ravguangc mei nunc lev dilung makaamv di the, Ravguangc tuang kaikhunh khou kaikhunh akhatnamei nunc di the. 20Nangniw hei ni Khrista rui kaikwn-tauc swna latdiutatmei nunc khatni muhzwng nunc tuang kaibam khou sw thaumei kai e. 21Kai kapwm tei Khrista khou duanc kariulouna, Poubauhmei ta kalumpui kai khang swthau bam tuang e. 22Ravguangc tuang Bumaengc lungcloupui kai kasiamh thaumei khou tei, Khrista paan rui nangniw ta ni tikazauhlou the.
Currently Selected:
EPHISIAMEI 2: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
EPHISIAMEI 2
2
Theihmei khou rui Ringhmei khou
1Nangniw tuang twanlyammei khatni paapc guay zaeng rui, nangniw theic bam khwan e.#Kol 2.13 2Mi douc tei, nangniw mi mbaanv tuang simei chaeng khou tat bam khwan e; tingpuk khou simei bumaengc guayna ta sin bammeipu, Ravguangc lat liammei nunc ta ntaw sinsw bammei bumaengc lat piu bam khwan e. 3Aniu ni kaniw kumcna meic pumc rui kahawmei khou lungc bam khwan e; meic pumc rui khatni lungning rui kahawmei khou tat bam khwan e. Kaniw kumcna aniu ni kalwnlungh khou rui Ravguangc lungpuam keylou nimei nunc swna bammei tuang khwan e.
4Tiki Ravguangc zauzian thu heidikamv daic e khatni kamei rui aniu ta heidi kamv nzian e. 5Twmei thu, aniw twanlyampui zaeng rui theicna bam khou, kamei rui aniu ta Khrista lev tiringcthaulou dat nchamc the. Nangniw ta kanloumei hei zauzian paan rui e. 6Khrista Jisu khou aniu ta kamei lev tiringcthaulou dat nchamcna tingkauh kandic khou tidungc nchamclou the. 7Mi hei, kamei rui aniu ta nzianmei Khrista Jisu paan rui ndauhloumei sa dat khang thay makmei kazauzian tei guang nimei ganv guay khou ndauh bam khang swlou tuang e. 8Kalam thu zauzian rui nangniw ta lwmmei paan rui kanlou the. Nangniw taanv paan rui hamh e; Ravguangc tuang kaipat de. 9Hei zaeng rui mi khang hei meic gaanv khat na sini gaengh sw khang maek ge. 10Hei zaeng rui, aniu hei, aniu taanh khang chamdaanvloumei gaymei taanv tei taanh khang Ravguangc rui Khrista Jisu khou kasiamhloumei mei nunc e.
Khrista khou Akhatna Sw the
11“Gihruamhmei” (mi hei maansei rui kaniw pumc khou taanhmei taanv ta e) twna kawmei Jihudimei nunc rui “gihruamh makmei” twna kawmei Zentelmei swna puancloumei nangniw hei kahu nungc akumhmei mei nunc sw bam khwan cho twmei ningtow o. 12Mi douc tei nangniw Khrista ta thay makna bam khwan e, Ravguangc rui kapahpatloumei nunc pang khou kazauh makna tasang tasiucmei swna bam khwan e, khatni Ravguangc rui latryan swna nrianhloumei tei laa khang nangniw dam maekna mi mbaanv khou rigwnmei ni maek, Ravguangc ta ni thay mak twna bam khwan e. 13Tiki ntaw thu Khrista Jisu khou guanglou khou rui, ducna bam khwanmei nangniw ta Khrista zei paan rui Ravguangc daeng khou zay guanglou the.
14Tabui cho tiki, Khrista rui Jihudimei lev Zentelmei ta akhatna tiswlouna aniu khang chuzaenghmei phungc guanglou the. Jihudimei lev Zentelmei kak khou daengc langclou bammei zauczihmei raengc tei kamei theicloumei tei rui swra keyna aniu ta akhat na tiswlou the. 15Kamei rui Riakdanv tei mi khou tei naimei latdanv khatni riak guay tei kazauhna swmaan lana, mi zaat kanei ti hei kakhou meic thanh akhat tiswlouna chuzaenghmei phungc guanglou the.#Kol 2.14 16Zauczihmei sw bammei ta tei, kamei kros khou theicloupui paan rui swmaanlou the; kros paan rui Jihudimei lev Zentelmei ta pumh akhat khou tikariulouna Ravguangc khou zay kariulou the.#Kol 1.20 17Kumna Khrista guangna, Ravguangc khou rui ducna bammei Zentelmei khou ni, anana bammei Jihudimei khou ni chuzaenghmei gaychamv hei dinclou the. 18Hei zaeng rui, Khrista paan rui Jihudimei ni, Zentelmei ni Bumaengh akhat khou Pu khou guang nuh the.
19Kum thena, Zentelmei nangniw ni guanghdic baihmei mei nunc hamh the, tasang tasiucmei hamh the; Ravguangc mei nunc lev dilung makaamv di the, Ravguangc tuang kaikhunh khou kaikhunh akhatnamei nunc di the. 20Nangniw hei ni Khrista rui kaikwn-tauc swna latdiutatmei nunc khatni muhzwng nunc tuang kaibam khou sw thaumei kai e. 21Kai kapwm tei Khrista khou duanc kariulouna, Poubauhmei ta kalumpui kai khang swthau bam tuang e. 22Ravguangc tuang Bumaengc lungcloupui kai kasiamh thaumei khou tei, Khrista paan rui nangniw ta ni tikazauhlou the.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.