DANIEL 2
2
Nebukadnezar Mang
1Nebukadnezar kamei guangh swmei tuang kaneimei kwm kamei mang akhat manv khwan e. Hei tei rui kalung mpeyna tiryanrana kamei zip mak khe. 2Kumna mang kabac tei kakhou hanclou khang kamei rui ravkhanmei nunc, duaih thaymei nunc khatni mangmuh nunc ta kaw the. Kaniw guangna guangh hu khou ding pwkhou, 3guangh rui kaniw khou sa the, “Ai mang akhat manvna mi khang tei mpeyna ryanra bammei tuang e. Mi kabac tei ai thay nii e.”
4Kaniw rui Aramaikmei lat rui guangh khou tei daw the, “He guangh, ringc saengc o! Nang mang kiu aniw khou raclou o, kum e thei aniw rui kabah hanclou puni e.”
5Guangh rui kaniw khou sa the, “Mang tei nangniw rui rac lana kabah ni nangniw rui hanclou nina de. Nangniw hei tei sa ngam mak ge thei nangniw ta dan puat paruatlou puni kumna nangniw kai swmutsutlou puni. 6Nangniw rui mang tei ni kabah ni dinclou ngam e thei, ai rui nangniw khang swan tii puni khatni chakhwang swlou puni. Ntaw thu mang tei tabui cho khatni mi kabac tei tabui cho twmei dinclou tho.”
7Kaniw rui guangh khou daw dat re, “Guangh rui mang tei raclou pw e thei, aniw rui mi kabac tei dinclou puni e.”
8Guangh tei rui sa the, “Nangniw kaganv swmaan khang sw bam tuang di the twmei ai thay the! Kalam thu 9mang tei nangniw rui hanclou timak ge thei nangniw kaguayna ta dandi tii puni the twmei alung khou dingloumei ti hei nangniw thay lana the. Nangniw akhou saraamc sa khang nangniw nchamc lana the kalam thu kaganv theilayna ramh guayna kalaic dat kan ni de twna nangniw ning e. Mang tei raclou rey tho kum e thei mi kabac tei nangniw dinc ngam puni twmei ai lwm puni.”
10Guangh tuang mwnsunhmei nunc tei rui sa the, “Guangh nang rui thay niina bammei tei dinclou ngam nimei kandih nam ruc khou meic maek ge. Guangh gaanv khat na sini, daic liangmei khatni ngamv kauh liangmei rui nganvna heikumna katuang ravkhanmei nunc, duaih thaymei nunc khatni mangmuh nunc khou thanv zat kan mak ge. 11Guangh rui thanv bammei hei thu rav hamhna maansei gaanv khat na rui sini daw ngam lak ge, rav tei ni maansei pang khou bam mak ge.”
12Khoutei guangh tei kareic dinh din the, kumna Babilon khou naimei guangh tuang ningtyngmei guay ta swluai khang latdanv pat the. 13Kumna mi tuang latdanv tei kaniw guayna, Daniel lev kapammei nunc ta tei nganvna swluai khang pat the.
Mang Kabah Ravguangc rui Lyanloumei
14Mi tangv tei kaniw ta swluai nimei ngamv phunghmeipu guangh tuang rigaanv tuang kapy Ariok daeng khou Daniel tei tat the. Sa nimei lat kakhanh chuyna kakhanh lana, 15tabui swna guangh rui heidi tanhmei latdanv tiipat bam tu cho twna kamei rui Ariok khou thanv the. Kumna pat kanmei lam tei Ariok rui Daniel khou raclou the.
16Katumcna Daniel tei tatna mang kabac tei guangh khou raclou nuh khang kaganv asaekc tiilou khang guangh khou rui ney pat the. 17Daniel rui kai guang dat lana kapam Hanania, Mishael, khatni Azaria khou pat kanmei guay tei raclou the. 18Babilon khou bammei baihmei ningtyngmei pang khou tei kaniw ta swluai kazauh mak khang rui tingkauh Ravguangc rui zauc nzianlou khang khatni nkamhloumei tei kakhou dinclou khang huayney khang kamei rui kaniw khou sa the. 19Kumna mi nungc zingbangc kahak tei nkamhloumei tei Daniel khou ndawman khou lyanlou the, kum tina kamei rui tingkauh Ravguangc ta kumna thuanc the:
20“Ravguangc hei ningtyngmei e khatni ngammei e!
21Kamei rui kakwm kaganv sin e;
kamei rui guangh suamclou e khatni laa ganc e;
ningting khatni kabah thaymei tiiloumei hei kamei rui e.
22Nthukcmei khatni nkamhloumei tei kamei rui dinclou e;
zinghmei khou nkamhlou bammei guay tei kamei thay e,
kumna kakhou gaanhmei nai e.
23He apu apouc Racguangc,
ai rui nang ta thuanc e khatni champouh e.
Nang rui akhang ningting khatni pumtan tiilou e;
nang rui ai huayneymei chulou the kumna guangh khou sa nimei tei nang rui dinclou the.”
Daniel rui Guangh khou Mang Kabah Dincloumei
24Guangh tuang ningtyngmei nunc ta swluai khang guangh rui latdanv tiiloumeipu Ariok daeng thangc Daniel rui tat the. Kamei rui kakhou sa the, “Kaniw ta swluailou ri tho. Ata guangh khou nduangh guanglou tho kum e thei ai rui kakhou mang kabah kiu raclou puni the.”
25Katumcna Ariok rui Daniel ta Guangh Nebukadnezar daeng khou nduangh guangna guangh khou sa the, “Guanghle, nang mang tei kabah dinclou ngammei nym guangloumei Jihudimei pang khou rui gaanv khat phutow the.”
26Guang rui Daniel (Belteshazar twna ni kaw e) khou sa the, “Nang amang kiu raclouna mi kabac kiu akhou dinclou ngam puni cho?”
27Daniel rui daw the, “Guanghle, hei tei dinclou ngam nimei ravkhanmei, duaih thaymei khatni mangmuc nunc gaanv khat na sini maek ge. 28Tiki nkamhloumei guay tei ndauhlou ngammei Ravguangc tingkauh thangc nai e. Thei thangc guang nimei tei kamei rui guangh khou dinclou the. Nang mang khatni nang zip bam khou how kanmei ndawman tei ai dinclou puni the.
29“Guangh rui zip bam khou tei, guang nimei lam khou mang akhat manv khwan e; kumna nkamhloumei ta ndauhloumei Ravguangc rui pat pw nimei tei nang khou lyanlou the. 30Ntaw thu, mi nkamhloumei tei akhou lyanlou the, ai rui meic baihmei guay suangc ningting liang tina hamh e. Tiki guangh rui mi mang kabac tei thay kan diu khang khatni nang khou tiguang kanmei lungning tei thay kan diu khang rui akhou tiiloumei tuang e.
31“Guanghle, nang tuang ndawman khou tei karangmei, meicpingmei daic nganvmei meicmaengc akhat ding bam khwan e. 32Kapy tei nthan liangmei kachaekc ge; kangaengv lev kabaanc tei daandi e; kasian lev kalingpeic tei tanzinc e; 33katan nei tei ntanh e; kumna kaphaypav tei ntanh lev taniang kariumei e. 34Nang rui mi ta tei zauc bam khou meic gaanv khat na rui sini kahilou mak ge ki tautuangc daihmei akhat khow akhat khou rui bak patna hei tei rui ntanh lev taniang kariumei phaypav ta tei diangc the kumna hei tei bak paruat kan the. 35Kadyng na khou ntanh, bih, tanzinc, daandi, khatni kachaekc tei puat paruat keyna tinglwm tuang laudybamv khou napkhiau katungh kumc amaan kan the. Mi guay tei tatlou kanmei bamv thay makna mpwan rui aliu ganc ngampary kan the. Tiki ntauh tei chyngbut swna daic thauna kandih kapwm daiclyam kan the.
36“Mi hei nang mang tei the, Guanghle, ntaw thu mi kabac tei raclou puni the. 37Guanghle, nang hei guangh guay pang khou daic liangmei e. Tingkauh Racguangc rui nang ta guanghdaihmei tiswlou the kumna nang khang ngamv, pumtan, baantan, khatni champouhmei tiilou the. 38Kamei rui nang ta kandih nam ruc khou lungc bammei guayna kaipouc khatni khouringh khounah nruay thauruay kaipouc tiswlou the. Mi kachaekc tuang py tei nang the. 39Nang tangv khou guanghdic baihmei akhat nai dat puni, hei tei nang guanghdic di daic ni tuang hamh e. Mi tangv tei kathumhmei, tanzinc tuang guangcdic, kandih kapwm ta sin nimei guanghdic nai puni. 40Mi tangv tei ramh katana ta swbak ngam, swpuat ngammei ntanh kumc tanhmei padeihmei guanghdic nai puni. Ntanh rui ramh katana swpuat paruat ngammei kumcna hei tei rui reymei guangcdic guay ta tei swpuat paruatlou puni. 41Kaphaypav khatni kaphayzung guay tei taniang lev ntanh e twmei nang how kan the. Hei tei rui lyanmei thu hei tei ntamvmei guangcdic puni twmei tuang e. Mi khou tei ntanh tuang pumtan asaekc nai e, kalam thu mi khou tei ntanh lev taniang kariumei the. 42Kaphayzung nunc tei ntanh lev taniang rui swmei kabac tei thu mi guangcdic tei asaekc tanc puni, asaekc rui nsuan puni twmei tuang e. 43Ntanh khou tei taniang kazauh the twmei ni nang how kan the. Mi kabac kiu thu mi guangcdic tuang kaipouc nunc tei nowkaw nahlaa kariuna kaikhunh riangluaic kariu khang karamc puni e, tiki ntanh lev taniang tamian nuh makmei kumcna kaniw kariu ngam lak khe. 44Mi kaipouc nunc tei rui sin bammei ganv khou tei tingkauh Racguangc rui nganv dat lakmei guanghdic akhat lingc thau puni. Mi ta tei ngam dat zat lak khe, tiki hei tei rui mi guangcdic guay ta tei swmutsutlou puni kumna hei tei tingsaeng nai bam kan ni the. 45Meic rui kahilou makna khow akhat khou rui bak patna ntanh, tanzinc, taniang, daandi, khatni kachaekc rui swmei maengc tei key siauc kanmei tei nang how the. Thei thangc guang nimei tei daihmei Ravguangc rui guangh khou dinclou bammei tuang the. Nang rui manv kanmei kahak tei ai rui racloumei tuang the khatni mi tuang kabac ling tei dincloumei tuang the.”
Guangh rui Daniel khang Swan Tiimei
46Khoutei Guangh Nebukadnezar tei kandih khou sow nkhum khuakh khuak key the kumna Daniel khou ravkhaeng khang khatni puatkat kat khang latdanv pat the. 47Guangh rui sa the, “Nang tuang Racguangc hei rav guayna pang khou daic liangmei e, guangh guay kaipouc e, khatni nkamhloumei ndauhloumeipu e. Ai mi hei thaymei thu nang rui mi nkamhloumei hei dincloumei paan rui the.” 48Mi tangv tei kamei rui Daniel khang bamv kauhmei tiilou kan the, kaipat daih daihmei tii kan the, Babilon ramv tei kabaanc khou tiilou kan the, khatni guangh tuang ningtyngmei pang khou kapy tiswlou kan the. 49Daniel rui sa tina guangh rui Shadrak, Meshak, khatni Abednego ta Babilon ramv sinmei khang lou kan the; Daniel tei thu guanghkai khou bam kan the.
Currently Selected:
DANIEL 2: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
DANIEL 2
2
Nebukadnezar Mang
1Nebukadnezar kamei guangh swmei tuang kaneimei kwm kamei mang akhat manv khwan e. Hei tei rui kalung mpeyna tiryanrana kamei zip mak khe. 2Kumna mang kabac tei kakhou hanclou khang kamei rui ravkhanmei nunc, duaih thaymei nunc khatni mangmuh nunc ta kaw the. Kaniw guangna guangh hu khou ding pwkhou, 3guangh rui kaniw khou sa the, “Ai mang akhat manvna mi khang tei mpeyna ryanra bammei tuang e. Mi kabac tei ai thay nii e.”
4Kaniw rui Aramaikmei lat rui guangh khou tei daw the, “He guangh, ringc saengc o! Nang mang kiu aniw khou raclou o, kum e thei aniw rui kabah hanclou puni e.”
5Guangh rui kaniw khou sa the, “Mang tei nangniw rui rac lana kabah ni nangniw rui hanclou nina de. Nangniw hei tei sa ngam mak ge thei nangniw ta dan puat paruatlou puni kumna nangniw kai swmutsutlou puni. 6Nangniw rui mang tei ni kabah ni dinclou ngam e thei, ai rui nangniw khang swan tii puni khatni chakhwang swlou puni. Ntaw thu mang tei tabui cho khatni mi kabac tei tabui cho twmei dinclou tho.”
7Kaniw rui guangh khou daw dat re, “Guangh rui mang tei raclou pw e thei, aniw rui mi kabac tei dinclou puni e.”
8Guangh tei rui sa the, “Nangniw kaganv swmaan khang sw bam tuang di the twmei ai thay the! Kalam thu 9mang tei nangniw rui hanclou timak ge thei nangniw kaguayna ta dandi tii puni the twmei alung khou dingloumei ti hei nangniw thay lana the. Nangniw akhou saraamc sa khang nangniw nchamc lana the kalam thu kaganv theilayna ramh guayna kalaic dat kan ni de twna nangniw ning e. Mang tei raclou rey tho kum e thei mi kabac tei nangniw dinc ngam puni twmei ai lwm puni.”
10Guangh tuang mwnsunhmei nunc tei rui sa the, “Guangh nang rui thay niina bammei tei dinclou ngam nimei kandih nam ruc khou meic maek ge. Guangh gaanv khat na sini, daic liangmei khatni ngamv kauh liangmei rui nganvna heikumna katuang ravkhanmei nunc, duaih thaymei nunc khatni mangmuh nunc khou thanv zat kan mak ge. 11Guangh rui thanv bammei hei thu rav hamhna maansei gaanv khat na rui sini daw ngam lak ge, rav tei ni maansei pang khou bam mak ge.”
12Khoutei guangh tei kareic dinh din the, kumna Babilon khou naimei guangh tuang ningtyngmei guay ta swluai khang latdanv pat the. 13Kumna mi tuang latdanv tei kaniw guayna, Daniel lev kapammei nunc ta tei nganvna swluai khang pat the.
Mang Kabah Ravguangc rui Lyanloumei
14Mi tangv tei kaniw ta swluai nimei ngamv phunghmeipu guangh tuang rigaanv tuang kapy Ariok daeng khou Daniel tei tat the. Sa nimei lat kakhanh chuyna kakhanh lana, 15tabui swna guangh rui heidi tanhmei latdanv tiipat bam tu cho twna kamei rui Ariok khou thanv the. Kumna pat kanmei lam tei Ariok rui Daniel khou raclou the.
16Katumcna Daniel tei tatna mang kabac tei guangh khou raclou nuh khang kaganv asaekc tiilou khang guangh khou rui ney pat the. 17Daniel rui kai guang dat lana kapam Hanania, Mishael, khatni Azaria khou pat kanmei guay tei raclou the. 18Babilon khou bammei baihmei ningtyngmei pang khou tei kaniw ta swluai kazauh mak khang rui tingkauh Ravguangc rui zauc nzianlou khang khatni nkamhloumei tei kakhou dinclou khang huayney khang kamei rui kaniw khou sa the. 19Kumna mi nungc zingbangc kahak tei nkamhloumei tei Daniel khou ndawman khou lyanlou the, kum tina kamei rui tingkauh Ravguangc ta kumna thuanc the:
20“Ravguangc hei ningtyngmei e khatni ngammei e!
21Kamei rui kakwm kaganv sin e;
kamei rui guangh suamclou e khatni laa ganc e;
ningting khatni kabah thaymei tiiloumei hei kamei rui e.
22Nthukcmei khatni nkamhloumei tei kamei rui dinclou e;
zinghmei khou nkamhlou bammei guay tei kamei thay e,
kumna kakhou gaanhmei nai e.
23He apu apouc Racguangc,
ai rui nang ta thuanc e khatni champouh e.
Nang rui akhang ningting khatni pumtan tiilou e;
nang rui ai huayneymei chulou the kumna guangh khou sa nimei tei nang rui dinclou the.”
Daniel rui Guangh khou Mang Kabah Dincloumei
24Guangh tuang ningtyngmei nunc ta swluai khang guangh rui latdanv tiiloumeipu Ariok daeng thangc Daniel rui tat the. Kamei rui kakhou sa the, “Kaniw ta swluailou ri tho. Ata guangh khou nduangh guanglou tho kum e thei ai rui kakhou mang kabah kiu raclou puni the.”
25Katumcna Ariok rui Daniel ta Guangh Nebukadnezar daeng khou nduangh guangna guangh khou sa the, “Guanghle, nang mang tei kabah dinclou ngammei nym guangloumei Jihudimei pang khou rui gaanv khat phutow the.”
26Guang rui Daniel (Belteshazar twna ni kaw e) khou sa the, “Nang amang kiu raclouna mi kabac kiu akhou dinclou ngam puni cho?”
27Daniel rui daw the, “Guanghle, hei tei dinclou ngam nimei ravkhanmei, duaih thaymei khatni mangmuc nunc gaanv khat na sini maek ge. 28Tiki nkamhloumei guay tei ndauhlou ngammei Ravguangc tingkauh thangc nai e. Thei thangc guang nimei tei kamei rui guangh khou dinclou the. Nang mang khatni nang zip bam khou how kanmei ndawman tei ai dinclou puni the.
29“Guangh rui zip bam khou tei, guang nimei lam khou mang akhat manv khwan e; kumna nkamhloumei ta ndauhloumei Ravguangc rui pat pw nimei tei nang khou lyanlou the. 30Ntaw thu, mi nkamhloumei tei akhou lyanlou the, ai rui meic baihmei guay suangc ningting liang tina hamh e. Tiki guangh rui mi mang kabac tei thay kan diu khang khatni nang khou tiguang kanmei lungning tei thay kan diu khang rui akhou tiiloumei tuang e.
31“Guanghle, nang tuang ndawman khou tei karangmei, meicpingmei daic nganvmei meicmaengc akhat ding bam khwan e. 32Kapy tei nthan liangmei kachaekc ge; kangaengv lev kabaanc tei daandi e; kasian lev kalingpeic tei tanzinc e; 33katan nei tei ntanh e; kumna kaphaypav tei ntanh lev taniang kariumei e. 34Nang rui mi ta tei zauc bam khou meic gaanv khat na rui sini kahilou mak ge ki tautuangc daihmei akhat khow akhat khou rui bak patna hei tei rui ntanh lev taniang kariumei phaypav ta tei diangc the kumna hei tei bak paruat kan the. 35Kadyng na khou ntanh, bih, tanzinc, daandi, khatni kachaekc tei puat paruat keyna tinglwm tuang laudybamv khou napkhiau katungh kumc amaan kan the. Mi guay tei tatlou kanmei bamv thay makna mpwan rui aliu ganc ngampary kan the. Tiki ntauh tei chyngbut swna daic thauna kandih kapwm daiclyam kan the.
36“Mi hei nang mang tei the, Guanghle, ntaw thu mi kabac tei raclou puni the. 37Guanghle, nang hei guangh guay pang khou daic liangmei e. Tingkauh Racguangc rui nang ta guanghdaihmei tiswlou the kumna nang khang ngamv, pumtan, baantan, khatni champouhmei tiilou the. 38Kamei rui nang ta kandih nam ruc khou lungc bammei guayna kaipouc khatni khouringh khounah nruay thauruay kaipouc tiswlou the. Mi kachaekc tuang py tei nang the. 39Nang tangv khou guanghdic baihmei akhat nai dat puni, hei tei nang guanghdic di daic ni tuang hamh e. Mi tangv tei kathumhmei, tanzinc tuang guangcdic, kandih kapwm ta sin nimei guanghdic nai puni. 40Mi tangv tei ramh katana ta swbak ngam, swpuat ngammei ntanh kumc tanhmei padeihmei guanghdic nai puni. Ntanh rui ramh katana swpuat paruat ngammei kumcna hei tei rui reymei guangcdic guay ta tei swpuat paruatlou puni. 41Kaphaypav khatni kaphayzung guay tei taniang lev ntanh e twmei nang how kan the. Hei tei rui lyanmei thu hei tei ntamvmei guangcdic puni twmei tuang e. Mi khou tei ntanh tuang pumtan asaekc nai e, kalam thu mi khou tei ntanh lev taniang kariumei the. 42Kaphayzung nunc tei ntanh lev taniang rui swmei kabac tei thu mi guangcdic tei asaekc tanc puni, asaekc rui nsuan puni twmei tuang e. 43Ntanh khou tei taniang kazauh the twmei ni nang how kan the. Mi kabac kiu thu mi guangcdic tuang kaipouc nunc tei nowkaw nahlaa kariuna kaikhunh riangluaic kariu khang karamc puni e, tiki ntanh lev taniang tamian nuh makmei kumcna kaniw kariu ngam lak khe. 44Mi kaipouc nunc tei rui sin bammei ganv khou tei tingkauh Racguangc rui nganv dat lakmei guanghdic akhat lingc thau puni. Mi ta tei ngam dat zat lak khe, tiki hei tei rui mi guangcdic guay ta tei swmutsutlou puni kumna hei tei tingsaeng nai bam kan ni the. 45Meic rui kahilou makna khow akhat khou rui bak patna ntanh, tanzinc, taniang, daandi, khatni kachaekc rui swmei maengc tei key siauc kanmei tei nang how the. Thei thangc guang nimei tei daihmei Ravguangc rui guangh khou dinclou bammei tuang the. Nang rui manv kanmei kahak tei ai rui racloumei tuang the khatni mi tuang kabac ling tei dincloumei tuang the.”
Guangh rui Daniel khang Swan Tiimei
46Khoutei Guangh Nebukadnezar tei kandih khou sow nkhum khuakh khuak key the kumna Daniel khou ravkhaeng khang khatni puatkat kat khang latdanv pat the. 47Guangh rui sa the, “Nang tuang Racguangc hei rav guayna pang khou daic liangmei e, guangh guay kaipouc e, khatni nkamhloumei ndauhloumeipu e. Ai mi hei thaymei thu nang rui mi nkamhloumei hei dincloumei paan rui the.” 48Mi tangv tei kamei rui Daniel khang bamv kauhmei tiilou kan the, kaipat daih daihmei tii kan the, Babilon ramv tei kabaanc khou tiilou kan the, khatni guangh tuang ningtyngmei pang khou kapy tiswlou kan the. 49Daniel rui sa tina guangh rui Shadrak, Meshak, khatni Abednego ta Babilon ramv sinmei khang lou kan the; Daniel tei thu guanghkai khou bam kan the.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.