2 KORINMEI 2
2
1Hei zaeng rui lungh kabiupui zaeng rui ai guang dat lak khe twna alung ding tuang e. 2Ai rui nangniw lung tikabiulou pwkhou, thow rui alung tineihla lou dat nimei naina cho? Ai rui kaniw lung tikabiulou kanmei nunc tei rui tineihlalou dat khang de. 3Ai guang tina, ata tineihlalou nimei nunc tei rui alung tikabiu lou nimei suangc thu, guang makmei rui gay the twna ai mi tatdyn tei hy kanmei tuang e. Kalam thu ai neihla pwkhou nangniw ni neihla e twmei ai thay e. 4Ai mi tatdyn tei lungning mpeyna kabiuna khatni lungh ryanrana, mikdui keyna hy kanmei tuang e. Hei tei nangniw lung tikabiulou khang twna hy tu hamh e; ai nangniw ta adih nzian cho twmei nangniw thay khang e.
Nkhuaipui Mei ta Kuakloumei
5Thowkumhmei rui meic gaanvsaekc lung tikabiuloumei tei ata hamh e, nangniw guayna ta de; meic guayna lung tikabiu liklou ngam the. (Ai mi hei samei kabac kiu thu ai kakhou lat tanc langvmei sa nii makpui zaeng rui e.) 6Nangniw meic guayna rui kata hei tei kumcna riaploumei hei rui biuc the. 7Nangniw, ntaw thu, kamei kalung kabiu langvna simei rui ngam kan mak khang, kata kuaklou o khatni katiu thaulou o. 8Kumna nangniw kata nzian changh bam de twmei kakhou lyanlou o. 9Nangniw nchanvmei khou ding ngam di ny khatni ai rui samei tei piu nii bam di ny twmei thay niina mi tatdyn tei ai hy tuang e. 10Nangniw rui kuakloupui mei ta tei ai ni kuaklou the. Ai rui kuaklou khang kage naipui thei layna kuaklou e thei, nangniw khang rui Khrista hu khou kuaklou tuang e. 11Mi hei Seitaan rui aniu ruc khou kadouchamei laa mak khang e. Kalam thu aniu kathiak tei thay e.
Paul Troa khou
12Ai Khrista tuang Gaychamv dinh khang Troa khou guang pwkhou, mi khou tei Poubauhmei rui akhang kaikhamv laanclou the twmei ai how the.#Lat 20.1 13Tiki mi khou tei chana Tita ta ariw makna alung mpeyna katuakc the. Kumna mi khou tei kaniw ta ramvnavlou duc lana Makidonia thangc tat the.
Khrista Paan rui Rihngammei
14Ravguangc ta thuancku e! Kalam thu Khrista khou bammei aniu rihngammei, Khrista tuang kangmei nunc kanglwan gutmei chaenglwan khou, kamei rui chaengzaylou bam e, khatni Khrista chamv hei kabamv kathuic khou namh gaymei rym zin lik kumc tithay liklou khang kamei rui aniu ta sinswlou bam e. 15Kalam thu aniu hei kanlou bammei nunc khou ni, maan bammei nunc khou ni, lik sikh sik bammei Khrista rui Ravguangc khang katloumei namh gaymei agaw rym tei e. 16Kalam thu maan bammei nunc khang thu mi hei theihmei khou rui theic luaic luaicmei rym e; tiki kanlou bammei nunc khang thu ringhmei khou rui tiringc katynloumei rym e. Kum e thei, mi kumhmei taanv hei thow rui taanc ngam nina cho? 17Aniw hei thu Ravguangc lat ta alipui puat swna sinsw bammei baih baihmei nunc tei kumhmei hamh e; tiki Ravguangc rui aniw ta ndiuloupui thei layna, Khrista mei swna aniw lungsyng khou rui Ravguangc hu khou lat tei dinc e.
Currently Selected:
2 KORINMEI 2: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
2 KORINMEI 2
2
1Hei zaeng rui lungh kabiupui zaeng rui ai guang dat lak khe twna alung ding tuang e. 2Ai rui nangniw lung tikabiulou pwkhou, thow rui alung tineihla lou dat nimei naina cho? Ai rui kaniw lung tikabiulou kanmei nunc tei rui tineihlalou dat khang de. 3Ai guang tina, ata tineihlalou nimei nunc tei rui alung tikabiu lou nimei suangc thu, guang makmei rui gay the twna ai mi tatdyn tei hy kanmei tuang e. Kalam thu ai neihla pwkhou nangniw ni neihla e twmei ai thay e. 4Ai mi tatdyn tei lungning mpeyna kabiuna khatni lungh ryanrana, mikdui keyna hy kanmei tuang e. Hei tei nangniw lung tikabiulou khang twna hy tu hamh e; ai nangniw ta adih nzian cho twmei nangniw thay khang e.
Nkhuaipui Mei ta Kuakloumei
5Thowkumhmei rui meic gaanvsaekc lung tikabiuloumei tei ata hamh e, nangniw guayna ta de; meic guayna lung tikabiu liklou ngam the. (Ai mi hei samei kabac kiu thu ai kakhou lat tanc langvmei sa nii makpui zaeng rui e.) 6Nangniw meic guayna rui kata hei tei kumcna riaploumei hei rui biuc the. 7Nangniw, ntaw thu, kamei kalung kabiu langvna simei rui ngam kan mak khang, kata kuaklou o khatni katiu thaulou o. 8Kumna nangniw kata nzian changh bam de twmei kakhou lyanlou o. 9Nangniw nchanvmei khou ding ngam di ny khatni ai rui samei tei piu nii bam di ny twmei thay niina mi tatdyn tei ai hy tuang e. 10Nangniw rui kuakloupui mei ta tei ai ni kuaklou the. Ai rui kuaklou khang kage naipui thei layna kuaklou e thei, nangniw khang rui Khrista hu khou kuaklou tuang e. 11Mi hei Seitaan rui aniu ruc khou kadouchamei laa mak khang e. Kalam thu aniu kathiak tei thay e.
Paul Troa khou
12Ai Khrista tuang Gaychamv dinh khang Troa khou guang pwkhou, mi khou tei Poubauhmei rui akhang kaikhamv laanclou the twmei ai how the.#Lat 20.1 13Tiki mi khou tei chana Tita ta ariw makna alung mpeyna katuakc the. Kumna mi khou tei kaniw ta ramvnavlou duc lana Makidonia thangc tat the.
Khrista Paan rui Rihngammei
14Ravguangc ta thuancku e! Kalam thu Khrista khou bammei aniu rihngammei, Khrista tuang kangmei nunc kanglwan gutmei chaenglwan khou, kamei rui chaengzaylou bam e, khatni Khrista chamv hei kabamv kathuic khou namh gaymei rym zin lik kumc tithay liklou khang kamei rui aniu ta sinswlou bam e. 15Kalam thu aniu hei kanlou bammei nunc khou ni, maan bammei nunc khou ni, lik sikh sik bammei Khrista rui Ravguangc khang katloumei namh gaymei agaw rym tei e. 16Kalam thu maan bammei nunc khang thu mi hei theihmei khou rui theic luaic luaicmei rym e; tiki kanlou bammei nunc khang thu ringhmei khou rui tiringc katynloumei rym e. Kum e thei, mi kumhmei taanv hei thow rui taanc ngam nina cho? 17Aniw hei thu Ravguangc lat ta alipui puat swna sinsw bammei baih baihmei nunc tei kumhmei hamh e; tiki Ravguangc rui aniw ta ndiuloupui thei layna, Khrista mei swna aniw lungsyng khou rui Ravguangc hu khou lat tei dinc e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.