1 KORINMEI 6
6
Khristian Nchamc Latzankai Ku Lak Nina e
1Nangniw pang khou latlu patpui ganv khou, Ravguangc mei nunc khou guang makna tabui swna ravning makmei nunc khou latzan sw tat khang bauc bam tu cho? 2Ravguangc mei nunc rui mi mbaanv ti hei latzan sw puni twmei nangniw thay mak nah cho? Nangniw hei mi mbaanv ta latzan sw nimei nunc e thei, tabui swna mi kumhmei lat lau launa hei thu latzan sw ngam mak khena cho? 3Aniu hei kauh baanchara nunc ta latzan sw nimei nunc e twmei nangniw thay mak nah cho? Kum e thei, tabui swna mi kandih tuang latzan thu sw ngam makna cho? 4Kum e thei, mi kumhmei latbamv guang pwkhou tabui swna phwamling khou kasing phuclou makmei nunc khou latzan sw khang tat bam tu cho? 5Nangniw hei meiczakpui tuang di the! Nangniw pang khou latzan swlou ngammei, ningting naimei gaanv khat na sini nai lamc makna khuangh di the cho, 6chana khat rui chana khat ruc khou lwm makmei nunc khou lat phungclou bammei kiu!
7Mi kumna nangniw latzankai ku bammei hei, rihngam makmei kiu the. Mi khang tei suangc nkhuaimei swloumei rui gay mak nah cho? Asut laa nii e thei, laa kan di tho twna gancloumei rui gay mak nah cho? 8Mi phaan tei nangniw khat khat khou nkhuaimei taanv taanc the, khat khat tuang asut the; mi hei nang chana kahak khou sw bam tuang the. 9Ravchaptat makmei nunc Ravguangc guangcdic laatow ni tu hamh e twmei nangniw thay mak nah cho? Nangniw rana nangniw ta guat riu; lungcmaanv lungcmowmei nunc, ravmaengc kalummei nunc, nowsow gaanv sutmei nunc, nggaanvmei nchamc nthah boulahmei taanv taanhmei nunc, 10kaihouhmei nunc, agaamvmei nunc, zouh mbamei nunc, latsic latrouc samei nunc, asuttumei nunc— mi kumhmei nunc gaanv khat na sini Ravguangc guangcdic laa ni tu hamh e. 11Nangniw gaanvsaekc ni hei tei kumcna lungc bam khwan e; tiki Poubauhmei Jisu Khrista paan rui khatni aniu Ravguangc tuang Bumaengc paan rui, nangniw ta low nthanlou the, Ravguangc khang reic patlou the, khatni ravchaptatmei tiswlou the.
Nangniw Pumc hei Ravguangc Hym khang Sinsw o
12“Ai ramh guayna taanc nuh de,” twna meic gaanvsaekc rui sa bam nuh e; tiki ramh guayna nang khang gaeng mak ge. Ramh guayna ai taanc nuh de twna ai sa bam nuh e; tiki ai ata ramhkhat na bangc sini tisw lak ge.#1 Ko 10.23 13“Taektw thu bung khang de, bung thu taektw khang de,” twna thowkumhmei sa bam nuh e. Ngguay, tiki Ravguangc rui taektw ta ni, bung ta ni swmaan kan ni de. Meic pumc hei lungcmaanv lungcmowmei taanv taanh khang hamh e; Poubauhmei khang de. Aniu pumc tiiloumei hei Poubauhmei rui e. 14Ravguangc rui Poubauhmei ta tiringcthaulou kan the, kumna aniu ta ni kapumtan rui tiringcthaulou puni.
15Nangniw pumc hei Khrista pumc tuang nanw e twmei thay mak nah cho? Ai rui Khrista pumc nanw tei laa pat lana mangcsangmeiluc pumc nanw tiswlou nina cho? Hei tei nuh mak ge! 16Mangcsangmeiluc khou kapumc kariupui mei tei, kamei mi pui tei lev pumh khat sw the twmei nangniw thay mak nah cho? “Kaney tei pumh khat sw puni,” twna nthanmei latrik rui nthanna salou the.#Tha 2.24 17Tiki thow pw ni Poubauhmei khou guang kariuloumei mei tei bumaengh khou Poubauhmei lev akhat di the.
18Lungcmaanv lungcmowmei taanv khou rui pak tat ro. Paapc baihmei baihmei tei thu taanc bam sini meic pumc khou hamh e; tiki lungcmaanvmei paap hei thu, kapumc khou taanc bam tuang e. 19Nangniw pumc hei Bumaengh Nthanmei tuang kai e twmei nangniw thay mak nah cho? Nangniw khang Ravguangc rui tiiloumei kamei hei nangniw lungc khou lungc bam e. Nangniw hei nangniw tuang hamh e, Ravguangc tuang e.#1 Ko 3.16; 2 Ko 6.16 20Kamei rui kamanv tiina liulou tuang e. Hei zaeng rui nangniw pumc tei Ravguangc hym tidaih khang sinsw o.
Currently Selected:
1 KORINMEI 6: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
1 KORINMEI 6
6
Khristian Nchamc Latzankai Ku Lak Nina e
1Nangniw pang khou latlu patpui ganv khou, Ravguangc mei nunc khou guang makna tabui swna ravning makmei nunc khou latzan sw tat khang bauc bam tu cho? 2Ravguangc mei nunc rui mi mbaanv ti hei latzan sw puni twmei nangniw thay mak nah cho? Nangniw hei mi mbaanv ta latzan sw nimei nunc e thei, tabui swna mi kumhmei lat lau launa hei thu latzan sw ngam mak khena cho? 3Aniu hei kauh baanchara nunc ta latzan sw nimei nunc e twmei nangniw thay mak nah cho? Kum e thei, tabui swna mi kandih tuang latzan thu sw ngam makna cho? 4Kum e thei, mi kumhmei latbamv guang pwkhou tabui swna phwamling khou kasing phuclou makmei nunc khou latzan sw khang tat bam tu cho? 5Nangniw hei meiczakpui tuang di the! Nangniw pang khou latzan swlou ngammei, ningting naimei gaanv khat na sini nai lamc makna khuangh di the cho, 6chana khat rui chana khat ruc khou lwm makmei nunc khou lat phungclou bammei kiu!
7Mi kumna nangniw latzankai ku bammei hei, rihngam makmei kiu the. Mi khang tei suangc nkhuaimei swloumei rui gay mak nah cho? Asut laa nii e thei, laa kan di tho twna gancloumei rui gay mak nah cho? 8Mi phaan tei nangniw khat khat khou nkhuaimei taanv taanc the, khat khat tuang asut the; mi hei nang chana kahak khou sw bam tuang the. 9Ravchaptat makmei nunc Ravguangc guangcdic laatow ni tu hamh e twmei nangniw thay mak nah cho? Nangniw rana nangniw ta guat riu; lungcmaanv lungcmowmei nunc, ravmaengc kalummei nunc, nowsow gaanv sutmei nunc, nggaanvmei nchamc nthah boulahmei taanv taanhmei nunc, 10kaihouhmei nunc, agaamvmei nunc, zouh mbamei nunc, latsic latrouc samei nunc, asuttumei nunc— mi kumhmei nunc gaanv khat na sini Ravguangc guangcdic laa ni tu hamh e. 11Nangniw gaanvsaekc ni hei tei kumcna lungc bam khwan e; tiki Poubauhmei Jisu Khrista paan rui khatni aniu Ravguangc tuang Bumaengc paan rui, nangniw ta low nthanlou the, Ravguangc khang reic patlou the, khatni ravchaptatmei tiswlou the.
Nangniw Pumc hei Ravguangc Hym khang Sinsw o
12“Ai ramh guayna taanc nuh de,” twna meic gaanvsaekc rui sa bam nuh e; tiki ramh guayna nang khang gaeng mak ge. Ramh guayna ai taanc nuh de twna ai sa bam nuh e; tiki ai ata ramhkhat na bangc sini tisw lak ge.#1 Ko 10.23 13“Taektw thu bung khang de, bung thu taektw khang de,” twna thowkumhmei sa bam nuh e. Ngguay, tiki Ravguangc rui taektw ta ni, bung ta ni swmaan kan ni de. Meic pumc hei lungcmaanv lungcmowmei taanv taanh khang hamh e; Poubauhmei khang de. Aniu pumc tiiloumei hei Poubauhmei rui e. 14Ravguangc rui Poubauhmei ta tiringcthaulou kan the, kumna aniu ta ni kapumtan rui tiringcthaulou puni.
15Nangniw pumc hei Khrista pumc tuang nanw e twmei thay mak nah cho? Ai rui Khrista pumc nanw tei laa pat lana mangcsangmeiluc pumc nanw tiswlou nina cho? Hei tei nuh mak ge! 16Mangcsangmeiluc khou kapumc kariupui mei tei, kamei mi pui tei lev pumh khat sw the twmei nangniw thay mak nah cho? “Kaney tei pumh khat sw puni,” twna nthanmei latrik rui nthanna salou the.#Tha 2.24 17Tiki thow pw ni Poubauhmei khou guang kariuloumei mei tei bumaengh khou Poubauhmei lev akhat di the.
18Lungcmaanv lungcmowmei taanv khou rui pak tat ro. Paapc baihmei baihmei tei thu taanc bam sini meic pumc khou hamh e; tiki lungcmaanvmei paap hei thu, kapumc khou taanc bam tuang e. 19Nangniw pumc hei Bumaengh Nthanmei tuang kai e twmei nangniw thay mak nah cho? Nangniw khang Ravguangc rui tiiloumei kamei hei nangniw lungc khou lungc bam e. Nangniw hei nangniw tuang hamh e, Ravguangc tuang e.#1 Ko 3.16; 2 Ko 6.16 20Kamei rui kamanv tiina liulou tuang e. Hei zaeng rui nangniw pumc tei Ravguangc hym tidaih khang sinsw o.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.