1 KORINMEI 15
15
Khrista Ringcthau Datmei
1Chanathiu, ai rui nangniw khou dinclou tina, nangniw laalouna, mi khou tei nangniw ding ntipna bammei gaychamv tei ai nangniw khou ntaw tiningtowlou dat nii e. 2Ai rui nangniw khou dincloumei gaychamv tei ntipna sin bam e thei, hei tei rui nangniw ta kanlou the, kum mak ge thei nangniw lwm bammei tei nsa de.
3Ai laatowmei tei nthuk liangmei lat swna ai nangniw khou dinc kadailou kan tuang the: mi kiu thu Nthanmei Latrik khou hyloumei kumcna, Khrista aniu paap khang theiclou the;#Isa 53.5-12 4Nthanmei Latrik khou hyloumei kumcna, kata tarou khou mbeihlouna zaeng neih thumhpui neic kamei ringcthau dat kan the;#Kal 16.8-10; Met 12.40; Lat 2.24-32 5kumna kamei rui kata Pitar khou khatni latdiutatmei ruhna kanei khou lyanlou the.#Met 28.16-17; Mrk 16.14; Luk 24.34,36; Jhn 20.19 6Mi tangv kathei laymei meic phay panguh mbu khou kadyng akhat na khou lyanlou khwan e. Mi nunc tei kaniw gaanvsaekc theic kan sini, meic geihmei ringc bam di he. 7Mi tangv tei kamei Jakob khou khatni latdiutatmei guayna khou lyanlou khwan e. 8Nkhamh liang khou kating tangh makna#Hamh e thei kaganv cha mak khou puanhmei nac kumhmei akhou ni lyanlou the.#Lat 9.3-6 9Kalam thu ai hei latdiutatmei pang khou nthyam liangmei e— ai hei thu latdiutatmei twna kawlou khang biuhpui mei hamh e; kalam thu ai hei Ravguangc tuang phwamling ta swmaan khang swmeipu khwan e.#Lat 8.3 10Tiki ai latdiutatmei sw tow bammei hei, Ravguangc zauzian paan e, kumna kamei rui ata zauc nzianloumei hei nsa timaan mak ge. Tabui cho tiki, latdiutatmei baihmei nunc suangc ai taanc ranv mbuna ni taanclou dat the. Mi hei ai rui taanh tu hamh e; akhou tiiloumei Ravguangc zauzian paan rui e. 11Hei zaeng rui, ai rui pw ni, kaniw rui pw ni, nangniw khou dincloumei khatni nangniw lwmmei kiu mi hei the.
Lwmmei nunc ringcthau Dat Nimei
12Khrista hei theihmei khou rui ringcthau dat kan the twmei hei dinc bam e thei, tabui swna nangniw gaanvsaekc rui theihmei ringcthau dat mak ge twna sa khang naina cho? 13Theihmei ringcthau dat mak ge thei, Khrista ni ringcthau dat kan mak ge; 14Khrista ringcthau dat mak ge thei, aniw dinc bammei hei nsa de, nangniw lwm bammei ni nsa de. 15Mi na hei hamhna, theihmei ringcthau dat mak ge twmei hei nchumh e thei, kamei rui tiringcthaulou makmei ta, Ravguangc rui Khrista ta tiringcthaulou dat kan the twna aniw dinc bammei hei, Ravguangc lam khou ni aniw saraamcna sa bam di the. 16Theihmei ringcthau dat mak ge thei, Khrista ni ringcthau dat kan mak ge. 17Khrista ringcthau dat mak ge thei, nangniw lwm bammei hei nsa de, kumna nangniw paap khou nangniw bam di he. 18Kum e thei, Khrista khou lwmmei theic kanmei nunc tei ringh mak ge. 19Kumna Khrista khou aniu rigwn bammei hei mi kandih panty khang na de,#Hamh e thei mi kandih khou aniw tuang sw bammei guay na hei aniu rui Khrista khou machunh bammei kiu the, mi tangv maek khe tw e thei, aniu hei thu mi kandic khou lungc bammei pang khou, sansi liangmei nunc di the.
20Tiki kaling thu, Khrista ta theic kanmei nunc pang khou rui rey liangmei swna tiringcthaulou kan the. 21Kalam thu meic gaanv khat zaeng rui theihmei guangmei kumcna, gaanv khat paan rui ringcthau datmei ni guang the. 22Adam khou meic guayna theihmei kumcna Khrista khou meic guayna ta tiringcthaulou dat puni. 23Meic kathuicna kamei kamei ringcthau dat nimei ganv naina, mi hei kumcna ringcthau puni: Rey liangmei khou Khrista ringcthau kan the; mi tangv kamei guang pwkhou katuang mei guay ringcthau dat puni. 24Mi tangv thu kandih luaimei guang puni. Kaipouc sw bammei nunc, ngamv naimei nunc khatni pumtan naimei nunc guay ta tei Khrista rui ngam lana, Guanghdic tei Pu Ravguangc khou tiilou puni. 25Kalam thu Ravguangc rui zauczihmei guay ta ngam lana, kaphaypav bangc khou tiniibinlou mak saanv, Khrista guangh swna bam puni.#Kal 110.1 26Nkhamh liangmei khou ngamlou nimei zauczihmei kiu thu theihmei hei e. 27“Ravguangc rui ramh guayna kaphaypav bangc khou tiniibinlou the,” twna nthanmei latrik rui sa e. “Ramh guayna” twmei lungc khou hei, ramh guayna ta Khrista phaypav bangc khou tinii binloumeipu Ravguangc hei thu kazauh mak ge.#Kal 8.6 28Ramh guayna Khrista bangc khou lou pwkhou, Nah Mpouh kati hei, ramh guayna ta kabangc khou loumeipu Racguangc bangc khou lou puni. Kumna kaguayna ruc khou Ravguangc rui sin puni. 29Theic kanmei khang duilupmei nunc tei thu akumh tha? Kaniw tabui ta lwmna hei tei sw tu cho? Theihmei ringcthau dat mak ge twna meic gaanvsaekc rui samei hei nchumh e thei, tabui swna mi nunc tei theihmei khang duilup bam tu cho? 30Kum e thei, tabui swna aniw theih khang ping makna tat bam tu cho? 31Chanathiu, ai tingmik kathuic theic suc nuhmei bamv khou rana tat bam tuang de! Aniu Poubauhmei Khrista Jisu khou, ai nangniw khou gaengh sw khang naimei tei rui mi hei sa tuang e. 32Maansei lungning kumcna sa e thei, ai Ephisi khou khouringh nunc lev athwng kanmei tei akhang tabui tuang gaeng thena cho? Kumna theihmei ringcthau dat mak ge thei, sa bammei kumcna, “Tu di kho, zangv di kho, nthuanh thu aniu theic kan ni tuang de.”#Isa 22.13 33Nangniw ta tiguat riu. Simei pam rui kheiliak gaymei swmaan tuang e. 34Nangniw mba saengh ri tho, kumna paapc taanc dat ri tho. Nangniw gaanvsaekc thu Ravguangc ta thay mak khe. Mi hei nangniw zak nipui tuang e.
Ringcthau Datmei Pumc
35“Theihmei kiu akumhna ringcthau dat puni cho? Kaniw pumc kiu akumh puni cho?” twna gaanvsaekc rui sa puni. 36Mpangmei! Nangniw rui kandih khou ramh thw akhat lingclou pwkhou, mi thw tei theih makna ringhmei bwan thau dat mak ge. 37Nangniw rui lingcloumei tei thau punimei kabang pwm tei lingclou mak ge. Gehu pw ni, baihmei pw ni, kathw na tei lingclou tu de. 38Ravguangc rui mi thw khang tei kamei ningmei thei layna kabang tiilou the. Hei tei kumcna ramh thw kathuic khang kakhang kakhang chamei bang tiilou e.
39Zanh rui kasiamhmei pumc nchamc karei sini, kaguayna nchamc mak ge. Maansei zanc baic e, khouringh zanc baic e, nruay zanc baic e, khatni khav zanc baic e.
40Mi kumcna, tingkauh tuang pumc khatni kandih tuang pumc nai e. Tingkauh pumc tuang ramgai khatni kandih pumc tuang ramgai hei ni nchamc mak ge. 41Neih ramgai akhat nai e, bw ramgai akhat nai e, khatni gaanchuangcna ramgai baic dat di he. Kumna gaanchuangcna pang khou sini, karamgai baic baicna nai e.
42Theihmei khou rui ringcthau datmei kiu ni hei tei kumh tuang e. Theihmei pumc tei mbeihlou e, ringcthau datmei tei thu theic dat lak nimei pumc e. 43Zauc karaengmei pumc swna mbeihlou e, hymdaihmei pumc swna ringcthau dat puni. Ramh sw ngam makmei pumc swna mbeihlou e, ngammei pumc swna ringcthau dat puni. 44Mbaanv pumc mbeihlou tuang e, bumaengh pumc ringcthau dat puni. Mbaanv pumc nai e, mi hei kumcna, bumaengh pumc ni nai e. 45Kum tina, “Reymei mei Adam ta ringhmei mei swna damclou the,” twna nthanmei latrik khou hylou tuang e. Tiki nkhamhmei Adam hei thu ringhmei tiiloumei Bumaengc e.#Tha 2.7 46Reymei tei thu bumaengh tuang hamh e, meic pumc tuang de; mi tangv bumaengh tuang guang dat re. 47Reymei Adam tei thu kandih niang rui kasiamhmei tuang e; tiki kaneimei Adam tei thu tingkauh thangc rui guang tuang e. 48Mi mbaanv mei guay pumc tei thu niang rui kasiamhmei mei tei kumc the; tingkauh mei guay tei thu tingkauh thangc rui guangmeipu tuang pumc tei kumc the. 49Ntaw aniu hei niang rui kasiamhmei mei ta tei kumhmei hei kumc rapna, aniu tingkauh mei tei ni kumc puni.#Baanhhy baibal asaekc khou thu kumc kho twna hylou e.
50Chanathiu, ai rui samei kabac kiu thu, zei lev zanh rui kasiamhmei pumc hei thu Ravguangc guangcdic laa nuh mak ge, khatni theic nimei pumc hei theic makmei pumc laa nuh mak ge.
51Zauclo! Ai rui nangniw khou akhou dincloumei nthukpui lat akhat salou puni. Aniu meic guayna theic ni tu hamh e, aniu meic guayna ta tigwanlihlou puni.#1 Th 4.15-17 52Nkhamhmei bianggun khwan chu pwkhou mikkhipdak khou kalaic puni. Kalam thu bianggun muan pwkhou theic kanmei nunc tei theic dat lak nimei swna ringcthau puni, kumna aniu ta ni tigwanlihlou puni.#1 Th 4.15-17 53Kalam thu taamc maan nimei hei, taamc maan dat lakmei khou, khatni theic nimei hei theic dat lakmei khou guanlihlou puni.
54Taamc maan nimei hei taamc maan dat lakmei khou ngguanh pat pwkhou nthanmei latrik khou saloumei tei nchumh puni, mi khou kiu “Rihngamna theihmei ta swmaan the!”#Isa 25.8
55“He theihmei, nang ngamv tabui thangc tat kan tha?
He theihmei nang sat tabui thangc tat kan tha?”
twna hyloumei tei guang tangc puni.#Hos 13.14 56Theihmei tuang sat thu paapc hei e, paapc pumtan thu Riakdanv hei e. 57Tiki aniu Poubauhmei Jisu Khrista paan rui, aniu khang rihngammei tiiloumei Racguangc ta thuancku kho! 58Hei zaeng rui, nzianmei chanathiu, ding ntipna kalung makna bam o. Nangniw rui Poubauhmei khang taancloumei guay tei nsa hamh e twmei thayna, Poubauhmei tuang taanv khou nangniw tyn tanh tan bam o.
Currently Selected:
1 KORINMEI 15: RONGBSI
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
1 KORINMEI 15
15
Khrista Ringcthau Datmei
1Chanathiu, ai rui nangniw khou dinclou tina, nangniw laalouna, mi khou tei nangniw ding ntipna bammei gaychamv tei ai nangniw khou ntaw tiningtowlou dat nii e. 2Ai rui nangniw khou dincloumei gaychamv tei ntipna sin bam e thei, hei tei rui nangniw ta kanlou the, kum mak ge thei nangniw lwm bammei tei nsa de.
3Ai laatowmei tei nthuk liangmei lat swna ai nangniw khou dinc kadailou kan tuang the: mi kiu thu Nthanmei Latrik khou hyloumei kumcna, Khrista aniu paap khang theiclou the;#Isa 53.5-12 4Nthanmei Latrik khou hyloumei kumcna, kata tarou khou mbeihlouna zaeng neih thumhpui neic kamei ringcthau dat kan the;#Kal 16.8-10; Met 12.40; Lat 2.24-32 5kumna kamei rui kata Pitar khou khatni latdiutatmei ruhna kanei khou lyanlou the.#Met 28.16-17; Mrk 16.14; Luk 24.34,36; Jhn 20.19 6Mi tangv kathei laymei meic phay panguh mbu khou kadyng akhat na khou lyanlou khwan e. Mi nunc tei kaniw gaanvsaekc theic kan sini, meic geihmei ringc bam di he. 7Mi tangv tei kamei Jakob khou khatni latdiutatmei guayna khou lyanlou khwan e. 8Nkhamh liang khou kating tangh makna#Hamh e thei kaganv cha mak khou puanhmei nac kumhmei akhou ni lyanlou the.#Lat 9.3-6 9Kalam thu ai hei latdiutatmei pang khou nthyam liangmei e— ai hei thu latdiutatmei twna kawlou khang biuhpui mei hamh e; kalam thu ai hei Ravguangc tuang phwamling ta swmaan khang swmeipu khwan e.#Lat 8.3 10Tiki ai latdiutatmei sw tow bammei hei, Ravguangc zauzian paan e, kumna kamei rui ata zauc nzianloumei hei nsa timaan mak ge. Tabui cho tiki, latdiutatmei baihmei nunc suangc ai taanc ranv mbuna ni taanclou dat the. Mi hei ai rui taanh tu hamh e; akhou tiiloumei Ravguangc zauzian paan rui e. 11Hei zaeng rui, ai rui pw ni, kaniw rui pw ni, nangniw khou dincloumei khatni nangniw lwmmei kiu mi hei the.
Lwmmei nunc ringcthau Dat Nimei
12Khrista hei theihmei khou rui ringcthau dat kan the twmei hei dinc bam e thei, tabui swna nangniw gaanvsaekc rui theihmei ringcthau dat mak ge twna sa khang naina cho? 13Theihmei ringcthau dat mak ge thei, Khrista ni ringcthau dat kan mak ge; 14Khrista ringcthau dat mak ge thei, aniw dinc bammei hei nsa de, nangniw lwm bammei ni nsa de. 15Mi na hei hamhna, theihmei ringcthau dat mak ge twmei hei nchumh e thei, kamei rui tiringcthaulou makmei ta, Ravguangc rui Khrista ta tiringcthaulou dat kan the twna aniw dinc bammei hei, Ravguangc lam khou ni aniw saraamcna sa bam di the. 16Theihmei ringcthau dat mak ge thei, Khrista ni ringcthau dat kan mak ge. 17Khrista ringcthau dat mak ge thei, nangniw lwm bammei hei nsa de, kumna nangniw paap khou nangniw bam di he. 18Kum e thei, Khrista khou lwmmei theic kanmei nunc tei ringh mak ge. 19Kumna Khrista khou aniu rigwn bammei hei mi kandih panty khang na de,#Hamh e thei mi kandih khou aniw tuang sw bammei guay na hei aniu rui Khrista khou machunh bammei kiu the, mi tangv maek khe tw e thei, aniu hei thu mi kandic khou lungc bammei pang khou, sansi liangmei nunc di the.
20Tiki kaling thu, Khrista ta theic kanmei nunc pang khou rui rey liangmei swna tiringcthaulou kan the. 21Kalam thu meic gaanv khat zaeng rui theihmei guangmei kumcna, gaanv khat paan rui ringcthau datmei ni guang the. 22Adam khou meic guayna theihmei kumcna Khrista khou meic guayna ta tiringcthaulou dat puni. 23Meic kathuicna kamei kamei ringcthau dat nimei ganv naina, mi hei kumcna ringcthau puni: Rey liangmei khou Khrista ringcthau kan the; mi tangv kamei guang pwkhou katuang mei guay ringcthau dat puni. 24Mi tangv thu kandih luaimei guang puni. Kaipouc sw bammei nunc, ngamv naimei nunc khatni pumtan naimei nunc guay ta tei Khrista rui ngam lana, Guanghdic tei Pu Ravguangc khou tiilou puni. 25Kalam thu Ravguangc rui zauczihmei guay ta ngam lana, kaphaypav bangc khou tiniibinlou mak saanv, Khrista guangh swna bam puni.#Kal 110.1 26Nkhamh liangmei khou ngamlou nimei zauczihmei kiu thu theihmei hei e. 27“Ravguangc rui ramh guayna kaphaypav bangc khou tiniibinlou the,” twna nthanmei latrik rui sa e. “Ramh guayna” twmei lungc khou hei, ramh guayna ta Khrista phaypav bangc khou tinii binloumeipu Ravguangc hei thu kazauh mak ge.#Kal 8.6 28Ramh guayna Khrista bangc khou lou pwkhou, Nah Mpouh kati hei, ramh guayna ta kabangc khou loumeipu Racguangc bangc khou lou puni. Kumna kaguayna ruc khou Ravguangc rui sin puni. 29Theic kanmei khang duilupmei nunc tei thu akumh tha? Kaniw tabui ta lwmna hei tei sw tu cho? Theihmei ringcthau dat mak ge twna meic gaanvsaekc rui samei hei nchumh e thei, tabui swna mi nunc tei theihmei khang duilup bam tu cho? 30Kum e thei, tabui swna aniw theih khang ping makna tat bam tu cho? 31Chanathiu, ai tingmik kathuic theic suc nuhmei bamv khou rana tat bam tuang de! Aniu Poubauhmei Khrista Jisu khou, ai nangniw khou gaengh sw khang naimei tei rui mi hei sa tuang e. 32Maansei lungning kumcna sa e thei, ai Ephisi khou khouringh nunc lev athwng kanmei tei akhang tabui tuang gaeng thena cho? Kumna theihmei ringcthau dat mak ge thei, sa bammei kumcna, “Tu di kho, zangv di kho, nthuanh thu aniu theic kan ni tuang de.”#Isa 22.13 33Nangniw ta tiguat riu. Simei pam rui kheiliak gaymei swmaan tuang e. 34Nangniw mba saengh ri tho, kumna paapc taanc dat ri tho. Nangniw gaanvsaekc thu Ravguangc ta thay mak khe. Mi hei nangniw zak nipui tuang e.
Ringcthau Datmei Pumc
35“Theihmei kiu akumhna ringcthau dat puni cho? Kaniw pumc kiu akumh puni cho?” twna gaanvsaekc rui sa puni. 36Mpangmei! Nangniw rui kandih khou ramh thw akhat lingclou pwkhou, mi thw tei theih makna ringhmei bwan thau dat mak ge. 37Nangniw rui lingcloumei tei thau punimei kabang pwm tei lingclou mak ge. Gehu pw ni, baihmei pw ni, kathw na tei lingclou tu de. 38Ravguangc rui mi thw khang tei kamei ningmei thei layna kabang tiilou the. Hei tei kumcna ramh thw kathuic khang kakhang kakhang chamei bang tiilou e.
39Zanh rui kasiamhmei pumc nchamc karei sini, kaguayna nchamc mak ge. Maansei zanc baic e, khouringh zanc baic e, nruay zanc baic e, khatni khav zanc baic e.
40Mi kumcna, tingkauh tuang pumc khatni kandih tuang pumc nai e. Tingkauh pumc tuang ramgai khatni kandih pumc tuang ramgai hei ni nchamc mak ge. 41Neih ramgai akhat nai e, bw ramgai akhat nai e, khatni gaanchuangcna ramgai baic dat di he. Kumna gaanchuangcna pang khou sini, karamgai baic baicna nai e.
42Theihmei khou rui ringcthau datmei kiu ni hei tei kumh tuang e. Theihmei pumc tei mbeihlou e, ringcthau datmei tei thu theic dat lak nimei pumc e. 43Zauc karaengmei pumc swna mbeihlou e, hymdaihmei pumc swna ringcthau dat puni. Ramh sw ngam makmei pumc swna mbeihlou e, ngammei pumc swna ringcthau dat puni. 44Mbaanv pumc mbeihlou tuang e, bumaengh pumc ringcthau dat puni. Mbaanv pumc nai e, mi hei kumcna, bumaengh pumc ni nai e. 45Kum tina, “Reymei mei Adam ta ringhmei mei swna damclou the,” twna nthanmei latrik khou hylou tuang e. Tiki nkhamhmei Adam hei thu ringhmei tiiloumei Bumaengc e.#Tha 2.7 46Reymei tei thu bumaengh tuang hamh e, meic pumc tuang de; mi tangv bumaengh tuang guang dat re. 47Reymei Adam tei thu kandih niang rui kasiamhmei tuang e; tiki kaneimei Adam tei thu tingkauh thangc rui guang tuang e. 48Mi mbaanv mei guay pumc tei thu niang rui kasiamhmei mei tei kumc the; tingkauh mei guay tei thu tingkauh thangc rui guangmeipu tuang pumc tei kumc the. 49Ntaw aniu hei niang rui kasiamhmei mei ta tei kumhmei hei kumc rapna, aniu tingkauh mei tei ni kumc puni.#Baanhhy baibal asaekc khou thu kumc kho twna hylou e.
50Chanathiu, ai rui samei kabac kiu thu, zei lev zanh rui kasiamhmei pumc hei thu Ravguangc guangcdic laa nuh mak ge, khatni theic nimei pumc hei theic makmei pumc laa nuh mak ge.
51Zauclo! Ai rui nangniw khou akhou dincloumei nthukpui lat akhat salou puni. Aniu meic guayna theic ni tu hamh e, aniu meic guayna ta tigwanlihlou puni.#1 Th 4.15-17 52Nkhamhmei bianggun khwan chu pwkhou mikkhipdak khou kalaic puni. Kalam thu bianggun muan pwkhou theic kanmei nunc tei theic dat lak nimei swna ringcthau puni, kumna aniu ta ni tigwanlihlou puni.#1 Th 4.15-17 53Kalam thu taamc maan nimei hei, taamc maan dat lakmei khou, khatni theic nimei hei theic dat lakmei khou guanlihlou puni.
54Taamc maan nimei hei taamc maan dat lakmei khou ngguanh pat pwkhou nthanmei latrik khou saloumei tei nchumh puni, mi khou kiu “Rihngamna theihmei ta swmaan the!”#Isa 25.8
55“He theihmei, nang ngamv tabui thangc tat kan tha?
He theihmei nang sat tabui thangc tat kan tha?”
twna hyloumei tei guang tangc puni.#Hos 13.14 56Theihmei tuang sat thu paapc hei e, paapc pumtan thu Riakdanv hei e. 57Tiki aniu Poubauhmei Jisu Khrista paan rui, aniu khang rihngammei tiiloumei Racguangc ta thuancku kho! 58Hei zaeng rui, nzianmei chanathiu, ding ntipna kalung makna bam o. Nangniw rui Poubauhmei khang taancloumei guay tei nsa hamh e twmei thayna, Poubauhmei tuang taanv khou nangniw tyn tanh tan bam o.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.