ZEKHARIYA 9
9
Jujü Mizzatentithu miwi Jühkekaghaten
1 #
Isa 17.1-3; Jer 49.23-27; Amo 1.3-5. #Isa 23.1-18; Ezk 26.1—28.26; Jol 3.4-8; Amo 1.9,10; Mat 11.21,22; Luk 10.13,14. Hawa hana Apvüwa ketsijüh:
Ma Hadrak yyiwa nu Damaska nyunutiwa ghena kemeten jüh khichidha. Israel mizzathu ghena ketan nyela Siriya ghazen nyunutiwa la Apvüwa ji. 2Hadrak kemeggü Hamath tsü la ma ji, nu tsüti Tur nu Sidon nyunutithu pi mathu sapichüthu tsüdila. 3Tur na ma ketanla ma ghena khwetivüya nu rükatssü nu suna kejon saghuyadha, tsüna kenenkaghathu ti kesa le! 4Isala Apvüwa na ma keben tsüdi sen bvüaden . Ma Tur keben-keyeng pi atssükedone wi khala chia, nu anyunutiwa tsü mecang pi ayyi wi chiaben .
5 #
Isa 14.29-31; Jer 47.1-7; Ezk 25.15-17; Jol 3.4-8; Amo 1.6-8; Zef 2.4-7. Ashkelon nyunutiwa na ha muya nu messi yaben. Nu Gaza nyunutiwa na ha muya nu ketizensa ntsa saaben. Tsü makesü Ekron na ma kaghangwa tsü nmila bhatagha ben. Gaza na ma kadimiwa bhatagha nu Ashkelon tsü yisha ben. 6Anyi amizza kesaghuthu na gho Ashthod wi hangben. Apvüwa na khiben, “Hi Filistinthu kekapvü ha tsüdi satemeni thsüaden . 7Mathu na ajjü asa wi keben, nyelela kekhen tsse kepathu tsü ndsadha. Hang kebenthu tsüdila inyithu sa nu Judah wi amizza kesü ti saaben. Ekron na Jebus nyithu #9.7: Jebus nyithu: Jerusalem wi kahang ahvuthu, David na anyunutiwa nkakeya sengwi mathu na ma maghathu sa wa. ti inyithu sayaben. 8Hi iyyiwa tsü hieya nu süpahizithu ya tsü pvüdhi wa thsü nben. Hi kekhangkesen kedaggüthu ya inyithu npasha neng thsüdha. Hi inyithu na khatila ketizensadha khe mudha.”
Kadimiwa Shaghaketen
9 #
Mat 21.5; Jhn 12.15. Zion nyithu! Anongheyalo, anongheyalo!
Jerusalem nyithu, anonkeghe ghena jishalo!
Ghangchilo, nthu kadimiwa na nthu wi gho tendha!
Ma khang ntsa nu nyankethang sala ghoden,
isala ma satemeni nu gada kesü miwi donki ben——
gada zza kesü miwi ben.
10 #
Zak 72.8. Apvüwa na khiben,
“Hi Israel wi aghi gorugarithu tsü khupia,
nu Jerusalem wi goruthu sen bvüaden;
aghi wi kesen alakusüthu tsü yasa den.
Nthu kadimiwa na mizzatentithu jawi
keccawa sa cüden;
ma atssükedone kesü na wa kesü kecu,
Eufrat Ghaku na wa ayyi kenten kecu
kekhang senden.”
Anyiza Nyithu tsü Ssineng yakesa
11 #
Bvü 24.8. Apvüwa na khiben,
“Hi nthu ssinu cenkethenjüh sa,
tsüna ahhanshakesa jjü pi sa ketheng ghena hi kushiyyi
atssü nkemi ku wina n-nyithu lisha chicüaden .”
12Kheneng gholo, no kushi nyithu khili
nthu kaghang bendha;
nthu ben yazishu kesa witsü kheneng gholo.
Hi khili nthu kizaben,
nthu na ketizenkesa tsüdi miwi hi tsüju keni tughu
sawegü pi nthu cüaden .
13Hi Judah pi süpahi lamugho kesü ti sen,
nu Israel pi alakusüthu ti senden.
Hi Zion nyithu pi njünnu kesü ti sen,
nu Gris nyithu ssisaden.’
14Apvüwa na ma nyithu miwi ghoaben;
ma ma lakusü pi atsancwe ti ga chiden.
Kemisintsa Apvüwa na tutuwa khou chiben;
ma acülawa caghamo wina alentsen shhugho ben.
15Kemisintsa Apvüwa na ma nyithu khweya;
nu mathu na mathu ghinyithu yasa ben.
Mathu na aghi wi anyi dikinathu ti magha,
nu mathu ghinyithu jjü keji thsüaben;
tsüna ahhansha jjü pi akhuzza kesü wina kekinyipen
miwi keshusha kechi ti lle waben.
16Tsü tsathang kegho wi Apvüwa na ma nyithu
hangsha yaben,
anenikehie kesü na kemessi wi ma nenithu
hangshakeya ti.
Mathu na ma yyi wi kadiliwen kesü miwi
alon menkedhu ti wegü benden.
17Ayyiwa tsüna khatila mehai, nu atsimehai ben nu!
Anyi cahlithu na asu nu kisengtssü ghena züben yaden.
Currently Selected:
ZEKHARIYA 9: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
ZEKHARIYA 9
9
Jujü Mizzatentithu miwi Jühkekaghaten
1 #
Isa 17.1-3; Jer 49.23-27; Amo 1.3-5. #Isa 23.1-18; Ezk 26.1—28.26; Jol 3.4-8; Amo 1.9,10; Mat 11.21,22; Luk 10.13,14. Hawa hana Apvüwa ketsijüh:
Ma Hadrak yyiwa nu Damaska nyunutiwa ghena kemeten jüh khichidha. Israel mizzathu ghena ketan nyela Siriya ghazen nyunutiwa la Apvüwa ji. 2Hadrak kemeggü Hamath tsü la ma ji, nu tsüti Tur nu Sidon nyunutithu pi mathu sapichüthu tsüdila. 3Tur na ma ketanla ma ghena khwetivüya nu rükatssü nu suna kejon saghuyadha, tsüna kenenkaghathu ti kesa le! 4Isala Apvüwa na ma keben tsüdi sen bvüaden . Ma Tur keben-keyeng pi atssükedone wi khala chia, nu anyunutiwa tsü mecang pi ayyi wi chiaben .
5 #
Isa 14.29-31; Jer 47.1-7; Ezk 25.15-17; Jol 3.4-8; Amo 1.6-8; Zef 2.4-7. Ashkelon nyunutiwa na ha muya nu messi yaben. Nu Gaza nyunutiwa na ha muya nu ketizensa ntsa saaben. Tsü makesü Ekron na ma kaghangwa tsü nmila bhatagha ben. Gaza na ma kadimiwa bhatagha nu Ashkelon tsü yisha ben. 6Anyi amizza kesaghuthu na gho Ashthod wi hangben. Apvüwa na khiben, “Hi Filistinthu kekapvü ha tsüdi satemeni thsüaden . 7Mathu na ajjü asa wi keben, nyelela kekhen tsse kepathu tsü ndsadha. Hang kebenthu tsüdila inyithu sa nu Judah wi amizza kesü ti saaben. Ekron na Jebus nyithu #9.7: Jebus nyithu: Jerusalem wi kahang ahvuthu, David na anyunutiwa nkakeya sengwi mathu na ma maghathu sa wa. ti inyithu sayaben. 8Hi iyyiwa tsü hieya nu süpahizithu ya tsü pvüdhi wa thsü nben. Hi kekhangkesen kedaggüthu ya inyithu npasha neng thsüdha. Hi inyithu na khatila ketizensadha khe mudha.”
Kadimiwa Shaghaketen
9 #
Mat 21.5; Jhn 12.15. Zion nyithu! Anongheyalo, anongheyalo!
Jerusalem nyithu, anonkeghe ghena jishalo!
Ghangchilo, nthu kadimiwa na nthu wi gho tendha!
Ma khang ntsa nu nyankethang sala ghoden,
isala ma satemeni nu gada kesü miwi donki ben——
gada zza kesü miwi ben.
10 #
Zak 72.8. Apvüwa na khiben,
“Hi Israel wi aghi gorugarithu tsü khupia,
nu Jerusalem wi goruthu sen bvüaden;
aghi wi kesen alakusüthu tsü yasa den.
Nthu kadimiwa na mizzatentithu jawi
keccawa sa cüden;
ma atssükedone kesü na wa kesü kecu,
Eufrat Ghaku na wa ayyi kenten kecu
kekhang senden.”
Anyiza Nyithu tsü Ssineng yakesa
11 #
Bvü 24.8. Apvüwa na khiben,
“Hi nthu ssinu cenkethenjüh sa,
tsüna ahhanshakesa jjü pi sa ketheng ghena hi kushiyyi
atssü nkemi ku wina n-nyithu lisha chicüaden .”
12Kheneng gholo, no kushi nyithu khili
nthu kaghang bendha;
nthu ben yazishu kesa witsü kheneng gholo.
Hi khili nthu kizaben,
nthu na ketizenkesa tsüdi miwi hi tsüju keni tughu
sawegü pi nthu cüaden .
13Hi Judah pi süpahi lamugho kesü ti sen,
nu Israel pi alakusüthu ti senden.
Hi Zion nyithu pi njünnu kesü ti sen,
nu Gris nyithu ssisaden.’
14Apvüwa na ma nyithu miwi ghoaben;
ma ma lakusü pi atsancwe ti ga chiden.
Kemisintsa Apvüwa na tutuwa khou chiben;
ma acülawa caghamo wina alentsen shhugho ben.
15Kemisintsa Apvüwa na ma nyithu khweya;
nu mathu na mathu ghinyithu yasa ben.
Mathu na aghi wi anyi dikinathu ti magha,
nu mathu ghinyithu jjü keji thsüaben;
tsüna ahhansha jjü pi akhuzza kesü wina kekinyipen
miwi keshusha kechi ti lle waben.
16Tsü tsathang kegho wi Apvüwa na ma nyithu
hangsha yaben,
anenikehie kesü na kemessi wi ma nenithu
hangshakeya ti.
Mathu na ma yyi wi kadiliwen kesü miwi
alon menkedhu ti wegü benden.
17Ayyiwa tsüna khatila mehai, nu atsimehai ben nu!
Anyi cahlithu na asu nu kisengtssü ghena züben yaden.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.