ROMNYI 5
5
Anyiza gweghe Meshonkeya
1Khilitsü ithu na kenondi ghena Anyiza gweghe meshon yadha, nu ithu Pvüwa Jisu Khrista wina Anyiza wi kecca benyadha. 2Ma kenondi wina ithu ssigho ithu khili ngan keben Anyiza nanketizen wi ha chi cüdha. Ithu na Anyiza nyankethang wi benden kesa nondi nu kapvüben. 3Ithu na ketizen kesa wi la kapvüden, kepaghenanye ithu ketizen kesa ghena kethankehi yaden, 4kethankehi tsüna Anyiza na ithu yaya kemehai sengho den, nu ma ithu yakeya tsüna kenondi sengho den. 5Kenondi hana ithu pateshüya nben, kepaghenanye Anyiza na ma ju pi ithu kecü Kemetha Ghamu wina nanketizen pi ithu leben wi meyisha chi cüdha.
6Ithu na kekiqa nmila keben wi Anyiza na matsü sati kesa kessi ketheng wi Khrista na ithu nkemehai ghena shü. 7Anyi kesü na kitsantan nyi ghena shüle kesa na dhu, lela anyi kesü kemehai nyi ghena shüle kesa tsü nmessi laya mehai. 8Isala Anyiza na ma nanketizen pi ithu ccüca chidha, tsüna ithu na kesami sa keben wi Khrista na ithu ghena shü. 9Ma keshü ghena ithu na khili Anyiza gweghe meshon yadha, nu ma ghena ithu Anyiza leben kekha wi hangsha yaben kesa chüti ben. 10Ithu na Anyiza ghinyithu sa gho, isala ma Tsawa keshü wina ithu pi ma pvüshangthu sayadha. Ithu na khili Anyiza pvüshangthu sayadha, nu tsü miwi Khrista kahang wi ithu hangshaya metsiben. 11Isala tsü ketan nye; Anyiza na ithu Pvüwa Jisu Khrista wina ithu pi khili Anyiza pvüshangthu saya thsü kesa ghena anongheben.
Adam Nu Khrista
12 #
Ade 3.6 Anyi kesü wina kesami na ayyi wi gho, nu ma kesami ghena keshü la ghoa. Tsü ghena keshü na ayyi nyi maben miwi wa, kepaghenanye anyi tsüdila samidha. 13Ayenwa npi khukechi wina kesami na ayyi wi ghodha, isala ciwi ayenwa nkemi ghena kesamiwa tsü nsila gho. 14Isala Adam tsü wina gho Mosa tsü kecu wi Adam na Anyiza yenkhukechi nkinala kesa kesami tsüti nsa lela keshü na anyi tsüdi miwi khang ghoa.
Adam na gho tenle kesawa tsü ghape kechi. 15Isala tsü keni tsüna makesü nye, kepaghenanye Anyiza na kekila wina aju khukechiwa tsüna Adam kesami tsüti nye. Anyi kejon meshu kesü kesami ghena shü kesa tsüna ntsakhiwa. Isala Anyiza nanketizen na tsü miwi diki, nu tsüna ma kekila wina aju khukechi tsü pi anyi kesü, Jisu Khrista nanketizen wina anyi kejon miwi gho thsüdha. 16Anyiza ju khukechiwa nu anyi kesü kesami manyi jühwi kepapa kesa na ben. Kepaghenanye kesami kesü kesa seng wi ajühkaghakhi nu pi “Kemeshensa” wi chia, isala anyi kejon kesami seng wi nanketizen khukechiwa tsüna gho nu pi “Nsazzi le kesa” wi chia. 17Anyi kesü kesami ghena keshü tsüna kekhang sen ghole kesa tsüna ntsakhiwa, anyi tsüwa kesami ghena. Isala anyi kesüwa Jisu Khrista na kekuli sa kechi hana khatila tsü miwi diki nu! Anyiza na nanketizen pongkemeni kesa khukechi tsü yaya nu kekila wina ma gweghe meshonya kesathu na kahang wi Khrista wina kekhang senden.
18Tsalina meshu kesü kesami ghena anyi tsüdi meshensa kesa tsü makesü meshu kesü ketsatan kekuli ghena anyi tsüdi lishachi cü nu kahang pi mathu cüden. 19Nu meshu kesü ajüh nkekina ghena anyi kejon pi kesami nyi sa thsüa, tsü makesü anyi meshu kesü ajühkeya ghena anyi kejon pi Anyiza gweghe meshonya thsüaben.
20Kesazzi ji kayi thsüle kesalina Ayenwa tsü pi chi, isala kesami ji kayi kesa wi Anyiza nanketizen na tsü miwi ji kayi shagha. 21Tsalina keshü ghena kesami khang kegho tsüti ketsatan ghena Anyiza nanketizen na kekhang senben, nu Apvüwa Jisu Khrista wina ithu ssi wa anuphan kahang wi chi cüden.
Currently Selected:
ROMNYI 5: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
ROMNYI 5
5
Anyiza gweghe Meshonkeya
1Khilitsü ithu na kenondi ghena Anyiza gweghe meshon yadha, nu ithu Pvüwa Jisu Khrista wina Anyiza wi kecca benyadha. 2Ma kenondi wina ithu ssigho ithu khili ngan keben Anyiza nanketizen wi ha chi cüdha. Ithu na Anyiza nyankethang wi benden kesa nondi nu kapvüben. 3Ithu na ketizen kesa wi la kapvüden, kepaghenanye ithu ketizen kesa ghena kethankehi yaden, 4kethankehi tsüna Anyiza na ithu yaya kemehai sengho den, nu ma ithu yakeya tsüna kenondi sengho den. 5Kenondi hana ithu pateshüya nben, kepaghenanye Anyiza na ma ju pi ithu kecü Kemetha Ghamu wina nanketizen pi ithu leben wi meyisha chi cüdha.
6Ithu na kekiqa nmila keben wi Anyiza na matsü sati kesa kessi ketheng wi Khrista na ithu nkemehai ghena shü. 7Anyi kesü na kitsantan nyi ghena shüle kesa na dhu, lela anyi kesü kemehai nyi ghena shüle kesa tsü nmessi laya mehai. 8Isala Anyiza na ma nanketizen pi ithu ccüca chidha, tsüna ithu na kesami sa keben wi Khrista na ithu ghena shü. 9Ma keshü ghena ithu na khili Anyiza gweghe meshon yadha, nu ma ghena ithu Anyiza leben kekha wi hangsha yaben kesa chüti ben. 10Ithu na Anyiza ghinyithu sa gho, isala ma Tsawa keshü wina ithu pi ma pvüshangthu sayadha. Ithu na khili Anyiza pvüshangthu sayadha, nu tsü miwi Khrista kahang wi ithu hangshaya metsiben. 11Isala tsü ketan nye; Anyiza na ithu Pvüwa Jisu Khrista wina ithu pi khili Anyiza pvüshangthu saya thsü kesa ghena anongheben.
Adam Nu Khrista
12 #
Ade 3.6 Anyi kesü wina kesami na ayyi wi gho, nu ma kesami ghena keshü la ghoa. Tsü ghena keshü na ayyi nyi maben miwi wa, kepaghenanye anyi tsüdila samidha. 13Ayenwa npi khukechi wina kesami na ayyi wi ghodha, isala ciwi ayenwa nkemi ghena kesamiwa tsü nsila gho. 14Isala Adam tsü wina gho Mosa tsü kecu wi Adam na Anyiza yenkhukechi nkinala kesa kesami tsüti nsa lela keshü na anyi tsüdi miwi khang ghoa.
Adam na gho tenle kesawa tsü ghape kechi. 15Isala tsü keni tsüna makesü nye, kepaghenanye Anyiza na kekila wina aju khukechiwa tsüna Adam kesami tsüti nye. Anyi kejon meshu kesü kesami ghena shü kesa tsüna ntsakhiwa. Isala Anyiza nanketizen na tsü miwi diki, nu tsüna ma kekila wina aju khukechi tsü pi anyi kesü, Jisu Khrista nanketizen wina anyi kejon miwi gho thsüdha. 16Anyiza ju khukechiwa nu anyi kesü kesami manyi jühwi kepapa kesa na ben. Kepaghenanye kesami kesü kesa seng wi ajühkaghakhi nu pi “Kemeshensa” wi chia, isala anyi kejon kesami seng wi nanketizen khukechiwa tsüna gho nu pi “Nsazzi le kesa” wi chia. 17Anyi kesü kesami ghena keshü tsüna kekhang sen ghole kesa tsüna ntsakhiwa, anyi tsüwa kesami ghena. Isala anyi kesüwa Jisu Khrista na kekuli sa kechi hana khatila tsü miwi diki nu! Anyiza na nanketizen pongkemeni kesa khukechi tsü yaya nu kekila wina ma gweghe meshonya kesathu na kahang wi Khrista wina kekhang senden.
18Tsalina meshu kesü kesami ghena anyi tsüdi meshensa kesa tsü makesü meshu kesü ketsatan kekuli ghena anyi tsüdi lishachi cü nu kahang pi mathu cüden. 19Nu meshu kesü ajüh nkekina ghena anyi kejon pi kesami nyi sa thsüa, tsü makesü anyi meshu kesü ajühkeya ghena anyi kejon pi Anyiza gweghe meshonya thsüaben.
20Kesazzi ji kayi thsüle kesalina Ayenwa tsü pi chi, isala kesami ji kayi kesa wi Anyiza nanketizen na tsü miwi ji kayi shagha. 21Tsalina keshü ghena kesami khang kegho tsüti ketsatan ghena Anyiza nanketizen na kekhang senben, nu Apvüwa Jisu Khrista wina ithu ssi wa anuphan kahang wi chi cüden.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.