BVÜKESHHU 40
40
Apvüwa Ketenpen Nithsüjjen Kesha
1Apvüwa na Mosa kiza, 2“Asha atuwa atsathang atuwa wi Apvüwa ketenpen Nithsüjjenwa tsü salo. 3Ayenkhukechithu Tagha ma non wi keben Cenkethenjüh Khitson tsüpi ajjen non wi chi, nu keshonthsü pi ma tuwi chiya. 4Miz pie gho nu ma tsanqai pi ma miwi chi. Ahula kedonpen la pie gho ahula pi ma miwi don. 5Cenkethenjüh Khitson tuwi hankedemvu pi mecangle kesalina suna pi kesa kekinyipen tsüpi chi nu Nithsüjjen wi kedulen keshonthsü tsüpi hagilo. 6Mecang pi kinyile kesa ghena kekinyipen tsüpi Nithsüjjen tuwi chi. 7Kwenkemetsikhu wi atssü pi chi nu pi Nithsüjjen nu kekinyipen manyi jüwi donya. 8Ma kevü wi shonkevüli saya nu kedulen wi keshonthsü pi chiyalo.
9“Tsaseng wi kemetha deli pi Nithsüjjen nu ma tsanqaithu tsüdi nyenya nu tsü satemetha chithu tsüna metha ben. 10Tsaseng wi adeli pi kekinyipen nu ma tsanqaithu tsüdi nyenya nu tsü satemethatha chithu tsüna metha ben. 11Tsü makesü kwenkemetsikhu nu ma donbvüthu la satemetha chilo.
12“Aaron nu ma tsathu ssigho Nithsüjjen kedulen wi keccüna tssükizü thsülo. 13Keqhaikedi thsümeni pi Aaron pvü thsü, adeli pi ma nyen, hati nu ma satemetha chilo, isanu ma yala keqhaikedi sala hi kekuli sa thsü. 14Ma tsathu ssigho agwomejuwa pi mathu pvü thsülo. 15Pi mathu ba kenyen ti adeli pi mathu la nyen cülo, isanu mathu yala keqhaikedithu saya thsülo. Adeli pi kenyenwa ha matsü ghaketen tsüdi wi mathu sapi keqhaikedithu sa thsüden.”
16Apvüwa na kekhi ti Mosa na tsüdi saya. 17Tsalina mathu na Ejipt keteshi mapi keniwa asha atuwa wi atsathang atuwa wi Apvüwa ketenpen Nithsüjjenwa tsü saya. 18Mosa na ma donbvüthu pi sheng, ma chan-güthu zanki, ma kenthsü chanthu pi chi, nu ma zenza pi shengya. 19Apvüwa na kekhi ti ma kemeju pi Nithsüjjen miwi shizigheya nu ma kemeju ameiwa pi tsü miwi chiya. 20Tsaseng wi ma alonpha keni tsü khuya nu pi Cenkethenjüh Khitson non wi chiya. Ma kepiejithu pi Khitson qeithu wi chiya nu ma keshan pi shanya. 21Tsaseng wi ma Khitson tsüpi Nithsüjjen non wi chi nu keshonthsü pi hagiya. Apvüwa kekhi ti ma hati nu athsü pi Cenkethenjüh Khitson tsü shanya.
22Ma miz pi Nithsüjjen non wi keshonthsü na ameiwa aghawa wi tsü chi, 23nu Apvüwa na kekhi ti amesa pi Apvüwa kecü tsüpi ma miwi chi. 24Ma ahula kedonpen pi Nithsüjjen non wi miz kejentan acülawa wi tsü chi, 25nu Apvüwa na kekhi ti ma ciwi Apvüwa tuwi na ahula tsü canki. 26Ma suna pi kesa kekinyipen tsüpi Nithsüjjen non wi keshonthsü tuwi chi, 27nu Apvüwa na kekhi ti hankedemvu pi mecang. 28Ma keshonthsü pi Nithsüjjen kedulen wi tsü hagi, 29nu ma mecang pi kekinyi ghena kekinyipen tsüpi keshonthsü tuwi chi. Apvüwa na kekhi ti ma tsü miwi mecang pi kekinyi nu asu pi kekinyi hhansha sachi. 30Ma kwenkemetsikhu wi atssü pi chi nu pi Nithsüjjen nu kekinyipen manyi jüwi donya. 31Mosa, Aaron nu ma tsathu na ciwi mathu kwenmetsi nu mathu ccü bhu, 32Apvüwa na kekhi ti khathansha wi mathu na Nithsüjjen nu kekinyipen wi du khe. 33Mosa na shon kevüli sapi Nithsüjjen nu kekinyipen vüya nu keshonthsü pi shon kevüli kedulen wi hagi. Tsüti ma kekuli tsüdila sacenya.
Apvüwa Ketenpen Nithsüjjen Miwi Akulukeshü
(Scs 9.15-23)
34 #
1 Kad 8.10,11; Isa 6.4; Ezk 43.4,5; Ccü 15.8. Tsaseng wi akulukeshü na gho Nithsüjjen tsü kejiya nu Apvüwa keten kewegü na tsü pongya. 35Ha ghena Mosa na Nithsüjjen wi du meyala. 36Khathansha wi akulukeshü na Nithsüjjen teshi khe Israel nyithu na mathu kemnanpen ketsen sen nu apen kepa wi wa. 37Akulukeshü na ciwi keben chu mathu na kemnanpen nketsen. 38Mathu na kegoedeja keten chuli aghanan lethu Apvüwa na keten kulukeshü nu aghaja lethu anni keqhe na Nithsüjjen miwi keben mu.
Currently Selected:
BVÜKESHHU 40: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
BVÜKESHHU 40
40
Apvüwa Ketenpen Nithsüjjen Kesha
1Apvüwa na Mosa kiza, 2“Asha atuwa atsathang atuwa wi Apvüwa ketenpen Nithsüjjenwa tsü salo. 3Ayenkhukechithu Tagha ma non wi keben Cenkethenjüh Khitson tsüpi ajjen non wi chi, nu keshonthsü pi ma tuwi chiya. 4Miz pie gho nu ma tsanqai pi ma miwi chi. Ahula kedonpen la pie gho ahula pi ma miwi don. 5Cenkethenjüh Khitson tuwi hankedemvu pi mecangle kesalina suna pi kesa kekinyipen tsüpi chi nu Nithsüjjen wi kedulen keshonthsü tsüpi hagilo. 6Mecang pi kinyile kesa ghena kekinyipen tsüpi Nithsüjjen tuwi chi. 7Kwenkemetsikhu wi atssü pi chi nu pi Nithsüjjen nu kekinyipen manyi jüwi donya. 8Ma kevü wi shonkevüli saya nu kedulen wi keshonthsü pi chiyalo.
9“Tsaseng wi kemetha deli pi Nithsüjjen nu ma tsanqaithu tsüdi nyenya nu tsü satemetha chithu tsüna metha ben. 10Tsaseng wi adeli pi kekinyipen nu ma tsanqaithu tsüdi nyenya nu tsü satemethatha chithu tsüna metha ben. 11Tsü makesü kwenkemetsikhu nu ma donbvüthu la satemetha chilo.
12“Aaron nu ma tsathu ssigho Nithsüjjen kedulen wi keccüna tssükizü thsülo. 13Keqhaikedi thsümeni pi Aaron pvü thsü, adeli pi ma nyen, hati nu ma satemetha chilo, isanu ma yala keqhaikedi sala hi kekuli sa thsü. 14Ma tsathu ssigho agwomejuwa pi mathu pvü thsülo. 15Pi mathu ba kenyen ti adeli pi mathu la nyen cülo, isanu mathu yala keqhaikedithu saya thsülo. Adeli pi kenyenwa ha matsü ghaketen tsüdi wi mathu sapi keqhaikedithu sa thsüden.”
16Apvüwa na kekhi ti Mosa na tsüdi saya. 17Tsalina mathu na Ejipt keteshi mapi keniwa asha atuwa wi atsathang atuwa wi Apvüwa ketenpen Nithsüjjenwa tsü saya. 18Mosa na ma donbvüthu pi sheng, ma chan-güthu zanki, ma kenthsü chanthu pi chi, nu ma zenza pi shengya. 19Apvüwa na kekhi ti ma kemeju pi Nithsüjjen miwi shizigheya nu ma kemeju ameiwa pi tsü miwi chiya. 20Tsaseng wi ma alonpha keni tsü khuya nu pi Cenkethenjüh Khitson non wi chiya. Ma kepiejithu pi Khitson qeithu wi chiya nu ma keshan pi shanya. 21Tsaseng wi ma Khitson tsüpi Nithsüjjen non wi chi nu keshonthsü pi hagiya. Apvüwa kekhi ti ma hati nu athsü pi Cenkethenjüh Khitson tsü shanya.
22Ma miz pi Nithsüjjen non wi keshonthsü na ameiwa aghawa wi tsü chi, 23nu Apvüwa na kekhi ti amesa pi Apvüwa kecü tsüpi ma miwi chi. 24Ma ahula kedonpen pi Nithsüjjen non wi miz kejentan acülawa wi tsü chi, 25nu Apvüwa na kekhi ti ma ciwi Apvüwa tuwi na ahula tsü canki. 26Ma suna pi kesa kekinyipen tsüpi Nithsüjjen non wi keshonthsü tuwi chi, 27nu Apvüwa na kekhi ti hankedemvu pi mecang. 28Ma keshonthsü pi Nithsüjjen kedulen wi tsü hagi, 29nu ma mecang pi kekinyi ghena kekinyipen tsüpi keshonthsü tuwi chi. Apvüwa na kekhi ti ma tsü miwi mecang pi kekinyi nu asu pi kekinyi hhansha sachi. 30Ma kwenkemetsikhu wi atssü pi chi nu pi Nithsüjjen nu kekinyipen manyi jüwi donya. 31Mosa, Aaron nu ma tsathu na ciwi mathu kwenmetsi nu mathu ccü bhu, 32Apvüwa na kekhi ti khathansha wi mathu na Nithsüjjen nu kekinyipen wi du khe. 33Mosa na shon kevüli sapi Nithsüjjen nu kekinyipen vüya nu keshonthsü pi shon kevüli kedulen wi hagi. Tsüti ma kekuli tsüdila sacenya.
Apvüwa Ketenpen Nithsüjjen Miwi Akulukeshü
(Scs 9.15-23)
34 #
1 Kad 8.10,11; Isa 6.4; Ezk 43.4,5; Ccü 15.8. Tsaseng wi akulukeshü na gho Nithsüjjen tsü kejiya nu Apvüwa keten kewegü na tsü pongya. 35Ha ghena Mosa na Nithsüjjen wi du meyala. 36Khathansha wi akulukeshü na Nithsüjjen teshi khe Israel nyithu na mathu kemnanpen ketsen sen nu apen kepa wi wa. 37Akulukeshü na ciwi keben chu mathu na kemnanpen nketsen. 38Mathu na kegoedeja keten chuli aghanan lethu Apvüwa na keten kulukeshü nu aghaja lethu anni keqhe na Nithsüjjen miwi keben mu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.