BVÜKESHHU 38
38
Mecang Pi Kekinyipen Kesa
(Bvü 27.1-8)
1Mecang pi kekinyi ghena, ma akakia chan pi kekinyipen kesü saya. Tsüna ketikesie meceqe, kesie meter 2.2, kemeza meter 2.2, nu kemisi meter 1.3 saya. 2Ma accügwen mejü li wi tsü ma ghacüthu sa, isanu kekinyipen tsü zanghu pi kesütan saya. Ma lezza pi tsü mabenla mejuya. 3Ma kekinyipen ghena atsanqai tsüdila saya: kennunpfü, akhu magi keben, akhuzza, ametsi ketsuwa, nu anni khu. Atsanqai ha tsüdila lezza pi saya. 4Ma lezza pi anyagha kesü saya nu tsüpi kekinyipen füghancü kesa cakhu wi chi nu tsü yala kekinyipen gishü pahan cuya thsü. 5Ma kepie qei mejü saya nu pi ma ccügwen mejü wi chi. 6Ma akakia chan pi ma kepieji saya nu lezza pi mejuya, 7nu kekinyipen tsü piele kesa wi tsüthu tsüpi ma qei kesüsü wi ghechi. Kahachan pi kekinyipen tsü sa nu ma non wi kaghacang sa theng.
Lezza pi Akwenkemetsikhu Kesa
(Bvü 30.18)
8 #
Bvü 30.18. Ma Apvüwa ketenpen Nithsüjjen kedulen wi nza na kekuli sa ketenthu ji ayena lezza pi kwenkemetsikhu nu ma kedonpen kesü saya.
Apvüwa Ketenpen Nithsüjjen Kaghapeng Kesa
(Bvü 27.9-19)
9Apvüwa ketenpen Nithsüjjen tsü ghena ma linen kemehai pi shon kevülithsü saya. Acülawa keshonthsü na ma kesie meter 44, 10nu rükatssü pi adhasü nu zenza kebhenji sa ketheng tsüpi lezza pi kesa zenza ngwe nu ma donbvü ngwe sapi tsü tsükiya. 11Tsüti aghawa keshon la makesü saya. 12Niduwa keshonthsü na ma kesie meter 22, azenza tagha nu ma donbvü tagha, nu rükatssü pi kesa adhasü nu kebhenji saya. 13Nishuwa kedulen wi keshonthsü na ma kemeza meter 22, saya. 14-15Kedulen wi ghapeli qho wi keshonthsü meter 6.6, azenza kecheng nu ma donbvü kecheng. 16Keshonthsü tsüdila linen kemehai pi saya. 17Azenzathu donbvü tsüna lezza pi sa, nu adhasü, kebhenji, nu azenza shoni kemejuthu tsüna rükatssü pi saya. Shon kevüli zenza tsüdila rükatssü ssüli pi sa. 18Keshondhi kedulen keshonthsü tsüna linen kemehai atsena, nmiepheü, nu ssenthsü kenmie pi de nu ayakhu ketheng pi saya. Tsüna ma keshondhi keshonthsü ti kesie meter 9, nu kemisi meter 2. 19Azenza mejü pi ma donbvü miwi na tsü tsüki theng. Ma adhasü, kebhenji, nu ma shoni wi kemejuthu tsü rükatssü pi saya. 20Anithsüjjen ghena kejetenji nu ma keshonthu tsüdila lezza pi saya.
Apvüwa Ketenpen Nithsüjjen wi Kesen Mighe Tsanqaithu
21Hawa ha alonpha keni miwi Ayenkhukechithu Tagha pi zhü ketheng tsüpi chi ketheng Apvüwa ketenpen Nithsüjjen wi kesen mighe tsanqaithu. Ha Mosa na khi kechi wina Levi nyithu keqhaikedi Aaron tsawa Ithamar kekhu wi kekulithu na saya.
22Judah mizza wi Hur tsawa Uri tsa Bezalel na Apvüwa khi kechi tsüdila saya. 23Ma kekiqawa na Dan mizza wi Ahisamakh tsa Oholiab, anyonsu kepvüwa, ajikujuwa, nu linen kemehai atsena, nmiepheü, nu ssenthsü kenmie de ketenwa.
24Kemetha Nithsüjjen ghena suna satemetha pi Apvüwa wi kechi tsüdila kilogram hazar kesü, tsüna tsü tsüwi apisa men kenie wina. 25#Bvü 30.11-16. Anyithu nyanzhüghu wi rükatssü mukeya 3,430 kilogram, tsüna tsü tsüwi apisa men kenie wina. 26#Mat 17.24. Nyanzhüghu wi zhüya kesathu tsüdila apisa ha meceqe pi chi, anyi kesüsü tsü tsüwi apisa men kenie wina pi chi. Ciwi nyanzhüghu wi kahang mapi ngwe nu tsüna ameiwa zhükeya na anyi 603,550. 27Kemetha Nithsüjjen nu keshonthsü donbvüthu meza kesa ghena rükatssü 3,400 kilogram sen, ma donbvü kesü kesa wi 34 kilogram sen. 28Bezalel na rükatssü 30 kilogram sen nu zenzathu ghena kebhenji, adhasü, nu ma shoni kemejuthu sa. 29Lezza satemetha pi Apvüwa wi kechi na 2,425 kilogram. 30Ma tsü sen nu Apvüwa ketenpen Nithsüjjen wi kedulen donbvüthu, lezza pi kesa kekinyipen nu ma nyagha, nu kekinyipen wi atsanqaithu tsüdi, 31shon kevüli ketheng kevü nu kedulen keshon donbvüthu, Nithsüjjen nu ma shon kevüli wi kevü kejetenji tsüdila saya.
Currently Selected:
BVÜKESHHU 38: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
BVÜKESHHU 38
38
Mecang Pi Kekinyipen Kesa
(Bvü 27.1-8)
1Mecang pi kekinyi ghena, ma akakia chan pi kekinyipen kesü saya. Tsüna ketikesie meceqe, kesie meter 2.2, kemeza meter 2.2, nu kemisi meter 1.3 saya. 2Ma accügwen mejü li wi tsü ma ghacüthu sa, isanu kekinyipen tsü zanghu pi kesütan saya. Ma lezza pi tsü mabenla mejuya. 3Ma kekinyipen ghena atsanqai tsüdila saya: kennunpfü, akhu magi keben, akhuzza, ametsi ketsuwa, nu anni khu. Atsanqai ha tsüdila lezza pi saya. 4Ma lezza pi anyagha kesü saya nu tsüpi kekinyipen füghancü kesa cakhu wi chi nu tsü yala kekinyipen gishü pahan cuya thsü. 5Ma kepie qei mejü saya nu pi ma ccügwen mejü wi chi. 6Ma akakia chan pi ma kepieji saya nu lezza pi mejuya, 7nu kekinyipen tsü piele kesa wi tsüthu tsüpi ma qei kesüsü wi ghechi. Kahachan pi kekinyipen tsü sa nu ma non wi kaghacang sa theng.
Lezza pi Akwenkemetsikhu Kesa
(Bvü 30.18)
8 #
Bvü 30.18. Ma Apvüwa ketenpen Nithsüjjen kedulen wi nza na kekuli sa ketenthu ji ayena lezza pi kwenkemetsikhu nu ma kedonpen kesü saya.
Apvüwa Ketenpen Nithsüjjen Kaghapeng Kesa
(Bvü 27.9-19)
9Apvüwa ketenpen Nithsüjjen tsü ghena ma linen kemehai pi shon kevülithsü saya. Acülawa keshonthsü na ma kesie meter 44, 10nu rükatssü pi adhasü nu zenza kebhenji sa ketheng tsüpi lezza pi kesa zenza ngwe nu ma donbvü ngwe sapi tsü tsükiya. 11Tsüti aghawa keshon la makesü saya. 12Niduwa keshonthsü na ma kesie meter 22, azenza tagha nu ma donbvü tagha, nu rükatssü pi kesa adhasü nu kebhenji saya. 13Nishuwa kedulen wi keshonthsü na ma kemeza meter 22, saya. 14-15Kedulen wi ghapeli qho wi keshonthsü meter 6.6, azenza kecheng nu ma donbvü kecheng. 16Keshonthsü tsüdila linen kemehai pi saya. 17Azenzathu donbvü tsüna lezza pi sa, nu adhasü, kebhenji, nu azenza shoni kemejuthu tsüna rükatssü pi saya. Shon kevüli zenza tsüdila rükatssü ssüli pi sa. 18Keshondhi kedulen keshonthsü tsüna linen kemehai atsena, nmiepheü, nu ssenthsü kenmie pi de nu ayakhu ketheng pi saya. Tsüna ma keshondhi keshonthsü ti kesie meter 9, nu kemisi meter 2. 19Azenza mejü pi ma donbvü miwi na tsü tsüki theng. Ma adhasü, kebhenji, nu ma shoni wi kemejuthu tsü rükatssü pi saya. 20Anithsüjjen ghena kejetenji nu ma keshonthu tsüdila lezza pi saya.
Apvüwa Ketenpen Nithsüjjen wi Kesen Mighe Tsanqaithu
21Hawa ha alonpha keni miwi Ayenkhukechithu Tagha pi zhü ketheng tsüpi chi ketheng Apvüwa ketenpen Nithsüjjen wi kesen mighe tsanqaithu. Ha Mosa na khi kechi wina Levi nyithu keqhaikedi Aaron tsawa Ithamar kekhu wi kekulithu na saya.
22Judah mizza wi Hur tsawa Uri tsa Bezalel na Apvüwa khi kechi tsüdila saya. 23Ma kekiqawa na Dan mizza wi Ahisamakh tsa Oholiab, anyonsu kepvüwa, ajikujuwa, nu linen kemehai atsena, nmiepheü, nu ssenthsü kenmie de ketenwa.
24Kemetha Nithsüjjen ghena suna satemetha pi Apvüwa wi kechi tsüdila kilogram hazar kesü, tsüna tsü tsüwi apisa men kenie wina. 25#Bvü 30.11-16. Anyithu nyanzhüghu wi rükatssü mukeya 3,430 kilogram, tsüna tsü tsüwi apisa men kenie wina. 26#Mat 17.24. Nyanzhüghu wi zhüya kesathu tsüdila apisa ha meceqe pi chi, anyi kesüsü tsü tsüwi apisa men kenie wina pi chi. Ciwi nyanzhüghu wi kahang mapi ngwe nu tsüna ameiwa zhükeya na anyi 603,550. 27Kemetha Nithsüjjen nu keshonthsü donbvüthu meza kesa ghena rükatssü 3,400 kilogram sen, ma donbvü kesü kesa wi 34 kilogram sen. 28Bezalel na rükatssü 30 kilogram sen nu zenzathu ghena kebhenji, adhasü, nu ma shoni kemejuthu sa. 29Lezza satemetha pi Apvüwa wi kechi na 2,425 kilogram. 30Ma tsü sen nu Apvüwa ketenpen Nithsüjjen wi kedulen donbvüthu, lezza pi kesa kekinyipen nu ma nyagha, nu kekinyipen wi atsanqaithu tsüdi, 31shon kevüli ketheng kevü nu kedulen keshon donbvüthu, Nithsüjjen nu ma shon kevüli wi kevü kejetenji tsüdila saya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.