KEKULI 24
24
Judah nyithu na Paul Keshun
1Ghanan manga seng wi Keqhaikedi ntsawa Ananiya na keshenpfüthu pahan nu ayen kechüwa Tertullu ssinu Kaesarea wi wa. Mathu na Ahng Felix tuwi wa Paul keshun jüh khi. 2Paul cichi nu Tertullu na Paul keshun jüh hati khi:
“Njenkebenwa Felix, no kemetsa wi accülikesa ghena matsü kesie kecca sengho ithu cüben, nu ithu diyyiwa ghena nsathu keyishü kejonla sapfü chidha. 3Ithu na matsü tsüdi wi nu apen tsüdi wila anonkeghe sa nu tsü yaya, nu no nkesengcha saben. 4Hi no yala matsü kejon ndedi thsü mvu, isala no wi khi kebenwa na tizenthu ikhang kekhi jüh ha keu kina chi cülo. 5Ikhang na anyi hawa hana kemessi keben nyi kesü, ayyi tsüdi wi Judah nyithu jawi kekivvü pfüsi kechiwa, nu Nazareth nyi khang jawi aliwa kesa nyile muyadha. 6Ma ithu Kekinyijjen tsü la nakhi nu ikhang ma ghanya le. Ikhang na ithu yenwa kenie wina ma ghan nanle sa, 7isala benchüwa Lusia na mataghang dughola ikhang jawi na ma zanya. 8Tsaseng wi Lusia na ma nankemeghüthu na ntuwi walo kesa ahza khuchia. Keujüla no anyi ha keü nan lethu, no ketanla ikhang na mangkesa na ma kimenni ben khe ma wi tsüthu tsüdila chüyaben.” 9Judah nyithu la mathu gwegheya nu kekimenni jüh ha tsüdila ntsakhiwa le khi.
Paul na Felix Tuwi Ma sheikepi jüh Kekhi
10Ahng na ma kwen ghajja pi Paul na ajüh khilo kiza nu Paul kekhi na:
“Hi no amapi kejonla mizzatenti hawa miwi ajühkaghaten ghodha kesa chüben, tsalina inonghe nu ntuwi hi ketanla isheipi ben. 11No ketanla chüyaben, hi Jerusalem wi kinyi wale keshu ghanan tagha keni miwi npi wale. 12Judah nyithu na hi anyi kesütanla ssinu Kekinyijjen wi ajüh keccücanli keben, nyelela Sinagogthu, anyunutiwa wi lela nyu pakivvü keben nmu. 13nyelela mathu khili ntuwi hi kekimenni jüh khi keben tsüna ntsakhiwa nyele! 14Isala hi no wi ha ntsakhiwa le khiya mehai: Hi mathu na pi milikemesa Lenwa le khi ketenwa tsü nie nu ithu bamyithu Nyiza kinyi tenle. Nu hi la Mosa Yenwa nu atusenjüh-kechüthu lesüshen wi zhü kethengthu tsüdila nondi tenle. 15Hi la hathu na Anyiza nondi keten tsü makesü ben, tsüna anyi tsüdi kemehai le nkemehai lela keshü wina hangneng-shagha ben kesa kenondiwa tsü. 16Tsalina hi keshüthangla Anyiza nu anyi tuwi la kemeshen meshon yale kesa apiketsü saten le!
17 #
Kek 21.17-28 “Hi amapi keni kecheng Jerusalem wina kebvü seng wi apisa pi inyithu cü nu kekinyi sale ciwi wa neng. 18Hi Kekinyijjen wi hati kuli keben mathu na gho hi muya, tsüna hi satekemetha yen sacen kesa seng wi. Ciwi anyi kejon na ikete wi nkemi ghena kekivvü la mangla nmi. 19Isala Judah nyi pahan Asia yyi wina keghothu ciwi ben; keujüla mathu na hi keshun jüh ben lethu, he wi ntuwi ghola kekhi-u, 20nyelela anyi hathu yala hi hoho tuwi mathu hi kesazzi mangwa muya khe khi thsülo, 21#Kek 23.6 tsüna hi mathu tuwi ngan keben wi hati khi, ‘Nthu na nansü ijühkaghakhi keben ha hi anyi na keshü wina hangneng-shagha ben kesa kenondi ghena le.’ ”
22Tsaseng wi Alenwa cüki tsü mehaitsü pi kiza kethengwa Felix na tsü asakhen sa thsüa. Ma mathu wi kiza, “Benchüwa Lusia na gho ccüla hi nthu jüh ha kaghakhi cüden.” 23Felix na kediwa wi kizala Paul pi aghikehiepen wi chilo, isala ma lisha chicü nu ma pvüshangthu na ma nsenthu keyishü pi ma kecü tsü nkhen lalo khi.
Paul na Felix nu Drusilla Wubanyi Tuwi kewa
24Ghanan pahan seng wi Felix na ma wubvü Drusilla Judah nyiwa tsü ssinu gho. Ma Paul cichi nu Jisu Khrista kenondi cüki kekhi tsü kina. 25Isala Paul na ketsatan, kekhenengkeya, ghoketen Jühkekaghaten tsathang cüki tsü khi kewa wi Felix na messiya nu khi, “No bvüyilo! Hi matsü muya lethu no ci neng chiben.” 26Ma Paul na apisa pahan pi ma cübenle kesa meshen, tsalina ma matsü kejon tughula Paul cichi nu ma ccüneng.
27Amapi keni seng wi Porsia Festa na Felix kuti sala ahng saya. Felix na Judah nyithu kenen pvüya mvu kesalina Paul pi atssüzüjjen wi chi theng.
Currently Selected:
KEKULI 24: RENGNBSI
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
KEKULI 24
24
Judah nyithu na Paul Keshun
1Ghanan manga seng wi Keqhaikedi ntsawa Ananiya na keshenpfüthu pahan nu ayen kechüwa Tertullu ssinu Kaesarea wi wa. Mathu na Ahng Felix tuwi wa Paul keshun jüh khi. 2Paul cichi nu Tertullu na Paul keshun jüh hati khi:
“Njenkebenwa Felix, no kemetsa wi accülikesa ghena matsü kesie kecca sengho ithu cüben, nu ithu diyyiwa ghena nsathu keyishü kejonla sapfü chidha. 3Ithu na matsü tsüdi wi nu apen tsüdi wila anonkeghe sa nu tsü yaya, nu no nkesengcha saben. 4Hi no yala matsü kejon ndedi thsü mvu, isala no wi khi kebenwa na tizenthu ikhang kekhi jüh ha keu kina chi cülo. 5Ikhang na anyi hawa hana kemessi keben nyi kesü, ayyi tsüdi wi Judah nyithu jawi kekivvü pfüsi kechiwa, nu Nazareth nyi khang jawi aliwa kesa nyile muyadha. 6Ma ithu Kekinyijjen tsü la nakhi nu ikhang ma ghanya le. Ikhang na ithu yenwa kenie wina ma ghan nanle sa, 7isala benchüwa Lusia na mataghang dughola ikhang jawi na ma zanya. 8Tsaseng wi Lusia na ma nankemeghüthu na ntuwi walo kesa ahza khuchia. Keujüla no anyi ha keü nan lethu, no ketanla ikhang na mangkesa na ma kimenni ben khe ma wi tsüthu tsüdila chüyaben.” 9Judah nyithu la mathu gwegheya nu kekimenni jüh ha tsüdila ntsakhiwa le khi.
Paul na Felix Tuwi Ma sheikepi jüh Kekhi
10Ahng na ma kwen ghajja pi Paul na ajüh khilo kiza nu Paul kekhi na:
“Hi no amapi kejonla mizzatenti hawa miwi ajühkaghaten ghodha kesa chüben, tsalina inonghe nu ntuwi hi ketanla isheipi ben. 11No ketanla chüyaben, hi Jerusalem wi kinyi wale keshu ghanan tagha keni miwi npi wale. 12Judah nyithu na hi anyi kesütanla ssinu Kekinyijjen wi ajüh keccücanli keben, nyelela Sinagogthu, anyunutiwa wi lela nyu pakivvü keben nmu. 13nyelela mathu khili ntuwi hi kekimenni jüh khi keben tsüna ntsakhiwa nyele! 14Isala hi no wi ha ntsakhiwa le khiya mehai: Hi mathu na pi milikemesa Lenwa le khi ketenwa tsü nie nu ithu bamyithu Nyiza kinyi tenle. Nu hi la Mosa Yenwa nu atusenjüh-kechüthu lesüshen wi zhü kethengthu tsüdila nondi tenle. 15Hi la hathu na Anyiza nondi keten tsü makesü ben, tsüna anyi tsüdi kemehai le nkemehai lela keshü wina hangneng-shagha ben kesa kenondiwa tsü. 16Tsalina hi keshüthangla Anyiza nu anyi tuwi la kemeshen meshon yale kesa apiketsü saten le!
17 #
Kek 21.17-28 “Hi amapi keni kecheng Jerusalem wina kebvü seng wi apisa pi inyithu cü nu kekinyi sale ciwi wa neng. 18Hi Kekinyijjen wi hati kuli keben mathu na gho hi muya, tsüna hi satekemetha yen sacen kesa seng wi. Ciwi anyi kejon na ikete wi nkemi ghena kekivvü la mangla nmi. 19Isala Judah nyi pahan Asia yyi wina keghothu ciwi ben; keujüla mathu na hi keshun jüh ben lethu, he wi ntuwi ghola kekhi-u, 20nyelela anyi hathu yala hi hoho tuwi mathu hi kesazzi mangwa muya khe khi thsülo, 21#Kek 23.6 tsüna hi mathu tuwi ngan keben wi hati khi, ‘Nthu na nansü ijühkaghakhi keben ha hi anyi na keshü wina hangneng-shagha ben kesa kenondi ghena le.’ ”
22Tsaseng wi Alenwa cüki tsü mehaitsü pi kiza kethengwa Felix na tsü asakhen sa thsüa. Ma mathu wi kiza, “Benchüwa Lusia na gho ccüla hi nthu jüh ha kaghakhi cüden.” 23Felix na kediwa wi kizala Paul pi aghikehiepen wi chilo, isala ma lisha chicü nu ma pvüshangthu na ma nsenthu keyishü pi ma kecü tsü nkhen lalo khi.
Paul na Felix nu Drusilla Wubanyi Tuwi kewa
24Ghanan pahan seng wi Felix na ma wubvü Drusilla Judah nyiwa tsü ssinu gho. Ma Paul cichi nu Jisu Khrista kenondi cüki kekhi tsü kina. 25Isala Paul na ketsatan, kekhenengkeya, ghoketen Jühkekaghaten tsathang cüki tsü khi kewa wi Felix na messiya nu khi, “No bvüyilo! Hi matsü muya lethu no ci neng chiben.” 26Ma Paul na apisa pahan pi ma cübenle kesa meshen, tsalina ma matsü kejon tughula Paul cichi nu ma ccüneng.
27Amapi keni seng wi Porsia Festa na Felix kuti sala ahng saya. Felix na Judah nyithu kenen pvüya mvu kesalina Paul pi atssüzüjjen wi chi theng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.