FILIPINYU 2
2
Khrista Le A-thyü Tsenyo Kelo Lo Gonkelo
1Khrista genyu hagun thyü nkolo le? Keso genyu hagun nyun bwenlo le? Kapugü nyu kengü kepvüshen lo le? Khinyunyu keshwi kenjün lo le? 2Tsügenyu hagun kerüchün nme rüchünlo, keso nme solo, lo kenyun rhünlo njüo nyun me thyülo, tson-o akenyü thyü penlo nye. 3Hagun npvü hagun jünkegwa fü nya nmvue ketekho-o thame thyü nya; ai tsenyo kehilo, hagun le menye gwakvu letse rüchün nya. 4Ligühigüe a-npvü a-rüla rüchün gwünzin tinla mvule khinyunyu phin rüchünlo. 5Khrista Jisu kendo gü tsü pe hagun nyuki shü sen hülo.
6A-le Sunggigü zen keme-e,
Sunggigü zen ketun letse kethyü
a-zan senlo mvu.
7Tsonkethyü gü mvule
temi ngwao medo hontse thyüo
a-npvü a-thyü kenmhenlo.
Tson-o temi rhenrhe hontse gunryü.
8A-le a-thyü ketsenyo-o jokezen tson
nyu kebin krus si-e thyülo.
9Tsügenyu Sunggigü le a-thyü
pe gonsa shü,
lo a-zan thyü pe zan aphu nyeki
tetsosin shüla.
10Tson-o tsangge-e kazü nyue,
lo kazü hensin kie yhun kehü aphu
no Jisu zan nyu khosen külo
nrün genyu,
11lo temi aphu tse Jisu Khrista le
Npugü le tse zoshwi kü ti,
Pvügü Sunggigü zankechwi genyu.
Kazü gü Nyu Benshü
12Lo hagun akesonyu ju, hagun le nduka Sunggigü jo kezen nyu thyü zin keryü hontse, tsühotse ayhühyu ka ntimvule ahyu kemvu ka chon kvuo hagun keni penlo nrün genyu petsü sao Sunggigü kenyü thyülo. 13Kechamvule a-kenyü thyü titseo hagun nyun thyü pe hagun no thyü nyü, lo zenlo kehü gü tsü le Sunggigü le genyu.
14Kenyon kenyü lo mezen kenyi nyao tha lihi-e thyülo. 15Tson-o kerhün jo tejen tsekho sen-o me hilo, kazü serikemvu nyu shyenyü hontse temi kemvu lo a-nyun kenra dan no hyu-o hagun nkhinlo keho nyu thyüo Sunggigü nyenyu kenshün nyu thyülo chi. 16Hagun le kerhün jo tsü tejen tsekho sen binlo, tsonlo yatselo Khrista jon nyü ale tsügenyu akenyülo ti; kechamvule ale kenrun nyu ayhen thyü hümvu lo a-kenrun nme genyu akekvu thyü bin kemvu genyu.
17Hagun ketenyen sen-o Sunggigü kerüshvu nyu tsü azi-e kezen shü lati ado tseo asherhün bin nyo. 18Tsühontse hagun sherhün bin lo, lo hagun shekerhün tsüpe azen kenjün lo.
Timothi lo Epaphroditus
19Ai ale hagun rüla shalo asherhünlo ti tse kethyü genyu thonsa mvu tse Timothi nipe hagun ka shü titse kethyü rüchün bin nle. 20Temi nme a-hontse anyun sha mvu lo a-le hagun rüla rüchün pe a-nyun leho ketsin thyü kehü genyu. 21Kechanyu ju we Jisu Khrista rüla mvule a-npvü a-phin rüchün kü hü nyo. 22Ai hagun le a-rüla sha tsentsü bin ti, ayi le kengü a-pvü a-nyu hontseo a-le azen-o jolokegwa kam thyü tinla so. 23Tsügenyu arüla le nyu tse thyü tiyo sha nshwen lo-e ntsüe ale a-nikeshü rüchün bin nyo. 24Lo Npugü kendo yatselo ale nshwen hagun ki ryülo titse tenyen bin nyo.
25Asikezen gü azen-o kam thyü kehü gü, azen-o Khrista shüpahü thyü kehü gü lo hagun le a-nipe a rhokedyü ka-e a-no a lothyü kehü gü Epaphroditus ni nipe hagun ki shü mvulo keshvu rüchün so. 26A-le hagun aphu hyu shü nyü salo kela genyu; a-le himhundyü ho kebin hagun no sha kethyü genyu a-nyun kenjün thyü sala. 27Ketsin a-le ho-o si kesala le, ai Sunggigü le a-shwi njün nishü, lo a-ntimvule ano anyun gwamvu sin mvu tsitseo ashwi njün shü. 28Tsügenyu ale hagun no a-shwio hagun sherhünlo, lo ako anyun gwakemvu no ndila nrün genyu ale a-nipe hagun ki shüshü sele nye. 29Hagun Npugü zan nyu hagun sherhün küo a-zenlo nye; lo temi hon kethyü nyu rühvulo nye. 30Kechamvule a-le Khrista lothyüo hagun le a-ge thyü nyüe thyülo keho ju thyü tseo a-le sila kesa kela genyu.
Currently Selected:
FILIPINYU 2: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
FILIPINYU 2
2
Khrista Le A-thyü Tsenyo Kelo Lo Gonkelo
1Khrista genyu hagun thyü nkolo le? Keso genyu hagun nyun bwenlo le? Kapugü nyu kengü kepvüshen lo le? Khinyunyu keshwi kenjün lo le? 2Tsügenyu hagun kerüchün nme rüchünlo, keso nme solo, lo kenyun rhünlo njüo nyun me thyülo, tson-o akenyü thyü penlo nye. 3Hagun npvü hagun jünkegwa fü nya nmvue ketekho-o thame thyü nya; ai tsenyo kehilo, hagun le menye gwakvu letse rüchün nya. 4Ligühigüe a-npvü a-rüla rüchün gwünzin tinla mvule khinyunyu phin rüchünlo. 5Khrista Jisu kendo gü tsü pe hagun nyuki shü sen hülo.
6A-le Sunggigü zen keme-e,
Sunggigü zen ketun letse kethyü
a-zan senlo mvu.
7Tsonkethyü gü mvule
temi ngwao medo hontse thyüo
a-npvü a-thyü kenmhenlo.
Tson-o temi rhenrhe hontse gunryü.
8A-le a-thyü ketsenyo-o jokezen tson
nyu kebin krus si-e thyülo.
9Tsügenyu Sunggigü le a-thyü
pe gonsa shü,
lo a-zan thyü pe zan aphu nyeki
tetsosin shüla.
10Tson-o tsangge-e kazü nyue,
lo kazü hensin kie yhun kehü aphu
no Jisu zan nyu khosen külo
nrün genyu,
11lo temi aphu tse Jisu Khrista le
Npugü le tse zoshwi kü ti,
Pvügü Sunggigü zankechwi genyu.
Kazü gü Nyu Benshü
12Lo hagun akesonyu ju, hagun le nduka Sunggigü jo kezen nyu thyü zin keryü hontse, tsühotse ayhühyu ka ntimvule ahyu kemvu ka chon kvuo hagun keni penlo nrün genyu petsü sao Sunggigü kenyü thyülo. 13Kechamvule a-kenyü thyü titseo hagun nyun thyü pe hagun no thyü nyü, lo zenlo kehü gü tsü le Sunggigü le genyu.
14Kenyon kenyü lo mezen kenyi nyao tha lihi-e thyülo. 15Tson-o kerhün jo tejen tsekho sen-o me hilo, kazü serikemvu nyu shyenyü hontse temi kemvu lo a-nyun kenra dan no hyu-o hagun nkhinlo keho nyu thyüo Sunggigü nyenyu kenshün nyu thyülo chi. 16Hagun le kerhün jo tsü tejen tsekho sen binlo, tsonlo yatselo Khrista jon nyü ale tsügenyu akenyülo ti; kechamvule ale kenrun nyu ayhen thyü hümvu lo a-kenrun nme genyu akekvu thyü bin kemvu genyu.
17Hagun ketenyen sen-o Sunggigü kerüshvu nyu tsü azi-e kezen shü lati ado tseo asherhün bin nyo. 18Tsühontse hagun sherhün bin lo, lo hagun shekerhün tsüpe azen kenjün lo.
Timothi lo Epaphroditus
19Ai ale hagun rüla shalo asherhünlo ti tse kethyü genyu thonsa mvu tse Timothi nipe hagun ka shü titse kethyü rüchün bin nle. 20Temi nme a-hontse anyun sha mvu lo a-le hagun rüla rüchün pe a-nyun leho ketsin thyü kehü genyu. 21Kechanyu ju we Jisu Khrista rüla mvule a-npvü a-phin rüchün kü hü nyo. 22Ai hagun le a-rüla sha tsentsü bin ti, ayi le kengü a-pvü a-nyu hontseo a-le azen-o jolokegwa kam thyü tinla so. 23Tsügenyu arüla le nyu tse thyü tiyo sha nshwen lo-e ntsüe ale a-nikeshü rüchün bin nyo. 24Lo Npugü kendo yatselo ale nshwen hagun ki ryülo titse tenyen bin nyo.
25Asikezen gü azen-o kam thyü kehü gü, azen-o Khrista shüpahü thyü kehü gü lo hagun le a-nipe a rhokedyü ka-e a-no a lothyü kehü gü Epaphroditus ni nipe hagun ki shü mvulo keshvu rüchün so. 26A-le hagun aphu hyu shü nyü salo kela genyu; a-le himhundyü ho kebin hagun no sha kethyü genyu a-nyun kenjün thyü sala. 27Ketsin a-le ho-o si kesala le, ai Sunggigü le a-shwi njün nishü, lo a-ntimvule ano anyun gwamvu sin mvu tsitseo ashwi njün shü. 28Tsügenyu ale hagun no a-shwio hagun sherhünlo, lo ako anyun gwakemvu no ndila nrün genyu ale a-nipe hagun ki shüshü sele nye. 29Hagun Npugü zan nyu hagun sherhün küo a-zenlo nye; lo temi hon kethyü nyu rühvulo nye. 30Kechamvule a-le Khrista lothyüo hagun le a-ge thyü nyüe thyülo keho ju thyü tseo a-le sila kesa kela genyu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.