TSIPWESWÜ 5
5
Temi Nshünkemvu
1Npugü le Mosa ka zoshü, 2“Israel nyu dan no kensenbin nyu, nyuleketyünyu nmvue a-mige tsun kehünyu lo ligü higü simin kesüo nshünmvu kela nyu hüla lo tse zoshülo. 3Anyugun no ale atemi dan nyu yhunkehü kensenbin gü nrhu la mvu nrün genyu nshünkemvu dan hi nishwi lalo.” 4Tsontsin Israel nyu le a-jozen-o kensenbin nyu tsüdan aphu hüla.
Thyüzü kela Puketho
5Npugü le pe Mosa tsüshü 6Israel nyu genyu tejvü hidan pe. Ligü higü Npugü jozen mvuo peha ge a-zümvu lalo, 7a-le a-ge a-zümvu kela gü ka a-kemu zoshwila lo a-mi aphu lo tsünyeki jüntsi ka nki pe tsümvu loshvu. 8Ai temi tsügü le sila lo a-mi pe tsülo kegwa a-shvunye a-khokeni ndi yatselo, püshükedanyu genyu tsüpe Npugü tsü lati. A-mithyü nrün higü hile thyüzü kela gü genyu tenyütse pe thyükeshün jvü kethyü nyeki kesin. 9Lo Israel nyu le tha kerüche pe Npugü ketsü lihie anyugun le pe püshükeda digü tsüshü yo tsü gü hon. 10Püshükeda gü le mele pe a-ketsü gü tsü lo loti.
Me Nyepvü Le A-nunyu Rüchün Kenshvu
11Npugü le Mosa ka johoshü 12-14tejvü hidan hi pe Israel nyu tsüshü lotse. Me nunyu nme le serimvuo temi kechanyu zen zhüo a-npvü a-nrhu la letse rüchün kenshvu le bin logwa. Ai a-nu le kebu kebin genyu a-nyepvü le shato mvu lo shahyu nme ndi lo tsügi le serimvu kebin ten lomvu. Nmvue me nyepvü nyu nme le a-nu le serikemvu thyümvue rüchün nshvubin. 15Lihi thyü-e temi gü no a-nu zen püshükedagü ki ryüti. A-le kerüshvu thyü nrün barley tho kilogram nme senryüti, ai a-le oliv ter nmvue tharün kegwa jape a-so shü loho, tsüle ketsin gü shalo nrün genyu a-nyepvü le rüchün kenshvu ka kerüshvu thyü kebin nme.
16Püshükeda gü le tenu gi zen chwiryüo no kershvubin mhudyü ka so loti. 17Lo a-le kenshün zü ja pe nnyo la nme nyu shü lo njüo zü no khülo nrün genyu Npugü kehü Phika gü kanyu ki kazünyu nnyo peha khipe tsünyu shülo. 18Tson-o a-le tenugi shün shwüshü lo tho pe kerüshvu tsü pe tsügi ben ka shüti. Püshükeda gü le a-ben nyu shochün senryü kebin zü kekhü pe keshü la gü sen ti. 19Tson-o tenugi no püshükeda gü le keswe zokeshü tsüle a-kendo letse zoti: “Nle keyüla lamvuyatselo zü higü le senkeryü shochün gü le n nthyü nnyü loho. 20Ai nle keyüla layatselo, 21Npuü no n lope ntemi dan nyu shochün kepfü gi thyü lalo. 22Zü higü no nginda nyu yüo tsüno nme chwiryü lo nthyümi no tse lalo.”
Tsonshü lo tenugi le, “Akenda le Npugü no tsühontse thyü shülo,” tsonti.
23Tson-o püshükeda gü le shochün higü thulo njüo zü pe süpe zü kekhü la günyu shülo lati. 24A-le tenu gi no a-gin thyü sa lalo kegwa zü tsü ketsü mhundyü, 25Püshükedda gü le tsügi ben nyu tho pe kerüshvu gü tsü khi lo njüo, sen-o thyükenshün pe Npugü tsüo kershvubin ge shü lati. 26Tson-o a-le kerüshvu zansü tsü jenthün gwa khi lo-o pe kershvubin ge ro shüti. Kenkhin tsin ki a-le tenugi no zü gü tsüti. 27Tenu gi le keyüla layatselo a-gin thyü sa chwiryü a-ginda nmeo a-thyümi le tsela ti. Tson-o a-temi dan nyu shochün kepfü nyu thyü lati. 28Ai a-le kemu ndi yatselo a-ge thame kenjün thyü kemvui lo ale nyuzen logwa.
29-30Temi nme le a-nu le keyüla la letse rüchün nshvu lo a-nyun tegi kethyü nyu genyu tejvu le hile. Tenu gi no kershvubin mhundyü ka solo-o püshükeda gü le tha higü thyüti. 31A-nyepvü nmu kethyü ndi, ai tenu gi le thyüzü lalo, a-le tsügenyu kenjün thyüti.
Currently Selected:
TSIPWESWÜ 5: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 5
5
Temi Nshünkemvu
1Npugü le Mosa ka zoshü, 2“Israel nyu dan no kensenbin nyu, nyuleketyünyu nmvue a-mige tsun kehünyu lo ligü higü simin kesüo nshünmvu kela nyu hüla lo tse zoshülo. 3Anyugun no ale atemi dan nyu yhunkehü kensenbin gü nrhu la mvu nrün genyu nshünkemvu dan hi nishwi lalo.” 4Tsontsin Israel nyu le a-jozen-o kensenbin nyu tsüdan aphu hüla.
Thyüzü kela Puketho
5Npugü le pe Mosa tsüshü 6Israel nyu genyu tejvü hidan pe. Ligü higü Npugü jozen mvuo peha ge a-zümvu lalo, 7a-le a-ge a-zümvu kela gü ka a-kemu zoshwila lo a-mi aphu lo tsünyeki jüntsi ka nki pe tsümvu loshvu. 8Ai temi tsügü le sila lo a-mi pe tsülo kegwa a-shvunye a-khokeni ndi yatselo, püshükedanyu genyu tsüpe Npugü tsü lati. A-mithyü nrün higü hile thyüzü kela gü genyu tenyütse pe thyükeshün jvü kethyü nyeki kesin. 9Lo Israel nyu le tha kerüche pe Npugü ketsü lihie anyugun le pe püshükeda digü tsüshü yo tsü gü hon. 10Püshükeda gü le mele pe a-ketsü gü tsü lo loti.
Me Nyepvü Le A-nunyu Rüchün Kenshvu
11Npugü le Mosa ka johoshü 12-14tejvü hidan hi pe Israel nyu tsüshü lotse. Me nunyu nme le serimvuo temi kechanyu zen zhüo a-npvü a-nrhu la letse rüchün kenshvu le bin logwa. Ai a-nu le kebu kebin genyu a-nyepvü le shato mvu lo shahyu nme ndi lo tsügi le serimvu kebin ten lomvu. Nmvue me nyepvü nyu nme le a-nu le serikemvu thyümvue rüchün nshvubin. 15Lihi thyü-e temi gü no a-nu zen püshükedagü ki ryüti. A-le kerüshvu thyü nrün barley tho kilogram nme senryüti, ai a-le oliv ter nmvue tharün kegwa jape a-so shü loho, tsüle ketsin gü shalo nrün genyu a-nyepvü le rüchün kenshvu ka kerüshvu thyü kebin nme.
16Püshükeda gü le tenu gi zen chwiryüo no kershvubin mhudyü ka so loti. 17Lo a-le kenshün zü ja pe nnyo la nme nyu shü lo njüo zü no khülo nrün genyu Npugü kehü Phika gü kanyu ki kazünyu nnyo peha khipe tsünyu shülo. 18Tson-o a-le tenugi shün shwüshü lo tho pe kerüshvu tsü pe tsügi ben ka shüti. Püshükeda gü le a-ben nyu shochün senryü kebin zü kekhü pe keshü la gü sen ti. 19Tson-o tenugi no püshükeda gü le keswe zokeshü tsüle a-kendo letse zoti: “Nle keyüla lamvuyatselo zü higü le senkeryü shochün gü le n nthyü nnyü loho. 20Ai nle keyüla layatselo, 21Npuü no n lope ntemi dan nyu shochün kepfü gi thyü lalo. 22Zü higü no nginda nyu yüo tsüno nme chwiryü lo nthyümi no tse lalo.”
Tsonshü lo tenugi le, “Akenda le Npugü no tsühontse thyü shülo,” tsonti.
23Tson-o püshükeda gü le shochün higü thulo njüo zü pe süpe zü kekhü la günyu shülo lati. 24A-le tenu gi no a-gin thyü sa lalo kegwa zü tsü ketsü mhundyü, 25Püshükedda gü le tsügi ben nyu tho pe kerüshvu gü tsü khi lo njüo, sen-o thyükenshün pe Npugü tsüo kershvubin ge shü lati. 26Tson-o a-le kerüshvu zansü tsü jenthün gwa khi lo-o pe kershvubin ge ro shüti. Kenkhin tsin ki a-le tenugi no zü gü tsüti. 27Tenu gi le keyüla layatselo a-gin thyü sa chwiryü a-ginda nmeo a-thyümi le tsela ti. Tson-o a-temi dan nyu shochün kepfü nyu thyü lati. 28Ai a-le kemu ndi yatselo a-ge thame kenjün thyü kemvui lo ale nyuzen logwa.
29-30Temi nme le a-nu le keyüla la letse rüchün nshvu lo a-nyun tegi kethyü nyu genyu tejvu le hile. Tenu gi no kershvubin mhundyü ka solo-o püshükeda gü le tha higü thyüti. 31A-nyepvü nmu kethyü ndi, ai tenu gi le thyüzü lalo, a-le tsügenyu kenjün thyüti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.