TSIPWESWÜ 3
3
Aaron nyu Pechedan
1Npugü le Sinai kazüthun ge Mosa zenkenthon kethyü gwenkho ka Mosa lo Aaron kami le hidan hi. 2Aaron le anyu peche mizi le bin: Püshütsin gü le Nadab, Abihu, Eleazar, lo Ithamar. 3Ter lo pe yün-o thyü kenshün pe püshükeda ju thyülo, 4ai Nadab lo Abihu au le Sinai kazü kesi ki mah nshünkemvu pe Npugü rüshvuo sila. Au le au nyenyu ndi, tsü genyu Aaron le yhun kebin gwenkho ka Eleazar lo Ithamar au le püshükeda tho thyü.
Levinyu kejü pe Püshükeda Tho thyükelo
5Npugü le Mosa ka zoshü, 6“Levi tsipwe nyu zenchwiryüo kejü pe Püshükeda gü Aaron gonyu thyü shülo. 7Anyugun le ale kehü Phika günyu mvulokeshvu dan lo temi süda apentha genyu püshükeda lotho dan thyüti. 8Anyugun le Phika gü kanyü aphu ketsen lo Israel kechanyu genyu thatho dan thyüti. 9Levinyu thole Aaron lo a-nyu dan lokethyü nti. 10Nle Aaron lo a-nyudan pe püshükeda lotho dan thyülo; kechanyu ligü higü tsü thyüti tse kethyü gü no siti.” 11Npugü le Mosa ka zoshü, 12-13“Ntsoka we Levinyu le ahon thyüti. Ale Ijipt nyu nyuri aphu boshvu kelaka, Israel kaqün nmeme nyu nyuri gü lo senru nyuri gü thyü kenshün pe ahon thyü lo laso. Lo ntsoka Israel nyu nyuri dan pe ahon kethyü sunka ale Levinyu khilo laso; anyugun le ahon thyüti. Ale Npugü.”
Levinyu Temi Keswü
14Sinai kazü kesi ki Npugü le Mosa ka johoshü 15Levinyu pfüphun lo kaqvün aphu nyu pechenyu shyeme nmvue tsüsa dan zan thu lolo, 16tson-o Mosa le tsühontse lo. 17-20Levi le anyu peche mishen bin: Gershon, Kohath lo Merari tsüle pvüphun zan kepfü anyugun pvübon dan. Gershon le peche mihvu bin Libni lo Shimei; Kohath le peche mizi bin: Amram, Izhar, Hebron lo Uzziel; lo Merari le peche mihvu bin: Mahli lo Mushi. Tsüdan le anyugun zan sen kehü kami pvübon dan.
21Libni lo Shimei kaqvün tsü pe Gershon pfüphun thyülo. 22Pechenyu shyeme nmvue tsüso zan thu kelo aphu le temi 7,500. 23Pfüphun higü no Phika gü nkhün zin nsen ti, 24Lael nyugü Eliasaph no anyu pfüphun sharhi thyü. 25Anyugun tho le Phika gü, a-nyuzin kehen, a-sozin kehen, khenpvü kesunphi, 26Phika gü te kehun phisüden pe kamhun kesun lo kershvubin lo kamhun nyu keyü khenpvü kesun phi tha hidan genyu mvulo keshvu tsü aphu anyugun le ketsen ti.
27Amram, Izhar, Hebron lo Uzziel kami tsü pe Kohath pfüphun thyülo. 28Pechenyu shyeme nmvue tsüso zanthu kelo aphu kerhün le temi 8,600. 29Pfüphun higü le Phika gü tesinzin nsen ti, 30Uzziel nyu gü Elizaphan no pfüphun sharhi thyü. 31Anyugun tho le Kejozenkelo Khinpha, miz, makenben kedubin, kershvubin dan, püshükedanyu le Kenshün Tsin bin nyu sen kehü lalü dan lo Kenshün Tsin bin nyu keyü khenpvü kesun tha hidan genyu mvulo keshvu aphu ketsen ti.
32Lo Levinyu sharhi le püshükeda gü Aaron nyugü Eleazar. A-no kenshün bin gü nyu tha tho kethyü nyu dan keshwi gü thyüti.
33Mahli lo Mushi kami tsü pe Merari pfüphun thyülo. 34Pechenyu shyeme nmvue tsüso zan thu kelo aphu kerhün le 6,200. 35pfüphun higü le Phika gü tesozin nsen ti, Abihail nyugü Zuriel no pfüphun sharhi thyü. 36Thatho pe anyugun ketsü le Phika gü karun, kenpere, kachon, kachon phasin lo tsü pe keren kethyü aphu. Tha hidan genyu mvulo keshvu tsü aphu anyugun le ketsen ti. 37Anyugun le kachon, kachon phasin, tsekesü lo kamhun zin kipon genyu ron hidan ko ketsen ti.
38Mosa, Aaron lo anyudan le Phika mhundyü nyu npho zin nsen ti. Anyugun le Israel nyu genyu Kenshün Bin nyu lotha dan thyüti. Kechanyu ligü higü tsü thyüti tse ndo kethyü nyu no siti. 39Npugü le johokeshü ka Mosa le Levinyu pechenyu shyeme nmvue tsüso pfüphun thyü zan thu kelo aphu kerhün le 22,000.
Levinyu le Nyuri Gü Bin Ka gü Kelo
40-41Npugü le Mosa ka zoshü, “Israel nyu peche nyuri aphu ahon. Tsügenyu Israel nyu peche nyuri shyeme nmvue tsüso aphu zan thulo. Ai tsüdan sunka Levinyu aphu ahon letse ale nkhen bin nyo! Ale Npugü! Ale senru nyuri dan aphu sunka Levinyu senru ko nkhen bin nyo.” 42Mosa le Npugü zozen-o peche nyuri aphu zan thulo 43shyeme nmvue tsüso: kerhün keshü le 22,273.
44Npugü le Mosa ka zoshü, 45“Israel nyu nyuri nyu aphu sun ka Levinyu thyükenshün pe atsü shülo, lo Israel nyu senru nyuri aphu sunka Levinyu senru thyü kenshün pe atsü shülo. 46Israel nyu peche nyuri 273 le Levinyu nyechon kela si genyu, hagun le peche nyu nyu kerüche hei mvulo shvu. 47Temi nme genyu me rakagi ha ka pvün pe a-mi thyüo, 48pisa hi pe Aaron lo anyudan tsülo.” 49Mosa le Npugü jozen-o khilo 50rakagi 1,365, 51tson-o pe Aaron lo anyudan tsüla.
Currently Selected:
TSIPWESWÜ 3: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 3
3
Aaron nyu Pechedan
1Npugü le Sinai kazüthun ge Mosa zenkenthon kethyü gwenkho ka Mosa lo Aaron kami le hidan hi. 2Aaron le anyu peche mizi le bin: Püshütsin gü le Nadab, Abihu, Eleazar, lo Ithamar. 3Ter lo pe yün-o thyü kenshün pe püshükeda ju thyülo, 4ai Nadab lo Abihu au le Sinai kazü kesi ki mah nshünkemvu pe Npugü rüshvuo sila. Au le au nyenyu ndi, tsü genyu Aaron le yhun kebin gwenkho ka Eleazar lo Ithamar au le püshükeda tho thyü.
Levinyu kejü pe Püshükeda Tho thyükelo
5Npugü le Mosa ka zoshü, 6“Levi tsipwe nyu zenchwiryüo kejü pe Püshükeda gü Aaron gonyu thyü shülo. 7Anyugun le ale kehü Phika günyu mvulokeshvu dan lo temi süda apentha genyu püshükeda lotho dan thyüti. 8Anyugun le Phika gü kanyü aphu ketsen lo Israel kechanyu genyu thatho dan thyüti. 9Levinyu thole Aaron lo a-nyu dan lokethyü nti. 10Nle Aaron lo a-nyudan pe püshükeda lotho dan thyülo; kechanyu ligü higü tsü thyüti tse kethyü gü no siti.” 11Npugü le Mosa ka zoshü, 12-13“Ntsoka we Levinyu le ahon thyüti. Ale Ijipt nyu nyuri aphu boshvu kelaka, Israel kaqün nmeme nyu nyuri gü lo senru nyuri gü thyü kenshün pe ahon thyü lo laso. Lo ntsoka Israel nyu nyuri dan pe ahon kethyü sunka ale Levinyu khilo laso; anyugun le ahon thyüti. Ale Npugü.”
Levinyu Temi Keswü
14Sinai kazü kesi ki Npugü le Mosa ka johoshü 15Levinyu pfüphun lo kaqvün aphu nyu pechenyu shyeme nmvue tsüsa dan zan thu lolo, 16tson-o Mosa le tsühontse lo. 17-20Levi le anyu peche mishen bin: Gershon, Kohath lo Merari tsüle pvüphun zan kepfü anyugun pvübon dan. Gershon le peche mihvu bin Libni lo Shimei; Kohath le peche mizi bin: Amram, Izhar, Hebron lo Uzziel; lo Merari le peche mihvu bin: Mahli lo Mushi. Tsüdan le anyugun zan sen kehü kami pvübon dan.
21Libni lo Shimei kaqvün tsü pe Gershon pfüphun thyülo. 22Pechenyu shyeme nmvue tsüso zan thu kelo aphu le temi 7,500. 23Pfüphun higü no Phika gü nkhün zin nsen ti, 24Lael nyugü Eliasaph no anyu pfüphun sharhi thyü. 25Anyugun tho le Phika gü, a-nyuzin kehen, a-sozin kehen, khenpvü kesunphi, 26Phika gü te kehun phisüden pe kamhun kesun lo kershvubin lo kamhun nyu keyü khenpvü kesun phi tha hidan genyu mvulo keshvu tsü aphu anyugun le ketsen ti.
27Amram, Izhar, Hebron lo Uzziel kami tsü pe Kohath pfüphun thyülo. 28Pechenyu shyeme nmvue tsüso zanthu kelo aphu kerhün le temi 8,600. 29Pfüphun higü le Phika gü tesinzin nsen ti, 30Uzziel nyu gü Elizaphan no pfüphun sharhi thyü. 31Anyugun tho le Kejozenkelo Khinpha, miz, makenben kedubin, kershvubin dan, püshükedanyu le Kenshün Tsin bin nyu sen kehü lalü dan lo Kenshün Tsin bin nyu keyü khenpvü kesun tha hidan genyu mvulo keshvu aphu ketsen ti.
32Lo Levinyu sharhi le püshükeda gü Aaron nyugü Eleazar. A-no kenshün bin gü nyu tha tho kethyü nyu dan keshwi gü thyüti.
33Mahli lo Mushi kami tsü pe Merari pfüphun thyülo. 34Pechenyu shyeme nmvue tsüso zan thu kelo aphu kerhün le 6,200. 35pfüphun higü le Phika gü tesozin nsen ti, Abihail nyugü Zuriel no pfüphun sharhi thyü. 36Thatho pe anyugun ketsü le Phika gü karun, kenpere, kachon, kachon phasin lo tsü pe keren kethyü aphu. Tha hidan genyu mvulo keshvu tsü aphu anyugun le ketsen ti. 37Anyugun le kachon, kachon phasin, tsekesü lo kamhun zin kipon genyu ron hidan ko ketsen ti.
38Mosa, Aaron lo anyudan le Phika mhundyü nyu npho zin nsen ti. Anyugun le Israel nyu genyu Kenshün Bin nyu lotha dan thyüti. Kechanyu ligü higü tsü thyüti tse ndo kethyü nyu no siti. 39Npugü le johokeshü ka Mosa le Levinyu pechenyu shyeme nmvue tsüso pfüphun thyü zan thu kelo aphu kerhün le 22,000.
Levinyu le Nyuri Gü Bin Ka gü Kelo
40-41Npugü le Mosa ka zoshü, “Israel nyu peche nyuri aphu ahon. Tsügenyu Israel nyu peche nyuri shyeme nmvue tsüso aphu zan thulo. Ai tsüdan sunka Levinyu aphu ahon letse ale nkhen bin nyo! Ale Npugü! Ale senru nyuri dan aphu sunka Levinyu senru ko nkhen bin nyo.” 42Mosa le Npugü zozen-o peche nyuri aphu zan thulo 43shyeme nmvue tsüso: kerhün keshü le 22,273.
44Npugü le Mosa ka zoshü, 45“Israel nyu nyuri nyu aphu sun ka Levinyu thyükenshün pe atsü shülo, lo Israel nyu senru nyuri aphu sunka Levinyu senru thyü kenshün pe atsü shülo. 46Israel nyu peche nyuri 273 le Levinyu nyechon kela si genyu, hagun le peche nyu nyu kerüche hei mvulo shvu. 47Temi nme genyu me rakagi ha ka pvün pe a-mi thyüo, 48pisa hi pe Aaron lo anyudan tsülo.” 49Mosa le Npugü jozen-o khilo 50rakagi 1,365, 51tson-o pe Aaron lo anyudan tsüla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.