TSIPWESWÜ 15
15
Thape Kerüshvu Tejvu
1Npugü le pe Mosa tsüshü 2Israel nyu no a-le pe anyugun tsü titse kebin kazü günyu then nrün tejvu dan. 3Methu tse, tanyü tse, tanyü nmvue tenyü rope kerüshvu thyü pe Npugü ketsü nmvue zoshwishü kenjü thyüpen kethyü kerüshvu nmvue n npvü nkenyü ka kerüshvu nmvue a-zin thyü kehü nga ka kerüshvu, ketyüketsü kerüshvu hidan rün Npugü le a-kenyü. 4-5Ligü higü tanyü nmvue tenyü rope kerüshvu thyü pe Npugü ketsü güle senru nme genyu shye kerüshvu tho kilogram nme pe oliv terzü liter nme kerhün kethyü lo vainzu liter nme tse senryüti. 6Tanyü tse nme pe kerüshvu thyülo oliv terzü liter nmeo peha pe tho kilogram kenyhun kerhün pe ketyüketsü kerüshvu thyülo, 7vain zu liter nmeo peha sin-o. Kerüshvu hidan rün Npugü le a-kenyü. 8Tanyü tse nme pe rope kerüshvu nmvue zoshwishü kenjü kerüshvu nmvue kepvüshe kerüshvu thyüpe Npugü tsülo, 9Shye kerüshvu tho kilogram kenshen pe oliv terzü kilogram kenyhun kerhün pe shülo, 10vainzu liter kenyhun kesin-o. Kerüshvu rün higü Npugü le a-kenyü.
11Tsüle Methu tse, tanyü tse, tanyü nmvue tenyü nme genyu tsü hontse shüti. 12Senru nme nyesin pe rüshvu yatselo kesin pe rüshvu kehü dan ko tsü kendüo chon kenye ti. 13Israel nyu sunnyü nyu ligü higü ketyüketsü pe a-rün kegwa thyüpe Npugü tsü tiya tselo hi thyüti. 14Lo kachün hagun dan nyu bin tin kelanyu nmvue jon keshanyu hagun dan nyu yhun kebin nyue ketyüketsü a-rün kegwa thyüpe Npugü tsü tiya tselo, a-ko tejvü tsü keme tse thyüti. 15Ryükejü gwenkho aphu nyu hagun lo kachün hagun dan nyu yhun kebin nyu ge-e tejvü gü le keme tse bin ti. Npugü mhundyü nyu hagun lo anyugun-e kenme; 16hagun lo anyugun-e tejvü lo thyüzen nrün le kenme.
17Npugü le pe Mosa tsüshü 18Israel nyu no a-le pe anyugun tsüti tse kebin kazü gü nyu then nrün tejvü dan. 19Tsünyu yhun chwikeryü chwü ketyü ka, tsü peha khikho pe Npugü tsüti. 20Hagun le tensü tsen kethyü ka shye keshün pe tensü tsenlo keri gü tsü pe Npugü tsüti. Hagun le shye nyu kelo ka khishü kehü jvü hontse hi khishü ti. 21Ryükejü gwenkho aphu nyu hagun le tensü tsen kelo ka jwe kerüche higü pe Npugü tsülati.
22Peha le shamvuo Npugü le pe Mosa tsü keshü tejvü dan peha zenmvu la. 23Lo siki temi dan le Npugü le joho pe Mosa ketsü lihie thyümvu la. 24Temi dan le shakemvu genyu thyüzü layatselo, anyugun le methu tse nme pe shye lo vainzu tse pe Npugü le a-rün a-kenyü kehü rope kerüshvu thyüti. Tsünyeki kemugenyu tenyü tse nme pe kerüshvu thyüti. 25Püshükeda gü le temi dan genyu rora thyü lao anyugun kemu jüpe tsüti, anyugun le shamvuo thyüzü la lo anyu kemu genyu ketyüketsü kerüshvu senryü Npugü tsüti. 26Israel nyu apentha lo kachün anyu dan nyu yhun kebin nyu aphu kemu jüpe tsüti, anyugun aphu shamvuo thyüzü kela genyu. 27Temi nme le shamvuo mu lalo a-le a-kemu genyu tenyü lü chenme nyu hoshü ti. 28Püshükeda gü le kershvubin ge temi gü kemu thyükenshün kethyü rora thyü lao a-kemu jü pe tsüti. 29Israel nyu sunnyü nyue lo kachün metse shamvuo thyüzü kela nyu aphu tejvu higü le kenme ti.
30Ai Sunnyü nyue lo kachün metse ronchvü tse mu kela gü we, a-le Npugü nshwe laso, tsügenyu a-dushvu lati, 31a-le ronchvü tse Npugü jo nyümvuo a-johokeshü borho kela genyu. A-le sikela tsü le a-npvü a-ge.
Sabbath Borho Kela
32Israel nyu le tehenyhunkemvu nyu kehü ka gwengwa temi nme le Sabbath jon nyu senlü bin-o hyulo. 33A-zen-o Mosa, Aaron lo temi apentha mhundyü nyu ryü, 34a-lope nyuthyü mvulo shvuyo sha petsü kemvu genyu me no a-khwe bin. 35Tsontsin Npugü le Mosa ka zoshü, “Temi gü boshvu la mvuloshvu; kensenbin tegwenki süda no tso pe jonshvu lati.” 36Tson-o Npugü le johokeshü hontse süda le a-zen chwigü kensenbin tegwen ki tso pe jonshvula.
Phinya ge Tüjvü Kekhi
37Npugü le Mosa ka johoshü, 38Israel nyu ka zoshü lo: “Hagun phi teka tejvü khio nikenzi shü külo. Ryükejü gwenkho aphu nyu hagun le hihontse thyüti. 39Hagun no tejvü gü hyu keshü ka a johokeshü aphu rüchün lo, tson-o hagun le akipon ranio hagun kenyü yhüdyü thyütinla mvu nrün genyu. 40Tüjvü dan ge hagun le ale johokeshü aphu then mvulo keshvu hagun no rüchün loti, lo hagun le ahon thyü shü loti. 41Ale Npugü, hagun Sunggigü: Ale hagun Sunggigü thyü titse Ijipt nyu hagun zen chwiryü. Ale Npugü.”
Currently Selected:
TSIPWESWÜ 15: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
TSIPWESWÜ 15
15
Thape Kerüshvu Tejvu
1Npugü le pe Mosa tsüshü 2Israel nyu no a-le pe anyugun tsü titse kebin kazü günyu then nrün tejvu dan. 3Methu tse, tanyü tse, tanyü nmvue tenyü rope kerüshvu thyü pe Npugü ketsü nmvue zoshwishü kenjü thyüpen kethyü kerüshvu nmvue n npvü nkenyü ka kerüshvu nmvue a-zin thyü kehü nga ka kerüshvu, ketyüketsü kerüshvu hidan rün Npugü le a-kenyü. 4-5Ligü higü tanyü nmvue tenyü rope kerüshvu thyü pe Npugü ketsü güle senru nme genyu shye kerüshvu tho kilogram nme pe oliv terzü liter nme kerhün kethyü lo vainzu liter nme tse senryüti. 6Tanyü tse nme pe kerüshvu thyülo oliv terzü liter nmeo peha pe tho kilogram kenyhun kerhün pe ketyüketsü kerüshvu thyülo, 7vain zu liter nmeo peha sin-o. Kerüshvu hidan rün Npugü le a-kenyü. 8Tanyü tse nme pe rope kerüshvu nmvue zoshwishü kenjü kerüshvu nmvue kepvüshe kerüshvu thyüpe Npugü tsülo, 9Shye kerüshvu tho kilogram kenshen pe oliv terzü kilogram kenyhun kerhün pe shülo, 10vainzu liter kenyhun kesin-o. Kerüshvu rün higü Npugü le a-kenyü.
11Tsüle Methu tse, tanyü tse, tanyü nmvue tenyü nme genyu tsü hontse shüti. 12Senru nme nyesin pe rüshvu yatselo kesin pe rüshvu kehü dan ko tsü kendüo chon kenye ti. 13Israel nyu sunnyü nyu ligü higü ketyüketsü pe a-rün kegwa thyüpe Npugü tsü tiya tselo hi thyüti. 14Lo kachün hagun dan nyu bin tin kelanyu nmvue jon keshanyu hagun dan nyu yhun kebin nyue ketyüketsü a-rün kegwa thyüpe Npugü tsü tiya tselo, a-ko tejvü tsü keme tse thyüti. 15Ryükejü gwenkho aphu nyu hagun lo kachün hagun dan nyu yhun kebin nyu ge-e tejvü gü le keme tse bin ti. Npugü mhundyü nyu hagun lo anyugun-e kenme; 16hagun lo anyugun-e tejvü lo thyüzen nrün le kenme.
17Npugü le pe Mosa tsüshü 18Israel nyu no a-le pe anyugun tsüti tse kebin kazü gü nyu then nrün tejvü dan. 19Tsünyu yhun chwikeryü chwü ketyü ka, tsü peha khikho pe Npugü tsüti. 20Hagun le tensü tsen kethyü ka shye keshün pe tensü tsenlo keri gü tsü pe Npugü tsüti. Hagun le shye nyu kelo ka khishü kehü jvü hontse hi khishü ti. 21Ryükejü gwenkho aphu nyu hagun le tensü tsen kelo ka jwe kerüche higü pe Npugü tsülati.
22Peha le shamvuo Npugü le pe Mosa tsü keshü tejvü dan peha zenmvu la. 23Lo siki temi dan le Npugü le joho pe Mosa ketsü lihie thyümvu la. 24Temi dan le shakemvu genyu thyüzü layatselo, anyugun le methu tse nme pe shye lo vainzu tse pe Npugü le a-rün a-kenyü kehü rope kerüshvu thyüti. Tsünyeki kemugenyu tenyü tse nme pe kerüshvu thyüti. 25Püshükeda gü le temi dan genyu rora thyü lao anyugun kemu jüpe tsüti, anyugun le shamvuo thyüzü la lo anyu kemu genyu ketyüketsü kerüshvu senryü Npugü tsüti. 26Israel nyu apentha lo kachün anyu dan nyu yhun kebin nyu aphu kemu jüpe tsüti, anyugun aphu shamvuo thyüzü kela genyu. 27Temi nme le shamvuo mu lalo a-le a-kemu genyu tenyü lü chenme nyu hoshü ti. 28Püshükeda gü le kershvubin ge temi gü kemu thyükenshün kethyü rora thyü lao a-kemu jü pe tsüti. 29Israel nyu sunnyü nyue lo kachün metse shamvuo thyüzü kela nyu aphu tejvu higü le kenme ti.
30Ai Sunnyü nyue lo kachün metse ronchvü tse mu kela gü we, a-le Npugü nshwe laso, tsügenyu a-dushvu lati, 31a-le ronchvü tse Npugü jo nyümvuo a-johokeshü borho kela genyu. A-le sikela tsü le a-npvü a-ge.
Sabbath Borho Kela
32Israel nyu le tehenyhunkemvu nyu kehü ka gwengwa temi nme le Sabbath jon nyu senlü bin-o hyulo. 33A-zen-o Mosa, Aaron lo temi apentha mhundyü nyu ryü, 34a-lope nyuthyü mvulo shvuyo sha petsü kemvu genyu me no a-khwe bin. 35Tsontsin Npugü le Mosa ka zoshü, “Temi gü boshvu la mvuloshvu; kensenbin tegwenki süda no tso pe jonshvu lati.” 36Tson-o Npugü le johokeshü hontse süda le a-zen chwigü kensenbin tegwen ki tso pe jonshvula.
Phinya ge Tüjvü Kekhi
37Npugü le Mosa ka johoshü, 38Israel nyu ka zoshü lo: “Hagun phi teka tejvü khio nikenzi shü külo. Ryükejü gwenkho aphu nyu hagun le hihontse thyüti. 39Hagun no tejvü gü hyu keshü ka a johokeshü aphu rüchün lo, tson-o hagun le akipon ranio hagun kenyü yhüdyü thyütinla mvu nrün genyu. 40Tüjvü dan ge hagun le ale johokeshü aphu then mvulo keshvu hagun no rüchün loti, lo hagun le ahon thyü shü loti. 41Ale Npugü, hagun Sunggigü: Ale hagun Sunggigü thyü titse Ijipt nyu hagun zen chwiryü. Ale Npugü.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.