NAHUM 1
1
1Hile Nineve genyu jolo, Nahum Elkosh temi gü le a-tsemi ki kehyu.
Npugü le A-nyunkenta pe Nineve Ntsun Kethyü
2Npugü le me ntsun kehü nyu nyhen lo hümvu;
a-le a-nren kehünyu shaja pe tsühü.
A-le a-nyunta-o tsüdan ka khün loni hü.
3Npugü le a-nyunta whütsela hümvu,
ai a-le kvusao thyüzü kela nyu no shaja
hyumvu tse güla hümvu.
Npugü le dikipon tsonchü yo,
tsünyu tsangkenbu-terhi le ryü hü;
A-tsonkechü ka kemphü le khelukesü
thyü chwiryü lahü!
4A-le zida ka johoshü lo, tsüle sinla hü!
A-le züri no sinla hü.
Bashan lojvü le rügula,
Karmel kazüthun le nmhola,
lo Lebanon ka nyekepun dan le pun rinla.
5Kazüthun dan le Npugü khoka kola;
rincho dan le a-mhundyü ka zun lahü
Npugü le keryü ka kazü le nnun hü:
kazü lo a-temi aphu ndün hü.
6A-le a-nyunta lolo segü le rhün lomon?
Segü le a-nyunkenthün ketetsin kethyü nyu rhün lomon?
A-le a-nyunkenthün mah hontse jashü hü:
tso dan le a-mhundyü ka ko pe kemphü thyü lahü.
7Npugü le gwa:
A-le kenjün kethyü gwenkho ka
a-temi dan ntsen lohü;
A-ki rani keryünyu a-le tsünyu nucha lohü.
8Zü datsü keryü hontse a-le a-shwikerüchün
nyu nke shü lahü;
a-le a-ntsun kehünyu nipe kesinyu shü lahü.
9Nle nyu tedo rhipe Npugü ntsun bin la?
A-le n-nke kelai le.
Temi nme gwengwa nyesin a-ntsun hümvu
10Tsehü rhükequen kenjü lo npen kesin hontse
nle rolati!
Hagun kenzeü nyu dan rolati!
11Nineve, ngen temi nme le teda gwakemvu no süpvü chwiryü, a-le teda rhipe Npugü ntsun hü. 12Hile Npugü le a-temi Israel dan ka zobin: “Assiria nyu le kvu lo chonsa bin-e anyugun nke la lo ndi lati. A temi dan ale hagun no kenjün thyüla, ai ale tsü thyüni mvuso. 13Ntsoka we ale hagun gen Assiria nyu kekvu boshwen lo a-ron hagun phin pvükehü gü tsü duthü latiso.”
14Higü hile Npugü le Assiria nyu genyu johokeshü: “Anyugun zen sen hülo kegwa senye nme-e ndi lati. Ale anyugun teromen kershvuka dan ka teromen dan nke lati. Ale Assiria nyu misun bin nda bin laso-- anyugun le yhunlo kükemvu genyu!”
15Nrishüta, jolonyu nmele jolo kegwa sen-o kazüthun gen ryüjü! A-le kvukelo pe sen shü nrün genyu hü laso! Juda temi dan, keho thyü shekerhün thyülo lo hagun le pe Sunggigü tsü titse keswe keda thyü kenjü tsü pe a-tsülo. Gwakemvu nyu le hagun kazü hüni loho. Anyugun nkeshü laso!
Currently Selected:
NAHUM 1: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
NAHUM 1
1
1Hile Nineve genyu jolo, Nahum Elkosh temi gü le a-tsemi ki kehyu.
Npugü le A-nyunkenta pe Nineve Ntsun Kethyü
2Npugü le me ntsun kehü nyu nyhen lo hümvu;
a-le a-nren kehünyu shaja pe tsühü.
A-le a-nyunta-o tsüdan ka khün loni hü.
3Npugü le a-nyunta whütsela hümvu,
ai a-le kvusao thyüzü kela nyu no shaja
hyumvu tse güla hümvu.
Npugü le dikipon tsonchü yo,
tsünyu tsangkenbu-terhi le ryü hü;
A-tsonkechü ka kemphü le khelukesü
thyü chwiryü lahü!
4A-le zida ka johoshü lo, tsüle sinla hü!
A-le züri no sinla hü.
Bashan lojvü le rügula,
Karmel kazüthun le nmhola,
lo Lebanon ka nyekepun dan le pun rinla.
5Kazüthun dan le Npugü khoka kola;
rincho dan le a-mhundyü ka zun lahü
Npugü le keryü ka kazü le nnun hü:
kazü lo a-temi aphu ndün hü.
6A-le a-nyunta lolo segü le rhün lomon?
Segü le a-nyunkenthün ketetsin kethyü nyu rhün lomon?
A-le a-nyunkenthün mah hontse jashü hü:
tso dan le a-mhundyü ka ko pe kemphü thyü lahü.
7Npugü le gwa:
A-le kenjün kethyü gwenkho ka
a-temi dan ntsen lohü;
A-ki rani keryünyu a-le tsünyu nucha lohü.
8Zü datsü keryü hontse a-le a-shwikerüchün
nyu nke shü lahü;
a-le a-ntsun kehünyu nipe kesinyu shü lahü.
9Nle nyu tedo rhipe Npugü ntsun bin la?
A-le n-nke kelai le.
Temi nme gwengwa nyesin a-ntsun hümvu
10Tsehü rhükequen kenjü lo npen kesin hontse
nle rolati!
Hagun kenzeü nyu dan rolati!
11Nineve, ngen temi nme le teda gwakemvu no süpvü chwiryü, a-le teda rhipe Npugü ntsun hü. 12Hile Npugü le a-temi Israel dan ka zobin: “Assiria nyu le kvu lo chonsa bin-e anyugun nke la lo ndi lati. A temi dan ale hagun no kenjün thyüla, ai ale tsü thyüni mvuso. 13Ntsoka we ale hagun gen Assiria nyu kekvu boshwen lo a-ron hagun phin pvükehü gü tsü duthü latiso.”
14Higü hile Npugü le Assiria nyu genyu johokeshü: “Anyugun zen sen hülo kegwa senye nme-e ndi lati. Ale anyugun teromen kershvuka dan ka teromen dan nke lati. Ale Assiria nyu misun bin nda bin laso-- anyugun le yhunlo kükemvu genyu!”
15Nrishüta, jolonyu nmele jolo kegwa sen-o kazüthun gen ryüjü! A-le kvukelo pe sen shü nrün genyu hü laso! Juda temi dan, keho thyü shekerhün thyülo lo hagun le pe Sunggigü tsü titse keswe keda thyü kenjü tsü pe a-tsülo. Gwakemvu nyu le hagun kazü hüni loho. Anyugun nkeshü laso!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.