MIKAH 2
2
Kendinyu Kenshwe Tho
1Gwakemvu rhio chonbin kehü nyu genyu ditsü lakhi kenshvu le bin tiyo! Lonyü thyülolo, anyugun le gwenkho kegwa hyulo ntsin anyugun le rhikelo gwakemvu tsü thyühü. 2Anyugun le low lonyü lo nkhenlo; ka lonyü lo zolo. Kakhwün nmvue kenya genyu nnyunkebwe ndiso.
3Tsügenyu Npugü le zo, “Ale whütse kenke zenryüo hagun gen shü, tsonlo hagun le tsü nrhilo mvu lati. Hagun le kenke nyu kebin hyu loti, tsüsiki hagun le kemakin-o tsonchüsinlo mvu lati. 4Tsü gwenkho le ryülo, temidan le hagun rüla zope whütse kenke tsinhi thyü, lo hagun sishakelo lü higü ronti:
Agun le nkeshü laso!
Npugü le agun kazü sentin la
Lo tsü lope agun tenzen-o
dothyü tinkelanyu tsüla.”
5Tsügenyu, Npugü le kazü khinipe a-temidan tsü nrün gwenkho le keryü ka hagun nme-e a-jün hyulo mvu lati.
6Temidan le asenthyüo aka, “Agun senthyü nyalo. Sunggigü le kejokepvü khipe agun tsütitse bin kemvu nti pe senthyü nya. 7N wele Israel temi le keswekesü nyu binla seletse rüchün ole? Npugü le nyhenhi kethyü ndila sele? A-le ketsin thyü tson ti ole? A-le kenjütho thyükehünyu ka a-jo bwen hü mvu le?”
8Npugü le zoni, “Hagun le shwikerüchün nyu hontse atemi when. Temidan le teri nyu ranio, ka nyu nyunkhinkemvu ndi seletse rüchün hü, ai hagun le anyugun siki phinya khilo ti tse ndabin hü. 9hagun le atemi tenu nyu dan, hüpe anyugun kesonyu ka nkenla lo hagun le tsüdan nyenyu kethonthen bin nrün ajochü dan rühu lahü. 10So-o gülo; hinyu nyunkhinkemvu ndiso. Hagun kemu le bin higü no nkela mvulo keshvu thyü laso. 11“Temi hidan hile kenku lo mekesa nti sen-o hihontse zokehü sidyükeshanyu lonyü bin nyo: ‘Zu lo kenzeütsü hagun genyu kesü thyü titse sidyü zobin nyo.’
12“Ai ale hagun Israel temi khe kela dan aphu kequen loti. Tanyüdan le a-bin nyu rani gü kejü hontse ale hagun zenryüo kequen loti. Tanyüchvu kelobin nyu tanyü le kesü thyü kebin hontse hagun kazü le temi kechon no süni loti.”
13Sunggigü le anyugun tson khinshe shüo me kazü nyu anyugun zenni chwiryüti. Anyugun le nyida khinrundan borholao chwi lati. Npugü, anyugun rajagü le a-npvü anyugun zen-o chwiryüti.
Currently Selected:
MIKAH 2: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
MIKAH 2
2
Kendinyu Kenshwe Tho
1Gwakemvu rhio chonbin kehü nyu genyu ditsü lakhi kenshvu le bin tiyo! Lonyü thyülolo, anyugun le gwenkho kegwa hyulo ntsin anyugun le rhikelo gwakemvu tsü thyühü. 2Anyugun le low lonyü lo nkhenlo; ka lonyü lo zolo. Kakhwün nmvue kenya genyu nnyunkebwe ndiso.
3Tsügenyu Npugü le zo, “Ale whütse kenke zenryüo hagun gen shü, tsonlo hagun le tsü nrhilo mvu lati. Hagun le kenke nyu kebin hyu loti, tsüsiki hagun le kemakin-o tsonchüsinlo mvu lati. 4Tsü gwenkho le ryülo, temidan le hagun rüla zope whütse kenke tsinhi thyü, lo hagun sishakelo lü higü ronti:
Agun le nkeshü laso!
Npugü le agun kazü sentin la
Lo tsü lope agun tenzen-o
dothyü tinkelanyu tsüla.”
5Tsügenyu, Npugü le kazü khinipe a-temidan tsü nrün gwenkho le keryü ka hagun nme-e a-jün hyulo mvu lati.
6Temidan le asenthyüo aka, “Agun senthyü nyalo. Sunggigü le kejokepvü khipe agun tsütitse bin kemvu nti pe senthyü nya. 7N wele Israel temi le keswekesü nyu binla seletse rüchün ole? Npugü le nyhenhi kethyü ndila sele? A-le ketsin thyü tson ti ole? A-le kenjütho thyükehünyu ka a-jo bwen hü mvu le?”
8Npugü le zoni, “Hagun le shwikerüchün nyu hontse atemi when. Temidan le teri nyu ranio, ka nyu nyunkhinkemvu ndi seletse rüchün hü, ai hagun le anyugun siki phinya khilo ti tse ndabin hü. 9hagun le atemi tenu nyu dan, hüpe anyugun kesonyu ka nkenla lo hagun le tsüdan nyenyu kethonthen bin nrün ajochü dan rühu lahü. 10So-o gülo; hinyu nyunkhinkemvu ndiso. Hagun kemu le bin higü no nkela mvulo keshvu thyü laso. 11“Temi hidan hile kenku lo mekesa nti sen-o hihontse zokehü sidyükeshanyu lonyü bin nyo: ‘Zu lo kenzeütsü hagun genyu kesü thyü titse sidyü zobin nyo.’
12“Ai ale hagun Israel temi khe kela dan aphu kequen loti. Tanyüdan le a-bin nyu rani gü kejü hontse ale hagun zenryüo kequen loti. Tanyüchvu kelobin nyu tanyü le kesü thyü kebin hontse hagun kazü le temi kechon no süni loti.”
13Sunggigü le anyugun tson khinshe shüo me kazü nyu anyugun zenni chwiryüti. Anyugun le nyida khinrundan borholao chwi lati. Npugü, anyugun rajagü le a-npvü anyugun zen-o chwiryüti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.