LEVINYU 8
8
Aaron Lo A-nyudan Khikhokecha Thyükelo
(Chw 29:1-37)
1Npugü le Mosa ka zoshü. 2“Aaron lo a-nyu dan zen ale kehü phika gü khenpvü ka ryü, lo Püshükeda phi, yün kehü terzü, kemu ro kethyü genyu methu tsebwe, tenyü tse kenyhun lo kebu no shükemvu tensü rokhu gü tse senryülo. 3Tson-o temi apentha ko kequen pe tsüka shülo.”
4Npugü le johokeshü hontse Mosa le temi dan kokequen pe kehun lo, 5tson-o a-le anyugun ka, “Ale ntsoka thyü titse kebin hile Npugü le thyülo tse johokeshü le.”
6Mosa le Aaron lo a-nyudan zen me mhundyü chwiryüo anyugun no zülu lalotse zoshü. 7Lo a-le bola lo mirün pe Aaron nben shü lo a-rhe gü pe a-senkhin shü. A-le Püshükeda phi pe a-ge shüo do pe gwasa kethyü senkephin pe a-senphin shü. 8A-le shüntyü gü pe a-ge shü, lo tsüge Urim lo Thummin pe shü. 9A-le peju khipe a-pe ge shü lo tsü mhundyü zin khikhokelo kenshün zansü suna pe kethyü tsü peshü, Npugü le a-ka zokeshü hontse.
10Tson-o Mosa le yün kehü terzü khipe Npugü kehü phika gü lo tsünyu kebin kanyü dan aphu yün-o thyükenshün pe Npugü tsüla. 11A-le terzü peha khilo-o gwentsenyü kezen pe kershvubin, lo tsü kanyü, khunda lo tsü kedunbin dan thyü kenshün pe Npugü tsüshü. 12A-le yün kehü terzü jape Aaron pe ge shüo a-khikho lo. 13Tsüsika Mosa le Aaron nyenyu zenryüo a-nyugun bola pe nbenshü, a-rhe pe anyugun sen khinshü, lo perün pe npvü shü, Npugü le zokeshü hontse.
14Tson-o Mosa le kemu rokethyü methu tsebwe gü zenryüo Aaron lo anyu dan no benshwe pe a-pe ge shü. 15Mosa le tsü dushvu lo-o a-zi peha khi lo-o a-zenkero pe kershvubin gü to dan geshüo tsü thyü nshün lo. Lo a-sen jape kershvubin kedunbin pha ka shüla. Hihontse-o a-le tsü khikholo-o thyü kenshün lo. 16Mosa le thyü gü rikerho, a-sen kegwatsin, a-kisha lo tsüge a-keshvu aphu pe kershvubin gü ge rola. 17Lo Npugü le johokeshü hontse a-le methu tse gü thyü nsen kebin, a-gi, a-tsi, lo a-ri tse pe kensenbin gü tegwen ki rola.
18Tsüsika, Mosa le rope kerüshvu genyu tanyü tse gü zen ryü, tson-o Aaron lo anyudan le benshwe pe tsügü pe ge shü. 19Mosa le tsü dushvu lo-o a-zi pe kershvubin lizihizin shü. 20-21Lo Npugü le johokeshü hontse a-le tanyü tsegü duthürü lo, lo zü pe a-ri lo a-pha süla, tson-o tanyü tse gü a-pe, a-keshvu lo a-sen aphu pe kershvubin ge rola. Rope kerüshvu hile ketyüketsü pe kerüshvu, lo tharün hi Npugü le a-kenyü.
22Lo Mosa le tanyü tse kenyhun gü pe püshükedanyu khikho kelo thyü nrün genyu zenryü, tson-o Aaron lo anyudan le ben shwe pe a-pe ge shü. 23Mosa le tsü dushvu lo-o a-zi pe Aaron nyüchwe nzhüzin, a-ben zentsü nzhüzin, lo a-pha zentsü nzhüzin tse yünshü. 24Tson-o a-le Aaron nyudan zenryüo tezi pe anyugun nyüchwe nzhüzin, a-ben zentsü nzhüzin lo a-pha zentsü nzhüzin yünshü. Tsonshüo Mosa le tezi a-sen tsü shwe pe kershvubin tekho lizin hizin aphu ka shüla. 25Lo a-le a-keshvu a-ma ge kebin lo a-rikerho aphu, a-sen kegwatsin, a-kisha lo tsügekebin keshvu lo a-pha nzhüzin tse khilo. 26Tson-o a-le khikho pe Npugü tsü kela kebu no shükemvu tensü rokhu günyu tensü nme, terzü no keshü tensü nme lo tensü kerüpvü nme tse khipe thyü keshvu lo thyüpha gü soge shülo. 27A-le ketyüketsü hi aphu pe Aaron lo anyudan bennyu shüo anyugun no jwe kerüche hi pe Npugü tsüshü. 28Tson-o Mosa le anyugun ben ka tsü khilo njüo pe khikhokelo hontse tsü pe kershvubin ge rope kerüshvu so ge roshü. Hile ketyüketsü kerüshvu lo hirün Npugü le a-kenyü. 29Mosa le a-nyü gü khilo-o jwe kerüche thyüpe Npugü tsüshü. Tsüle Khikhokelo tanyü tse Mosa jün. Npugü le johokeshü hontse Mosa le tha aphu thyü külo.
30Mosa le yün kehü terzü peha lo kershvubin ge tezi peha tse khilo njüo kezen pe Aaron lo anyudan lo anyugun phinya gwünshü. Hihontse a-le Aaron lo anyudan lo anyugun phinya thyü kenshün pe Npugü tsüshü.
31Mosa le Aaron lo anyudan ka zoshü, “Npugü le johokeshü hontse thyü gü sen gü Npugü kehü phika khenpvü ka nilo-o khikhokelo kerüshvu rokhu nyu tensü gü sin-o tsü ka tyülo. 32Thyü lo tensü-e nsen kela tsü pe rola. 33Hagun le hagun khikhokelo jvu penla kemvuthen jon tsenyü phika khenpvü gü nken tin loho. 34Hagun kemu sentinla nrün genyu Npugü le ngun le nthu nyuthyü layo tsü thyülo tse johoshü le. 35Hagun le phika gü khenpvü ka nhenyu lo khejenyue jontsenyü bin-o Npugü le nyuthyü lotse johoshü yo tsü thyüti. Hagun le tsomvu yatselo si lati. Npugü le aka johigü zoshü le.” 36Tsügenyu Aaron lo anyudan le Npugü le Mosa ka johokeshü aphu thyülo.
Currently Selected:
LEVINYU 8: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LEVINYU 8
8
Aaron Lo A-nyudan Khikhokecha Thyükelo
(Chw 29:1-37)
1Npugü le Mosa ka zoshü. 2“Aaron lo a-nyu dan zen ale kehü phika gü khenpvü ka ryü, lo Püshükeda phi, yün kehü terzü, kemu ro kethyü genyu methu tsebwe, tenyü tse kenyhun lo kebu no shükemvu tensü rokhu gü tse senryülo. 3Tson-o temi apentha ko kequen pe tsüka shülo.”
4Npugü le johokeshü hontse Mosa le temi dan kokequen pe kehun lo, 5tson-o a-le anyugun ka, “Ale ntsoka thyü titse kebin hile Npugü le thyülo tse johokeshü le.”
6Mosa le Aaron lo a-nyudan zen me mhundyü chwiryüo anyugun no zülu lalotse zoshü. 7Lo a-le bola lo mirün pe Aaron nben shü lo a-rhe gü pe a-senkhin shü. A-le Püshükeda phi pe a-ge shüo do pe gwasa kethyü senkephin pe a-senphin shü. 8A-le shüntyü gü pe a-ge shü, lo tsüge Urim lo Thummin pe shü. 9A-le peju khipe a-pe ge shü lo tsü mhundyü zin khikhokelo kenshün zansü suna pe kethyü tsü peshü, Npugü le a-ka zokeshü hontse.
10Tson-o Mosa le yün kehü terzü khipe Npugü kehü phika gü lo tsünyu kebin kanyü dan aphu yün-o thyükenshün pe Npugü tsüla. 11A-le terzü peha khilo-o gwentsenyü kezen pe kershvubin, lo tsü kanyü, khunda lo tsü kedunbin dan thyü kenshün pe Npugü tsüshü. 12A-le yün kehü terzü jape Aaron pe ge shüo a-khikho lo. 13Tsüsika Mosa le Aaron nyenyu zenryüo a-nyugun bola pe nbenshü, a-rhe pe anyugun sen khinshü, lo perün pe npvü shü, Npugü le zokeshü hontse.
14Tson-o Mosa le kemu rokethyü methu tsebwe gü zenryüo Aaron lo anyu dan no benshwe pe a-pe ge shü. 15Mosa le tsü dushvu lo-o a-zi peha khi lo-o a-zenkero pe kershvubin gü to dan geshüo tsü thyü nshün lo. Lo a-sen jape kershvubin kedunbin pha ka shüla. Hihontse-o a-le tsü khikholo-o thyü kenshün lo. 16Mosa le thyü gü rikerho, a-sen kegwatsin, a-kisha lo tsüge a-keshvu aphu pe kershvubin gü ge rola. 17Lo Npugü le johokeshü hontse a-le methu tse gü thyü nsen kebin, a-gi, a-tsi, lo a-ri tse pe kensenbin gü tegwen ki rola.
18Tsüsika, Mosa le rope kerüshvu genyu tanyü tse gü zen ryü, tson-o Aaron lo anyudan le benshwe pe tsügü pe ge shü. 19Mosa le tsü dushvu lo-o a-zi pe kershvubin lizihizin shü. 20-21Lo Npugü le johokeshü hontse a-le tanyü tsegü duthürü lo, lo zü pe a-ri lo a-pha süla, tson-o tanyü tse gü a-pe, a-keshvu lo a-sen aphu pe kershvubin ge rola. Rope kerüshvu hile ketyüketsü pe kerüshvu, lo tharün hi Npugü le a-kenyü.
22Lo Mosa le tanyü tse kenyhun gü pe püshükedanyu khikho kelo thyü nrün genyu zenryü, tson-o Aaron lo anyudan le ben shwe pe a-pe ge shü. 23Mosa le tsü dushvu lo-o a-zi pe Aaron nyüchwe nzhüzin, a-ben zentsü nzhüzin, lo a-pha zentsü nzhüzin tse yünshü. 24Tson-o a-le Aaron nyudan zenryüo tezi pe anyugun nyüchwe nzhüzin, a-ben zentsü nzhüzin lo a-pha zentsü nzhüzin yünshü. Tsonshüo Mosa le tezi a-sen tsü shwe pe kershvubin tekho lizin hizin aphu ka shüla. 25Lo a-le a-keshvu a-ma ge kebin lo a-rikerho aphu, a-sen kegwatsin, a-kisha lo tsügekebin keshvu lo a-pha nzhüzin tse khilo. 26Tson-o a-le khikho pe Npugü tsü kela kebu no shükemvu tensü rokhu günyu tensü nme, terzü no keshü tensü nme lo tensü kerüpvü nme tse khipe thyü keshvu lo thyüpha gü soge shülo. 27A-le ketyüketsü hi aphu pe Aaron lo anyudan bennyu shüo anyugun no jwe kerüche hi pe Npugü tsüshü. 28Tson-o Mosa le anyugun ben ka tsü khilo njüo pe khikhokelo hontse tsü pe kershvubin ge rope kerüshvu so ge roshü. Hile ketyüketsü kerüshvu lo hirün Npugü le a-kenyü. 29Mosa le a-nyü gü khilo-o jwe kerüche thyüpe Npugü tsüshü. Tsüle Khikhokelo tanyü tse Mosa jün. Npugü le johokeshü hontse Mosa le tha aphu thyü külo.
30Mosa le yün kehü terzü peha lo kershvubin ge tezi peha tse khilo njüo kezen pe Aaron lo anyudan lo anyugun phinya gwünshü. Hihontse a-le Aaron lo anyudan lo anyugun phinya thyü kenshün pe Npugü tsüshü.
31Mosa le Aaron lo anyudan ka zoshü, “Npugü le johokeshü hontse thyü gü sen gü Npugü kehü phika khenpvü ka nilo-o khikhokelo kerüshvu rokhu nyu tensü gü sin-o tsü ka tyülo. 32Thyü lo tensü-e nsen kela tsü pe rola. 33Hagun le hagun khikhokelo jvu penla kemvuthen jon tsenyü phika khenpvü gü nken tin loho. 34Hagun kemu sentinla nrün genyu Npugü le ngun le nthu nyuthyü layo tsü thyülo tse johoshü le. 35Hagun le phika gü khenpvü ka nhenyu lo khejenyue jontsenyü bin-o Npugü le nyuthyü lotse johoshü yo tsü thyüti. Hagun le tsomvu yatselo si lati. Npugü le aka johigü zoshü le.” 36Tsügenyu Aaron lo anyudan le Npugü le Mosa ka johokeshü aphu thyülo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.