LEVINYU 21
21
Püshükedanyu Kenshün
1Npugü le Mosa no Aaron nyenyu dan ka, “Püshükeda nyu nme-e a-shvunye nyu kesi ka güo a-thyü nrhu la nyalo tse zoshü lotse johoshü, 2tsüle a-jvu, a-pvü, a-nyu peche nmvue tenu, a-tsasikezen 3nmvue a-lügi kalu mvuzun-o a-kanyu kebin nyu kemvu we. 4Tenu kelo ka a-nye thyükelo nyu kesi ka güo anpfü a nrhu lanya.
5“Püshükeda nyu nme no a-pe thu, nmvue a-münhü tse nmvue a-thyü rüthüo a-nyugwamvu kebin pe mehi loho. 6A-le nshün mvuloshvu lo a-zan nrhunya. A-le ketyüketsü pe a rüshvu hü tsügenyu nshün mvulo shvu. 7Püshükedanyu nme le tenunyu keyülachün ketyünyu nmvue phousen kemvu nmvue a-nyepfü le khekela nyu lo loho; a-le nshün. 8Temi no püshükeda gü le nshün tse rüchün mvuloshvu, a-le ketyüketsü pe arüshvu kehü genyu. Ale Npugü, ale nshün lo ale atemi thyü kenshün shühü. 9Püshükeda nyu nyugi nme le keyülachüntyü yatselo, tsügi le a-pvü nshwe laso; mah pe a-roshvu lati.
10“Püshükengun gü terzü jape a-pe ge shüo thyükenshün pe no püshükeda phinya sen hü, tsügenyu a-le chükebin zansü a-pe whenmvu nmvue a-phi sürhepfü loho. 11-12A-khikho keshün kecha thyüpe atsü laso, lo a-npfü a-pvü nmvue a-jvu yatse-e kesi le kebin kakhwün nyu yüo a-npfü a-nrhu nmvue a kenshün phika gü khe lao tsü nrhu lo nrün ndi. 13A-le lünyu phousen loti, 14Maginyu, nmvue mele lo-o khekela nmvue keyüla chün ketyü nyu lo loho. A-npfü a-temi dan nyu phousen nyu loti. 15Kemvu we anyenyu nshün mvulo keshvui dan le nshün mvu lati. Ale Npugü, ale a-khikho pe Püshükengun gü thyü laso.”
16Npugü le Mosa ka zoshü 17Aaron ka zoshü lotse, “Ntsipwen a-keyhun kephukemvu nme no ketyüketsü senryü arüshvu nya. Ryükejü gwenkho aphu nyu hihontse ti. 18A-keyhun kephukemvu nmeno tha senryü arüshvu nya: a-yhükepo, phayho, a-hinkon kenren nmvue a-zojagwakemvu: 19a-pha nmvue a-ben gwakemvu: 20a-sen ketse nmvue kuzükemvu; a-yhütyü keteshe nmvue kenkhünyu; lo a-züshe boshwe kelanyu. 21Aaron tsipwen a-keyhun kephu kemvu nme no ketyüketsü senryü arüshvu nya. 22Tsühontse kethyü nyule ketyüketsü pe akerüshvu kenshün lo kenshüntsin hon dan tyü logwa; 23ai a-le keyhun kephu kemvu genyu phi süden kenjü kenshün gü lo kershvubin gü kho nni ryü loho. A-no kenshün hon dan nrhu la nya, ale Npugü a-nyugun thyü kenshün shü kehü gü genyu.”
24Tson-o Mosa le hi pe Aaron, Aaron nyudan lo Israel nyu aphu ka zoshü.
Currently Selected:
LEVINYU 21: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LEVINYU 21
21
Püshükedanyu Kenshün
1Npugü le Mosa no Aaron nyenyu dan ka, “Püshükeda nyu nme-e a-shvunye nyu kesi ka güo a-thyü nrhu la nyalo tse zoshü lotse johoshü, 2tsüle a-jvu, a-pvü, a-nyu peche nmvue tenu, a-tsasikezen 3nmvue a-lügi kalu mvuzun-o a-kanyu kebin nyu kemvu we. 4Tenu kelo ka a-nye thyükelo nyu kesi ka güo anpfü a nrhu lanya.
5“Püshükeda nyu nme no a-pe thu, nmvue a-münhü tse nmvue a-thyü rüthüo a-nyugwamvu kebin pe mehi loho. 6A-le nshün mvuloshvu lo a-zan nrhunya. A-le ketyüketsü pe a rüshvu hü tsügenyu nshün mvulo shvu. 7Püshükedanyu nme le tenunyu keyülachün ketyünyu nmvue phousen kemvu nmvue a-nyepfü le khekela nyu lo loho; a-le nshün. 8Temi no püshükeda gü le nshün tse rüchün mvuloshvu, a-le ketyüketsü pe arüshvu kehü genyu. Ale Npugü, ale nshün lo ale atemi thyü kenshün shühü. 9Püshükeda nyu nyugi nme le keyülachüntyü yatselo, tsügi le a-pvü nshwe laso; mah pe a-roshvu lati.
10“Püshükengun gü terzü jape a-pe ge shüo thyükenshün pe no püshükeda phinya sen hü, tsügenyu a-le chükebin zansü a-pe whenmvu nmvue a-phi sürhepfü loho. 11-12A-khikho keshün kecha thyüpe atsü laso, lo a-npfü a-pvü nmvue a-jvu yatse-e kesi le kebin kakhwün nyu yüo a-npfü a-nrhu nmvue a kenshün phika gü khe lao tsü nrhu lo nrün ndi. 13A-le lünyu phousen loti, 14Maginyu, nmvue mele lo-o khekela nmvue keyüla chün ketyü nyu lo loho. A-npfü a-temi dan nyu phousen nyu loti. 15Kemvu we anyenyu nshün mvulo keshvui dan le nshün mvu lati. Ale Npugü, ale a-khikho pe Püshükengun gü thyü laso.”
16Npugü le Mosa ka zoshü 17Aaron ka zoshü lotse, “Ntsipwen a-keyhun kephukemvu nme no ketyüketsü senryü arüshvu nya. Ryükejü gwenkho aphu nyu hihontse ti. 18A-keyhun kephukemvu nmeno tha senryü arüshvu nya: a-yhükepo, phayho, a-hinkon kenren nmvue a-zojagwakemvu: 19a-pha nmvue a-ben gwakemvu: 20a-sen ketse nmvue kuzükemvu; a-yhütyü keteshe nmvue kenkhünyu; lo a-züshe boshwe kelanyu. 21Aaron tsipwen a-keyhun kephu kemvu nme no ketyüketsü senryü arüshvu nya. 22Tsühontse kethyü nyule ketyüketsü pe akerüshvu kenshün lo kenshüntsin hon dan tyü logwa; 23ai a-le keyhun kephu kemvu genyu phi süden kenjü kenshün gü lo kershvubin gü kho nni ryü loho. A-no kenshün hon dan nrhu la nya, ale Npugü a-nyugun thyü kenshün shü kehü gü genyu.”
24Tson-o Mosa le hi pe Aaron, Aaron nyudan lo Israel nyu aphu ka zoshü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.