LEVINYU 11
11
Nyukhu Tyülo Kegwadan
(Tej 14:3-12)
1Npugü le tejvu hidan pe Mosa lo Aaron au tsüshü 2Israel nyu genyu. Hagun le kazü nyu kehü nyukhu lihie tyülogwa, 3a-tsen ko lo a-chvü nshen kehü dan, 4-6ai ut, zushün nmvue hiphenthyü tyünya. Anyugun le anyu chvü nshen hü ai a-tsen ko kemvu genyu nshün mvu. 7Tebathyü tyünya. Teba le a-tsen ko ai a-chvü nshen kemvu genyu nshün mvu. 8Nyukhu hidan tyünya nmvue anyugun kesi kesünya, tsüle nshünmvu.
9Tsehü a-thun lo a-kü kepfü lihie tyü logwa, 10ai zünyu kehü lihie a-thun lo a-kü kendi dan tyü nya. 11Zü khinyu tsüdan le nshünmvu. Hagun le tsüdan tyü nmvue a-kesi-e kesü nya. 12A-thun lo a-kü ndio zünyu yhun kehü lihie tyünya. 13-19Hagun le tegü hidan hi nme tyünya: logi, pvüterün, khinsu, münhvu, khüno, güda, tegvü, Ostrich, zügü, zügü münkethon, zügü pha thon, pelikan, zügü kemetse, hoopoe nmvue senphon.
20Nyukhu keshen a-sekin kebin aphu nshün mvu, 21nchwe kehü dan ame. 22Hagun le tsekhvu, ntsun nmvue khvuzentsü hidan hi tyü logwa. 23Ai a-sekin kepfü nyukhu keshen lo nyon kehü dan le nshün mvu.
24-28Ligü higü nyukhu hidan kesi kesü kela nyu le nshün mvu bin-o ngwün gü titi: A-tsen kepfü aphu, a-tsen ko lo achvü nshen kemvudan, a-benjwi kebin nyukhu phazi kepfü dan aphu. Lihigü tsüdan kesi min pfü kethyü nyule a-phinya thula mvulo shvu, tson lae nshün mvu bin-o ngwün gü titi.
29-30U, tepfü, nren lo nfü hidan hile nshünmvu. 31Ligü higü tsüdan kerhün nmvue tsüdan kesi kesü kethyü güle nshün mvu bin-o ngwün gü titi. 32Lo anyugun kesi le che-o kesü keshü tsüle nshün mvu. Hile tesen, phi, thyügi, jola nmvue senkehü kanyü lihie. Tsüpe zünyu ntsen lae ngwün gü ti kemvuthen nshün mvubin ti. 33Lo tsüle cheo nnyonla nyu yüla yatselo, tsünyu kebin aphu nshünmvu lati lo hagun le la tsü borenla mvulo shvu. 34Tyülo kegwa chvü lihi le bin-e la tsühontse kethyü ka zü jape shü lalo, nshün mvu laso lo tsü hontse kethyü ka tsülo kegwa zü aphu nshün mvu laso. 35Tsü dan kesi min le lihi so ge chetsüe tsüle nshünmvu laso; 36makhin nmvue maphoun-e boren lati, 36 ai zü kepenbin nmvue zülvu we nshün bin ti, anyugun kesi min le thakecha kesü keshü aphunshünmvu laya tse. 37Tsüdan le cheo ntsi shütitse kebin soge tsü lae ntsi güle nshün bin ti. 38Ai ntsi gü pe zünyu ntsen kenjü soge chetsü laya tselo ntsi güle nshün mvu laso.
39Tyülo kegwa nyukhu lihie silalo, tsü kesü keshü güle nshünmvu bin-o ngwün gü titi. 40Lo ligü higü nyukhu gü thyü tyü lo kesi min pfü yatselo a-phi thu lamvu loshvu, tsonla yatse-e a-le nshünmvu bin-o ngwün gü titi.
41Hagun le kazünyu kehü nyukhu keshe dan tsü tyünya, 42tsüle nyon, nmvue phazi pfüo tson chü nmvue a-pha kechon le bin yatse-e. 43Hidan tyüpe hagun gwün nrhu nya. 44Ale Npugü hagun Sunggigü, ale nshün kethyü genyu hagun ko nshün bin mvu loshvu. 45Ale hagun Sunggigü thyü titseo Ijipt ki hagun zen chwi keryü Npugü le. Hagun ko nshün mvuloshvu, ale nshün kethyü genyu. 46Hile thyü, tegü, zünyu yhun kehü lo kazü so nnun kehü aphu genyu tejvu. 47Hagun le nshün lo nshün kemvu nyukhu ketyüi lo tyükemvui shakekho kegwa thyü mvulo shvu.
Currently Selected:
LEVINYU 11: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LEVINYU 11
11
Nyukhu Tyülo Kegwadan
(Tej 14:3-12)
1Npugü le tejvu hidan pe Mosa lo Aaron au tsüshü 2Israel nyu genyu. Hagun le kazü nyu kehü nyukhu lihie tyülogwa, 3a-tsen ko lo a-chvü nshen kehü dan, 4-6ai ut, zushün nmvue hiphenthyü tyünya. Anyugun le anyu chvü nshen hü ai a-tsen ko kemvu genyu nshün mvu. 7Tebathyü tyünya. Teba le a-tsen ko ai a-chvü nshen kemvu genyu nshün mvu. 8Nyukhu hidan tyünya nmvue anyugun kesi kesünya, tsüle nshünmvu.
9Tsehü a-thun lo a-kü kepfü lihie tyü logwa, 10ai zünyu kehü lihie a-thun lo a-kü kendi dan tyü nya. 11Zü khinyu tsüdan le nshünmvu. Hagun le tsüdan tyü nmvue a-kesi-e kesü nya. 12A-thun lo a-kü ndio zünyu yhun kehü lihie tyünya. 13-19Hagun le tegü hidan hi nme tyünya: logi, pvüterün, khinsu, münhvu, khüno, güda, tegvü, Ostrich, zügü, zügü münkethon, zügü pha thon, pelikan, zügü kemetse, hoopoe nmvue senphon.
20Nyukhu keshen a-sekin kebin aphu nshün mvu, 21nchwe kehü dan ame. 22Hagun le tsekhvu, ntsun nmvue khvuzentsü hidan hi tyü logwa. 23Ai a-sekin kepfü nyukhu keshen lo nyon kehü dan le nshün mvu.
24-28Ligü higü nyukhu hidan kesi kesü kela nyu le nshün mvu bin-o ngwün gü titi: A-tsen kepfü aphu, a-tsen ko lo achvü nshen kemvudan, a-benjwi kebin nyukhu phazi kepfü dan aphu. Lihigü tsüdan kesi min pfü kethyü nyule a-phinya thula mvulo shvu, tson lae nshün mvu bin-o ngwün gü titi.
29-30U, tepfü, nren lo nfü hidan hile nshünmvu. 31Ligü higü tsüdan kerhün nmvue tsüdan kesi kesü kethyü güle nshün mvu bin-o ngwün gü titi. 32Lo anyugun kesi le che-o kesü keshü tsüle nshün mvu. Hile tesen, phi, thyügi, jola nmvue senkehü kanyü lihie. Tsüpe zünyu ntsen lae ngwün gü ti kemvuthen nshün mvubin ti. 33Lo tsüle cheo nnyonla nyu yüla yatselo, tsünyu kebin aphu nshünmvu lati lo hagun le la tsü borenla mvulo shvu. 34Tyülo kegwa chvü lihi le bin-e la tsühontse kethyü ka zü jape shü lalo, nshün mvu laso lo tsü hontse kethyü ka tsülo kegwa zü aphu nshün mvu laso. 35Tsü dan kesi min le lihi so ge chetsüe tsüle nshünmvu laso; 36makhin nmvue maphoun-e boren lati, 36 ai zü kepenbin nmvue zülvu we nshün bin ti, anyugun kesi min le thakecha kesü keshü aphunshünmvu laya tse. 37Tsüdan le cheo ntsi shütitse kebin soge tsü lae ntsi güle nshün bin ti. 38Ai ntsi gü pe zünyu ntsen kenjü soge chetsü laya tselo ntsi güle nshün mvu laso.
39Tyülo kegwa nyukhu lihie silalo, tsü kesü keshü güle nshünmvu bin-o ngwün gü titi. 40Lo ligü higü nyukhu gü thyü tyü lo kesi min pfü yatselo a-phi thu lamvu loshvu, tsonla yatse-e a-le nshünmvu bin-o ngwün gü titi.
41Hagun le kazünyu kehü nyukhu keshe dan tsü tyünya, 42tsüle nyon, nmvue phazi pfüo tson chü nmvue a-pha kechon le bin yatse-e. 43Hidan tyüpe hagun gwün nrhu nya. 44Ale Npugü hagun Sunggigü, ale nshün kethyü genyu hagun ko nshün bin mvu loshvu. 45Ale hagun Sunggigü thyü titseo Ijipt ki hagun zen chwi keryü Npugü le. Hagun ko nshün mvuloshvu, ale nshün kethyü genyu. 46Hile thyü, tegü, zünyu yhun kehü lo kazü so nnun kehü aphu genyu tejvu. 47Hagun le nshün lo nshün kemvu nyukhu ketyüi lo tyükemvui shakekho kegwa thyü mvulo shvu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.