LEVINYU 1
1
Rope Kerüshvu
1Npugü le Npugü kehü Phika günyu Mosa koshüo tejvu hidan pe a-tsüshü. 2Israel nyu no kerüshvu gwenkho ka then nrün genyu.
Lihigü nyukhu pe rüshvu kethyü ka tsüle methu, tanyü nmvue tenyü thyü bin logwa. 3A-le methu nme pe rope kerüshvu thyü yatselo, a-thutse ge tetsin nme kendi senryü mvu loshvu. Npugü no lo nrün genyu a-le tsü sen-o Npugü kehü phika gü khenpvü ka ryü mvulo shvu. 4Temi güle a-ben pe tsü pe ge shüti, lo tsüle a-kemu dan sentinla nrün kerüshvu thyüo loloti. 5A-le tsüka methutse gü dushvu loti, lo Aaron nyenyu püshükeda dan le tezi senryü Npugü mhundyü shüo shwe pe phika gü mhundyü nyu kebin kershvubin lizin hizin aphu ka shü lati. 6tson-o a-le nyukhu gü gi yho lao jün loti, 7lo püshükeda dan le tesen pe kershvubin ka keren shüo ro shüti. 8Lo anyugun le nyukhu gü thyü a-pe lo a-keshvu sin-o, pe mah soge shüti.
9Temi gü le züpe a-sen-ari lo a-pha dan süla mvuloshvu lo püshükeda güle kerüshvu tsü aphu pe kershvubin ge ro lati. Ketyüketsü kerüshvu hi rün Npugü le a-kenyü.
10Temi nme le tanyü nmvue tenyü nme pe kerüshvu thyü bin yatselo, tsüle tetsin nme kendi a-tse nme mvulo shvu. 11A-le kershvubin tesozin tsü dushvu ti, lo püshükeda gü le tsü zi pe kershvubin te lizin hizin shwen shü lati. 12Temi gü le tsü jün thü kelo siki, püshükeda güle a-pe, a-keshvu lo kecha aphu khipe mah soge shü lati. 13Temi gü le züpe a-sen-ari, lo a-pha dan süla mvuloshvu, lo püshükeda güle kerüshvu tsü pe Npugü mhundyü nyu shüo kershvubin ge tsü aphu ro lati. Ketyüketsü kerüshvu rün hi Npugü le a-kenyü.
14Temi nme le tegü rope kerüshvu thyüti yatselo, tsüno nsu nmvue paro nme mvuloshvu. 15Püshükeda gü le tsü sen kershvubin ka ryüo, a-pe rathü pe kershvubin ge ro lati. Lo a-zi jen pe kershvubin khoka shü lati. 16A-le a-gunphon lo tsünyu kebin dan pe kershvubin nphozin jonbü shü kehü bin ka shwe lati. 17A-le a-sekin süthü la mvuo a-min sükho lo tson-o aphu pe kershvubin ge ro lati. Ketyüketsü kerüshvu rün hi Npugü le a-kenyü.
Currently Selected:
LEVINYU 1: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LEVINYU 1
1
Rope Kerüshvu
1Npugü le Npugü kehü Phika günyu Mosa koshüo tejvu hidan pe a-tsüshü. 2Israel nyu no kerüshvu gwenkho ka then nrün genyu.
Lihigü nyukhu pe rüshvu kethyü ka tsüle methu, tanyü nmvue tenyü thyü bin logwa. 3A-le methu nme pe rope kerüshvu thyü yatselo, a-thutse ge tetsin nme kendi senryü mvu loshvu. Npugü no lo nrün genyu a-le tsü sen-o Npugü kehü phika gü khenpvü ka ryü mvulo shvu. 4Temi güle a-ben pe tsü pe ge shüti, lo tsüle a-kemu dan sentinla nrün kerüshvu thyüo loloti. 5A-le tsüka methutse gü dushvu loti, lo Aaron nyenyu püshükeda dan le tezi senryü Npugü mhundyü shüo shwe pe phika gü mhundyü nyu kebin kershvubin lizin hizin aphu ka shü lati. 6tson-o a-le nyukhu gü gi yho lao jün loti, 7lo püshükeda dan le tesen pe kershvubin ka keren shüo ro shüti. 8Lo anyugun le nyukhu gü thyü a-pe lo a-keshvu sin-o, pe mah soge shüti.
9Temi gü le züpe a-sen-ari lo a-pha dan süla mvuloshvu lo püshükeda güle kerüshvu tsü aphu pe kershvubin ge ro lati. Ketyüketsü kerüshvu hi rün Npugü le a-kenyü.
10Temi nme le tanyü nmvue tenyü nme pe kerüshvu thyü bin yatselo, tsüle tetsin nme kendi a-tse nme mvulo shvu. 11A-le kershvubin tesozin tsü dushvu ti, lo püshükeda gü le tsü zi pe kershvubin te lizin hizin shwen shü lati. 12Temi gü le tsü jün thü kelo siki, püshükeda güle a-pe, a-keshvu lo kecha aphu khipe mah soge shü lati. 13Temi gü le züpe a-sen-ari, lo a-pha dan süla mvuloshvu, lo püshükeda güle kerüshvu tsü pe Npugü mhundyü nyu shüo kershvubin ge tsü aphu ro lati. Ketyüketsü kerüshvu rün hi Npugü le a-kenyü.
14Temi nme le tegü rope kerüshvu thyüti yatselo, tsüno nsu nmvue paro nme mvuloshvu. 15Püshükeda gü le tsü sen kershvubin ka ryüo, a-pe rathü pe kershvubin ge ro lati. Lo a-zi jen pe kershvubin khoka shü lati. 16A-le a-gunphon lo tsünyu kebin dan pe kershvubin nphozin jonbü shü kehü bin ka shwe lati. 17A-le a-sekin süthü la mvuo a-min sükho lo tson-o aphu pe kershvubin ge ro lati. Ketyüketsü kerüshvu rün hi Npugü le a-kenyü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.