HOSEA 8
8
Israel Nyu Le Teromenkezü Rüshvu Kethyü Genyu Npugü Le Anyugun Kenkhin
1Npugü le zo, “Kenshvu khwen thyü shülo! Shwikerüchün nyu le logi hontse a kazü gen tsüryü jüso! A temi dan le ale anyugun zen-o kejozenkelo gü gwünrho lo a senkethyü jo ntsun laso. 2Anyugun le alope anyugun Sunggigü letse hü lo anyugun le atemi letse zohü yatse-e, 3anyugun le kegwagü khelaso. Higü genyu shwikerüchünnyu le anyugun hüti.
4“A temi dan le anyugun rajadan kejülo, ai anyugun kenda nyu tsü thyü. Anyugun sharhi kejüshü, ai akenda senmvuo thyü. Anyugun suna lo raka khipe teromen züpe anyugun npvü anyugun kenke thyülo. 5Ale Samaria nyida nyu temi le rüshvu kethyü suna methutse gü tsü nrhile. Ale anyugun gen anyuntasa bin. Anyugun le teromenkezü kerüshvu khemvuo dithen bin mon? 6Israel temi tha kechanyu nme le teromen gü thyüshü, lo tsüle tero ketsin kemvu! Samaria kazü nyu rüshvu kehü suna methutse gü tsü vükho lati. 7Anyugun le tsangkenbu yishü, tsangterhi gvuti! Low nyu shye nyünkemvu tsüle chvüsa thyü loho. Lo tsonlo yatse-e, sinrünyi nyu le tsü tyülati. 8Israel le senye kechanyu hontse la lo tson-o nnyonla keka senlo kemvui thyülaso. 9Israel temi dan le gada nyunkerü gwakemvu hontseo anyugun npvü anyugun tson nyu gü hü. Anyugun le Assiria kipon keche fü titse gü, lo senye kechadan no anyugun nokhin nrün genyu jwe pe tsü laso. 10Ai ale anyugun khokequenlo-o shaja pe tsüla titse bin laso. Assiria nyu raja le whütse anyugun nshwen ryüla, anyugun khipe kenjün kethyü nyu shü whütse kelai.
11“Israel nyu le kemu khila nrün genyu kershvubin thyüchon lo anyugun le kemu thyü nrün bin le chonkvu! 12Ale temidan genyu senkethyü jo swülobukeho thu, ai anyugun le tsü lope shakemvu lo sinrünyi ki nyu tho hontseo khela hü. 13Anyugun le kerüshvu thyüpe atsü lo kerüshvu thyü tyühü. Ai Npugü ahigü le anyugun gen akenyümvu, lo ale anyugun kemu rüchün-o tsü genyu shaja pe anyugun tsüti; ale anyugun ni nipe Ijipt ki shü lati!
14“Israel temidan le rajabin dan thyü, ai anyugun le anyugun nyhunkeshü gü nmhin laso. Juda temidan le nyida chwida kenkodan thyü. Ai ale mah nishüo anyugun rajabin lo nyidadan rolati.”
Currently Selected:
HOSEA 8: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
HOSEA 8
8
Israel Nyu Le Teromenkezü Rüshvu Kethyü Genyu Npugü Le Anyugun Kenkhin
1Npugü le zo, “Kenshvu khwen thyü shülo! Shwikerüchün nyu le logi hontse a kazü gen tsüryü jüso! A temi dan le ale anyugun zen-o kejozenkelo gü gwünrho lo a senkethyü jo ntsun laso. 2Anyugun le alope anyugun Sunggigü letse hü lo anyugun le atemi letse zohü yatse-e, 3anyugun le kegwagü khelaso. Higü genyu shwikerüchünnyu le anyugun hüti.
4“A temi dan le anyugun rajadan kejülo, ai anyugun kenda nyu tsü thyü. Anyugun sharhi kejüshü, ai akenda senmvuo thyü. Anyugun suna lo raka khipe teromen züpe anyugun npvü anyugun kenke thyülo. 5Ale Samaria nyida nyu temi le rüshvu kethyü suna methutse gü tsü nrhile. Ale anyugun gen anyuntasa bin. Anyugun le teromenkezü kerüshvu khemvuo dithen bin mon? 6Israel temi tha kechanyu nme le teromen gü thyüshü, lo tsüle tero ketsin kemvu! Samaria kazü nyu rüshvu kehü suna methutse gü tsü vükho lati. 7Anyugun le tsangkenbu yishü, tsangterhi gvuti! Low nyu shye nyünkemvu tsüle chvüsa thyü loho. Lo tsonlo yatse-e, sinrünyi nyu le tsü tyülati. 8Israel le senye kechanyu hontse la lo tson-o nnyonla keka senlo kemvui thyülaso. 9Israel temi dan le gada nyunkerü gwakemvu hontseo anyugun npvü anyugun tson nyu gü hü. Anyugun le Assiria kipon keche fü titse gü, lo senye kechadan no anyugun nokhin nrün genyu jwe pe tsü laso. 10Ai ale anyugun khokequenlo-o shaja pe tsüla titse bin laso. Assiria nyu raja le whütse anyugun nshwen ryüla, anyugun khipe kenjün kethyü nyu shü whütse kelai.
11“Israel nyu le kemu khila nrün genyu kershvubin thyüchon lo anyugun le kemu thyü nrün bin le chonkvu! 12Ale temidan genyu senkethyü jo swülobukeho thu, ai anyugun le tsü lope shakemvu lo sinrünyi ki nyu tho hontseo khela hü. 13Anyugun le kerüshvu thyüpe atsü lo kerüshvu thyü tyühü. Ai Npugü ahigü le anyugun gen akenyümvu, lo ale anyugun kemu rüchün-o tsü genyu shaja pe anyugun tsüti; ale anyugun ni nipe Ijipt ki shü lati!
14“Israel temidan le rajabin dan thyü, ai anyugun le anyugun nyhunkeshü gü nmhin laso. Juda temidan le nyida chwida kenkodan thyü. Ai ale mah nishüo anyugun rajabin lo nyidadan rolati.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.