HOSEA 2
2
1Tsügenyu npvünyu Israel dan ka, “Sunggigü temi” lo “Npugü le solo laso” tse kolo.
Gomer Petsükemvu tsüle Israel petsükemvu
2A nyenyudan, hagun jvü le anu thyüsin mvula, lo ale a-nyepvü thyüsin mvulaso, ai hagun jvu ka zotengelo. A-ka zotenge-o a-no a-keyüla lo keyülachün ketyü nyu ranilo lo. 3A-le nyümvu yatselo, ale a-phiyhünlao a-no a-nnyukelo jon nyü hontse akenben lati. Ale a-thyü pe tehen yhunhü kemvu kazü kesin hontse lati, lo a-le teri silati. 4-5Ale a-nyenyu shwinjün mvu lati; anyugun le kejokemvu keyüla chün ketyü nyenyu. A-le a-npvü zo, “Ale akesonyu, ketyüketsü, lo thyühü lo linen phi, oliv-ter lo zu pe atsü kehünyu ki gü lati.”
6Tsügenyu ale tehen tsehü lo chwida khwen pe a-tsonkhin lati. 7A-le tin-o a-kesonyu hüti, ai hü loho. A-le a-nyugun füti, ai hyuloho. Tsüsiki a-le hihontse zoti, “Ale anyepvü kerigü ki nigü lati, kechamvule ale himhundyü we ntsoka nyeki gwakvu hüle.”
8A-le, chvu, zu, oliv terzü lo Baal tero kerüshvu ka sentin kela rakagi lo suna pe a-ketsü gü tsüle ale letse shalo kemvuiso. 9Tsügenyu logvu gwünkho ka ale pe a-ketsü chvü lo zu khinilo lati, lo thyühü lo linen phi a-no ben lotse pe a-ketsüdan-e sentin lati. 10Ale a-kesonyu mhundyü nyu a-phi yhün lati, lo nme-e akekvu nyu a-keniloha lati. 11Ale shye lo chenkepen ki hokehü lo Sabbath jon rühvu kehü, lo nyünyü genyu keteno kehü jonkentsen aphu khin lati. 12Ale a-vainbin lo Kherobindan, a-le a-keso nyu dan kenyü thyükeshü genyu pe a-ketsü letse zokehü tsü nke lati. Ale a-vainlow lo terashala aphu pe tehen yhun kemvubin thyü lati; tehenthyü le tsüdan nke lati. 13A-le rünkenyi rope Baal tero rüshvu lo tsominketsen pe a-nthyüpvüo a-kesonyu hütin kela ka anmhinkela gwünkho tsü genyu ale shaja pe a-tsüti. Npugü le zolaso.
Npugü Le A-temi Keso
14Tsügenyu ale a-zen-o kazükesiki niyüti; tsünyu ale keso jodan pe a-jvuni loti. 15Ale a-hon vainlow tsüpe a-tsüni shüo kekevü kazü ketejon gü tsüpe kenrin khenpvü nme thyü lati. A-le a-selo ka Ijipt kazü nyu chwikeryü ka hontse tsü nyu ajo kenishü ti. 16Tsüselo a-le alope a-nyepvü letse koniti- a-le a lope a-Baal terogü letse kolohoso. 17Ale a-no Baal zan zoni loho.
18Tsü gwünkho ka ale tehenthyü lo tegü aphu zen-o kejopen ti, anyugun no atemi nthyüni mvu nrün genyu. Ale kazü gü nyu terikanyü aphu, jenthon lo tholevü aphu khilao atemi no nyun bwe lo nyun kenkhi ndio yhun loti.
19Israel, ale nlope anu thyüti,
Ale ketsin lo joketsin zoti;
Ale sozinkehü lo shwikenjün pe nhishüti
tson-o nlope kethonthen ahon thyüti.
20Ale zoshwikeshü then-o nlope ahon thyüti,
lo nle alope Npugü letse ti.
21-22Tsü gwünkho ka ale atemi Israel kehi thyü shüti.
Ale tsangri pe kazü gen shü,
lo kazü gü le shye, vainsha
lo oliv nsha loti.
23Ale kazü gü nyu atemi pensoshü
lo anyugun no gwakenye loti.
Ale keso lope “Somvule” letse
kokehü nyu hishüti,
lo “Atemi kemvu” letse ko kehü
dan gen-e tsonti.
Ale zoti, “Hagun le atemi,”
lo anyugun le, “Nle agun Sunggigü,” tse zoti.
Currently Selected:
HOSEA 2: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
HOSEA 2
2
1Tsügenyu npvünyu Israel dan ka, “Sunggigü temi” lo “Npugü le solo laso” tse kolo.
Gomer Petsükemvu tsüle Israel petsükemvu
2A nyenyudan, hagun jvü le anu thyüsin mvula, lo ale a-nyepvü thyüsin mvulaso, ai hagun jvu ka zotengelo. A-ka zotenge-o a-no a-keyüla lo keyülachün ketyü nyu ranilo lo. 3A-le nyümvu yatselo, ale a-phiyhünlao a-no a-nnyukelo jon nyü hontse akenben lati. Ale a-thyü pe tehen yhunhü kemvu kazü kesin hontse lati, lo a-le teri silati. 4-5Ale a-nyenyu shwinjün mvu lati; anyugun le kejokemvu keyüla chün ketyü nyenyu. A-le a-npvü zo, “Ale akesonyu, ketyüketsü, lo thyühü lo linen phi, oliv-ter lo zu pe atsü kehünyu ki gü lati.”
6Tsügenyu ale tehen tsehü lo chwida khwen pe a-tsonkhin lati. 7A-le tin-o a-kesonyu hüti, ai hü loho. A-le a-nyugun füti, ai hyuloho. Tsüsiki a-le hihontse zoti, “Ale anyepvü kerigü ki nigü lati, kechamvule ale himhundyü we ntsoka nyeki gwakvu hüle.”
8A-le, chvu, zu, oliv terzü lo Baal tero kerüshvu ka sentin kela rakagi lo suna pe a-ketsü gü tsüle ale letse shalo kemvuiso. 9Tsügenyu logvu gwünkho ka ale pe a-ketsü chvü lo zu khinilo lati, lo thyühü lo linen phi a-no ben lotse pe a-ketsüdan-e sentin lati. 10Ale a-kesonyu mhundyü nyu a-phi yhün lati, lo nme-e akekvu nyu a-keniloha lati. 11Ale shye lo chenkepen ki hokehü lo Sabbath jon rühvu kehü, lo nyünyü genyu keteno kehü jonkentsen aphu khin lati. 12Ale a-vainbin lo Kherobindan, a-le a-keso nyu dan kenyü thyükeshü genyu pe a-ketsü letse zokehü tsü nke lati. Ale a-vainlow lo terashala aphu pe tehen yhun kemvubin thyü lati; tehenthyü le tsüdan nke lati. 13A-le rünkenyi rope Baal tero rüshvu lo tsominketsen pe a-nthyüpvüo a-kesonyu hütin kela ka anmhinkela gwünkho tsü genyu ale shaja pe a-tsüti. Npugü le zolaso.
Npugü Le A-temi Keso
14Tsügenyu ale a-zen-o kazükesiki niyüti; tsünyu ale keso jodan pe a-jvuni loti. 15Ale a-hon vainlow tsüpe a-tsüni shüo kekevü kazü ketejon gü tsüpe kenrin khenpvü nme thyü lati. A-le a-selo ka Ijipt kazü nyu chwikeryü ka hontse tsü nyu ajo kenishü ti. 16Tsüselo a-le alope a-nyepvü letse koniti- a-le a lope a-Baal terogü letse kolohoso. 17Ale a-no Baal zan zoni loho.
18Tsü gwünkho ka ale tehenthyü lo tegü aphu zen-o kejopen ti, anyugun no atemi nthyüni mvu nrün genyu. Ale kazü gü nyu terikanyü aphu, jenthon lo tholevü aphu khilao atemi no nyun bwe lo nyun kenkhi ndio yhun loti.
19Israel, ale nlope anu thyüti,
Ale ketsin lo joketsin zoti;
Ale sozinkehü lo shwikenjün pe nhishüti
tson-o nlope kethonthen ahon thyüti.
20Ale zoshwikeshü then-o nlope ahon thyüti,
lo nle alope Npugü letse ti.
21-22Tsü gwünkho ka ale atemi Israel kehi thyü shüti.
Ale tsangri pe kazü gen shü,
lo kazü gü le shye, vainsha
lo oliv nsha loti.
23Ale kazü gü nyu atemi pensoshü
lo anyugun no gwakenye loti.
Ale keso lope “Somvule” letse
kokehü nyu hishüti,
lo “Atemi kemvu” letse ko kehü
dan gen-e tsonti.
Ale zoti, “Hagun le atemi,”
lo anyugun le, “Nle agun Sunggigü,” tse zoti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.