CHWEKETIN 32
32
Suna Methunyu
(Tej 9:6-29)
1Temi dan le Mosa le kazüthun ge hüthon tin lao tsenryü mvukela hyulo njüo ryü Aaron hun lo-o a-ka, “Ijipt ki ngun zenchwi keryü temi gü Mosa le dihontse la seyo ngun le shamvu laso; tsügenyu teronyu nme thyüpe agun tson rishülo.”
2Aaron le anyugun ka zoshü, “Hagun nunyu, lo hagun nyu peche lo tenu le rakehü suna senryü atsü shülo.” 3Tson-o anyugun aphu anyu suna nye senryü Aaron tsüshü. 4Lo a-le suna nye dan tsü keluzun pe methunyu nme chashü.
Tsüka temi dan le, “Israel nyu, hile Ijipt nyu ngun tsonri chwikeryü ngun tero güle! tson zoshü.”
5Tsüselo Aaron le suna methunyu mhundyü nyu kershvubin nme thyü shüo, “Senduki Npugü kerühvu nga nme no binti,” tse zo shü. 6Tsüsinyü lonyü nshwe anyugun le senru peha senryü rope rüshvu lo kechanyu le kepfüshe kerüshvu hon tse tyütsü bin. Temi dan le dun-o tyütsü tse njüo serikemvu thyü tinla.
7Npugü le Mosa ka zoshü, “Gwen tse rani nshelo, nle Ijipt nyu zenchwi keryü ntemi dan le akhela-o mu tin laso. 8Ale anyugun no then lotse johokeshü tson gü khe laso; anyugun le suna keluzun pe methunyu nme thyülo-o rüshvu lo kerüshvu thyü pe tsübin laso. Anyugun le higü hile Ijipt nyu a-nyu zen chwiryü kelo tero gü le tse zo bin nyo. 9Temi hidan hile ditsüki anyunrü yo ale shabin. 10Tsügenyu akhin nya. Ale anyugun ge anyunta bin nyo, tsügenyu anyugun nke lati. Tson-o ale ntsipwen thyü pe senye keda nme thyü shüti.”
11Ai Mosa le Npugü Sunggigü ka akenjü hio zoshü, “Nle nyuthyüo nkekvu keda ka Ijipt nyu kenizenchwi keryü ntemi dan ge nnyunta bin mon? 12Nyuthyüo Ijipt nyu no nle kazüthun ge ntemi dan dushvu lo nke shüla ti tseo Ijipt nyu anyugun zen chwiryü letse zolo kegwa thyü tila? Nnyunta nyala lo; nnyun süni la-o kenke kemhü higü senryü ntemi ge shü nyalo. 13Ngo Abraham, Isak lo Jakob rüchün shülo. Nle swe-o anyugun tsipwe thyü nchon pe tsangge shyenyü dan hontse shüti, lo kazü tsügü aphu pe anyugun no kethonthen anyu hon thyüti, tse njohoshü kenjü rüchün shülo.” 14Tsontsin Npugü le anyun sünilao kenke kemhü senryü atemi dan ge shü mvula.
15Mosa le johokeshü pe kepenpen thu kenjü tsopon kenyhun tsü sen-o kazüthun ge tsenryü. 16Sunggigü le a npfü tsopon hvu thyüshü lo johokeshü dan pe tsüge thu shü.
17Temi dan le nrasen kebin Joshua le nyülo-o Mosa ka zoshü, “Ale kensenbin ka terithyü kebin khwe nyü le.”
18Mosa le, “Tsüle kvukelo nmvue mezen loho kela khwe kemvu hontse; tsüle lü kethyü khwe le,” tson zoshü.
19Mosa le kensenbin gü kho nni ryüo methunyu gü lo temi dan le da thyü kebin hyushüo a-nyunta sala. Tson-o kazüthun gü phaka ale senkehü tsopon hvu shwe pe jonren la. 20A-le anyu gun le thyükelo methunyu gü khilo-o tsü rozun la-o dunkephü pe zü nyu shüo Israel nyu no tsü. 21Mosa le Aaron ka zoshü, “Temi hidan le n ge nyuthyü shüo, nle anyugun no kemu keda tsühontse thyüla ola?”
22Tsontsin Aaron le, “Age nnyunta nyalo; temi hidan le dihontse gwakemvu thyünyü tserü hüyo nle shabin. 23Anyugun le aka, ‘Ijipt ki ngun zenchwi keryü gü, Mosa hile nyuthyü la seyo ngun le shamvu so; tsügenyu teronyu nme thyüpe agun tsüo no agun tson rilo,’ tson zoshü le. 24Lo ale anyugun lihigü suna kebin nyu no senryü lotse shüo anyugun le pe atsüshü. Tson-o ale shwe pe mah nyu shü laryü methunyu hile chwiryü le!”
25Aaron le temi dan kekheni lo mvulao no anyugun shwikerüchün nyu mhundyü nyu anyugun npfü anyu sa bin kela Mosa le hyulo. 26Tsügenyu a-le kensenbin khinrun ka so-o senshü, “Npugü denzin kebin nyu aphu hika ryülo!” Tson-o Levinyu dan aphu aki ryü kequenlo, 27lo a-le anyugun ka zoshü, “Israel nyu Npugü Sunggigü le ahza hokeshü le hagun lihigü a-zhethon pfülo-o hika khinrun ka gü kechazin keti kensenbin nyu ho-o a-tsasikezenyu, a-pfünyu lo a-kazonyu dushvu lalo,” tsonshü. 28Levi nyu dan le a-jozen-o tsünyü temi yieshen kho dushvula. 29Mosa le Levinyu dan ka zoshü, “Nthu hagun le hagun nyenyu lo hagun tsasikezen nyu dushvuo hagun npfü hagun khikho pe püshükedanyu hontse Npugü lothonyu shü, tsü genyu Npugü le a-jochü pe hagun tsü laso.”
30Tsüsinyü Mosa le temi dan ka zoshü, “Hagun le kemu keda thyü laso. Ai ale kazüthun gü ge Npugü ki ni küti; ale hagun kemu jükeshü hyulo ti ado.” 31Mosa le rani gü Npugü ka zoshü, “Temi hidan le kemu keda thyü laso. Anyugun le suna pe teromen nme thyüo rüshvu laso. 32Ai anyugun kemu jüshülo; nmvu yatselo, nle ntemi dan zan thu kebin lesü gü nyu tsü azan shon lalo.”
33Tsontsin Npugü le, “Senyu le amhundyü nyu kemu thyü layo ale a lesü nyu tsünyu zan shon lati, tson a-jo kenila. 34Ntsoka we gü temi dan tsonri zen-o ale nka zokeshü bin ka ryülo. Rüchünlo, a jolonyu le hagun tsontsin ti ai ale temi hidan kemu genyu shaja pe ketsü gwenkho le ryüti.”
35Tson-o anyugun le Aaron thyüpe no suna methunyu thyükeshü genyu Npugü le kenpen nipe anyugun ge shü.
Currently Selected:
CHWEKETIN 32: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
CHWEKETIN 32
32
Suna Methunyu
(Tej 9:6-29)
1Temi dan le Mosa le kazüthun ge hüthon tin lao tsenryü mvukela hyulo njüo ryü Aaron hun lo-o a-ka, “Ijipt ki ngun zenchwi keryü temi gü Mosa le dihontse la seyo ngun le shamvu laso; tsügenyu teronyu nme thyüpe agun tson rishülo.”
2Aaron le anyugun ka zoshü, “Hagun nunyu, lo hagun nyu peche lo tenu le rakehü suna senryü atsü shülo.” 3Tson-o anyugun aphu anyu suna nye senryü Aaron tsüshü. 4Lo a-le suna nye dan tsü keluzun pe methunyu nme chashü.
Tsüka temi dan le, “Israel nyu, hile Ijipt nyu ngun tsonri chwikeryü ngun tero güle! tson zoshü.”
5Tsüselo Aaron le suna methunyu mhundyü nyu kershvubin nme thyü shüo, “Senduki Npugü kerühvu nga nme no binti,” tse zo shü. 6Tsüsinyü lonyü nshwe anyugun le senru peha senryü rope rüshvu lo kechanyu le kepfüshe kerüshvu hon tse tyütsü bin. Temi dan le dun-o tyütsü tse njüo serikemvu thyü tinla.
7Npugü le Mosa ka zoshü, “Gwen tse rani nshelo, nle Ijipt nyu zenchwi keryü ntemi dan le akhela-o mu tin laso. 8Ale anyugun no then lotse johokeshü tson gü khe laso; anyugun le suna keluzun pe methunyu nme thyülo-o rüshvu lo kerüshvu thyü pe tsübin laso. Anyugun le higü hile Ijipt nyu a-nyu zen chwiryü kelo tero gü le tse zo bin nyo. 9Temi hidan hile ditsüki anyunrü yo ale shabin. 10Tsügenyu akhin nya. Ale anyugun ge anyunta bin nyo, tsügenyu anyugun nke lati. Tson-o ale ntsipwen thyü pe senye keda nme thyü shüti.”
11Ai Mosa le Npugü Sunggigü ka akenjü hio zoshü, “Nle nyuthyüo nkekvu keda ka Ijipt nyu kenizenchwi keryü ntemi dan ge nnyunta bin mon? 12Nyuthyüo Ijipt nyu no nle kazüthun ge ntemi dan dushvu lo nke shüla ti tseo Ijipt nyu anyugun zen chwiryü letse zolo kegwa thyü tila? Nnyunta nyala lo; nnyun süni la-o kenke kemhü higü senryü ntemi ge shü nyalo. 13Ngo Abraham, Isak lo Jakob rüchün shülo. Nle swe-o anyugun tsipwe thyü nchon pe tsangge shyenyü dan hontse shüti, lo kazü tsügü aphu pe anyugun no kethonthen anyu hon thyüti, tse njohoshü kenjü rüchün shülo.” 14Tsontsin Npugü le anyun sünilao kenke kemhü senryü atemi dan ge shü mvula.
15Mosa le johokeshü pe kepenpen thu kenjü tsopon kenyhun tsü sen-o kazüthun ge tsenryü. 16Sunggigü le a npfü tsopon hvu thyüshü lo johokeshü dan pe tsüge thu shü.
17Temi dan le nrasen kebin Joshua le nyülo-o Mosa ka zoshü, “Ale kensenbin ka terithyü kebin khwe nyü le.”
18Mosa le, “Tsüle kvukelo nmvue mezen loho kela khwe kemvu hontse; tsüle lü kethyü khwe le,” tson zoshü.
19Mosa le kensenbin gü kho nni ryüo methunyu gü lo temi dan le da thyü kebin hyushüo a-nyunta sala. Tson-o kazüthun gü phaka ale senkehü tsopon hvu shwe pe jonren la. 20A-le anyu gun le thyükelo methunyu gü khilo-o tsü rozun la-o dunkephü pe zü nyu shüo Israel nyu no tsü. 21Mosa le Aaron ka zoshü, “Temi hidan le n ge nyuthyü shüo, nle anyugun no kemu keda tsühontse thyüla ola?”
22Tsontsin Aaron le, “Age nnyunta nyalo; temi hidan le dihontse gwakemvu thyünyü tserü hüyo nle shabin. 23Anyugun le aka, ‘Ijipt ki ngun zenchwi keryü gü, Mosa hile nyuthyü la seyo ngun le shamvu so; tsügenyu teronyu nme thyüpe agun tsüo no agun tson rilo,’ tson zoshü le. 24Lo ale anyugun lihigü suna kebin nyu no senryü lotse shüo anyugun le pe atsüshü. Tson-o ale shwe pe mah nyu shü laryü methunyu hile chwiryü le!”
25Aaron le temi dan kekheni lo mvulao no anyugun shwikerüchün nyu mhundyü nyu anyugun npfü anyu sa bin kela Mosa le hyulo. 26Tsügenyu a-le kensenbin khinrun ka so-o senshü, “Npugü denzin kebin nyu aphu hika ryülo!” Tson-o Levinyu dan aphu aki ryü kequenlo, 27lo a-le anyugun ka zoshü, “Israel nyu Npugü Sunggigü le ahza hokeshü le hagun lihigü a-zhethon pfülo-o hika khinrun ka gü kechazin keti kensenbin nyu ho-o a-tsasikezenyu, a-pfünyu lo a-kazonyu dushvu lalo,” tsonshü. 28Levi nyu dan le a-jozen-o tsünyü temi yieshen kho dushvula. 29Mosa le Levinyu dan ka zoshü, “Nthu hagun le hagun nyenyu lo hagun tsasikezen nyu dushvuo hagun npfü hagun khikho pe püshükedanyu hontse Npugü lothonyu shü, tsü genyu Npugü le a-jochü pe hagun tsü laso.”
30Tsüsinyü Mosa le temi dan ka zoshü, “Hagun le kemu keda thyü laso. Ai ale kazüthun gü ge Npugü ki ni küti; ale hagun kemu jükeshü hyulo ti ado.” 31Mosa le rani gü Npugü ka zoshü, “Temi hidan le kemu keda thyü laso. Anyugun le suna pe teromen nme thyüo rüshvu laso. 32Ai anyugun kemu jüshülo; nmvu yatselo, nle ntemi dan zan thu kebin lesü gü nyu tsü azan shon lalo.”
33Tsontsin Npugü le, “Senyu le amhundyü nyu kemu thyü layo ale a lesü nyu tsünyu zan shon lati, tson a-jo kenila. 34Ntsoka we gü temi dan tsonri zen-o ale nka zokeshü bin ka ryülo. Rüchünlo, a jolonyu le hagun tsontsin ti ai ale temi hidan kemu genyu shaja pe ketsü gwenkho le ryüti.”
35Tson-o anyugun le Aaron thyüpe no suna methunyu thyükeshü genyu Npugü le kenpen nipe anyugun ge shü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.