CHWEKETIN 28
28
Püshükeda Phinya
(Chw 39:1-7)
1“Ntsagü Aaron lo a-nyu, Nadab, Abihu, Eleazar lo Ithamar tse koshülo. Anyugun no Püshükeda thyüo alothyü nrün genyu Israel temi dan nyu khikho kecha thyü shülo. 2Ntsa Aaron no tenge pfü lo zegwa lo nrün genyu püshükeda phinya thyü shülo. 3Ale thathyü lokegwa pe tsü kela thathyükeshanyu aphu ko shüo anyugun no Aaron thyü kenshün pe apüshükeda nme thyü lo nrün genyu, a-phinya thyü shülo. 4Anyugun no, shüntyü, püshükeda bola, mirünketseyho, a-jvükezü bola, pekeju lo senkephin tse thyüshülo. Ntsagü Aaron lo a-nyudan no püshükeda thyüo alothyü nrün genyu anyugun no püshükeda phinya hidan thyüshü lotse zoshülo. 5Thathyükeshadan no nikenzi, kemeren, thyühüni kenhon, suna ni lo linen kegwa sen ti.
6“Anyugun no kenzi, kemeren, thyühüni kenhon, suna ni lo linen kegwa a-ge thamen zükezegwa kethyü pe püshükeda bola thyülo. 7Phin lokegwa buthun kerhe kenyhun pe a-te ge sen shü. 8Tsühontse kethyü pe senkephin dokegwa thyüpe püshükeda bola senkesü pe nme thyülo. 9Karnelian tso kenyhun khilo-o Jakob nyu tseryükenyhun dan zan pe a-ge thulo, 10a-nyugun nchepüshü thyüo mitsero pe tso nme ge lo tsero pe kecha gü ge tse thulo. 11Tsominketsen nroshasa kethyü nme no Jakob nyu dan zan pe a-ge thushüo suna pe tsodan tekho shü. 12Tson-o pe Israel tsipwen tseryü kenyhun sunka püshükeda bola bukerhe hvu ge shülo. Hihontse Aaron le anyugun zan khipfüti, tson-o Ale Npugü, ale a-zintse atemi dan rüchün hüti. 13Suna pe kekho kenyhun thyülo 14lo suna ketsin lo kerasü kenyhun nlü pe ron hontse lo njüo pe kekho hvu ge dyü lo.
Shüntyü
(Chw 39:8-21)
15“Püshükengun güno sen-o Sunggigü kendo shalo nrün genyu shüntyü nme thyülo. Püshükeda bola kethyü kanyü tsühontse kethyü pe thyü lo tsü kemetse a-te rishü. 16Tsüle kese kenyhun thyü lo kethon keda keme ti, kethon küme lo keda küme tseti. 17Tsüge tso minketsen pe tsonzi thyü nku shü; tson kerigü rubi, topaz, lo garnet; 18tson hvugü, emerald, safir lo diamond; 19tson shan gü turquoise, agate, lo amethist; 20tsonzi gü, beril, karnelian, lo jasper. Suna pe a-tekho-o shüti. 21Tso tseryü kenyhun dan hi nmeme ge Israel tsipwe sunka, Jakob nyu nme zan thu kü lo. 22Shüntyü gü genyu suna ketsin kerasü, ron kenlü thyülo. 23Suna lo raho kenyhun thyü pe shüntyü gü tesozin a-te kepen senshü, 24tson-o suna ron hvu tsüpe raho hvu ge sen shü. 25Lo ron mün pehazin pe a-ke kho ge dyüo pe püshükeda bola mhundyü zin shüti. 26Tson-o raho kenyhun thyüpe shüntyü tesinzin a-teka a-nyuzin püshükeda phi khoka shülo. 27Suna raho kenyhun thyüsin pe püshükeda bola kerikun lo senkephin dope gwasa kethyü kho ka bukerhe ge sen shü. 28Ron kenzi pe shüntyü ge raho lo püshükeda phi raho phin shü, tson-o shüntyü gü no tseyho tsüryü lomvuo senkephin so binlo nrün genyu.
29“Aaron le kenshün bin günyu keyüka, Israel nyu tsipwe dan zan thu kebin shüntyü higü lu-o yüti, tson-o ale Npugü, ale a-zintse a-temi dan rüchün hüti. 30Urim lo thummim pe shüntyü ge shülo, tson-o Aaron no a kenshün mhundyü nyu keryü ka tsü pfüti. Israel nyu temi genyu akenda shalo nrün genyu a-no tsügwenkho ka a-zintse shüntyü higü lu mvuloshvu.
Püshükeda Phinya Kechadan
(Chw 39:22-31)
31“Püshükeda bola phi hensin mirün ketseyho gü tsü thyühü kenzi pe thyüti. 32N pe genyu a-kü nme no binti, lo tsüno nrhen lamvu nrün genyu kedo phi pe a-tejo la. 33-34Lo tesin zin a-shwen ge thyühü kenzi, kemeren, lo kenhon pe khüratyü sha hontse pe suna kentsin zen kenphün shü. 35Aaron le püshükeda tho thyü kebin ka mirün ketseyho hi ben ti. A-le kenshün bin nyu amhundyü ka ryü lo tinkejü kentsin khwe nyü lo lati, tson-o a-le simvu loti.
36“Suna ketsin pe khun nme thyülo-o tsüge ‘Thyükenshün pe Npugü tsü laso’ tson thulo. 37Tsü pe pe keju gü mhundyü zin shüo ron kenzi nme pe phinlo. 38Aaron no tsüpe a-senpfü ka shüpfülo, tson yatselo Ale Npugü, ale Israel nyu le thahokeshü ka thyükezü peha le bin-e anyugun le thyünshün pe atsü keshü aphu lolo ti.
39“Linen kegwa pe Aaron bola lo pekeju dalo, lo a-senkephin ko a-jvü thuo thyü kezegwalo.
40“Aaron nyu dan no tengepfü lo zegwa lo nrün genyu anyugun bola, senkephin lo pekeju thyülo. 41Phinya hidan pe ntsa Aaron lo anyudan ge shüshü. Tson-o anyugun no püshükeda tho thyüo alothyü nrün genyu oliv terzü pe anyugun yün-o khikho kecha thyüo thyü kenshün lo. 42Anyugun kenyhün henlo nrün genyu linen phi pe nyaketsekhin nsenka tsügü ndin keti thyü lo. 43Aaron lo anyudan no amhundyü nyu phika ka nmvue kenshün bin gü nyu püshükeda tho thyü keryü ka kenyhün ryüo silamvu nrün genyu a-zintse tsünya mvuloshvu. Hile Aaron lo a tsipwe genyu kethonthen tejvü nme thyüti.
Currently Selected:
CHWEKETIN 28: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
CHWEKETIN 28
28
Püshükeda Phinya
(Chw 39:1-7)
1“Ntsagü Aaron lo a-nyu, Nadab, Abihu, Eleazar lo Ithamar tse koshülo. Anyugun no Püshükeda thyüo alothyü nrün genyu Israel temi dan nyu khikho kecha thyü shülo. 2Ntsa Aaron no tenge pfü lo zegwa lo nrün genyu püshükeda phinya thyü shülo. 3Ale thathyü lokegwa pe tsü kela thathyükeshanyu aphu ko shüo anyugun no Aaron thyü kenshün pe apüshükeda nme thyü lo nrün genyu, a-phinya thyü shülo. 4Anyugun no, shüntyü, püshükeda bola, mirünketseyho, a-jvükezü bola, pekeju lo senkephin tse thyüshülo. Ntsagü Aaron lo a-nyudan no püshükeda thyüo alothyü nrün genyu anyugun no püshükeda phinya hidan thyüshü lotse zoshülo. 5Thathyükeshadan no nikenzi, kemeren, thyühüni kenhon, suna ni lo linen kegwa sen ti.
6“Anyugun no kenzi, kemeren, thyühüni kenhon, suna ni lo linen kegwa a-ge thamen zükezegwa kethyü pe püshükeda bola thyülo. 7Phin lokegwa buthun kerhe kenyhun pe a-te ge sen shü. 8Tsühontse kethyü pe senkephin dokegwa thyüpe püshükeda bola senkesü pe nme thyülo. 9Karnelian tso kenyhun khilo-o Jakob nyu tseryükenyhun dan zan pe a-ge thulo, 10a-nyugun nchepüshü thyüo mitsero pe tso nme ge lo tsero pe kecha gü ge tse thulo. 11Tsominketsen nroshasa kethyü nme no Jakob nyu dan zan pe a-ge thushüo suna pe tsodan tekho shü. 12Tson-o pe Israel tsipwen tseryü kenyhun sunka püshükeda bola bukerhe hvu ge shülo. Hihontse Aaron le anyugun zan khipfüti, tson-o Ale Npugü, ale a-zintse atemi dan rüchün hüti. 13Suna pe kekho kenyhun thyülo 14lo suna ketsin lo kerasü kenyhun nlü pe ron hontse lo njüo pe kekho hvu ge dyü lo.
Shüntyü
(Chw 39:8-21)
15“Püshükengun güno sen-o Sunggigü kendo shalo nrün genyu shüntyü nme thyülo. Püshükeda bola kethyü kanyü tsühontse kethyü pe thyü lo tsü kemetse a-te rishü. 16Tsüle kese kenyhun thyü lo kethon keda keme ti, kethon küme lo keda küme tseti. 17Tsüge tso minketsen pe tsonzi thyü nku shü; tson kerigü rubi, topaz, lo garnet; 18tson hvugü, emerald, safir lo diamond; 19tson shan gü turquoise, agate, lo amethist; 20tsonzi gü, beril, karnelian, lo jasper. Suna pe a-tekho-o shüti. 21Tso tseryü kenyhun dan hi nmeme ge Israel tsipwe sunka, Jakob nyu nme zan thu kü lo. 22Shüntyü gü genyu suna ketsin kerasü, ron kenlü thyülo. 23Suna lo raho kenyhun thyü pe shüntyü gü tesozin a-te kepen senshü, 24tson-o suna ron hvu tsüpe raho hvu ge sen shü. 25Lo ron mün pehazin pe a-ke kho ge dyüo pe püshükeda bola mhundyü zin shüti. 26Tson-o raho kenyhun thyüpe shüntyü tesinzin a-teka a-nyuzin püshükeda phi khoka shülo. 27Suna raho kenyhun thyüsin pe püshükeda bola kerikun lo senkephin dope gwasa kethyü kho ka bukerhe ge sen shü. 28Ron kenzi pe shüntyü ge raho lo püshükeda phi raho phin shü, tson-o shüntyü gü no tseyho tsüryü lomvuo senkephin so binlo nrün genyu.
29“Aaron le kenshün bin günyu keyüka, Israel nyu tsipwe dan zan thu kebin shüntyü higü lu-o yüti, tson-o ale Npugü, ale a-zintse a-temi dan rüchün hüti. 30Urim lo thummim pe shüntyü ge shülo, tson-o Aaron no a kenshün mhundyü nyu keryü ka tsü pfüti. Israel nyu temi genyu akenda shalo nrün genyu a-no tsügwenkho ka a-zintse shüntyü higü lu mvuloshvu.
Püshükeda Phinya Kechadan
(Chw 39:22-31)
31“Püshükeda bola phi hensin mirün ketseyho gü tsü thyühü kenzi pe thyüti. 32N pe genyu a-kü nme no binti, lo tsüno nrhen lamvu nrün genyu kedo phi pe a-tejo la. 33-34Lo tesin zin a-shwen ge thyühü kenzi, kemeren, lo kenhon pe khüratyü sha hontse pe suna kentsin zen kenphün shü. 35Aaron le püshükeda tho thyü kebin ka mirün ketseyho hi ben ti. A-le kenshün bin nyu amhundyü ka ryü lo tinkejü kentsin khwe nyü lo lati, tson-o a-le simvu loti.
36“Suna ketsin pe khun nme thyülo-o tsüge ‘Thyükenshün pe Npugü tsü laso’ tson thulo. 37Tsü pe pe keju gü mhundyü zin shüo ron kenzi nme pe phinlo. 38Aaron no tsüpe a-senpfü ka shüpfülo, tson yatselo Ale Npugü, ale Israel nyu le thahokeshü ka thyükezü peha le bin-e anyugun le thyünshün pe atsü keshü aphu lolo ti.
39“Linen kegwa pe Aaron bola lo pekeju dalo, lo a-senkephin ko a-jvü thuo thyü kezegwalo.
40“Aaron nyu dan no tengepfü lo zegwa lo nrün genyu anyugun bola, senkephin lo pekeju thyülo. 41Phinya hidan pe ntsa Aaron lo anyudan ge shüshü. Tson-o anyugun no püshükeda tho thyüo alothyü nrün genyu oliv terzü pe anyugun yün-o khikho kecha thyüo thyü kenshün lo. 42Anyugun kenyhün henlo nrün genyu linen phi pe nyaketsekhin nsenka tsügü ndin keti thyü lo. 43Aaron lo anyudan no amhundyü nyu phika ka nmvue kenshün bin gü nyu püshükeda tho thyü keryü ka kenyhün ryüo silamvu nrün genyu a-zintse tsünya mvuloshvu. Hile Aaron lo a tsipwe genyu kethonthen tejvü nme thyüti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.