CHWEKETIN 22
22
Kethasü Jvu
1“Temi nme le methu nmvue tanyü rühu pe dushvula nmvue jwe laya tselo, a-le methu nme sun methu pvün lo tanyü nme sun tanyü pezi pe tha mvuloshvu. 2-4A-le nyu rühu lo layo tsü sun khishüti. A-le thame ndi yatselo a-jwen pe a-le rühu lo kela pu tsü thoti. Rühu lo kela senru güle methu, gada nmvue tanyü-e a-kerhün sen kehü hyulo lo nme ge kenyhunyhun pe thoti.
“Kerühu nyu nme le khejenyu meka rhebin-o dushvu laya tselo, a-dushvu kelo gütsü le teshü thyü kela pe nmu loho. Ai tsüle nhenyu yatselo teshü kethyü pe nmu ti.
5“Temi nme le a-senru no low nmvue vain low nme nyu a-chü tsütyü tseo gü kecha nyu low nmvue vainsha tyüla yatselo a-npfü a-lo nmvue vainsha kegwa tsin pe thoti. 6“Temi nme le a-low nyu mah thyü shüo tsüle tehen nro gü kechanyu low nyu logvü kemvu nmvue gvü kenjü rola yatselo, mah nro keshü gü no kenkie tsü thoti. 7“Temi nme le a-kendao me raka nmvue a-minketsen kanyü pe a-kanyu ntsen bin-o mele rühu lola, tson-o kerühu gü shalo layatselo a-no tsü jünhvu pe thoti. 8Ai kerühu gü shalomvu layatselo, kanyü ntsen kebin gü zen kerüshvubin gü ka ryüo, a-no kechagü kanyü tsü a-le rühu mvu letse swe ti.
9“Kekevü lihi-e, methu, gada, tanyü, phinya nmvue kanyü kecha-e nmhen kelagenyu yatselo ketesu kebin hvu zen-o kerüshvubin gü ka ryüti. Tson-o Sunggigü le nmu kela gü tsü no jün hvu pe kechagü thoti.
10“Temi nme le a-kendao kechanyu gada, methu, tanyü mvue senru kecha ntsen bin-o, sila, nmvue jünla, nmvue mele hüzen tinla-o temi nme hyumvu, 11yatselo temi tsügü no kerüshvubin gü ka gü a-le kechanyu gü senru tsü rühu lola mvu letse swe ti. Senru npugü le keswe tsü nyüshüti tson-o kecha gü le a-thomvue gwa; 12ai senru gü rühu lola yatselo, a-le senru npugü tho mvu loshvu. 13Tehen thyü le tün laya tselo, temi güno tehen thyüle tünla ketsin tse kethyü tyükensen senryüti, tehen thyü le tün kela genyu tsü a-le tho mvue gwa.
14“Temi nme le kechanyu senru tepu senryüo a-npunyu kendi ka tsüle sila nmvue jünla yatselo a-le tsü tho mvuloshvu. 15Ai a-npugü le kehü ka yatselo, temi güle tsü tho mvue gwa. Tsü ngulo yatselo, a-ngu le kenke kethun ti.
Keyhun Lo nyünyü Jvü
16“Temi nme le lünyu phousen mele ketsomvuzun kethyü sazen gü nrhula yatselo, tümi thyüo tsügi pe a-nu thyümvu loshvu. 17Ai a-pvü le tsügi pe a-tsümvu yatselo, a-le phousen nyu mikho pisa pe tenu gi a-pvü tsümvu loshvu.
18“Tenunyu temvu kehü nyu lihigü boshvu lamvu loshvu.
19“Nyukhu zenzhü kethyünyu lihigü boshvula mvu loshvu.
20“Ligü higü kerüshvu thyüpe Npugü ntimvuo tero kecha kerüshvu gü boshvu lamvu loshvu.
21“Tesin ge a-zükemvu thyü mvue nshwe nya; hagun ko Ijipt ki tesin thyühü tse rüchün lo.
22Maginyu nmvue tegonyu nshwe nya. 23Nle anyugun nshweo anyu le aka keche hi shülo ale anyugun kehi thyüshüo, 24anyun nta-o nno terinyu silati. Tson-o hagun nunyu no magi lo hagun nyenyu no tego ti.
25“Nle raka pe atemi thakendinyu ligü higü tepu lo, raka pe me tepuo a-kechwi lo kehünyu hontse kechwi hinya. 26Hakhin zansü nle temi peha phi khilola yatselo, yhüko chekemvu ka khini pe tsüla mvuloshvu, 27nyün lo nrün genyu a-kehen le tsü nti genyu. A-no nyu ben-o zhü tila? Ale me njün kehü genyu a-le aka keche hishü yatselo ale a-kehi keni shüti.
28“Sunggigü zo nshvu nya, lo ntemi sharhinyu swetsü nya.
29“N shye, n vain zu, lo oliv terzü a-gwenkho ka khipe arüshvulo.
“N nyuri gü pe atsülo. 30Nthu lo tanyü nyuri gü pe atsülo. Peche nche keri gü no jon tsenyü a-tsü zen bin lo-o jon tetsenyü pe arüshvulo.
31“Hagun le atemi, tsügenyu nyukhu lihi-e tehen thyü no tün kela thyü tyünya; tsonkethyü gü mvule khi pe tehi dan tsüla.
Currently Selected:
CHWEKETIN 22: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
CHWEKETIN 22
22
Kethasü Jvu
1“Temi nme le methu nmvue tanyü rühu pe dushvula nmvue jwe laya tselo, a-le methu nme sun methu pvün lo tanyü nme sun tanyü pezi pe tha mvuloshvu. 2-4A-le nyu rühu lo layo tsü sun khishüti. A-le thame ndi yatselo a-jwen pe a-le rühu lo kela pu tsü thoti. Rühu lo kela senru güle methu, gada nmvue tanyü-e a-kerhün sen kehü hyulo lo nme ge kenyhunyhun pe thoti.
“Kerühu nyu nme le khejenyu meka rhebin-o dushvu laya tselo, a-dushvu kelo gütsü le teshü thyü kela pe nmu loho. Ai tsüle nhenyu yatselo teshü kethyü pe nmu ti.
5“Temi nme le a-senru no low nmvue vain low nme nyu a-chü tsütyü tseo gü kecha nyu low nmvue vainsha tyüla yatselo a-npfü a-lo nmvue vainsha kegwa tsin pe thoti. 6“Temi nme le a-low nyu mah thyü shüo tsüle tehen nro gü kechanyu low nyu logvü kemvu nmvue gvü kenjü rola yatselo, mah nro keshü gü no kenkie tsü thoti. 7“Temi nme le a-kendao me raka nmvue a-minketsen kanyü pe a-kanyu ntsen bin-o mele rühu lola, tson-o kerühu gü shalo layatselo a-no tsü jünhvu pe thoti. 8Ai kerühu gü shalomvu layatselo, kanyü ntsen kebin gü zen kerüshvubin gü ka ryüo, a-no kechagü kanyü tsü a-le rühu mvu letse swe ti.
9“Kekevü lihi-e, methu, gada, tanyü, phinya nmvue kanyü kecha-e nmhen kelagenyu yatselo ketesu kebin hvu zen-o kerüshvubin gü ka ryüti. Tson-o Sunggigü le nmu kela gü tsü no jün hvu pe kechagü thoti.
10“Temi nme le a-kendao kechanyu gada, methu, tanyü mvue senru kecha ntsen bin-o, sila, nmvue jünla, nmvue mele hüzen tinla-o temi nme hyumvu, 11yatselo temi tsügü no kerüshvubin gü ka gü a-le kechanyu gü senru tsü rühu lola mvu letse swe ti. Senru npugü le keswe tsü nyüshüti tson-o kecha gü le a-thomvue gwa; 12ai senru gü rühu lola yatselo, a-le senru npugü tho mvu loshvu. 13Tehen thyü le tün laya tselo, temi güno tehen thyüle tünla ketsin tse kethyü tyükensen senryüti, tehen thyü le tün kela genyu tsü a-le tho mvue gwa.
14“Temi nme le kechanyu senru tepu senryüo a-npunyu kendi ka tsüle sila nmvue jünla yatselo a-le tsü tho mvuloshvu. 15Ai a-npugü le kehü ka yatselo, temi güle tsü tho mvue gwa. Tsü ngulo yatselo, a-ngu le kenke kethun ti.
Keyhun Lo nyünyü Jvü
16“Temi nme le lünyu phousen mele ketsomvuzun kethyü sazen gü nrhula yatselo, tümi thyüo tsügi pe a-nu thyümvu loshvu. 17Ai a-pvü le tsügi pe a-tsümvu yatselo, a-le phousen nyu mikho pisa pe tenu gi a-pvü tsümvu loshvu.
18“Tenunyu temvu kehü nyu lihigü boshvu lamvu loshvu.
19“Nyukhu zenzhü kethyünyu lihigü boshvula mvu loshvu.
20“Ligü higü kerüshvu thyüpe Npugü ntimvuo tero kecha kerüshvu gü boshvu lamvu loshvu.
21“Tesin ge a-zükemvu thyü mvue nshwe nya; hagun ko Ijipt ki tesin thyühü tse rüchün lo.
22Maginyu nmvue tegonyu nshwe nya. 23Nle anyugun nshweo anyu le aka keche hi shülo ale anyugun kehi thyüshüo, 24anyun nta-o nno terinyu silati. Tson-o hagun nunyu no magi lo hagun nyenyu no tego ti.
25“Nle raka pe atemi thakendinyu ligü higü tepu lo, raka pe me tepuo a-kechwi lo kehünyu hontse kechwi hinya. 26Hakhin zansü nle temi peha phi khilola yatselo, yhüko chekemvu ka khini pe tsüla mvuloshvu, 27nyün lo nrün genyu a-kehen le tsü nti genyu. A-no nyu ben-o zhü tila? Ale me njün kehü genyu a-le aka keche hishü yatselo ale a-kehi keni shüti.
28“Sunggigü zo nshvu nya, lo ntemi sharhinyu swetsü nya.
29“N shye, n vain zu, lo oliv terzü a-gwenkho ka khipe arüshvulo.
“N nyuri gü pe atsülo. 30Nthu lo tanyü nyuri gü pe atsülo. Peche nche keri gü no jon tsenyü a-tsü zen bin lo-o jon tetsenyü pe arüshvulo.
31“Hagun le atemi, tsügenyu nyukhu lihi-e tehen thyü no tün kela thyü tyünya; tsonkethyü gü mvule khi pe tehi dan tsüla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.