AMOS 9
9
Npugü le Kenjün Kethyü Pe Ketsü
1Npugü le kershvubin khoka sokebin ale hyu. A-le johoshü: “Kerüshvuka pesun gü vüsa shülo a-kasü apentha nnu lati. Tsü bothü shüo no temi dan pegen chetsülo. Ale a-sendan tsü teri nyu gala ti. Temi nme-e tin loho, nme ntie nrhi loho. 2Anyugun le tson tso sen-o kesinyu kazü nyu güla yatse-e, ale anyugun tenlo lati. Anyugun le tsangge külae ale anyugun süshe lati. 3Anyugun le Carmel kazüthun raki kebu tin lae, ale anyugun füo tenlo lati. Anyugun le akebu sen-o züda nyu yülae ale züringi nishüo anyugun nduti. 4Anyugun shwikerüchün nyu le anyugun zen-o dothyütin lae, ale anyugun no sila lotse hokum hoshüti. Ale anyugun che mvuo nkela titse kemvulo laso.”
5Aphusokekvu Npugü Kekvutsin güle kazü kesü shü,
tsüle kola hünyo;
tsünyu keyhun nyu le chü hü.
Kazü apentha Nile Züri hontse
so lo chela hü nyo.
6Npugü le tsangge a-ka thyü hü,
lo kazü so tsang thyü pe hunshü.
A-le Zida ki zü dan koshüo
kazü gen jashü hü.
A-zan le Npugü!
7Npugü le zo, “Israel temi dan, ale hagun genyu rüchün kethyü kho Sudan temi dan gen-e rüchün hü. Ale Ijipt nyu hagun zenchwikeryü hontse Crete nyu Filistin nyu chwiryü lo Kir nyu Siria nyu zen chwiryü. 8Aphusokekvu Npugü le Israel kemu rajaphen higü nribin nyo, lo ale kazü nyu anyugun nke lati. Ai ale Jakob tsipwen aphu nke la loho.
9“Ale johoshüo Israel temi lope phukezin hontse sükenu shüti. Ale senye dan nyu anyugun sükenu shüo a-min kendi dan khi lati. 10A temi dan nyu kemunyu dan, ‘Sunggigü le thame kethyükenyü no a gun kho nni loho,’ tson zokehü nyu aphu teri nyu ga lati.”
Hisiki Israel Zennilo la Nrün
11Npugü le zo, “Jon nme le ryüjü tsünyü ale David rajaphen senni ryü ti, tsüle ka nme le nkekela bin nyu chetsü ryü kethyü hontse ti. Ale tsü thyüketse ni lo tsü thyüpe nduka hontse lati. 12Tsühontseo Israel temi le Edom ki khekela lo senye aphu gwengwa ka ahon thyükehü dan tsü nkhen nilo lati.” Hidan thyüla nrün Npugü le zoshü.
13Npugü le zo, “Gwenkho nme le ryüjü, tsüki tsü low le a-kegvu nyeki nmhe-o minti,
lo vain le vainzu kethyü gwenkho nyeki nmhe-o senti.
Kazüthun dan gen vainzu kegwa chwiryü
lo rincho dan ki tsü le tsunti.
14Ale a temi dan zenni ryüo
anyugun kazü nyu shü lati.
Anyugun le nyida nkekela dan thyünio tsünyu yhunti;
anyugun le vain low tsüo tsüzü tsüti;
anyugun le chwi thyüo tha shü tyüti.
15Ale a temi dan pe ale khipe
anyugun ketsü kazü nyu shüti,
tson-o anyugun hüni loho.”
Npugü hagun Sunggigü le zo laso.
Currently Selected:
AMOS 9: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
AMOS 9
9
Npugü le Kenjün Kethyü Pe Ketsü
1Npugü le kershvubin khoka sokebin ale hyu. A-le johoshü: “Kerüshvuka pesun gü vüsa shülo a-kasü apentha nnu lati. Tsü bothü shüo no temi dan pegen chetsülo. Ale a-sendan tsü teri nyu gala ti. Temi nme-e tin loho, nme ntie nrhi loho. 2Anyugun le tson tso sen-o kesinyu kazü nyu güla yatse-e, ale anyugun tenlo lati. Anyugun le tsangge külae ale anyugun süshe lati. 3Anyugun le Carmel kazüthun raki kebu tin lae, ale anyugun füo tenlo lati. Anyugun le akebu sen-o züda nyu yülae ale züringi nishüo anyugun nduti. 4Anyugun shwikerüchün nyu le anyugun zen-o dothyütin lae, ale anyugun no sila lotse hokum hoshüti. Ale anyugun che mvuo nkela titse kemvulo laso.”
5Aphusokekvu Npugü Kekvutsin güle kazü kesü shü,
tsüle kola hünyo;
tsünyu keyhun nyu le chü hü.
Kazü apentha Nile Züri hontse
so lo chela hü nyo.
6Npugü le tsangge a-ka thyü hü,
lo kazü so tsang thyü pe hunshü.
A-le Zida ki zü dan koshüo
kazü gen jashü hü.
A-zan le Npugü!
7Npugü le zo, “Israel temi dan, ale hagun genyu rüchün kethyü kho Sudan temi dan gen-e rüchün hü. Ale Ijipt nyu hagun zenchwikeryü hontse Crete nyu Filistin nyu chwiryü lo Kir nyu Siria nyu zen chwiryü. 8Aphusokekvu Npugü le Israel kemu rajaphen higü nribin nyo, lo ale kazü nyu anyugun nke lati. Ai ale Jakob tsipwen aphu nke la loho.
9“Ale johoshüo Israel temi lope phukezin hontse sükenu shüti. Ale senye dan nyu anyugun sükenu shüo a-min kendi dan khi lati. 10A temi dan nyu kemunyu dan, ‘Sunggigü le thame kethyükenyü no a gun kho nni loho,’ tson zokehü nyu aphu teri nyu ga lati.”
Hisiki Israel Zennilo la Nrün
11Npugü le zo, “Jon nme le ryüjü tsünyü ale David rajaphen senni ryü ti, tsüle ka nme le nkekela bin nyu chetsü ryü kethyü hontse ti. Ale tsü thyüketse ni lo tsü thyüpe nduka hontse lati. 12Tsühontseo Israel temi le Edom ki khekela lo senye aphu gwengwa ka ahon thyükehü dan tsü nkhen nilo lati.” Hidan thyüla nrün Npugü le zoshü.
13Npugü le zo, “Gwenkho nme le ryüjü, tsüki tsü low le a-kegvu nyeki nmhe-o minti,
lo vain le vainzu kethyü gwenkho nyeki nmhe-o senti.
Kazüthun dan gen vainzu kegwa chwiryü
lo rincho dan ki tsü le tsunti.
14Ale a temi dan zenni ryüo
anyugun kazü nyu shü lati.
Anyugun le nyida nkekela dan thyünio tsünyu yhunti;
anyugun le vain low tsüo tsüzü tsüti;
anyugun le chwi thyüo tha shü tyüti.
15Ale a temi dan pe ale khipe
anyugun ketsü kazü nyu shüti,
tson-o anyugun hüni loho.”
Npugü hagun Sunggigü le zo laso.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.