AMOS 6
6
Israel Kenke
1Zion nyu loni tse lo Samaria nyu nyunkhi mvutse yhun kehü, Israel senye keda higü nyu kedanyu, mele hagun ka keche füryü kehünyu dan, hagun genyu kenshvu le dihontsela ti yo! 2Güo Galneh nyida nrishülo. Tsüsiki güo Hamath nyida keda gü nri, lo gungü Filistin nyu nyida Gath nrishü. Tsüdan le Juda lo Israel rajaphen nyeki kegwa le bin ole? Anyugun kazü le hagun nyeki nmhun ole? 3Hagun le kenke le ryüjü letse kethyü lonyü mvu, ai hagun le thyükebin gü tsüle gwenkho tsügü zen-o kho nni ryü laso. 4No kegwagwa gen phata-o methu nyu lo tanyünyu thyü pe hokehü nyu, hagun genyu kenshvu dihontse ryütiyo! 5Hagun we David hontseo lü keshün fü lo harp sen-o khun nyü hü. 6Hagun le zu honpen kesüsü tsü lo tharün kegwa luhü, ai hagun le Israel kenke genyu we nyu kenjün thyü hümvu. 7Tsügenyu hagun le keritsin me kazü nyu tinti. Hagun keho lo ketyüketsüdan tsüle keni thyü lati.
8Aphusokekvu Npugü le petsüsa bin mvulo keshvu jo hilope tsüshü: “Ale Israel temi ketekho ntsü, ale anyugun rajabin kegwadan sümvu laso. Ale anyugun nyidagü lo tha aphu pe shwikerüchün nyu ben nyu shü lati.”
9Kakhwün nme nyu mitseryü nsen bin yatselo, tsüdan le silati. 10Sikela gü kami, kesi kesun ketsenshü nrün gü le kanyu simin gü penshwiti. A-kami nyu tsüle kanyu temi nme-e nsen bin zun le nmvuyo ko-o, “Temi nme-e nzenbin le nmvula?” tson ti.
Thakhwen nme le zoniti, “Ndile!”
Tsüselo kaminyu güle zoti, “Matse binlo! Ngun Npugü zan zomvu nrün genyu petsüsa mvulo shvu laso.”
11Npugü le johoshülo, ka keda lo keshen-e vüren lati. 12Kerudan le tsonye ki nchwü hüle? Mele methutse zen-o zida cho hü le? Ai hagun le joketsin pe terün thyü laso, lo kenjü pe njükemvu thyü laso.
13Hagun le Lodebar rünyi lokelo genyu ketekho hü. Hagun le ketekho-o hihontse zohü, “Agun le kvusao Karnaim lolo.”
14Npugü Sunggigü Kekvutsingü le hihontse zo, “Israel temi dan, ale sinrünyi rihü nishüo hagun kazü nkhen lola tiso. Tsüle teso kipon Hamath kazükenchon ka tsügü tesinzin Arabah kazü ketejon keti n nshwenti.”
Currently Selected:
AMOS 6: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
AMOS 6
6
Israel Kenke
1Zion nyu loni tse lo Samaria nyu nyunkhi mvutse yhun kehü, Israel senye keda higü nyu kedanyu, mele hagun ka keche füryü kehünyu dan, hagun genyu kenshvu le dihontsela ti yo! 2Güo Galneh nyida nrishülo. Tsüsiki güo Hamath nyida keda gü nri, lo gungü Filistin nyu nyida Gath nrishü. Tsüdan le Juda lo Israel rajaphen nyeki kegwa le bin ole? Anyugun kazü le hagun nyeki nmhun ole? 3Hagun le kenke le ryüjü letse kethyü lonyü mvu, ai hagun le thyükebin gü tsüle gwenkho tsügü zen-o kho nni ryü laso. 4No kegwagwa gen phata-o methu nyu lo tanyünyu thyü pe hokehü nyu, hagun genyu kenshvu dihontse ryütiyo! 5Hagun we David hontseo lü keshün fü lo harp sen-o khun nyü hü. 6Hagun le zu honpen kesüsü tsü lo tharün kegwa luhü, ai hagun le Israel kenke genyu we nyu kenjün thyü hümvu. 7Tsügenyu hagun le keritsin me kazü nyu tinti. Hagun keho lo ketyüketsüdan tsüle keni thyü lati.
8Aphusokekvu Npugü le petsüsa bin mvulo keshvu jo hilope tsüshü: “Ale Israel temi ketekho ntsü, ale anyugun rajabin kegwadan sümvu laso. Ale anyugun nyidagü lo tha aphu pe shwikerüchün nyu ben nyu shü lati.”
9Kakhwün nme nyu mitseryü nsen bin yatselo, tsüdan le silati. 10Sikela gü kami, kesi kesun ketsenshü nrün gü le kanyu simin gü penshwiti. A-kami nyu tsüle kanyu temi nme-e nsen bin zun le nmvuyo ko-o, “Temi nme-e nzenbin le nmvula?” tson ti.
Thakhwen nme le zoniti, “Ndile!”
Tsüselo kaminyu güle zoti, “Matse binlo! Ngun Npugü zan zomvu nrün genyu petsüsa mvulo shvu laso.”
11Npugü le johoshülo, ka keda lo keshen-e vüren lati. 12Kerudan le tsonye ki nchwü hüle? Mele methutse zen-o zida cho hü le? Ai hagun le joketsin pe terün thyü laso, lo kenjü pe njükemvu thyü laso.
13Hagun le Lodebar rünyi lokelo genyu ketekho hü. Hagun le ketekho-o hihontse zohü, “Agun le kvusao Karnaim lolo.”
14Npugü Sunggigü Kekvutsingü le hihontse zo, “Israel temi dan, ale sinrünyi rihü nishüo hagun kazü nkhen lola tiso. Tsüle teso kipon Hamath kazükenchon ka tsügü tesinzin Arabah kazü ketejon keti n nshwenti.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.