2 THESSALONIANYU 3
3
Agenyu Hi Binlo
1Tsüselo apvünyu ju, Npugü jo gü no hagun dan nyu thyü keshü hontse kenye nmhe gun lo lo zankechwi thyü gun lo nrün genyu. 2Lo temi aphu le tenyen bin kemvu genyu, temi serikemvu lo gwakemvunyu ben nyu ano tinchwilo nrün genyu agenyu hibin lo.
3Ai Npugü we tenyenlo kekü gü, a-le hagun thyü nko shü lo serikemvu gü ben nyu hagun ntsenlo ti. 4Lo ale hagun ka tha zo keshü dan hagun le tsü thyü hünyo, lo thyü bin ti tsekethyü ale Npugü nyu hagun rüchün n gwa bin nyo.
5Npugü no hagun nyun tson tsin pe Sunggigü keso gü lo nyhenhio Khrista keryü khwen bin kelo gü thyülo.
Thatho kegwa Kethyü
6Lo apvünyu ju, ale hagun no hagun pvünyu lihigüe tha thyü kentsü nyu lo hagun le aka senkethyü jo shakelo dan zen hü kemvunyu zen kengü nyalo tseo n Npugü Jisu Khrista zan nyu ale jo hope hagun tsüshü bin nyo. 7Hagun le ale nyu thyü hü yo ahontse thyülo zü tse kethyü hagun npvü sha bin nyo, ale himhundyü hagun dan nyu kebin ka tha thyü ntsüo yhun mvu. 8Ale temi nme hon-e a-min thyü mvutse tyü shwi mvu; ai hagun temi nme-e no a genyu kenjün thyü mvu nrün genyu ben-e zün-e ale tha thyü kenjün thyü hü. 9Tsüle ale akeche lozü kemvu genyue mvu, ai hagun no siki ajvü hontselo nrün genyu tsinhi nme thyü keshü le. 10Tsüntimvule ale hagun zen kebin ka-e, “Temi lihigüe tha thyü mvu yatselo a-no tha-e tyütsü nyalo,” tse kethyü ajo hoshü le.
11Kechamvule ale nyü kelo le hagun dan nyu temi peha le ntsü nthyüo yhun hünyo, thame thyü mvuo me kemün pen kehü gwünzin letse kethyü shalo. 12Tsügenyu ale temi tsühontse kethyü nyu no jüje tse a-tho gü thyülo, lo a-npvü a-gin chün tyü hülo tse kethyü Npugü Jisu Khrista zan nyu johoshü lo thu keyhun shü bin nyo.
13Ai apvünyu ju, thakegwa thyüo hagun nyun kunla nya. 14Lo temi lihigüe lesü hinyu thu keshü ajo zen hü kemvunyu, hagun temi tsünyu shabin lo; tson-o a-no kejolo nrün genyu hagun a-zen kengü nya. 15Tson ai a-lope nrinyu hontse la nyao, n sikezen nyu hontse a-tsenro lo nye.
Jochü Kehi
16Kebwen Npugü no nyun kebwen khipe gwünkho aphu ka-e lihi nyue hagun tsü kelo gü thyülo. Npugü no hagun zen bin kelo gü thyülo.
17Ale Paul, ale hagun kelushü a npvü aben lope thu shü le nye; hile a lesü aphu nyu ale thu shü letse kethyü tsinshü le; ale hihontse thu shü hünyo.
18N Npugü Jisu Khrista shwikenjün gü no hagun aphu zen bin kelo gü thyülo.
Currently Selected:
2 THESSALONIANYU 3: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
2 THESSALONIANYU 3
3
Agenyu Hi Binlo
1Tsüselo apvünyu ju, Npugü jo gü no hagun dan nyu thyü keshü hontse kenye nmhe gun lo lo zankechwi thyü gun lo nrün genyu. 2Lo temi aphu le tenyen bin kemvu genyu, temi serikemvu lo gwakemvunyu ben nyu ano tinchwilo nrün genyu agenyu hibin lo.
3Ai Npugü we tenyenlo kekü gü, a-le hagun thyü nko shü lo serikemvu gü ben nyu hagun ntsenlo ti. 4Lo ale hagun ka tha zo keshü dan hagun le tsü thyü hünyo, lo thyü bin ti tsekethyü ale Npugü nyu hagun rüchün n gwa bin nyo.
5Npugü no hagun nyun tson tsin pe Sunggigü keso gü lo nyhenhio Khrista keryü khwen bin kelo gü thyülo.
Thatho kegwa Kethyü
6Lo apvünyu ju, ale hagun no hagun pvünyu lihigüe tha thyü kentsü nyu lo hagun le aka senkethyü jo shakelo dan zen hü kemvunyu zen kengü nyalo tseo n Npugü Jisu Khrista zan nyu ale jo hope hagun tsüshü bin nyo. 7Hagun le ale nyu thyü hü yo ahontse thyülo zü tse kethyü hagun npvü sha bin nyo, ale himhundyü hagun dan nyu kebin ka tha thyü ntsüo yhun mvu. 8Ale temi nme hon-e a-min thyü mvutse tyü shwi mvu; ai hagun temi nme-e no a genyu kenjün thyü mvu nrün genyu ben-e zün-e ale tha thyü kenjün thyü hü. 9Tsüle ale akeche lozü kemvu genyue mvu, ai hagun no siki ajvü hontselo nrün genyu tsinhi nme thyü keshü le. 10Tsüntimvule ale hagun zen kebin ka-e, “Temi lihigüe tha thyü mvu yatselo a-no tha-e tyütsü nyalo,” tse kethyü ajo hoshü le.
11Kechamvule ale nyü kelo le hagun dan nyu temi peha le ntsü nthyüo yhun hünyo, thame thyü mvuo me kemün pen kehü gwünzin letse kethyü shalo. 12Tsügenyu ale temi tsühontse kethyü nyu no jüje tse a-tho gü thyülo, lo a-npvü a-gin chün tyü hülo tse kethyü Npugü Jisu Khrista zan nyu johoshü lo thu keyhun shü bin nyo.
13Ai apvünyu ju, thakegwa thyüo hagun nyun kunla nya. 14Lo temi lihigüe lesü hinyu thu keshü ajo zen hü kemvunyu, hagun temi tsünyu shabin lo; tson-o a-no kejolo nrün genyu hagun a-zen kengü nya. 15Tson ai a-lope nrinyu hontse la nyao, n sikezen nyu hontse a-tsenro lo nye.
Jochü Kehi
16Kebwen Npugü no nyun kebwen khipe gwünkho aphu ka-e lihi nyue hagun tsü kelo gü thyülo. Npugü no hagun zen bin kelo gü thyülo.
17Ale Paul, ale hagun kelushü a npvü aben lope thu shü le nye; hile a lesü aphu nyu ale thu shü letse kethyü tsinshü le; ale hihontse thu shü hünyo.
18N Npugü Jisu Khrista shwikenjün gü no hagun aphu zen bin kelo gü thyülo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.